#بنال_ای_دل_بنالم_با_ته_زار_زار #در_فراق_مادر_شهید 🏴😭🏴😭🏴😭🏴😭 بنال ای دل بنالم با ته زار زار از داغ جـان مـار بَیمه عـزادار جان مار چشمه ی زلال اُوعه جـان مـار خنه ی چراغ سوعه از روزی که مـه جان مار بَمرده اَمـه خنـه چـراغ سـو دَمِــرده اون خنه دیگه بِک و بـو ندارنه مار که دَنیّه سِک و سو ندارنه مه جان مارِ مهربون بَمرده شه دل داشته داغ جوون بَمرده مه جان مار بَدیّه داغ جوون بَدیّه شِه پسر ره غرق درخون مِـه مارِ دسّه گل بَهییه پرپر با افتخار شیّه همه دوش سر تابوت پشت سر کرده ونگ وا گته اَمان از دل اُم لیـلا اُم لیلا شه جوون ره نَدیّه علی اکبر ره غرق خون نَدیّه مه جان مار بَدیّه شه جوونه شه جوون رشید و غرق خونّه ناله زوعه شه نورعینِ قروون من شه جان امام حسین قروون من ونه دل پر دردِ بلاره شه جوونّه بَدیّه پاره پاره بشنوسّمه حسین چِش پَلی پسرجان داعه بال بال زوعه علی بشنوسّمه وِنـه قد نَهییه راس حسین ره بَورده تا خیمه عباس بشنوسّمه شه سرره روشته زینب اون لحظه شه خده بکوشته زینب اگه داغ جوون اینجوره «مداح» چـی بَکشـیّه پـس ابـا عبـدالله 🏴😭🏴😭🏴😭🏴😭 #علی_اکبر_اسفندیار_مداح. #کانال_نوحه_یازینب_سلام_الله_علیها

‍ #بنال_ای_دل_بنالم_با_ته_زار_زار #حضرت_زهرا_دلگویه_مازنی 🏴🥀🏴🥀🏴🥀🏴🥀 بنال ای دل بنالم با ته زار زار که بَمرده دیگه مه وَچونِ مار چَنّه سخته وَچونِ مار بَمیره وَچون مار جوونی زار بَمیره فاطمه جان دیگه بَیمه گرفتار نـاهمدم دارمـه نـا یـار وفادار ته تا بَوتی خدا عَجِّل وَفـاتی دیگه زهرا مره از هم بِپاتی ته مه چشِ پَلي بزويي پرپر نَدونّی چه بلایی بمو مه سر گمون نکردمه ای سرو نازم اَتا روز توسّه تابوت بسازم مِره تا یاد اِنه غم بُونِه تازه چه زاری بَشسّمه ته جنازه اينجورى غم بَديين چی ره مونّه چتی آروم هـاکِنم تِـه وَچـونّه؟ نُه سالِ زندگی چه صفا داشته فلک ته داغه مه سینه دکاشته زهـرا تـه غم بَمیرم کـه جوونی بشکسّه كَش و پَلى درى شوني تِه بُوردِن بُوردِن و مِه زار بَزوعن از غـریبی سـر ره دیـوار بَـزوعن همه خواسّـنه مه زار ره بَوینِن مِه روز ومِه شُوی تار ره بَوینِن تِه روضه ره تا هرجا خونّه«مداح» مـن از داغ تـه از دل کَشمه آه 🏴🥀🏴🥀🏴🥀🏴🥀 #علی_اکبراسفندیار_مداح #کانال_نوحه_یازینب_سلام_الله_علیها