‍ #خدا_حافظ_خدا_حافـظ_مدینه #حضرت_ام_البنین_دلگویه_مازنی 🏴😭🏴😭🏴😭🏴😭 خدا حافظ خدا حافـظ مدینه دیگه مه جان بَـرسیّه بـه سینه خدا حافظ بقیع ته خاک قروون دیگه دره شونه ته مرثیه خون غم و غصه و داغ خـدا نگـهدار دلتنگی و فـراق خدا نگهدار مه آسمون دیگه قمر ندارنه هیچکه مه دله جا خبر ندارنه هرچی گل داشتمه ره غم بَچییه خروار خروار غصه مه دل دَچییه اَتا روز داشتمه حسن و حسین زینب و کلثوم بینه مه نور عین وشونّـه کِردمه یتیم نـوازی الهی مه جا زهرا باشه راضی ای کاش که مه پَلی دَهیبو عباس اینجوری نکنم غریبی احساس چه روزگاری داشتمه مدینه زهرای وَچون مه دلخشی بِینه مه وِسّـه تا بَشیر بیارده خبر از عبدالله و از عثمان وجعفر اگر چه بَسوته مه باغ احساس اگر چه که بدیمه داغ عباس اَتا خبر جا مه دل سروشته مره داغ حسین اون روز بکوشته حسین غصه مره پیر هاکرده ونه غم مره زمینگیر هاکـرده مره این غصه خله دِنه آزار زهرا بی مزار و من دارمه مزار برو «مداح» بنالیم یا اباالفضل شریک غم بَهووم با اباالفضل 🏴😭🏴😭🏴😭🏴😭 #علی_اکبراسفندیار_مداح #کانال_نوحه_یازینب_سلام_الله_علیها