220515_005.MP3
زمان:
حجم:
7.36M
◼️مرثیه بختیاری امام هادی(ع)◼️
#دُندال
#شاعر_خانم_علیمحمدی📝
#اجرا_استاد_پیام_پرویزی🎤
#مداحِ_بختیاری🎹👌👍
آسمون اَورِ گِره بارون ماتم
هم زنو تازه وابی داغ محرم
آسمون اَورِ تیام وا تو اِباره
واویلام دی سامراء هادی نداره
عباسی دینُم به نات آقامه کُشتی
غم نهادی به دلُم شودی نهشتی
رَهدُمه به سامراء گُل دسته دسته
ایزنن به حَرَمِس وا حالِ خسته
کافر بی دین مَکُش آقام وایه داره
آرمون داره بوینه حسنه دُواره
بزنین نی به غمون داغی مِنه دل
کشتنه آقام هادی به زهرِ هِلاهِل
عسکری سیاه بپوش سرت سلامت
زِ همه اهلِ عزا بکن شفاعت
بِروین خَوَر کنین همه قوم و خیش
عزاداره سینه زن بیاهه وا پیش
#کانال_نوحه_یازینب_سلام_الله_علیها
(هستی)زِغمِس بزن خط منه دفتر
تا بخونه(پرویزی)سی کُرِ حیدر
220525_013.MP3
زمان:
حجم:
7.27M
مرثیه بختیاری حضرت زینب(س)
#دُندال
#شاعر_خانم_علیمحمدی📝
#اجرا_استاد_پیام_پرویزی🎤
#مداحِ_بختیاری🎹👌👍
کی رِوه خَوَر کُنه مردمِ شامه
زِ داغِ بیوی زینب نیبینُم نُهامه
خَوَر مرگِ تونه کی برسونه
خوش صدا آقا پیام دُندال بخونه
بیارین بالا سرس یه دم طبیبی
جون نهابیوی زینب ای دایه به غریبی
با وفا و غیرتی زینبِ دلسوز
زِ غمِ مرگس بنالُم مو شَو و روز
بزنین نی به غمون سی شیش بِرارِس
فاطمه بیو بِوین تو حالِ زارس
همتون گَپ تا کُچیر زنین به سینه
سی عزیز فاطمه دل به غمینه
زینبِ غم پروری غم به لَوونِت
داغ سَرِ داغت اُوی تش وَست بِجونت
روزگار چَندی به زینب غصه داده
چی حسین به زیرِ اَفتَو جون نهاده
درد زینب بخدا یکی دوتا نی
بخت زینب زِ اول هَمَس به خَو بی
ای(هستی)امشو بزن خط مِنه دفتر
(پرویزی)بخون تو سی دُهدَرِ حیدر
#کانال_نوحه_یازینب_سلام_الله_علیها
مطالب مداحی باسبکِ استاد پرویزی