⚘گمنام⚘: اسفندیار: #من_شه_سردار_سلیمانی_قرون #سالگرد_سردار_سلیمانی_جان_فدا #شهید_شهادت_دلگویه_مازنی 🥀🇮🇷🥀🇮🇷🥀🇮🇷🥀🇮🇷 من شه«سردار سلیمانیِ»قرون جــانِ بِــرار «سلیـمانیِ» قـرون جانِ بـرار مِه دل تِـوسّـه تنگـه کهـو نیـل مثـل آسمـونِ رنگـه تِره «مسلمِ» کار بَکِته سردار دَسِ یزیدی یون بَعی گرفتار تــره «ابـن زیــادِ» ایـن زمـونه از ضـرب کینه بَهیته نشونه دِواره از سـوی «دارالامــاره» تـنِ سرداری بَیّـه پاره پاره خـبر بمـو بـه «حسـینِ»زمـونه تِه«سردار سلیمانی» ره بَزونه اَمه «جان آقای» دل بَسـوته مه جان وِنِه فدای دل بَسوته بَدیمی آقا با بُغض بِرمه کِرده وِنــه چـراغ دلخـشی دَمـرده هرکسی کربلا مهمـونی شونه خدای پیش بی سر وخونی شونه غـریب جـا بَعـی مهمـون قـرون بَسوتِـه تـن و غـرق خـون قرون تِـه چِشِ قرون عین دِتـا الماس تِه دَس بَهییه جدامثل«عباس» اگرچه بَعی مهمون شهیدون یتـیم بَیـنه یتیـمون شهیدون مه دل مثل تِه سینه تَش وِشنه ته داغ آخر مره «سردار» کِشنه تِه بُوردن بُوردن وچِش مَشت وارش اَنّـه بِــوارسّه کــور بَیّـه مِه چِـش تِه بُوردن اَمه دِلّه داغ بَزوعه باد خَزون به لاله باغ بَزوعه اگه بَسوته تِه تن «حاج قاسم» بِمو آخر به وطن «حاج قاسم» اگـر چـه پاره پاره بَیّـه تِه تن تِـه تَـنِ پـاره آخــر بَیّـه کـفن تـره هـاکـردنـه تشـییع جنازه تِـه تـن نَشـیّه زیـر نَعـل تـازه تِـه وَچـون نَـخِردنـه تـازیـانـه از ترس و تِشنایی که نَمردنه ته خواخر ره نَوِردنه اسیری وِره آزار نِــدانـه سـرِ پیـری ته انگشتر ره ساربون نَوِرده تِه سر ره که خولیِ دون نَوِرده اَمـان از غـریبـیِ امـام حسـین وِنِـه غـم نصیبیِ امام حسین وِنـه مـار نـاله زوعـه دور گودال وِنـه خواخرهمونجه بورده ازحال فــاطـمه نــالـه زوعه یــا بُنَـیَّــه عــاقبــت نَخِــردی اُو یــا بُنَـیّــه تِــره بَکـوشتِنه تــِه مــار بَمـیره تِــره بَــروشتنه تِــه مــار بَمــیره الهـی بَهـووه «مداح» تِـه قـرون تِه قتلگاه بَهییه چشمه ی خون 🥀🇮🇷🥀🇮🇷🥀🇮🇷🥀🇮🇷 شعر:علی اکبراسفندیار«مداح» لینک کانال اشعارآیینی درتلگرام، سروش و ایتا 👇👇 @aliakbar_esfandiar_madah

#شهید_شهادت_شهید_شیرودی #شهید_شهادت_دلگویه_مازنی 🍃🍃🌷🍃🍃 نِیِستُون در نِیِستُون ناله دارمه شه دل داغ هزاران لاله دارمه دواره بَیــمه دلتـنگ شهــیدون یـاد شهیدونه مـه دردِ درمـون خوامه که بَگِردم سنگر به سنگر اونجه که شهیدون بَهینه پرپر یادش بخیر کـربلای شهیدون «بازی دراز» و «جزیره ی مجنون» یادش بخیر«شلمچه»,«فاو»و اروند چه قشنگ بِیّـه شهیدون لبخند کِنِسّه بَهووم شه دلِ درده قصه ی دلتنگیِ اَتـــا مَرده همون مردی که اهل آسمونه مــدال افتخـار مــازرونـه «اکبرِشیرودی» اون مرد عاشق که در «بازی دراز» بَیّه شقایق «شیرودی» شهید راه ولایت در آغوش بَهیته وِره شهادت 🍃🍃🌷🍃🍃 تـا از «بازی دراز» پرواز هاکردی مـازندرونه سرفـراز هاکـردی تِه ره آسمون بــالا بَــزونـه بمیرم ته ره بی هوا بَزونه از اون روزی که ته بعی خدایی بنـالِسّمه از درد جـدایی تِه غیرت بَمونِسّـه یـادگاری تـا قـیامت تِـه اَمـه افتخاری تِه عکسه بَزومه شِه قابِ سینه اکبرجان ته وِسّه بی تابِ سینه خدا دونّه که مه دل تِسّه تنگه شب و روز اکبر،اکبر دلِ وَنگه بهار که بی تِه بِک و بو ندارنه مه اَبر چِش که دیگه او ندارنه به حقِ زینب وحسین بی سر همنشین بَوّیی با علیِّ اکبر به حقِ فاطمه عنایت هاکن قیامت«مداح»ره شفاعت هاکن 🍃🍃🌷🍃🍃 #علی_اکبر_اسفندیار_مداح اجرا: مداح اهل‌بیت علیهم‌السلام #حاج_محمدرضا_نیکخواه 🎤 🍃🍃🌷🍃🍃 #کانال_نوحه_یازینب_سلام_الله_علیها #هدیه_محضر_امام_زمان_عج_صلوات حذف نام کانال ممنوع⛔️

‍ #خبر_هدانه_شهید_بیاردنه #شهید_گمنام #شهید_شهادت_دلگویه_مازنی 🇮🇷🥀🇮🇷🥀🇮🇷🥀🇮🇷🥀 خبـر هـدانه شهید بیاردنه مار ته بلاره مـه دلِ وِسّه امید بیاردنه مار ته بلاره بشنوسّمه مـه مسـافر در اِنـه مـه خـوارِ سفـری پسـر در اِنـه پسر خِش بمویی مه دلِ گوشه مه باغِ گل و مه عطر وَنـوشه چندساله که مه چش تِسّه درراهه مه اِسپِه مِی و اَبر چش گواهه سال دوازده ماه انتظار کشیمه روز و شو ته بُورده راه ره اِشیمه شهیـد گمـنام اَمـه افتـخاری مثـل حضـرت زهـرا بـی مـزاری چتی بِیّـه ته مار و خواخر داری تـه قبـر سـر هـاکنن بِـرمه زاری ته غریبی یِسّه چش وارنه وارش من بجای تـه مـار دِمه نواجش خدا دونّه ته مارِ دل چه زاره کجه وِه تِوسّـه چشم انتظاره؟ کجه ته پِر و خواخر و برارون ازچشم انتظاری هَسّنه دلخون؟ شِمه غریبی چَنّـه هَسه جانکاه الهـی شِمه قـروون بَـوّه «مداح» 🇮🇷🥀🇮🇷🥀🇮🇷🥀🇮🇷🥀 #کانال_نوحه_یازینب_سلام_الله_علیها

#شهید_گمنام #شهید_شهادت_دلگویه_مازنی خبر هدانه شهید بیاردنه #کانال_نوحه_یازینب_سلام_الله_علیها