220525_016.MP3
زمان:
حجم:
4.9M
نوحۂ بختیاری حضرت زینب(س)
#نوحه_بختیاری
#شاعر_خانم_علیمحمدی📝
#اجرا_استاد_پیام_پرویزی🎤
#مداحِ_بختیاری🎹👌👍
عزا عزا بیوی زینب واویلا دِرارین،شیون ورارین(2)
وُ رَهدُمه به شهر شام،ایکنن زمینه
وُ اِوَنن مِنه زمین،جسمِ نازنینه
عزا عزا بیوی زینب واویلا دِرارین،شیون ورارین(2)
وُ شهرِ شامِ غم گِره،یه عزای سنگین
وُجون نهابیوی زینب،همه حالِ غمگین
عزا عزا بیوی زینب واویلا دِرارین،شیون ورارین(2)
وُ چندی تو غصه خوری،زِ غمِ برارِت
وُ دی مَکَش تو انتظار،نیا وا دیارت
عزا عزا بیوی زینب واویلا دِرارین،شیون ورارین(2)
وُ عبدالله بیو وا سرُم،بیو وا دیارُم
وُ زینبه حلال بکن،اِخوم جون سپارُم
عزا عزا بیوی زینب واویلا دِرارین،شیون ورارین(2)
وُ دو ساله شیر جاهلُم،به زیرِ زمینه
خَوَرنداره کَس زِمو،که دلوم به خینه
عزا عزا بیوی زینب واویلا دِرارین،شیون ورارین(2)
وُ ای حسین دو ساله که،رَهِته مو پاهُم
وُ دیدُمت به مِنه خَو،گُدی دی نیاهُم
عزا عزا بیوی زینب واویلا دِرارین،شیون ورارین(2)
وُ مو درختِ غم پَرُم،پَر کَدُم نَمنده
وُ داغی وَست سرِ دلوم،دلوم دردِمنده
عزا عزا بیوی زینب واویلا دِرارین،شیون ورارین(2)
وُ آسمونِ مو دیه،نداره ستاره
وُ گِریوُم سی بختِ خُم،چی اَوره بهاره
عزا عزا بیوی زینب واویلا دِرارین،شیون ورارین(2)
وُ(هستی)تو خَوَر داری،دلِ مو غمونه
وُ(پرویزی)مداحِ خو،تکه به زمونه
عزا عزا بیوی زینب واویلا. #کانال_نوحه_یازینب_سلام_الله_علیها
زمان:
حجم:
782.4K
نوحۂ بختیاری حضرت علی(ع)
#نوحه_بختیاری
#شاعر_و_مداح_خ_علیمحمدی📝
#اجرای_سبک_استاد_پرویزی🎤
#مداح_بختیاری🎹👌👍
چِکُنُم زِ داغ و درد
یاعلی مولا مدد(2)
سَرِصُحو اخبار اُوی کُشتنه علینه
سی علی شیرِ خدا دلِ مو به خینه
چِکُنُم زِ داغ و درد
یاعلی مولا مدد(2)
مسجد کوفه اُوی دَمِ صُحو به جنبش
دنیا بی مولا علی دی نداره ارزش
چِکُنُم زِ داغ و درد
یاعلی مولا مدد(2)
بِروین خَوَر بدین حَسنین بیاهِن
سی زخم سَرِ علی مرهمی بیارن
چِکُنُم زِ داغ و درد
یاعلی مولا مدد(2)
نرمه نرمه ایکَنن گمونُم مزاری
تابوت شاه نجف ویده وا دیاری
چِکُنُم زِ داغ و درد
یاعلی مولا مدد(2)
حونۂ مولا علی گَردِ غم اِباره
بمیرُم سی زینبس که بِوو نداره
چِکُنُم زِ داغ و درد
یاعلی مولا مدد(2)
دفتر غمه گُشُم سی علی بخونُم
زِ غمس شعله کشی تش نُها بجونُم
چِکُنم زِ داغ و درد
یاعلی مولا مدد(2)
روزگار تَش بِگری زِ دلُم چه خواستی
مَر زِ ایی دردِ دلُم تو خَوَر نداشتی
چِکُنُم زِ داغ و درد
یاعلی مولا مدد(2)
دی نیا شیرِ خدا نشینه به منبر
مسجدومحراب بزن سی علی تو واسر
چِکُنُم زِ داغ و درد
یاعلی مولا مدد(2)
ذوالفقار حیدری دی صحاب نداری
بعد مرتضی علی مَندی یادگاری
چِکُنُم زِ داغ و درد
یاعلی مولا مدد(2)
(هستی) با غمِ علی تو چِطو بناری
(پرویزی)دُندال بخون رسمِ بختیاری
چِکُنُم زِ داغ و درد
یاعلی مولا مدد(2)
•┈┈••✾•✾•✾••┈┈
#کانال_نوحه_یازینب_سلام_الله_علیها
#هدیه_محضر_امام_زمان_عج_صلوات