🎙#آلبوم_مع_الحسين
3️⃣ محروم📃
كل الخلايق وصّلت كربله
وظليت أنه المحروم عن تربة المظلوم
▪️▪️▪️
يا سيد البريه ضريحك مرادي
أوصل واهل دموعي وتضمه الأيادي
واقدم التحيه يساكن فؤادي
واحني إلك ضلوعي يروحي ويزادي
زحفت ملايينك يخير المله
وظليت أنه المحروم عن تربة المظلوم
▫️▫️▫️
ليش آنه عن حبيبي وأعتابه محروم
وانه الحملته ابصدري وعيش حزنه كل يوم
أذكره ابكل مسيه ونادي يا قيّوم
وفقني للزياره وجمر قلبي مضروم
يربي لا تحرمني من كربله
وظليت أنه المحروم عن تربة المظلوم
▪️▪️▪️
بكل سجده يا إمامي أعفّر جبيني
بتربتك وقبّل جروحي وحنيني
وسافر ابهمومي وخلي سنيني
مرمي على الوطيه تشوفك عيوني
أقبل التربه ودمع أهمله
وظليت أنه المحروم عن تربة المظلوم
يا غافر الخطايه ويا ساتر عيوبي
لو عن قبر إمامي منعتني ذنوبي
إغفر لي يا إلهي وبارك دروبي
ُقر سيدي عيوني بزيارة حبيبي
غيرك ياربي منهو أتوسله
وظليت أنه المحروم عن تربة المظلوم
▫️▫️▫️
يبوعلي نشدتك يصومي وصلاتي
بس هالطلب أريده يصير إبحياتي
أوصّل المشاهد مشاهد هداتي
من قبل ما أسافر ابرحلة مماتي
إبجاه الحزينه هالطلب تقبله
وظليت أنه المحروم عن تربة المظلوم
▪️▪️▪️
أكتبني يا إلهي أزور الميامين
أبو الفضل أزوره وزور قبر الحسين
للّي فقد جفوفه ونشر راية الدين
وإلّي فقد عياله ورخص دمه والعين
ويمته اسمي بدفتره اتسجله
وظليت أنه المحروم عن تربة المظلوم
___________
#الحسین_یجمعنا
@emame3vom
33-4.mp3
9M
▪️ محروم
#آلبوم_مع_الحسين
#لطمیات
________________
#الحسین_یجمعنا
@emame3vom