آرزوی کربلا کربلا هجرینده مدتدور کی بیمار اولموشام گوشه ی ششگوشه عشقینده گرفتار اولموشام سؤیمدیم دار فنانون نه سویون نه تپراقین حقلیم چون ریزه خوار سفره ی یار اولموشام پر وروب یاندیقجا عشقه ، سسلرم جانم حسین من همان پروانیم که عاشق نار اولموشام من أو منصورم فقط حقّی حسینده گورموشم نینوا حلّاجیم خنیاگرِ دار اولموشام کلّ عالمده فقط بیر شهر عشقیم وار منیم ساتمارام سگّیز بهشته رندِ بازار اولموشام شهر عشقیم کربلادور شهریاریمده حسین آشنای عطر و بوی زلف دلدار اولموشام یدی یول یاریم دوشن یرده سورونسم عشقیله هفت شهری ختم ائدوب استاد عطّار اولموشام ردّ پای ساقیدن تاپدیم درِ میخانه نی خواب غفلتدن قوتاردیم بختی بیدار اولموشام گورموشم آئینه ی ساغرده حُسنِ دلبری نوش ائدوب تربت شرابین مستِ دیدار اولموشام ورمشام بوسه نگارون عکسینه پیمانه ده بو سبب دندی حرمده مرغ دیوار اولموشام دستماز آلدیم میِ جامِ حسیندن عاقبت پر آچیب گوردوم ضریح عشقه زوار اولموشام... #آرزوی_کربلا #بهروز @gholch 🌹