سنین ای نازنین ماه جمالین عالم آرادیر #پیامبراسلام 🌾💫💐🌾💫💐🌾💫💐 #در مدح حضرت محمد مصطفی صلوات الله علیه . علی شهودی . سنین ای نازنین ماه جمالین عالم آرادیر گونش محراب ابرویندا سرگرم تجلادیر . وجودونده اولوبدور جمع اعجاز پیمبرلر الین همچون ید بیضادمین همچون مسیحادیر . نه مردم لر سنین دام نگاهیندا اسیر اولموش نه گوزلر صفحه ی حسنونده مبهوت تماشادیر . مگر دامان حوراده تاپیبسان پرورش جانا قاپین قوللوقچیسی لیلی چکن نازین زلیخادیر . وجودون جوهرینده یوخ سنین بیرنقطه تک نقصان سنین دامان پاکین هر مرکبدن مبرادیر . بئله حسنیله وجهیندن سنین کیم بی نصیب اولسا باخیب اخذائتمسه توشه یقین بیل چشمی اعمادیر . مجعد تئللرین نوحی چکندیر ساحل امنه طریق عشقینی دائم ائدن طی خضر و موسادیر . شب معراج ده جانا سواراول”رفرف” نوره قدومون حسرتین گل کی چکن عرش معلادیر . اولوب مین یوسف کنعان زنخدانیندا زندانی ز بس مصر ملاحتده وجودون فرد و یکتادیر . کلیم الله تک دائم یانار جان نارهجرینده تجلی ائت کی عشاقه جمالین طور سینادیر . کلامون شهددن شیرین سکوتون نطقدن گویا مقامین عرشدن برتر جلالین جل و اعلادیر . بو حسن خلقیلن خالق سنی خلقه ائدیب سرور سحر تک طالع سعدین جبینیندن هویدادیر . ائدنمز قطره لر توصیف اودریای سجایانی سنی توصیف ائدن کلک خداوند تعالادیر . شهودی شاعر درگاهه لطف ائت کامران اولسون کی دائم قلبی شوق وصلیلن غرق تمنادیر 🌾💫💐🌾💫💐🌾💫💐 @golchinmolodiarosimazhabi

عقلیم سنه واله دی شعوریم سنه حیران #پیامبراسلام 🌷🌿🌹🍃🌷🌿🌹🍃🌷🌿 #در مدح پیامبر اسلام صل الله علیه وآله وسلم هدایت تبریزی . عقلیم سنه واله دی شعوریم سنه حیران کیمسن سن ایا ختم رسل سرور خوبان . شانینده جلالینده دوشوب بهته خیالیم ای سرور عالم سر و سامانوه قربان . صلواه”وه مشغول دی پیوسته ملائک صلواه”وی پیوسته دئیر خالق سبحان . کیمسن ، بو جلالت سنه حق دن یتشوبدور سرورلیقا شایسته اولان گوهر تابان . افلاکی سنین خاطروه خلق ایدیب الله لولاکَ ده یوخ شبهه و شکّ ای شه شاهان . عرفان و ادب درسینی سن عالمه وئردین سنله چاتوب انسان شرفه ، اشرف انسان . موسی ید بیضا و عصاسیله ائدر فخر کسب ایلیه رتبه اولا درگاهوه دربان . لعل لب وین حسرتی دور دیدۀ عالم ائدسین حرکت پخش ایله سین لوءلوء و مرجان . سیرت ده صلابت ده نقاوت ده ادب ده انسانه سرآمد ملکه افضل و باش سان . اللهَ شهادت نجه لازم دی ، سنین ده لازم دی رسالت ده شهادت اولا عنوان . الله سنیله بنده سینه ایلوری منّت ای نعمت مافوق نعم هدیۀ یزدان . شخصیّت وین درکینه عاجزدی خلایق سن ماخلقین تاجی سن ای ناطق قرآن . عبدیّت وین ذکرینی واجب ائدیب الله ای افسر شایسته و سرخیل رسولان . حسرتدی ملائک ائده بوسه قدمین دن ای حشمت نین حسرتی حشمت ده سلیمان . ای حسنونه مرهون کرم و جود و سخاوت وی وحدتی شرکین مرض و دردینه درمان . رحمت سنه ، رحمت سن هامی عالم عشقه هم راه سعادت سن همی شافع عصیان . احسن سنه کی خُلقوی تعریف ائدیب الله ای خُلقی عظیم عزّتی شخصیّتی شایان . حاشا کی گوره مثل وی بو دیدۀ عالم حاشا کی اولا سن کیمی بیر صاحب احسان . جنّت سنه حسرت دی قیامت سنی گوزلور ای سرور کونین شرف روضۀ رضوان . ای سایه سی طوبایه سالان سایۀ رحمت وی قامت طوباسی ائدن دهری خرامان . خیرالبشرا دهره سالیب غلغله خیرین سرمایۀ خلقت سن ایا ساقی عرفان . قاشون ائلیوب شق قمر آی پارالان دی ای صاحب اعجاز و قدر قدرت و سلطان . هر لحظۀ عمرون ائله معراج ده گچدی ای مظهر حق چخمادی حق لحظه یادندان . هر لحظه و هر آنوه احسن گل خلقت خلقت سنه مدیون دی ای مهتر و جانان . لحم و بشر و شعر و دم و قلب و عظامون ایمانه عجین اولموش ایا اسوۀ ایمان . ای محور حق ، کلمه لری حقّه دلالت حق محکمه سنده ائلین عدلیله دیوان . عصمت ده لیاقت ده صداقت ده شرف ده خلق ایله میوب مثل وی حق خالق رحمان . ایفای امانت ده صداقت ده باش اولدون روشن ائله دین عالمی ای مهر فروزان . ای چشمۀ لعلندن آخان حق کلماتی ای حبّی جنان ، بغضی جهیم ، آتش سوزان . سیرت ده نجابت ده وجاهت ده کرم ده حاشا اولا خلقت ده سنه سابق و رجحان . گوی لرده امامت ائله دین اهل سمایه ای عبد مؤیّد سبب منّت منّان . هیهات اولا همپایه سنه عرش ده جبریل سبقت ائله دین فوج ملک دن لبی خندان . یازسین نه مدیحه سنه مولا بو ( هدایت) قرآن دا سنی مدح ائلیوب خالق حنّان 🍃🌷🌿🌹🍃🌷🌿🌹🍃 @golchinmolodiarosimazhabi