میلادیه حضرت امام زمان عَجّلََ اللهُ تعالی فَرَجَهُ الشَّریف #گریز به قتلگاه و آرزوی کربلاو حضرت ابوالفضل علیه السلام ✨✨🌼🍃🌼🍃🌼🍃 #🔰سبک گلدی-شبیه-طاها-شاداولدی-کل-دنیا . متقی تبریزی . گلدی شبیه طاها شاداولدی کل دنیا جنتده شاد اولوبدی سینه یارالی زهرا مژده ای دل_گلدی مهدی_شاداولوبدور اهل جنت بوسببدن مصطفایه_اوخشیوربو_هم قاشیندان هم گوزوندن هم ادبدن گویده حیران_ماه تابان_مه جماله_شیعه قربان مه جماله شیعه قربان هارداسان ای ملجأالناس یابن الزهرا یابن الزهرا یابن الزهرا گلشن عدله گل یاس یابن الزهرا یابن الزهرا یابن الزهرا . سن گوزللردن گوزل سن یابن الزهرا ... شأنیده سن بی بدل سن یابن الزهرا ... . . . . زیبا جماله قربان گلدی نگار جانان اولدی بونورزهرادنیاده شأنی شایان باغ زهراده آچوب گل_ مقدمیندن گل یاغور سوسنله سنبل نغمه خواندی_شادوخوشحال_باغ زهراده اوخورشوریده بلبل غنچه لبلر_شادوخرم_دئلده دائم_آدی ازبر دئلده دائم آدی ازبر هارداسان گل_جان زهرا_یا ...

عجزیله آسمان سنه تعظیم ائدر خانیم 🌱🌺💫🌱🌺💫🌱🌺💫 #در مناقب و مرثیه حضرت معصومه سلام الله علیها 🌱🌺💫🌱🌺💫🌱🌺💫 #علیرضا حضرتی (ناعمی) . عجزیله آسمان سنه تعظیم ائدر خانیم عشقیله قدسیان سنه تعظیم ائدر خانیم . حسرت چکر زیارتیوه ساکنان عرش ال سینه ده جهان سنه تعظیم ائدر خانیم . صبحون زمانی، عصر چاقی، موقع غروب هر بیر زمان، زمان سنه تعظیم ائدر خانیم . عصمت اؤپر قدملریوی، اللریوی عشق ایثار، بی گمان سنه تعظیم ائدر خانیم . ایوان آینه قاباقیندا اگوب باشین جسمیمده کی بو جان سنه تعظیم ائدر خانیم . ای پادشاه طوسه اولان مهربان باجی شاهان جانفشان سنه تعظیم ائدر خانیم . توصیف ائدنده شأنیوی سلطان دین، رضا هر صاحبْ عزّ و شان سنه تعظیم ائدر خانیم . . ای مریم مطهر اولاد مصطفی فخر ائیلیر اگر سنه مریم کنیز اولا . . حیران قویوبدی عالمی شأن و جلالتون شاد ایلر اهل عالمی هر گون عنایتون . باب الحوائجین قیزی، روح کریمه سن مهمان ائدر عوالمی خان کرامتون . ترک ایلینده درگهیوی بیله سس گلر سائل مگر اورکده گئنه واردی حاجتون؟ . ای قم دیارینه گتیرن مرعشی لری زهرایه آی خانیم نقدر وار شباهتون؟ . ایوانْ طلاده فوج ملک سس سسه قوشار یافاطمه دئللر اورکده ارادتون . فیضیه اهلی سندن آلار فیض بی کران شاملدی مین بشارته هر بیر اشارتون . تضمین ائدیب بو مطلبی اوچ حجّت خدا جنّت جوازیدور بو جهاندا زیارتون . . صحن حرمده غرق عنایتدی زائرون ساکندی باغ عدنیده عارف مجاورون . . عشق اهلی مهر و رأفته دارا یازار سنی آل علی ده بانوی علیا یازار سنی . طوف ایلییر ضریحیوی هر قطرۀ نحیف صحرای عشقه موجیلی دریا یازار سنی . وقف ایلیر قاپوندا سنون عمرونی چوخی لوح دله ملیکة عقبا یازار سنی . پیغمبره تأسّی ائدر مهربان آتان یعنی ابوها بفداها یازار سنی . تاریخی آختاریب ولی تاپماز مثالیوی اهل قلم جهانیده یکتا یازار سنی . تحقیق ائدنده صبریوی، ایثار و عشقوی دیوان غمده زینب کبرا یازار سنی . علّامه لر مقامیوه حیران قالوبدیلار ختم کلام، هامّیسی زهرا یازار سنی . . جانلار فدا جلالیوه یا زینب الرضا حیراندی دل کمالیوه یا زینب الرضا . . ترک ایلدی مدینه نی سودای طوسیلن قلبی وصاله تا یئته شمس الشموسیلن . چؤلدن چؤله دوشوب، جانا آلدی بلالری بیر عده پرمصیبت و غمگین نفوسیلن . طیّ ایلدی مسیرلری کاروان عشق توش اولدی ساوه ده او گروه عبوسیلن . قوم و قبیله سین قانا غرق ائتدی اشقیا آیا نه ایلمیشدی او قوم مجوسیلن؟ . غملر یوروبدی قلبینی، قان اولدی گؤزیاشی گلدی قما، اورکده کی آه و فُسوسیلن . قم اهلی الحق ائتدیلر ابراز شور و عشق گؤستردیلر ارادت کامل خلوصیلن . بونلار بیلیردی کیمدی بو دردانة نبی شأنین امام توصیه ائتمیش خصوصیلن . سس دوشدی قم دیارینه بیر کاروان گلور اول کارواندا سویملی بیر میهمان گلور . #گریز . اون یئدّی گون بو شهریده مهمانیدی خانیم هر گون اسیر محنت هجرانیدی خانیم . هر لحظه حسرتیله دئیردی رضا رضا ابر بهار تک ائله گریانیدی خانیم . هرگون سولوردی صورت زیباسی گول کیمین قارداش غمینده بس که پریشانیدی خانیم . آغلار گؤزون تیکردی یولا، دلده مین نوا اللر اورک باشیندا، نواخوانیدی خانیم . بیمار هجر حیف اولا جان وئردی بی طبیب جان اوسته ده خیالی خراسانیدی خانیم . جان وئردی غربت اؤلکه ده قارداش دئیه دئیه قارداشینون مرامینه قربانیدی خانیم . قم اهلینون قوناقی جوان ئولدی الغرض گول تک آز عمری اولدی، پریشانیدی خانیم

#مدح و میلادیه حضرت زینب علیها سلام #گریز به #قتلگاه #هدایتی تبریزی . 🌻✨🍃🌻✨🍃🌻✨🍃 گوز آچاندا عالمه اولدی سعادت زینبه بیت زهراده یتوب فیض ولادت زینبه . . دامن زهراده درس عشق و ایثار ئورگنوب خط و مشی و سیرۀ زیبای ابرار ئورگنوب خوش تفکّر، عالی گفتار، عالی رفتار ئورگنوب بخشش و بذل و کرامت اولدی عادت زینبه . . محضر زهرادن آلدی دین و قرآن درسنی حکمتین درسین، تولّا درسین، عرفان درسنی تزکیه درسین، طهارت درسین، ایمان درسنی ئورگدوب زهراسی ایثار و رشادت زینبه . . زهد و تقوا درسنی زهرادن آلدی روز و شب خلق و خوی فاطمی کسب ایتدی اول والا نسب علم و حلم و منطق و گفتار و کردار و ادب فاطمیّت مظهری یتمش نهایت زینبه . . محضر صدّیقه ده درس صداقت ئورگنوب دارالایمنده گوروب حفظ امانت، ئورگنوب راه و رسم و منطق دین و شریعت ئورگنوب هر عملدن خوش اولوب ذکر و عبادت زینبه . . هوش سرشاری اونی عمرونده هشیار ایلدی فقه و علم و بینشی دینه طرفدار ایلدی خواب غفلتده یاتان اشخاصی بیدار ایلدی علم و دین تبلیغی تاپدی اولویّت زینبه . . ئورگنوب هر آیه نین تأویلینی، تفسیرینی بولدی بیر بیر حکمت تهلیلینی، تکبیرینی توکدی هر امرین یرنده چاره و تدبیرینی احسن احسن سویلدی پیر طریقت زینبه . . دامن صدّیقه دن سیر و سلوکین باشلادی معرفت اللهیدن توحید درسین باشلادی بنده لیق عشقیله تحمید و ثناسین باشلادی مرحبا احسن دیدی شاه ولایت زینبه . . بیر به بیر فتح ایلدی علم و دیانت قلّه سین آیه آیه ایلدی تفسیر قرآن مبین حفظ ایدوب هر ناروادن گوزلرین، گوش و دلین چشمه تک قلبنده جاری اولدی حکمت زینبه . . خلقتی خوش، طینتی خوش، نیّتی خوش، فکری خوش قامتی خوش، صورتی خوش، عفّتی خوش، ذکری خوش همّتی خوش، دقّتی خوش، حرمتی خوش، شکری خوش اهل عرفان و ادب ایلر ارادت زینبه . . رگلرینده سیر ایدن قان استقامتلن عجین تار و پود پیکری حبّ ولایتلن عجین بنب بند اعضاسی ایثار و شجاعتلن عجین مو به مو ارث پدر دور حیدریّت زینبه . . قلبی مالامال اولان شور و نوای عشقدن خسته و زار اولمویان درد و بلای عشقدن دردینه درمان ایدن نسخه دوای عشقدن زحمتی، عشق ایلدی کامنده لذّت زینبه . . تابع دین، عالمه، باش اگمین زور و زره ایلین حمد و ثنا هر حالدا حیّ داوره فعل و رفتاری مطابق شاه مردان حیدره حیدریّت بذل اولوب حیدر شباهت زینبه . . خدعه و ریب و ریا و کذب و بهتاندان اوزاق پستی و زشتی، پلیدی، عیب و نقصاندان اوزاق نخوت و ظلم و جفا و کبر و طغیاندان اوزاق ثبت اولوب رجس و پلیدیدن برائت زینبه . . حق کلامین ایلین حق گو لبنده زمزمه درس عفّت ئورگدن مام و زنان عالمه قامتین گوسترمین بیگانیه ، نامحرمه طرح اولوب تقوی لباسی سرو قامت زینبه . . کامله، آگاه، عقیله، علم و حکمت صاحبی مکنت و وقر و جلال و فرّ و عزّت صاحبی عفّت و شرم و حیا و حجب و عصمت صاحبی هر فضیلت وار یتوب صاحب فضیلت زینبه . . با شجاعت، با شهامت، با رشادت، بامرام باصلابت، با دیانت، با سخاوت، ذوالکرام با نجابت، با اصالت، با نقاوت، با حشام وصف نامه کیمدی یازسین بو #هدایت زینبه . . مطلبی جمع ایلورم تا شعریمه طول اولماسین قلبمین عرض ایلورم بوردا بو جمعه احساسین هیچ جلالت صاحبین گوزدن زمانه سالماسین هامّیدان چوخ روزگار ایتدی اذیّت زینبه 🌻🍃✨🌻🍃✨🌻🍃✨ @golchinmolodiarosimazhabi

‍ میلاد حضرت علی اکبر (ع) #گریز به شجاعت آچ دل گوزیوی بیر دلبره باخ گلدنده گوزل مه منظره باخ طاهایه خدا جنتده دئدی بیر گوز دولوسی گل اکبره باخ اکبر ، آدیدور منبع جود و برکات اکبر ، لبلریدور چشمه آب حیات اکبر ، نورِ جمالینه گوندر صلوات یاعلی اکبر یاعلی اکبر مولا ائوینون اکبر گوزودی بالداندا شیرین ، زیبا سوزودی هر کیمسه گوروب سویلردی عجب عیناً دیسون طاها اوزودی اکبر ،یوزونی تا آی گوروب حیران قالوب اکبر ، مین زلیخادن باخیشی جان آلوب اکبر ، یوسفین بازارینی گوزدن سالوب یاعلی اکبر یاعلی اکبر دل شایق اولوب دلبر یوزونه اول شبه نبی مظهر یوزونه دیلدن سویونور شاه شهدا باخدوقجا علی اکبر یوزونه اکبر ، گل گلزار ولانون گوهری اکبر ، اهل عشقوندور اورکدن سروری اکبر ، هامی زیبالر بونوندور نوکری یاعلی اکبر یاعلی اکبر زیبا یوزونون یوخدور مثلی عشقون چون اولوب زیبا غزلی هر کیمسه باخور سویلور بو بالا سیرتده نبی ، صولتده علی اکبر ، هامی گلدندور معطر طلعتی اکبر ، ها هوالمالکدی رعنا قامتی اکبر ، خلقاً و خلقندی طاها صورتی یاعلی اکبر یاعلی اکبر جود و کرمه دارا علی بیز قطره ولی دریا علی وار دیلده اگر چوخ مشکلون صدقیله دئنن هو یاعلی اکبر ، معدلت پیمانه سیندن پر خروش اکبر ، کربلا میخانه سینده می فروش اکبر ، حسنی آلموش ماسوادن عقل و هوش یاعلی اکبر یاعلی اکبر لیلا باخوری ، گوز قاشینه احسن دیوری نقاشینه عرش اهلی گلوب کعبه یرینه شوقیله دونولر باشینه اکبر ، قامتی طوبا ، قلم گوز قاشی وار اکبر ، قاسم نو رسته تک یولداشی وار اکبر ، علی اصغر تک گوزل قارداشی وار یاعلی اکبر یاعلی اکبر گورماقه یوزون دل شوره گلوب موسی کیمی جان بو طوره گلوب وصفونده دئسم واردور یری کی هم ایه گلوب هم سوره گلوب اکبر ، طوریده موسی بونون مشتاقیدی اکبر ، تللری ولیلها اطلاقیدی اکبر ، یوزی والشمسون گوزل مصداقیدی یاعلی اکبر یاعلی اکبر شاعر سوزونی احساسه چکوب اکبر قلجون خناسه چکوب هر کیمسه گوروب جنگ و جدلون سویلوب عموسی عباسه چکوب اکبر ، تیر مژگانی قلج تک قان توکن اکبر ، غمزه ی ابروسیدور چون صف شکن اکبر ، عطر زلفی مشک آهوی ختن یاعلی اکبر یا علی اکبر تا قویدی ایاق رکاب اوسته یول آچدی ره صواب اوسته لشکر دئدولر ، بو کیمدور کی بنزور علی یَه عقاب اوسته اکبر ، یول سالوب میدانه چون اژدر گلور گویا ، فتح مکه اوسته پیغمبر گلور یاکی ، مرحبی اولدورماقا حیدر گلور یا علی اکبر یا عل اکبر #آچ_دل_گوزیوی_بیر_دلبره_باخ #وصال_تبریزی #ميلاد_علي_اكبر_عليه_السلام ☘🌷☘🌷☘🌷☘

🔰مدح و میلادیه حضرت رسول اکرم صلی الله علیه وآله و سلم #گریز به #فاطمیه_شهادت شاعر ؟؟؟؟ . آی منیم نازلی گولوم گل سنه چاتماز هیچ اوغول سن تک آنا باشین اوجاتماز . تاج سریمسن بال و پریمسن . طاق جبینونده اوغول نورخدا وار جلوۀ حسنونده اوغول شمس هدا وار . . . . . . یری وارناز ایلیم ائللره اوغلوم قوشام اوزشکریمی من یللره اوغلوم یللری قاصدائدم محضر یاره شکریمی یل یتوره داوره اوغلوم . ماهه مثل سن دوزلی غزل سن . رازمسیحا دمی وارهرنفسونده شهپرآچوب گوگده ملکلرهوسونده . . . . . . سن او گولسن که سنون یوخدی زوالون عالمه سایه سالارجاه وجلالون بیرگُل عمرونده سنه لطف ایدرالله او سولان وقته دولار قلبه ملالون . سویملی دادلی فاطمه آدلی . سنسیزاونا چاره یولین غملری باغلار صورتینه سیلی دگرکوچه ده آغلار . . . . . . اونون احوالینه قان آغلیار عالم یثربون اوسته یاغار محنت و ماتم دیزی تترر ایاق اوسته قالا بیلمز گوزی یاشلی یخیلارتپراقا کم کم . سینده غملر دیلده بو سوزلر . آی بابا تک شاخه وی سندیردیلا تز گل کوچه ده سیلی یوزومه ویردیلا تز گل . . . . . . گوگرن صورتینه نسترن آغلار توز دوتان زلفینه باغ و چمن آغلار بیر نفر دادرس اولماز یخیلاندا دولانار باشینه اوغلی حسن آغلار . حیدری گوزلر وای آنا سسلر . قلبیمی سویلر غم و محنت اوخی بولدی آی منه امداد ایلین گل ننم اولدی 🎤اجرای سبک👇👇👇