‍ مدح حضرت زهرا سلام الله علیها زهرا او خانمدور که آدین خالق هستی نوریله یازوب جنّت الاعلا قاپوسیندا زهرا او خانمدور که ملک لر دایاناردی چادر شبینی ئوپمگه طاها قاپوسیندا زهرا او خانمدور که قاشی سرمه ساتاردی حورالره مین نازیله سودا قاپوسیندا زهرا اوخانمدور که الین ئوپدی پیمبر عشقه یارادوب منظره والا قاپوسیندا ئوپدوگجه دئدی وار ننموون عطری بو الده روحیم دیریلر اُمّ ابیها قاپوسیندا کیمدور بو خانیم همنفس فاتح خیبر یعنی او که سائلدی مسیحا قاپوسیندا باللّه ید موسی، دم عیساده بونوندی خادمدی بونون مریم و سارا قاپوسیندا کیمدور بو خانم شمس وقمر نور آلوب اوندان باش قوزادیلار عرش معلا قاپوسیندا زمزم بونون آلنندا دوزولمیش تره چاتماز یوخ مِثلی بونون حُسن وتجلّا قاپوسیندا افضلدی بونون بیر توکی مین حور بهشته یوخ شأننه همتا حق یکتا قاپوسیندا پیغمبر ئوزی فاطمیه ائتدی توسّل معراج گونی مسجد الاقصی قاپوسیندا جبریل اومقامیله دوشر حیرته باللّه مدح ایتمگه زهرانی سجایا قاپوسیندا زهرا دئمه عصمت شرف ایثار و صداقت گُللندی اونون کعبه دن اعلا قاپوسیندا صورتگرون آیینه سیدور سینه زهرا افسوس اونی سندیردیلا مولا قاپوسیندا فکر ائت خانمون سینه سینون قانی آخاندا گور دوشدی علینون نجه غوغا قاپوسیندا محشرده اوبانو که ائدر خلقه شفاعت گوردی ئوزی بیر محشر کبری قاپوسیندا دیواره خانم تکیه ائدوب سینه سی قانلی یوخ چاره گوروب درده مداوا قاپوسیندا مسمار اونی نه حاله سالوبدور بیلن اولماز گل جسمینی درد آلدی سراپا قاپوسیندا ئولسم دئمرم هاردا خانم ئولدی دیریلدی سربسته دی سوز مُحنت عظما قاپوسیندا عارف سن اگر آل بو اشاره سوزی مندن گل غیرته طوفان ائله زهرا قاپوسیندا نامحرم ایچینده ایدی خانم محسن ئولنده باخ گور نه چکوب فاطمه ایذا قاپوسیندا دوشمشدی نفسدن گوزی قالمشدی علیده قانیله یازوب بو سوزی زیبا قاپوسیندا مین جانيم اولا آدیوه قرباندی عم اوغلی مردانه دایان صبر ومدارا قاپوسیندا تا فاطمه وار سندیرا بیلمز سنی بیر کس پوزقون ائووین حق اولار احیا قاپوسیندا یاندیم من اگر بو در و دیوار آراسیندا گوردوم ایوئون غملی قضایا قاپوسیندا زینب قیزیما کرب وبلا درسینی وئردیم اورگنسون اودا عشقی تولّا قاپوسیندا ✍منکلام:سیف الشعرا استادحاج سید تقی سیفی اردبیلی ‍‍ 🔴کانال رسمی عاشقان حضرت زینب«س» https://eitaa.com/hazratehzeynab

وصیّت حضرت فاطمه زهرا سلام الله علیها به حضرت امیرالمومنین علی علیه السلام عم اوغلی جان باشیم اوسته اوتور بیر آز ئولورم بو سون نفسده منی ایله سرفراز ئولورم بو ئولمگین هله مندن سوروشما علّتینی ویرنده غسل منه ایله کشف راز ئولورم قولاغ ویر ایندی منیم بیر نئچه وصیّتیمه یتیشدی کامه داخی چرخ عشوه باز ئولورم چیخاندا جانیم آچیق قالسا باغلا گوزلریمی ئولن باخا باخا هیچ کیمسه آغلاماز ئولورم سن آغلیاندا منیم باخماسین گوزوم گوزوه گینه دوزنمرم ای کعبه نیاز ئولورم بو خسته پیکریمه غسل وئر کفن بیچ ئوزون آدامسیزام تک ئوزون قیل منه نماز ئولورم گیجیله جسمیمی تشییع ایله بقیعه طرف ئوز اللرونله من زاره قبر قاز ئولورم بو دورد بالام سنیچون یادگاریدور مندن همیشه مشتری اول هانسی ساتسا ناز ئولورم دوشنده من یادووه چیخما عمده مطلبدن گر آغلاسوندا منه گیزلین آغلا زینبدن باتاندا زورق صبری غم و محن گِلینه قوجاقه آل یوزون ئوپ شانه ویر قرا تلینه گوزتله طوی گجه سی سالماسین منی یاده سفارش ایلیه سن هر گورنده داماده یارالی قلبیمی شور اشکویله داغلورسان هله من ئولممیش سن بو نوعی آغلورسان بو دوقّوز ایل دیمورم همسر عزیزونیدیم که شاهیدون منه سن من سنون کنیزونیدیم الوی چک باشیما اللرون فداسی علی یتیمه ام ساغالا قلبیمون یاراسی علی عم اوغلی جان گیجه گیزلینجه بیلمسین امّت بقیعیده سند حقّووی آپار گیزلت مزاریمه آپاراندا جهانی یاندیر آپار یارالی پیکریمی باشوه دولاندیر آپار اگرچه آیریلیقیم سنه چوخ گران گلجک یاتانمیانلار الیمدن اقلّی دینجله جک دیمه بو زندگی سندن صورا دوشر داددان یاریم گونه منی هامّی چیخارداجاق یاددان فلک ادامه ویرر گردشین گجه گونوزی سویوق اولار قره تپراقلارین دیللَر یوزی گوررسن اوندا وفاسیزلر عدّه سی چوخومش بو یرده فاطمه آدلی کانّه یوخومش بو خلق الینده اذیّت گورنده غصّه یمه سنی حسین جانی دردون اولاندا چاهه دیمه یواش یواش دیمه زهرا ئولوبدی بی یارم سنه مزاریده ده من یارالی غمخوارم گلوب بقیعی مکان ایلیرسن آخشاملار نه دردون اولسا منه سویلیرسن آخشاملار ✍منکلام:حاج مهدی قلندری اردبیلی 🔴کانال رسمی عاشقان حضرت زینب«س» https://eitaa.com/hazratehzeynab

وصیت حضرت زهرا سلام الله علیها به حضرت امیرالمو منین علی علیه السلام عم اوغلی محضرون درک ایلماق عین سعاتدور منه جان اوسته تشریفون خدادن ببر عنایتدور‌ ایدوب یمن قدومون قلبدن خرسند زهرانی بو احسانون بتوله منتهای لطف و رافتدور گل رخساروه اگلش تماشا ایلیوم بیرده گلیله صحبت ایتماق بلبله دیرینه عاتدور طواف کعبه دن افضلدی طوف کعبه حسنون اورک بو کعبیه هر لحظه مشتاق زیارتدور وجودون علت غائیدی خلق کون و امکانه رهین منت نفس نفیسون نفس خلقتدور ولایت چرخنه سن مهرسن، من بیر مه تابان بو مهر و ماهه افلاکین مه و خورشیدی حسرتدور زمین و آسمان و عرش و کرسی ثابت و سیار جلال و شوکتونله صاحب عز و جلالتدور سنیله هر گونوم شاد و مسرت بخش اولوب، اما منه هر ساعتیمدن خوشترین ساعت بو ساعتدور سن ای شمع وفا، ایله نطر پروانه عشقه بو زهرادور همان پروانه شمع محبتدور دم جانبخش عیسی پرورنونله دخت طاهایه طبابت ایله بیماروندی محتاج طبابتدور سنی ملک ولایه بولمین والی دانان حقون جزاده مستحق ناردور چون بی ولایتدور ولی اللهدن ایتماق حمایت خلقه واجبدور خدا فرمانیدور آیین و قانون شریعتدور مباهات ایلرم سن تک امامه جان فدا ایتسم سنه قربان ایدم مین جان گنه بو جانه منتدور سنه الله ئوزی قیمت ویروب، قدرون بولر عالم بیری گر بولمسه قدرون، ئوزی بی قدر و قیمتدور عیاندی فاطمه بیر تار مویون عالمه ویرمز منی بو امره وادار ایلین عشق ولایتدور سنه لایق بولوب حق مسند حق تکیه گاه اولسون ولیکن حقوی غصب ایلین چوخ بی لیاقتدور گورنده قدرت الله اللرین باغلی باخوب یاندیم پوزان زهرانین احوالین او پوزقون وضع حالتدور گیدنده مسجده یوزده نقابی ایلدیم محکم که بولسون اهل عالم فاطمه تندیس عفتدور بحمدالله من اولدوم بو سببدن لطفوه شامل که قرب محضر شهده نصیبیم بیله دولتدور مبادا خاطرون رنجیده اولسون بیر وصیتدن که مندن ببر اشارت مختصر سندن اجابتدور ویروب تغسیلمی بیرده تدارک ایله بیر تابوت گجیله قبرده دفن ائت سنه هر چند زحمتدور یاخوندور قابض الارواح مندن قبض روح ایتسون حلال ائت حقوی زهرایه چون هنگام رحلتدور بتوله یوخدی امکان بسترین ترک ایلسون هرگز دوروب اگلشماقا یوخ طاقتی، سینه جراحتدور گذشت ایله اگر بو حالیله من ایلورم صحبت بله احوال من تک همسره عالمجله خجلتدور جزاده منتقم قهاره جور و ظلم دشمندن شکایت ایلرم حق محضری، جای شکایتدور کمان چرخ وارونی خمیده قد ایدن غمدن عم اوغلی زهره زهرادکی بو قوس قامتدور هامی درد و غمی نه من دیوم، نه سن سوال ایله دیسم یتمز تمامه چون مطول بیر حکایتدور قسم ئوز جانوه، جانیم عزیزی بو حسینیمدور اونا خاطر نه یوز ویرسه بو خسته جانه منتدور ئوزون بو نکته دن آگاهیسن ای خسرو آگاه که بو کلثوم و زینب قلبیمه یارا و طاقتدور بو گللردن حفاظت ایلدیم بیر باغبان مثلی نه تک هر تک تکی بیر گلدی، گلدن با لطافتدور بیری لاله، بیری سوسن، بیری یاس و بیری زنبق گلستان بهشته هر بیری بیر طرفه زینتدور توجه ایتموشم اولسون اثر#صالح یازان سوزده بولورسن دخت طاها معطی نطق و فصاحتدور ✍منکلام:استادحاج صالح علی نژاد متخلص به صالح تبریزی ‍‍‍ 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت زهرا سلام الله علیها گوگل شرارینی دلده شراره دن خبر آل یانوب کول اولماقینی سنگ خاره دن خبر آل گوزوم تلاش ایدر اشگیله سوندره بو اودی عبث تلاش ایلین هیچ کاره دن خبر آل ویران اورکلره آتش او بیر یانان قاپودی جهان ده ملل بی شماره دن خبر آل او یانماسیدی جهان ظلم اودیله یانمازدی ستمله روشن اولان هر شراره دن خبر آل همین یانان قاپونین یرده گویده تاثیرین نه آی نه گون سانا گلمز ستاره دن خبر آل نه آد قویوبدی نه منطوریله یانوب او قاپی سقیفه اهلینی گور استشاره دن خبر آل قاپی یانوب آچیلوب زوریله اولدی نه لر آدی قاپی اوزی بیر تخته پاره دن خبر آل صریحین ایستیه سن گیت مزارینی تاپسان شهیده قبره گیدن باشدا قاره دن خبر آل هانی او دل سنه مسماردن حکایت ایدم بو سری سینه زهراده یاره دن خبر آل گوزوم حکایت سیلی نی مندن آلما خبر اوزون او یرده دوشن گوشواره دن خبر آل جفای قنفذیله تازیانه لر خبرین یارالی جسمده زخم دوباره دن خبر آل ایناموسان خانمین تازیانه لر سپری باشیندا چادره پاره پاره دن خبر آل نه حالدیدی خانم سقط ایدنده محسنینی عبای شاه ولادن بو باره دن خبر آل صریحین ایستیه سن گر شهیده قبره گیدن قاپی دالندا قالان ماه پاره دن خبر آل بو گیر و دارده نولدی علینی سسلمه دی وفا و مهر گوزیله نظاره دن خبر آل چاغوردی فضه نی یعنی اماندی گلمه علی داشوبدی بحر مصیبت کناره دن خبر آل یخلموشام منی ئولدورسه لرده گلمه هله نه لر اولوب اولاجاق بو اشاره دن خبر آل من ئولموشم سنه قلبیم یانور که تک قالوسان بو درده چاره نی خلاق چاره دن خبر آل عم اوغلی من گلوه نیلیوبدی خار جفا گلینی خار آپاران بیر هزاره دن خبر آل سینمده سود قانه دوندی بو سری سن بولوسن سوزون چکیده سینی بو اشاره دن خبر آل سودون یرینه گلن سودامرلریم قان ایچر بلا چولونده گلن شیرخواره دن خبر آل چتین داخی بالاسین هاشمیه سوددن آچار رباب الینده کی بوش گاهواره دن خبر آل گلونجه مهدی موعود(عج) وای بالالاریما دیولمین سوزی بو استعاره دن خبر آل بو یاره لر هامی چون یولداشیمدی قبر ایوینه ویرنده غسلیمی سانسیز اثاره دن خبر آل قاپوم یاناندا بیر اود گیتدی کربلا چولونه او خیمه لرده اولان استناره دن خبر آل کباب اشگینه بنزر گوزومده گوز یاشیم آخاندا دلده اولان شرار دوباره دن خبر آل گوزوم گورر بالا قیزلار قاچالا صحرایه قوغان پیاده لری هر سواره دن خبر آل قیل استخاره دیدیم #ذهنیه بو سوزلری یاز دئدی که خیر اشیدور استخاره دن خبر آل ✍منکلام:مرحوم استادحاج عبدالعظیم ذهنی زاده تبریزی متخلص به سائل 🔴کانال رسمی عاشقان حضرت زینب«س» https://eitaa.com/hazratehzeynab

🏴ایام فاطمیه 🍁کوثر 🎤سخنرانی بسیار شنیدنی حجت الاسلام عالی 🔴کانال رسمی عاشقان حضرت زینب«س» https://eitaa.com/hazratehzeynab

🏴ایام فاطمیه 🍁باید عشق و عاشقی تو اسمت خلاصه شه 🍁یه مادر به بچه ها همیشه حواسشه 🎤نوای دلنشین کربلایی عبدالرضا هلالی 🔴کانال رسمی عاشقان حضرت زینب«س» https://eitaa.com/hazratehzeynab

🏴ایام فاطمیه 🍁روی سینه‌ام سوزه و آهه 🍁زخمی بودی این دو سه ماهه 🎤نوای دلنشین کربلایی عبدالرضا هلالی 🔴کانال رسمی عاشقان حضرت زینب«س» https://eitaa.com/hazratehzeynab

🏴ایام فاطمیه 🍁تو کوچه های شهر غم 🍁به زخم من نمک زدند 🎤نوای دلنشین کربلایی کمیل گودرزی 🔴کانال رسمی عاشقان حضرت زینب«س» https://eitaa.com/hazratehzeynab

🏴ایام فاطمیه 🏴سالگرد شهید حاج قاسم سلیمانی 🍁آتیش به در شعله زد 🍁به گل یاس حیدر 🎤نوای دلنشین کربلایی حسنعلی بهرامی 🔴کانال رسمی عاشقان حضرت زینب«س» https://eitaa.com/hazratehzeynab

🍁به تو دلبسته شدم 🍁به شبای جمعه ی کربلا وابسته شدم 🎤نوای دلنشین حاج محمدحسین پویانفر 🎤نوای دلنشین کربلایی عبدالرضا هلالی 🔴کانال رسمی عاشقان حضرت زینب«س» https://eitaa.com/hazratehzeynab

🍁ای که عرش خدا 🍁گریه کرده برات 🎤نوای دلنشین حاج حسین سیب سرخی 🔴کانال رسمی عاشقان حضرت زینب«س» https://eitaa.com/hazratehzeynab

🍁ای بزرگ هاشمیان زینب 🍁بانوی با کمالات زینب 🎤نوای دلنشین حاج حسین سیب سرخی 🔴کانال رسمی عاشقان حضرت زینب«س» https://eitaa.com/hazratehzeynab