تقدیم به آقا امام زمان عج حِف که و چَش نمی نِمت عاشقِ بیمارت مِنِم، حِف کِ وِ چَش نِمِینِمِت مرغ گرفتارِت منم، حِف کِ وِ چَش نِمِینِمِت مونسِ شُوِ تارِ مِ، اِ نفسِت بِهارِ مِ ها وِ دسِت قِرار م، حِف کِ وِ چَش نِمِینِمِت پریشُ حالم شو و روز، های دِ خیالِم شو و روز فکر وصالِم شو و روز، حِف کِ وِ چَش نِمِینِمِت تیرِ غمِت ها دِ دلِم، جُز غُصَه نِیَه حاصلِم مشکل گشای مشکلِم، حِف کِ وِ چَش نِمِینِمِت دوس دارم خاک پات بُوِم، یِ ساعتی وِ سات بُوِم سیت بَمیرِم فِدات بُوِم، حِف کِ وِ چَش نِمِینِمِت حشمت الله خالقی #لری