#خدایا_از_کمین_ماتم_بنالم #در_فراق_پدر_در_روز_پدر_مازنی 🏴🥀🏴🥀🏴🥀🏴🥀 خدایا از کمین ماتم بنالم نَدومّه چِتی ازاین غم بنالم دتا داغ بمو هنیشته مه سینه تانفس دارمه غم مه همنشینه چی بهووم مره غم دور هاکرده مه دتا چش ره برمه کور هاکرده چه زود پِر باپسر هاکرده دیدار بَینه همسایه ی دیواربه دیوار مسلمانون بعین بیرین مه باله بعین بوینین مه شانس واقباله مسلمانون خوامه زار زار بنالم جانِ پِره قبر سر خوار بنالم کی مثل من روز پدر بَدیّه روز پدر ره قبر سر بدیه اینجوری داغ کی سربه سربدیه کمین باغبون اینجور گل بچیه جان پِر من تِه مهربونیِ دور ته که بَمردی بَمرده مه غرور روز پدر تِسّه کادو بیانّه شه دِتا چِش ره مَشت او بیانّه مه بهار دیگه بِک وبو ندارنه تِه دَنی خِنه سِک وسو ندارنه 🏴🥀🏴🥀🏴🥀🏴🥀 شعر:علی اکبراسفندیار(مداح)

#خدایا_از_کمین_ماتم_بنالم #در_فراق_جوان_دلگویه_مازنی این شعربراساس فوت دوفرزندازیک خانواده سروده شده است.عزیزان مداح اگرچنین مجالسی داشتن می تونن اسامی متوفیان روتغییربدهند خدایا از کِمین ماتم بنالم از داغ شِه کِمینتا غم بنالم مه دِتا دَسّه گُل پرپر بَهینه دِتا برارون همسفر بَهینه غم (علیرضا) نَیّـه فراموش مِه (امیرمحمد)بَهییه خاموش بهار بموعه و بخونّه بِلبِل مه دِتا بِلبِل بُوردنه زیر گِل خبر از این ناگوارتر نَدیمه کفن پوش شِه دِتا پسر نَدیمه اونی که داغ شِه جِوون بَدیّه مه این درد وبلا ره بَکِشیّه من چَنّه آرزو داشتمه شِه دل پسر داماد بَهووه بَکِشم کِل فلک مه سر ره که سیو دَکِرده دِتا دامادِ آینده بَمرده لالا لالا مِه پسرون باخِسن لالا لالا مه جیگرون باخِسن لالا لالا گِمه دل هاییته تنگ مار بَمیره باخِتنی زیر سنگ همه گِـنّه که حیفه سنگ زیرگِل پسر بَمرده پاره بَوّه مه دل مسلمانون بعین بَیرین مه باله بَوینین مِه بخت وشانس واِقباله بَخون(مداح)که مِه دل دارنه نالش تِه بَخون تاکه سرهادم نواجش شعر:علی اکبراسفندیار(مداح)