ثواب گریه بر حضرت امام حسین(ع) بویوردی ختم الانبیا حسینه آغلیانلارا مدام ایلرم دعا حسینه آغلیانلارا جهنمین اوتین خدا حسینه آغلیانلارا حرام ایدوبدی مطلقا حسینه آغلیانلارا **** قتیل قوم اشقیا بتوله نور عینه باخ شهید دشت کربلا عزیز عالمینه باخ اوزی ذبیح مِن قفا گوزل آدی حسینه باخ جلالتینه من فدا او شاه مشرقینه باخ ایدولله جنتی عطا حسینه آغلیانلارا عزا مجالسینده هر او کس که سینه داغلیوب ئورک پاسین خلوصیلن سیلوب دوباره زاغلیوب او نوحه خوان که آغلادیب او سینه زن که آغلیوب گوزینده اشک حسرتین توکوب عذاره باغلیوب یقین ایدوبدی وار دوا حسینه آغلیانلارا جهاندا چوخلار عشقیله حسینچی قویدی آدینی دماغینه مجالسین دادیزدروبدی دادینی بقدری محکم ایلیوب او شاهه اعتقادینی مقدس آستانه دن آلوبدی اوز مرادینی صد آفرین و مرحبا حسینه آغلیانلارا مریض اولاندا بیر نفر دوتار طبیب هواسینی دییر طبیب و دکتره دقیق ماجراسینی امیدوار ایلیون تاپانماسا دواسینی حسینچی لر نشان ورون اونا حسین عزاسینی اودور علاجی یالوارا حسینه آغلیانلارا حسینین آغلیانلاری همیشه همقدمدیلر حسینچی قدرینی حسین عزاسینه گیدن بولر سرشک آخاندا صورته گورون اونی ندن سیلر سفارش ایلیوب بیزه ئولوب گیدن حسینچیلر او حالدا ایلیون دعا حسینه آغلیانلارا ایا حسینین عاشقی ایشون دوشنده مشکله غمون ندور که دردیوی طبیب اوزی بوله بله مقام صبردن چیخوب ایدورسن اوزگیه گله گل آستانه سینده دوش اوزیله درد و دل ایله دعا چتیندی رد اولا حسینه آغلیانلارا گونوز گیجه دولانمشام الیمده دفتر و قلم منیم هایاندا گورسنوب گوزیمه قاره بیر علم کمال صدقیلن اوزوم اراده ایتمیشم گلم حسین الیله هر زمان اولوبدی حل مسئله م (( امینیم )) اولام فدا حسینه آغلیانلارا ** حاج رسول امینیان (امینی خویی ✨اَللّهُمَّ عَجِّل لِوَلیِّکَ الفَرَج✨ https://eitaa.com/kobradsg

سرور دیمیون هر گلنه، سرور حسیندی والله ایکی دنیاده بیزه رهبر حسیندی انفاس هامی قالبدی بلی روحی حسیندی طوفان بلادن قوتاران نوحی حسیندی زهرا دیلینون تاب وتبی کیمدی حسیندی زین و شرف دوش نبی کیمدی حسیندی مصباح هدی،نورخدا کیمدی حسیندی عاشقلرینه قبله نما کیمدی حسیندی زهرا اونا کوینک توخیان آری حسیندی سرنیزه ده قرآن اوخیان آری حسیندی داش سینه سی اوسته توکولن آری حسیندی بیر کهنه حصیره بوکولن آری حسیندی قانلان یره سجاده سالان آری حسیندی آتلارایاقی آلتدا قالان آری حسیندی خشکیده دوداقلاری یانان آری حسیندی مقتلده نمازه دایانان آری حسیندی بو عزت مخصوصی خدا خلق آرا بولمز دنیا نقدر واردی حسین اولمیوب اولمز https://eitaa.com/kobradsg

بی وفایی دنیا ➖➖➖➖➖ جهانه باغلاما دل اهل بو جهان گیده جاق داریخما غم یمه هم یاخشی هم یامان گیده جاق .. اجل یتیشدی داخی هیچ کسه امان ویرمز بو قورخولی یولی اجباراً انس و جان گیده جاق .. قویوبلا نوبته پرونده وی گلر حتماً جلال و ثروتیوه اولما خوش گمان گیده جاق .. بیری ئولنده خیال ایتمه انحصاریدور سراغینه هامینون قابض روان گیده جاق .. بشر عیالنه بش گون قوناقدی دنیاده ضیافتون قوتارار وقتی میهمان گیده جاق .. توجّه اولسا نچه آیه متن قرآندا صراحةً دیوب عالمده هر اولان گیده جاق .. بیری او آیه لرون کُلُّ مَن عَلَیها فان مکانون اهلی بتقدیر لا مکان گیده جاق .. تمام ما خَلَقَ اللهیچون نهایت وار فنایه عاقبت افلاک آسمان گیده جاق .. ستاره لر توکولر نظم چرخ اولار برهم سمایه نالۀ الغوث و الامان گیده جاق .. نهایتون گونی دریالر اود دوتار یکسر شراره کامینه اجسام کهکشان گیده جاق .. او گونکی زلزله ده داده یت اوزون الله دوشر هراسه هامی خلقدن توان گیده جاق https://eitaa.com/kobradsg

نوحه ی حضرت علی اکبر (*تازه گولوم ورقله نیبدی باشینه تیغ خصم انیبدی بار الاها شاهد اول سن پیکرینه نلر گلیبدی آی ادب لی بالام اکبریم اکبریم نفسیم دلبریم گلمیری ایندی نیه دیزلریم جان اکبریم _جان اکبریم واویلا باشون دوشوب بلالره واویلا عبانی سر میشم یره جان اکبریم_ جان اکبریم)* عرشه چیخوب ئورکدن آهیم قانه باتوبدی تکیه گاهیم آی علمداریم ابوالفضل دادیمه گل منیم پناهیم اکبریم ،آغلوری عمه لر تیر غم قلب زاری دلر باشیوه سویله گلدی نلر؟ جان اکبریم_جان اکبریم آی قارداش سسیمه کیمدی سس ویره میداندا عبامی آچمیشام یره جان اکبریم_جان اکبریم دشمنیم ایلدی عداوت قلبیمی یاردی تیر محنت ئولدوروبدولر بالامی یوخدی منیم دیزیمده طاقت پرپر اولدی گولوم ای خدا اکبریم اولدی دینه فدا ایلییور خردا قیزلار نوا جان اکبریم.جان اکبریم رقیم گوره بو جسمی نیلییر عرشیده،گوی اهلیده قرا گییر جان اکبریم _جان اکبریم گل باجی جان ئوزون هرایه دوشدی گوزل بالام بلایه من یره عبامی سالدیم پیکرینی یغام عبایه گل باجی ،یوخ منیم یاوریم جان ویروب شبه پیغمبریم باخ ئورکده قالیب اللریم جان اکبریم_جان اکبریم گل زینب بویاندی قانه اکبریم دوغراندی جفائیلن صنوبریم جان اکبریم _جان اکبریم (بهلول حبیبی زنجانی) https://eitaa.com/kobradsg

۰۱:۲۶ ب.ظ ای قلم سوزلَرین دَه اَثریوخ  آشنا دَن مَنَه بیرخَبَر یوخ   گَلدی بو جومعَه دَ گِشدی آلله  فاطمَه یوسیفینَّن خبر یوخ  یاندی پروانَه لَرشمعِ سوندی  آیریلیقدان اورَه قانَه دوندی  شَأنیدَه رُتبَه دَه بی بَدَل سَن  هرگوزَل دَن آقا سَن گوزَل سَن  کیم دییر آیریلیق در دَه سال ماز؟  عاشیقین صبرینی اَل دَن آلماز؟  ای گوزوم یول لارا باخ داریخما  گون همیشَه بولوت آت دا، قالماز  قونچَه گول لَر نَه اندازَه سُل سون قلبیلَر قویما قانیلَه دُلسون گَلدی بو جُمعَه دَه گَلمَدین سَن  گون سایِم جمعه ی دیگَر اولسون  ای "صفایی" هَلَه دُز فراقه  یول سالاخ بیزدَه بیردَه عراقَه قلبیلَر غُصَّه دَن داغلی قالدی  یا امام زمان گَل اَمان دی  کربلا یول لاری باغلی قالدی راه های کربلا https://eitaa.com/kobradsg

جمعه  چاتور  کم کم   باشا            گون  آز  قالور  گوزدن  آشا هر یئرده سن   سالم   یاشا           یابن الحسن   یابن الحسن      یابن الحسن   یابن الحسن چوخ  منتظر   قالدوخ  یولا            پیمانه ی     غیبت      دولا جانلار   سنه    قربان   اولا           یابن الحسن   یابن الحسن       یابن الحسن یابن الحسن هجرون  بیزی   گتدی  دیله            موکول  اولور   آیدان  ایله بس   نیلیاخ   بوندان   بئله          یابن الحسن   یابن الحسن         یابن الحسن یابن الحسن

۰۱:۲۶ ب.ظ ای قلم سوزلَرین دَه اَثریوخ  آشنا دَن مَنَه بیرخَبَر یوخ   گَلدی بو جومعَه دَ گِشدی آلله  فاطمَه یوسیفینَّن خبر یوخ  یاندی پروانَه لَرشمعِ سوندی  آیریلیقدان اورَه قانَه دوندی  شَأنیدَه رُتبَه دَه بی بَدَل سَن  هرگوزَل دَن آقا سَن گوزَل سَن  کیم دییر آیریلیق در دَه سال ماز؟  عاشیقین صبرینی اَل دَن آلماز؟  ای گوزوم یول لارا باخ داریخما  گون همیشَه بولوت آت دا، قالماز  قونچَه گول لَر نَه اندازَه سُل سون قلبیلَر قویما قانیلَه دُلسون گَلدی بو جُمعَه دَه گَلمَدین سَن  گون سایِم جمعه ی دیگَر اولسون  ای "صفایی" هَلَه دُز فراقه  یول سالاخ بیزدَه بیردَه عراقَه قلبیلَر غُصَّه دَن داغلی قالدی  یا امام زمان گَل اَمان دی  کربلا یول لاری باغلی قالدی راه های کربلا https://eitaa.com/kobradsg

🌺  جوانلیق  🌺 هِچ بیلمَدیم الله او جَوانلیق هارا گئتدی بیرقوش مَثَلی گلدی وَلیکَن صورا گئتدی  اول قامَت موزون و سَمَن بَر نِجَه اولدی سوزگون باخیشا گَلدی نَلَر آق قارا گئتدی بیر چال چاغیر اولدی اَزلینده ائله بیل که آرپا چاینون کورپیسی اوستن سارا گئتدی کونلوم قوشی ایندی گزور امّا تاپا بیلمور غَفلتده منی گوردی وِروب مین یارا گئتدی عُمرین ناقیلی اولسا خُلاصه دیَرم من کَهلیک کیمی آلاندی باشیلان قارا گئتدی اَفشار و همایونه سه گاهین یولی دوشسَه شور اوستَه چالان پَنجَه گورَرسن تارا گئتدی (نادر) بو حسینون قاپوسیندا قوجالانلار باتماز آدی هَر چند چوخی مَه پارا گئتدی

🎥حال و هوای شهر مقدس قم بمناسبت در سالروز 23 ربیع الاول #ورود_حضرت_معصومه_به_قم

پندیات .. .. .. .. مرحوم ژولیده نیشابوری .. .. .. .. بشنو نصیحتی که به دردت دوا بود گر درک آن کنی به خدا کیمیا بود .. قانون چکیده ایست ز قرآن کلام حق غافل مشو که مجری قانون خدا بود .. هرگز نداده کیفر قبل از خطا کسی با گفتۀ کسی که کلامش خطا بود .. ناحق مکن تو حق کسی را و بی جهت تندی مکن که آخر هستی فنا بود .. خواهی اگر سعادت دنیا و آخرت مشکن دلی که مخزن عشق و صفا بود .. هرگز مکن قضاوت ناحق برای کس چون کیفر خطا نکرده خطا در خطا بود .. گیرم به پای دار کسی بی گنه کشی بالای دار کی رود او گر بنا بود .. ز آغوش زندگی مکن هرگز کسی تو دور چون این عمل از آن تو دور از وفا بود .. با سرنوشت کس منما دست و پنجه نرم غفلت مکن که چوب خدا بی صدا بود .. «ژولیده» را ز رفتن زندان هراس نیست باشد رضا به آنچه خدایش رضا بود

🔷🔹 فقط امام زمان 🔹🔷 #مولای‌غریبم‌العجل السلام علیک یَا صَاحِبَ الزَّمان (عجل الله فرجه) " دُعا کنیم بهاران به باغ برگردد..." ▪️اللهمَّ بِحَقِ زینب (ْعَلَیْها السَلٰامُ) ▫️عَجّل لِوَلیکَِ الفَرَج

مَن، هَمان خسته‌یِ بی‌حوصله‌یِ غم زده‌ام... آدم بد قلقی که رگ خوابش حرم است... #صلی_الله_علیک_یا_اباعبدالله

مهر آمد و مهربان نیامد آن صاحب جانمان نیامد فرزند علی و جان زهرا محبوب دل زمان نیامد اللّهُمَّ عَجِّل لِوَلِیکَ الْفَرَج

. حاج محمد گلشنی . عم اوغلی عالم وصلت یتور پایانه حیف اولسون ئولور زهرا دونور گوگلون بو غمده قانه حیف اولسون . . عم اوغلی ای آدی بازار روحیمده اولان عزّت گَل اگلش باشیمون اوسته ایداخ هجرانیدن صحبت یتوبدور آیریلیق وقتی که بو وصلت بیله ساعت اله دوشمز بو دوران و بیله بیر آنه حیف اولسون . . منیم عمروم گونه بنزر گونون دائم باتان وقتی تاپار رنگی اونون تغییر دوشر دلدن اذان وقتی یتوب ایمدی اذان وقتی گوزیمون باغلانان وقتی اذان اولدی داخی وصلیم چاتور پایانه حیف اولسون . . گونون رنگی سارالدوقجا منیم رنگیم اولور ساری مرور لحظه لر ایلور دلیمدن صلب گفتاری یوزومی قبلیه دوندر یوزوم معبودیمه ساری ویروم جان آغلا دی بو درد بی درمانه حیف اولسون . . رضایم خستیم گوزدن بو دنیانی آتام ایمدی اُلم گون باتمامیش گوندن تیز آماله چاتام ایمدی بهشته ناگرانیمدور منی گوزلر آتام ایمدی بهشت ایمدی دونوب من سیز اونا زندانه حیف اولسون . . ایله حالیم پریشاندور ایله غمدن گلوگیرم خیال ایلر منی هر کیم گوره بیر نقش و تصویرم رضایم اُلماقا، دنیاده قالماقدان داخی سیرم بو خسته جانیمی گر ویرمه سم جانانه حیف اولسون . . سرشک آلیوی از صفحه ی سینونده یاز آغلا نظام صبریوی پوزما بیله آز جانگداز آغلا یورولموش جانیم اولسون گوزلرون قربانی آز آغلا آخور اشکون یازور اشکی آخان دامانه حیف اولسون . . باشیم اوستونده ای دردی اولان مندن گران اگلش گوزومی باغلاماقا ای گوزومی باغلیان اگلش باشما مثل پروانه یورولدون آز دولان اگلش یانور دردونله بی پروا هامی پروانه حیف اولسون . . بو ایوده سن منیم چوخ اگلشوبسن باشیمون اوسته بو ساعت تک سنی ایتموب عم اوغلی هیچ بیری خسته بو ساعت آیری ساعتدور دگل بو عمره وابسته بو دورانیم گیدور الدن بیله دورانه حیف اولسون . . عروج ایستور ایده روحیم قوشی، بال و پریمدن دوت سراغ وحشت مرگی بو لرزان پیکریمدن دوت دوتان درماندگانین اللریندن اللریمدن دوت که دوشدوم دوت الیمدن درد بی درمانه حیف اولسون . . منه دست قضا گرچه فراقون رختینی تیکدی مغیره باعث اولدی محنت و غم قدّیمی بوکدی بالامون قانیمی ثانی جفائیله یره توکدی او بی تقصیریدن یرده آخان آلقانه حیف اولسون . . دیللر دهریده هیچ بیر شیرین مانند جان اولماز بالا جاندان اولار شیرین او شیرینه چاتان اولماز منیم تک جان و اطفالیندن عالمده دویان اولماز بالالاریمدا دردیمدن گلوبدور جانه حیف اولسون . . من اُلسم غملریم سنلن اولار بو ایوده هم خانه دل زینب فراقیمدن یقینیمدور دونر قانه اونا تاپشور دیسون دائم ووراندا زلفینه شانه آنام هیچ ایتمدی زلفین بو ایوده شانه حیف اولسون . . من اُلسم درد هجرانیم سنون دردون گران ایلر منیده تنگدل سنسیز یقین باغ جنان ایلر گزر فردوس باغین فاطمه ورد زبان ایلر گیچن گونلر اولار سنلن سر و سامانه حیف اولسون . . فلک هر لقمه ی تلخی سنه ویردی یِدون اوتدون منه صدمه یتن گون سن لباس صبریوی یتدون الیمدن اونداکی طوفانه دوشموشدوم منیم دوتدون من اولدوم غرق، سن دوشدون ولی طوفانه حیف اولسون . . بو ایوده دردیمی بُلمور منیم سندن صورا بیر کس قولومین سینمین زخمی عمیق اولدی ایله از بس نه زحمتله وضو تجدید ایدوب باشه چکوردوم مس ویریردیم من نمازی یا نجه پایانه حیف اولسون . . حسین نازین حسن چکسون او دل آگاهه تاپشوردوم بالام کلثومی زینب اول غمی جانکاهه تاپشوردوم بالالاری سنه بیر بیر سنی اللهه تاپشوردوم خداحافظ که من سیز قالدی بو کاشانه حیف اولسون . . شرار محنتله بو ایوده سنلن یانمیشوخ باهم سنه مندنده چوخ محنت بو ایوده یوز ویروب بُلّم منی دلدن سالوب ثانی داخی من قالمارام اُلّم منیم قتلیمده کی مطرح اولان فرمانه حیف اولسون . . بو ایو مندن صورا بُلّم دونر بیر لیله ی تاره صفاسین تیز ویرر الدن وورار چوخ دللره یاره چکون سیز بو ایوین اُلسم در و دیوارینه قاره یازون زهرا اُلوب بو ایو اولوب غم خانه حیف اولسون . . یازون پشت دره زهرا بو یرده گُل کیمی سولدی بو یرده بیر گلستانه نچه زاغ و زغن دولدی یازون من ضعف ایدن یرده بالام محسن شهید اولدی بو یرده سو کیمی قانی آخوب هر یانه حیف اولسون . . یازون بو ایوده زهرانون توانون محنت آلموشدی یره دوشموش ایاق آتدا قالان گُل تک سارالموشدی آغارموشدی قرا زلفی جوانلیقدا قوجالموشدی اورک داغی چکوب اود داغلی داغستانه حیف اولسون . . یازون بو ایوده هر محنت شکیبی بی شکیب اولدی حریم امّته اود ووردولار دوشدی لهیب اولدی باشی اوسته اوتورموشدی طبیبی بی طبیب اولدی یازون بیر دردی سنگین و غمی پنهانه حیف اولسون . . منه دوتسان عزا چون یوخ منیم یار و هواداریم قاپونی باغلا بیر ایوده اوزون اول بیر بالالاریم اوزون سن نوحه خوانیم اول قیزیم زینب عزاداریم ایله ورد زبان گوگلی دونن القانه حیف اولسون . . منیم دردیمده ای دردی اولان هر یرده باش آغلا دلون آئینه سین سعی ایله چوخ ایتمه خراش آغلا اورگون دوزمسه آغلا، بالالاردان یواش آغلا یاواش

قبریمه ایتدیم وصیت غملی مطلب یازالار قبریمه ائتدیم وصیت غملی مطلب یازالار باش طرفده خط زیباءیله یارب یازالار کوینگیم تک قبریمون داشی گرک قاره اولا اوستونه اوچ آدی عشقیله مرتب یازالار ساق طرفده یا ابالفضل صول طرفده یا حسین بو ایکی آد آراسندا سورا زینب یازالار

        ❤️ نوحه حضرت علی اصغر ع ❤️           لا لا لالا لا لا      عطشانیم اَصغر           لا لا لا لا سوسوز جیرانیم اَصغر                  لا لا لا لا علی جان                  لا لا لا لا علی جان ------------------------------------- سوسوزئولدون منی غرق غم ائتدون اَسیر    پنجه های   ماتم       ائتدون سَفیر    غُصّه های    عالم      ائتدون                      سنیدون   عزّت   دورانیم  اَصغر                  لا لا لا لا علی جان                  لا لا لا لا علی جان ------------------- جهانه    گلمیوب     گلمز    سَنه   تای بوغازین اوخ بیچن عطشان بالام وای ربابه بوش بشیک سَندن چاتوب پای                باخوب هی سویلرم جانانیم اَصغر                  لا لا لا لا علی جان                  لا لا لا لا علی جان -------------------------------------- گئجه گوندوزآنون آغلار علی جان فراقونده  اورگ  داغلار علی جان ئولونجه  قاروی  باغلار  علی جان                 دئیر شام  و سَحر  ای  جانیم اَصغر                  لا لا لا لا علی جان                  لا لا لا لا علی جان ---------------------------- داغیلمیش کربلاده گرچه چوخ گول ولی پرپر اولان سَن مِثلی یوخ گول ائدوبدورغُنچه می اوچ شعبه اوخ گول                  یانور    غمدن  دل   سوزانیم اَصغر                   لا لا لا لا علی جان                   لا لا لا لا علی جان ---------------------------- محبت  ایله سَن    غملی   ربابه آخان گوزدن   عُذاره  اَشک نابه فراقونده   یانان      قلب  کبابه                  منیم اُول بیر گئجه مهمانیم اَصغر                   لا لا لا لا علی جان                   لا لا لا لا علی جان --------------------------- فراقون    قلبیمی   ائلوبدی   یاره فراق    یاره    یوخ  عالمده    چاره کیم ئولموش سن کیمی ای شیرخواره                  گیدوب سنلن  سر و سامانیم اَصغر                    لا لا لا لا علی جان                    لا لا لا لا علی جان --------------------- رُبابی   گوزلروندن   آتدون اوغلوم بوغازدا  یاره یاره  چاتدون اوغلوم مزارونده لب عطشان یاتدون اوغلوم                       شهید    مکتب    قرآنیم  اَصغر                      لا لا لا لا علی جان                      لا لا لا لا علی جان ------------------- آخوندی غملرون  یاد  ایلر آغلار محرمده   صفرده    قاره    باغلار یازار نوحه منیم تک سینه داغلار                      دئیر ای  دردیمه   درمانیم اَصغر                     لا لا لا لا علی جان                         لا لا لا لا علی جان https://eitaa.com/kobradsg

آند اولسون او صف که او صفه آغلادی داشلار سر نیزه لر اوستونده دوزولدی صفه باشلار بر حقدی حسین حقیدی دیوان عدالت برحقدی قرآن مبین حقدی قیامت ای منکر اولان محشره قرآن مبینه صبر ایله دیرسن یوزی اوستنده زمینه صبر ائت اینانارسان الون الدن اوزولنده آغ کوینگیلن اوستوه داشلار دوزولنده ای منکر دیوان خدا روز قیامت بیر سوز دیوم انصافیله گل ایله قضاوت آیا کیمه ظلم ایلدی اصغر قانا باتدی هم یاتدی او دیلسیز بالا هم حرمله یاتدی آسوده یاتا حرمله قبرون بوجاغیندا اصغر اوزی گوز قانی حسینون قوجاغیندا آند اولسون اونون قانینه بیر صاحب قان وار قوی پرده دولانسون نجه باخ گور قان آلان وار ای شمر ئولوم یوخدی سنه کاموی آلدون ئولدوردون حسینی باجیسین چوللره سالدون سعد اوغلینا پاداش ریون ملکی یازیلدی اوچ قانه باتان میته بیر قبر قازیلدی گلدی آتاسین قبره قویا سید سجاد بیر کهنه حصیره بوکوب اول پیکری ای داد حضرت نجه که قبره دوشوب رنگی سارالدی باشسیز بدنی الرینون اوستونه آلدی قبره اله که قانه باتان پیکری قویدی گتدی ایاقی آلتدا علی اکبری قویدی چخدی ائله که قبریدن اوستی باشی توزدی بیر منظره گورسندی اونون حالینی پوزدی حیرتله باخوب اللری قوینوندا دایاندی باشسیز بوغازیندان او شهون سس اوجالاندی ای عصرون امامی بالا ای قلبی شکسته ششماهه علی اصغری قوی سینمون اوسته بو قان قالاجاق محشره ای قان آلان الله آلدی نجه آلدی امان الله امان الله "منعمدور" آدیم نوکر دربار حسینم یوخ یوخ غلط ائتدوم سگ مردار حسینم استاد حاج یدالله منعم اردبیلی https://eitaa.com/kobradsg

سو گَتُورموشم دور یاتما دلده گؤر نه هیاهو گتورموشم اثبات عشقیمه آغاران مو گتورموشم قارداش مُسخّر ایلمیشم شام و کوفه نی مرهونووام گزارش نیکو گتورموشم گرچه ریاضتیم اولوب افزون سِیرده سهل ریاضته دیله یاهو گتورموشم لیکن یزید وَقرینی نطقیله پؤزموشام قدّ رسای ظلمی به زانو گتورموشم قانون شرع و قانوین احیاسینی حسین نِسوان کلّ عالمه الگو گتورموشم بیر اربعین ده ره صد ساله طیّ ائدوب میعادگاه عشقه حسین رو گتورموشم ای آفتاب چرخ بلا یاتما قبریده آخر بو چرخه انجم کم سو گتورموشم بو سن ، بو عترتون آنام اوغلی جواب وئر بیر دسته خسته قبریوه تیهو گتورموشم شام ایچره بیر سفیری نماینده قویموشام لیکن ربابی من سنه دلجو گتورموشم دیندیر ربابی اصغرنین ناگرانیدور اشکی اولوب عذارینه ترغو گتورموشم یاتسا اویات قوجاقینه وئر بیرده اصغرین مادر دؤشونده شیر سمن بو گتورموشم ای ذبیح اولان قفادن اویان قارداشیم اویان گؤز کاسه سینده قانه دؤنن سو گتورموشم پیراهنون تلاشیله اللردن آلمیشام فرش عزا بو مدفنه گیسو گتورموشم بو قانلی بیر عمامه دی اللردن آلمیشام دلده بو باره دن سنه آهو گتورموشم انگشترون نه نوعیله بَجْدَلْدَن آلمیشام گؤز یاشیمی بوغازووا دارو گتورموشم چوخ سعی ائدوب تاپانمامیشام ساربانووی بو باره ده اؤره کده هیاهو گتورموشم نیلی ائدوبدی قوللاریمی تازیانه لر  نیلی صفت قولومدا النگو گتورموشم     بولدوم که گرد و خاک دوتوبدور مزاریوی مژگانیمی مزاریوه جارو گتورموشم شبگیریوم و حضوریوه یوخ قابل ارمغان آخر حضوره شعری چو شب بو گتورموشم https://eitaa.com/kobradsg

در عشق به حضرت ابا عبدالله (ع) من نوکرم و سرور و سالاریم حسیندی یوخ دیلده غمیم غم گونی غمخواریم حسیندی من عبدالحسینم منیم اربابیم حسیندی سجده ائدرم قبله و محرابیم حسیندی ویرانه ی دلده گهر نابیم حسیندی دل باغلاموشام عشقینه دلداریم حسیندی من مست حسینم منه مستانه دئیللر یاننام شرر عشقیده پروانه دئیللر دیوانه دئیللر منه دیوانه دئیللر هئچ کیمله ایشیم یوخدی سر و کاریم حسیندی چوخلار منی بو دهریده نفرتله آتاللار یولداشلار اولوب یاد منی اغیاره قاتاللار دنیانی سئونلر منی دنیایه ساتاللار قوی مدعی ساتسین کی خریداریم حسیندی ای مدعی اول دست توانا سنون اولسون سیم و زر و زور هامیسی یکجا سنون اولسون یئر گوی سنون اولسون هامی دنیا سنون اولسون چوخ قاتما بو افکاریمی افکاریم حسیندی بوشلا منی اوز باشیمه رؤیا منیم اولسون محنت منیم اولسون غم عظما منیم اولسون دنیا سنون اولسون گل زهرا منیم اولسون گر بوشدی الیم گرمی بازاریم حسیندی یوخدور منیم عالمده اگر جاه و جلالیم نه پست و مقامیم نه ده بیر مال و منالیم دنیاده الیم بوش ، ولی راحتدی خیالیم محشر گونی الدن یاپیشان یاریم حسیندی من اوز شاهیمون جام جمین گورمسم ئوللم روحیم صولوب عیسایی دمین گورمسم ئوللم بو ایلده حسینون حرمین گورمسم ئوللم سلطان عطا بخش و مدد کاریم حسیندی ** علیرضا حضرتی (ناعمی) برچسب‌ها: علیرضا حضرتی ناعمی https://eitaa.com/kobradsg

حضرت زهرا (س) دوقوز ائیل خانه ی مولاده عزیز اولدی خانم باباسیندان صورا اما،سارالوب سولدی خانم گچدی خوش گونلری وای ،بیرده مریض اولدی خانم بو قدر عرض ایلیوم ،شهپری سیندی خانمون اود وئروب دست ستم ،درگهی یاندی خانمون

▪️السلام علیک یا ابا عبدالله الحسین(ع) آرام جانیم کربلا  روح وروانیم کربلا    سنده ‌یاتان قربانلارا قرباندی جانیم کربلا آی کربلا آی کربلا     آی کربلا آی کربلا  دردیم دواسی کربلا روحیم صفاسی کربلا هر درد بی درمانه وار سنده دواسی کربلا آی کربلا آی کربلا      آی کربلا آی کربلا مشکلدی درد فرقتون خاک شفادور تربتون  باشا یتیشدی عمروموز دللرده قالدی حسرتون    آی کربلا آی کربلا      آی کربلا آی کربلا  هر یرده سنسن صحبتیم  هجرانیوه یوخ طاقتیم   عمروم گلی اولدی خزان  هجرانیوه یوخ طاقتیم آی کربلا آی کربلا    آی کربلا آی کربلا  آرزو گلونی درمدیم  بیر مخمر اوسته سرمدیم    عمروم یتشدی آخره  من کربلانی گورمدیم آی کربلا آی کربلا    آی کربلا آی کربلا سنده حسینین قانی وار  یتمیش ایکی قربانی وار سنده اولونجه وار گوزوم   هجرانیوه یوخدور دوزوم اولسان اگر قسمت منه  دلده سنه وار چوخ سوزوم آی کربلا آی کربلا   آی کربلا آی کربلا   سندن حسین عطری گلور هجرونده گوزلر قان الور گورسم حسینین قبری   اوندا بو قلبیم دینجلیر   آی کربلا آی کربلا    آی کربلا آی کربلا     سنده سولوب دین گلشنی    عالم گنه خوشلور سنی خوشحالیوه اولسون سنون اولدون حسینین مرقدی آی کربلا آی کربلا آی کربلا آی کربلا         سنده حسینون اصغری   یاندی سوسوزدان لبلری قالدی اولونجه سینده  بیکس ربابون اللری  آی کربلا آی کربلا    آی کربلا آی کربلا سنده علی اصغر یاتوب هم قاسم و اکبر یاتوب  قولسوز کنار نهریده  عباس نام آور یاتوب ای کربلا آی کربلا   آی کربلا آی کربلا التماس دعا #امام_حسین_علیه_السلام #کربلا https://eitaa.com/kobradsg