مدح و میلادیه حضرت امام محمد باقر علیه السلام فرهادفکری اردبیلی سبک:سائلم قاپوندا... حجت الهی قدم قویدی بو جهانه شیعه ایستور آلسون آقا سندن عیدیانه یار و یاورون باقرا خدای تبارک اولسون بو ولادت باسعادتون چوخ مبارک اولسون نور چشم زهرا آدون شیعیانه جاندی عطر روی ماهون گوزل نکهت جناندی آتش فراقه دل زار شیعه یاندی جان فدالرون سویلیور ایندی عاشقانه بو جهانه قویدون قدم حجت الهی سنسن ای ولی خدا عالمون پناهی دهریده اولارسان آقا شیعه دادخواهی سنسن هر زمان بیزلره یار پشتوانه یمن مقدمونن اولوب یر یوزی گلستان آچدی گل چیچکلر اوخور قمری غزلخوان فخر ساجدینی ائدوبسن بوگون خرامان عشقون ایلیوبدی آقا سینه لرده لانه حکم علمی مولا یقین حقیدن آلارسان دهریده شکافننده ی علم حق اولارسان حاکمان لامذهبی تختیدن سالارسان جاودانه ساخلار سنون آدیوی زمانه ✨اَللّهُمَّ عَجِّل لِوَلیِّکَ الفَرَج✨

نقدری موجه گلسون گل  تماشا ائتمرم ای سو عطشدن اودلانیب یانسام دا  غوغا ائتمرم ای سو صولوب دور گلشنیم غمیم چوخدور منیم سوسوزدور اصغریم اگر چه دیل  دوداقیم اودلانیر سوز حرات دن اورکده دردیمی  اغیاره افشا ائتمرم ای سو نقدری ایچمییوبدی آلتی ایلییق اصغریم سندن اگر اولسم ده  نفسیمله مدارا ائتمرم ای سو نقدری خردا قیزلار الده سو جامی منی گوزلور بو داغلی  قلبیمی سنلن مصفا ائتمرم ای سو حسینون عشقینه دلبسته یم شاهیم امامیم دیر نه اولسا امری اجراسینده اما ائتمرم ای سو منی مامور ائدیب تنها سوا اول سرور دوران اگر مشکیم اولا سیراب دعوا ائتمرم ای سو اگر جنگه اجازه وئرمه دی بو قوللارا مولا اطاعت ائیلیرم آیری تمنا ائتمرم ای سو اگر اوخلار نشانه ائیلسه میدانیده مشکی گوزوم ده گئتسه گئتسین منکه پروا ائتمرم ای سو منیم دنیا و عقباده اقام دار و نداریم دی حسینین عشقینی جنتله سودا ائتمرم ای سو اگر گلسه منه شاماتیدن مینلر امان نامه وئریلسه  عالی منصب لرده  امضا ائتمرم ای سو حسینه نوکر اولماق هر ایکی عالمده فخریمدور بله بیر منصبی هیچ یئرده پیدا ائتمرم https://eitaa.com/kobradsg

#حضرت_ابوالفضل_ع #مرحوم_هادی_تبریزی و #مرحوم_فیروز_جوانشیر #خادم نقش اولونموش پیکری ، یر اوسته نقّاش آختارور ظلمیله قولسوز دوشن قارداشی قارداش آختارور مست و مخمور مِی پر نشأ جامِ اجل شاهِ عطشان ، مظهرِ ذاتِ خدای لم یزل حسرتیله سینه سی اوستونده بیر جوت قانلی ال سو کنارینده سینان ظلمیله بیر باش آختارور گه گلور ، گاهی دورور گوزدن توکور اشکِ ترین قلبِ عالم تک تزلزل ایلوری عرش برین باغرینا گاهی باسور تشنه علمدار اللرین چکماقا بیر باشه شاهنشاهِ دین باش آختارور انبیانی وادی حیرتده سرگردان ایدوب صبریله ایّوبی ، بو غمده اودور حیران ایدوب نکته عشقین ، بیان ، قرآندا الرّحمان ایدوب دین و قرآنه اولان بیر باشه شاباش آختارور گَتدی ناگه گوشینه بادِ صبا قارداش سسین گوردی سسلور داده تز گَل ای شهِ باز و پسین ویر کناره گوزلریمدن بو چولون خار و خَسین گُل جمالون دیدگانِ اشک خونپاش آختارور عشقده سیر ایتموشم چون تا به سر حد ّجنون اولموشام توپراقلار اوستونده ستمله غرقِ خون گَل سرافراز ائت منی ای مقتدای کاف و نون شاهِ عشقی ارتشِ عشّاقه بکتاش آختارور ای وجودِ اطهری باشدان باشا آیات نور ای ایدن موسی' کلیم اللهی سرگرمِ حضور باشیم اوستون ائت برادر مقدمونله رشکِ طور دلده ارنی ، طلعتون قولسوز بو قارداش آختارور من کیمی شیری ایدوب بو کوفیان بندِ کمند ایلیوبلر جسمیمی ظلمیله یرده بند بند گَل ایکی دنیا قوی اولسون بو شکسته سربلند سرشکست اولماق شکسته باشه اوباش آختارور سرزمینِ عشقده عشقونله من افسانیم شمعِ خلوتگاه سن سن ، من سنه پروانیم سن کیمی منده حسین دُردی کشِ میخانیم گَل کی مِی ایچماقه بو دلخسته یولداش آختارور عطریوی من آلموشام روز ازل پیمانه دن مست اولوب افتان و خیزان چخموشام میخانه دن ایندی کسمه لطفیوی سن من کیمی دیوانه دن بیر بهانه اهل کین ایتماقه پرخاش آختارور ناگهان عبّاسینی تاپدی شهِ کون و مکین سسلدی توکمه بیله گوزدن یوزه دُرّ ثمین آلدی سینموش باشی ، دیز اوسته شهِ دنیا و دین گوردی بلبل ، یاره لر گُل تک آچوب باش آختارور سیلدی اوّل حسرتیله قان دولان سقّا گوزون گوردی تا قارداش یوزون ، قارداش ایتوردی اوز اوزون صاق گوزون تاب ائتمدی گورسون یوموب فورا" گوزون بی سبب گوردی او صورتده او شه قاش آختارور صول گوزون آچدی او دمده تیر و پیکان خسته سی گوردی دیز اوسته آلوبدور باشینی دلبسته سی چون کمان امّا اولوبدور قامتِ نورسته سی وئرماقا سرلشکره زیبنده پاداش آختارور عرض ایدوب ای شهریارِ بی پناه قـٌل کفیٰ واردی میلون گر منیله قول بویون اولماقلیقا اللریم یوخدی ولی سن اللرین سال بوینوما گئت سنی بیر عدّه ایندی گوزده قان یاش آختارور کوفه اهلی ظلمیله بیر محلس شورا قوروب سو یرینه مشکیمی ظلمیله قاندان دولدوروب الده سو جامی رقیّه ایندی تلّ اوسته دوروب مشکیمی میداندا با آهِ شرر پاش آختارور بیر غلامِ درگهون واردی #جوانشیر  شهرتی بیرده مسعود قره گوز چوخدی دلده محنتی نظم ایدوب #هادی اودور بو قطعهء بی قیمتی اربعینی تلّ زینبده بو اوچ باش آختارور. https://eitaa.com/kobradsg

در فراق یار (من کلام : فرهاد فکری) سبک : گلپونه ها یابن الحسن دلبند طـاها پور عـلی فـرزنـد زهـــرا سنسیز دونوب قانه اورگلر گــوزلـور سنی اهـل تولا یابن الحسن یابن الحسن تیز گل آماندی یابن الحسن یابن الحسن تیز گل آماندی هجرونده عـالم آغـلور ای عــالـمـین پناهـی عشق اهلی نین غمونـده عرشه چاتوبدی آهی عجل علی ظهورک عجل علی ظهورک ای دلبر صـاحـبـدلان گل یامهدی صاحب زمان گل سن بیل آنون زهرا آماندی هجرونده اولدوخ باغریقان گل سنسیز آقـا ٬ آغلور فلک ٬ قاندور اورگلر یرده بشر ٬ آغلور سنه ٬ گـویده ملک لر ویرّوخ قسـم حسینه سلـطـان مـشـرقـینه گل قانین آل حسینـین ای یـوسـف مـدیـنـه عجل علی ظهورک عجل علی ظهورک ای مظهر خلاق سبحان سن سن پناه بی پناهان گل عالمی ایله چراغان گوندن ایشیق رخساره قربان صاحب لوا ٬ یابن الحسن ٬ تیز گل آماندی روحه صفا ٬ یابن الحسن ٬ تیز گل آماندی بیرگون ظهـور ایدرسن جمعه گـونی گلرسن زهـــرا قـانین آلارسان قبرین نشان ویررسن عجل علی ظهورک عجل علی ظهورک ای منجی عالم آقا گل ای قــــائــم آل عبا گل سنسیز آقا دنیا یالانـدی عالم اولوب ماتم سرا٬گل گوزلور سنی ٬ دنیا آقا ٬ تیز گل آماندی گـل دردلــره ٬ ایله دوا ٬ تیز گل آماندی سـن نور کـبریاسن فـرزند مــرتـضـاسن خـتــم پیمبر اوغلی هم ختم الاولیاسن عجل علی ظهورک عجل علی ظهورک ﷽🍁 ✨ اَللّهُمَّ عَجِّل لِوَلیِّکَ الفَرَج✨💫

🌹#ولادت_امام_محمد_باقر_علیه_السلام 🎼#سبک_همه_جا_بروم_به_بهانه_تو 🌹#سرود_ترکی ✍شاعر: زنده یاداستاد فرهاد فکری اردبیلی 💫💫💫💫💫💫💫💫 مژده ای عاشقان گل آچدی گلستان گوزوز آیدین اولا دلبر ائلدی عیان بلبل لر اوخور زیبا ترانه محمد باقر گلدی دنیایه 🔷میلادون آقا بادا مبارک 🔶ادرکنی مولا بادا مبارک یوزی آی پاراسی گوزلدی سیماسی پیمبر نوه سی  زهرانون بالاسی قلم قاشلاری طاهایه بنذر گوزل گوزلری زهرایه بنذر 🔷میلادون آقا بادا مبارک 🔶ادرکنی مولا بادا مبارک 💫💫💫💫💫💫💫💫💫 قرادی گیسولر  خنجردی ابرولر یری وار دوغراسا اللرین مه رولر چوخلار گئدوبلر عشقون بادینا مین لر زلیخا قربان آدینا ملک لر یکسره  اندی گویدن یره تهنیت دئدیلر شوقیله بیربیره 🔷میلادون آقا بادا مبارک 🔶ادرکنی مولا بادا مبارک 💫💫💫💫💫💫💫💫💫 بزیون دنیانی عالم امکانی مشتولوق آپارون سسلیون زهرانی میلاد مولا لطف ازلدی محمد باقر دنیایه گلدی گل آچدی چیچکلر شاد اولوب اورکلر قنداقین آرایه  آلدیلار ملک لر دئدیلر ای حی تبارک مقدم باقر اولسون مبارک 🔷میلادون آقا بادا مبارک 🔶ادرکنی مولا بادا مبارک ﷽🍁 ✨ اَللّهُمَّ عَجِّل لِوَلیِّکَ الفَرَج✨💫

‍ ‍ ✅یوسف عشق(مناجات با امام زمان عج ) ✍مجید قلعه بیگی (فقیرخویی) ✅ ترکی ای فاطمه نین فرزندی وی قلبلرین پیوندی         ایللردی گوزوم یول گوزلور       گَل شیعه لرین دلبندی یورولموشام بو هجره مهدی--- هایانداسان وفالی تز گل اورك تلاطم ایلیر آخر--- گوره او گول جمالی تز گل (آغام آغام آغام آغام ای سنه فدا آتام آنام ای )     هجرین منی دلدن سالدی آرامیمی الدن آلدی       ناله مده اثردن دوشدی       گوز گوشهٔ درده قالدی دوزنمورم فراقه مهدی---هایانداسان عزیز زهرا قوتار بو موسم فراقی--- یورولموشام بو غمده مولا          ✅ فارسی گر غرق گناهم پستم بر لطف من دل بستم     از جام مئی لبهایت     تا آمدنت سرمستم بیا بیا‌بجان زینب--- دل شکسته را جلا دِه امید من مرا دوباره---برات خاک کربلا ده ای از همه گل زیباتر در کلّ جهان تنهاتر     میسازی و ما میسوزیم      دل خون شده و مینا تر دگر برُیدم از فراقت--- امید عاشقان کجایی طلب کن از خدای رحمان--- بحق فاطمه بیایی            مولا مهدی-مولا مهدی ﷽🍁 ✨ اَللّهُمَّ عَجِّل لِوَلیِّکَ الفَرَج✨💫

گوزونن کیم ورب پیکان آی قارداش مداح: عبدالله داداشی گوزونن کیم وروب پیکان آی قارداش آخور پیکان یریندن قان آی قارداش ابوالفضلیم ابوالفضلیم ابوالفضل(۲) گوز آچ عباس منی قویما آواره گیدک چاره اله ویلان قیزلاره ئوزون آواره قیزلاره قیل چاره بو چولده قالدلار ویلان آی قارداش گوزونن کیم وروب پیکان آی قارداش آخور پیکان یریندن قان آی قارداش ابوالفضلیم ابوالفضلیم ابوالفضل(۲) باشون قانی آخوب گوزلرون باغلا گوزون باغلادوقیجا قلبیم داغلا گوز آچ باخ گور باشون اوسته کیم آغلار دیر جان جان دیر لای لای آی قارداش گوزونن کیم وروب پیکان آی قارداش آخور پیکان یریندن قان آی قارداش ابوالفضلیم ابوالفضلیم ابوالفضل(۲) حسینم من سوالیم وار فاش ایله گوز آچ بیر باخ دونوب گوز یاشیم سیله نجه دوشدون آت اوستوندن سن بیله بو السیز پیکره قربان آی قارداش گوزونن کیم وروب پیکان آی قارداش آخور پیکان یریندن قان آی قارداش ابوالفضلیم ابوالفضلیم ابوالفضل(۲) ﷽🍁 ✨ اَللّهُمَّ عَجِّل لِوَلیِّکَ الفَرَج✨💫 👇👇

‍ زبانحال حضرت ام کلثوم سلام الله علیها در حال احتضار حاج رسول امینی خویی عمروم یاخنلاشیبدور یتسین تمامه قارداش پیک اجل گلونجه گل سنده شامه قارداش سن گلمسن یقین بول هجران اوتوندا یانّام بولسم گلن دقیقون جان ورمرم دایانّام ئولسمده سن گلنده تشییعیمه اویانّام ال سینده اوتورّام عرض سلامه قارداش عاشور کربلادن سندن آرالیام من هیچ بولمورم دیاریم هاردا هارالیام من قارداشلاریم ئولندن دلدن یارالیام من دوندردی گوندوزومی غم غصه شامه قارداش من بلبل حزینم گولسیز چمنسیز ئوللم آیری دوشوب وطندن ایلسیز وطنسیز ئوللم اورگشمیشم حسینیم سندن کفن سیز ئوللم اگنیمده واردی سندن بیر قاره جامه قارداش یوخ طاقت و توانیم از بس که خسته یم من مانند پر شکسته بلبل قفسده یم من یتمیش جانیم دوداقه آخر نفسده یم من حتی دلیم دولانمور نطق و کلامه قارداش غربتده آشنام یوخ آغ زلفیمی داراسین ایتسین وطندن آیری یالقوزلیقین چاراسین گل الممیش اوپوم من قلبونده اوخ یاراسین یتسین سنونده بلکه عطرون مشامه قارداش هر بیر زمان افقدا اولسا دومان آی اولماز غم چولقویار فضانی گوزلر یاتار های اولماز بایرام گجه لرینده قارداشسیزا پای اولماز قارداشسیزی بولورسن یتمز مرامه قارداش اگنوندن اولما قارداش رخت وفا سویوبسان هجروندن من غریبی آغلار ملر قویوبسان گیرم که سن باجوندان السون باجون دویوبسان چوخ یازمیشام دالینجا اشکیله نامه قارداش سندن صورا سوزوم یوخ چوللرده قالموشام من چوخ دلخوشام قیامون اوسته اوجالموشام من الآن دونوب کماله قدیم قوجالموشام من یوخدور دوتان الیمدن قالخام قیامه قارداش ﷽🍁 ✨ اَللّهُمَّ عَجِّل لِوَلیِّکَ الفَرَج✨💫 👇👇

زبانحال به حضرت ابوالفضل (علیه السّلام)   ای جمالی چرخ ولایتین نیّر درخشانی سیّدی لطف ایله خسوفه دوشن آیی قیل دوباره نورانی سیّدی   ای بو گون سپهر امامته عارضی درخشنده آفتاب اقتضای خلقتدی بو که آی نورونی ایدر گوندن اکتساب کسب نور ایدر دوتقون آی نجه اولسا قان سحابی اگر نقاب لیک بیرجه بو درد مشکلون گلماقوندی درمانی سیّدی   قان اولان گویول ویرموری رضا سالماقا سنی گرچه زحمته افتخار ایدردیم موفّقم آستان پاکوندا خدمته ایلیوم نه چاره اولوب سبب کثرت علاقم بو دعوته سن اوزون بولورسن غلاملر چوخ سویه لّه مولانی سیّدی   ایتمورم تاسّف که آز قالور پیکریمدن آیری دوشه باشیم یا غم ایتمورم ال گیدوب دونوب ظلم الیله القانه گوزیاشیم فکریمی پریشان ایدوب بو غم دشمن ایچره تک قالدی قارداشیم ممکن اولمادی سندن ایلیم دفع شرّ اعدانی سیّدی   گرچه دعوتیم زحمت آرتیرار پیشگاه والا مقامیوه درد انتظاره دوزنمورم آند اولا مقدّس مرامیوه مایه ی شرفدی عنایتون جان ویرن زمانی غلامیوه خاکساریوه ایله لطفیوی صون نفسده ارزانی سیّدی   ای مراد عالم مریدیوین وار سنه ریاسیز ارادتی بو ارادت خالصانه دن تاپموشام بو شان و شرافتی سن کیمی وجود معظّمین وار منه مقام سیادتی نوکرم سنه، کلّ عالمه ویرمرم بو عنوانی سیّدی   دوزدی کلّ عالم بولور سنون بحر لطفیوین یوخ کرانه سی سنده آشکارادی هر زمان فیض و رحمت حق نشانه سی سندن استعانت دگل مگر وجه حقّی گورماق بهانه سی مقدمونده جان آفرینه گل ایلیوم فدا جانی سیّدی   گرچه من سنون فضل و لطفیوین سایه سینده عشّاقیدن باشام بدو خلقتیمدن مریدیوم عاشقم صداقتلی یولداشام اذن ویرمه سیدی آنان اگر من سنه دیمزدیم که قارداشام اوز گوزومله گوردوم ولی بو گون لطف خیر نسوانی سیّدی   اونداکی ایشیم دوشدی مشکله مندن آخدی سو تک دِما یره اوخلانوب سو مشکیم توکلدی سو، ال گیدوب یخلدی لوا یره ویردی بیر خانملیق نشان آنان من دوشنده آتدان اخا یره گورجاقین او لطفی چخارتموشام فکریدن بلایانی سیّدی   تا منی او احوالیله گوروب خیرة النّسا بضعة الرّسول چوخ محبّتیله آچوب قولون سسلدی گل آغوشیمه اوغول من ولی یارالی گوروب اونی ایلینمدیم دعوتین قبول من اونا، اودا آغلادی منه توکدوق اشک سوزانی سیّدی   گرچه من ایشیتمیشدیم ای اخا بیعت اوسته سیلی حکایتی بولمه میشدیم امّا نه حدّده وار او بیحیانون جنایتی گوردوم آخِر عمرمده وای منه آی یوزونده نیلی علامتی باشیمه دولاندوردی گورماقیم عرصه گهده دنیانی سیّدی   ای اولان پناهنده سی جهان آستان عالم پناهیوین وی همیشه اهل ولا اولان حسرتینده رحمت نگاهیوین گر قصوری اولسا گذشت ایله خدمتینده میر سپاهیوین چون کریم مولا گذشت ایدر عبدین اولسا نقصانی سیّدی   گرچه من بو صحرای عشقیده هجر و وصل دمسازیم اخا عرصه گاه خدمتده دینیمون بیر وفالی سربازیم اخا منصب سقایتله لطفیوین سرخوش و سرافرازیم اخا حیف اولا سوسوزلاردان ایتدیلر شرمسار سقّانی سیّدی   صون نفسدیم داده گل اخا قویما چوخ گوزوم قالسون انتظار لشکر جفا چوخ تلاش ایدور باشیمی بدندن ایده کنار شمع رویوون آرزوسینه بو یارالی، پروانه تک یانار گل گوره باشین اوسته بو «حزین» جان ویرنده جانانی سیّدی   مرحوم حاج حیدر خسروشاهی ✨ اَللّهُمَّ عَجِّل لِوَلیِّکَ الفَرَج✨💫