🍁 🍁 بشرده اولماسا ایمان عبادت غیر ممکندی تکامل تاپماسا انسان سعادت غیر ممکندی تکامل خود شناسی معرفتدور ذات اعلایه بدون معرفت الحق هدایت غیر ممکندی تکامل فهم قرآندور تکامل عشق مولادور ولایت سیز اولان شخصه شفاعت غیر ممکندی بویورموش حضرت مولا واوصیکم بتقوی الله گر اولساخ فاقد تقوا دیانت غیر ممکندی علیدور مرشد اعظم علیدور عادل واعلم علی حاکم اولان یرده خیانت غیر ممکندی اولوبدور اولین اختر امامت آسمانینده اونا عاشق اولان دلده حسادت غیر ممکندی بویوردی حضرت طاها علینون عشقی جنتدور علی بغضی اولان دلده طهارت غیر ممکندی حسین آلمیش شجاعت درسینی فتاح خیبردن شجاعتلی اولان شخصه حقارت غیر ممکندی شهادتدور حسینین نهضتینده اولین مبنا بو نهضتده جلالت وار ضلالت غیر ممکندی اولوبدور کربلا دانشگه ایمان و آزادی اولا هر یرده حریت اسارت غیر ممکندی اوجا صوتیله مقتلده بویوردی سید الاحرار یزیدین اولماسا دینی خلافت غیر ممکندی یازاندا کیمیا اشعاریوی اللهه خاطر یاز رضایت اولماسا حقدن عنایت غیر ممکندی #خادم آستان اهل بیت عصمت طهارت دوست عزیزم 🍁 #حاج بهروز کیمیا ✨اَللّهُمَّ عَجِّل لِوَلیِّکَ الفَرَج✨💫

#حضرت_ابوالفضل_ع #مرحوم_هادی_تبریزی و #مرحوم_فیروز_جوانشیر #خادم نقش اولونموش پیکری ، یر اوسته نقّاش آختارور ظلمیله قولسوز دوشن قارداشی قارداش آختارور مست و مخمور مِی پر نشأ جامِ اجل شاهِ عطشان ، مظهرِ ذاتِ خدای لم یزل حسرتیله سینه سی اوستونده بیر جوت قانلی ال سو کنارینده سینان ظلمیله بیر باش آختارور گه گلور ، گاهی دورور گوزدن توکور اشکِ ترین قلبِ عالم تک تزلزل ایلوری عرش برین باغرینا گاهی باسور تشنه علمدار اللرین چکماقا بیر باشه شاهنشاهِ دین باش آختارور انبیانی وادی حیرتده سرگردان ایدوب صبریله ایّوبی ، بو غمده اودور حیران ایدوب نکته عشقین ، بیان ، قرآندا الرّحمان ایدوب دین و قرآنه اولان بیر باشه شاباش آختارور گَتدی ناگه گوشینه بادِ صبا قارداش سسین گوردی سسلور داده تز گَل ای شهِ باز و پسین ویر کناره گوزلریمدن بو چولون خار و خَسین گُل جمالون دیدگانِ اشک خونپاش آختارور عشقده سیر ایتموشم چون تا به سر حد ّجنون اولموشام توپراقلار اوستونده ستمله غرقِ خون گَل سرافراز ائت منی ای مقتدای کاف و نون شاهِ عشقی ارتشِ عشّاقه بکتاش آختارور ای وجودِ اطهری باشدان باشا آیات نور ای ایدن موسی' کلیم اللهی سرگرمِ حضور باشیم اوستون ائت برادر مقدمونله رشکِ طور دلده ارنی ، طلعتون قولسوز بو قارداش آختارور من کیمی شیری ایدوب بو کوفیان بندِ کمند ایلیوبلر جسمیمی ظلمیله یرده بند بند گَل ایکی دنیا قوی اولسون بو شکسته سربلند سرشکست اولماق شکسته باشه اوباش آختارور سرزمینِ عشقده عشقونله من افسانیم شمعِ خلوتگاه سن سن ، من سنه پروانیم سن کیمی منده حسین دُردی کشِ میخانیم گَل کی مِی ایچماقه بو دلخسته یولداش آختارور عطریوی من آلموشام روز ازل پیمانه دن مست اولوب افتان و خیزان چخموشام میخانه دن ایندی کسمه لطفیوی سن من کیمی دیوانه دن بیر بهانه اهل کین ایتماقه پرخاش آختارور ناگهان عبّاسینی تاپدی شهِ کون و مکین سسلدی توکمه بیله گوزدن یوزه دُرّ ثمین آلدی سینموش باشی ، دیز اوسته شهِ دنیا و دین گوردی بلبل ، یاره لر گُل تک آچوب باش آختارور سیلدی اوّل حسرتیله قان دولان سقّا گوزون گوردی تا قارداش یوزون ، قارداش ایتوردی اوز اوزون صاق گوزون تاب ائتمدی گورسون یوموب فورا" گوزون بی سبب گوردی او صورتده او شه قاش آختارور صول گوزون آچدی او دمده تیر و پیکان خسته سی گوردی دیز اوسته آلوبدور باشینی دلبسته سی چون کمان امّا اولوبدور قامتِ نورسته سی وئرماقا سرلشکره زیبنده پاداش آختارور عرض ایدوب ای شهریارِ بی پناه قـٌل کفیٰ واردی میلون گر منیله قول بویون اولماقلیقا اللریم یوخدی ولی سن اللرین سال بوینوما گئت سنی بیر عدّه ایندی گوزده قان یاش آختارور کوفه اهلی ظلمیله بیر محلس شورا قوروب سو یرینه مشکیمی ظلمیله قاندان دولدوروب الده سو جامی رقیّه ایندی تلّ اوسته دوروب مشکیمی میداندا با آهِ شرر پاش آختارور بیر غلامِ درگهون واردی #جوانشیر  شهرتی بیرده مسعود قره گوز چوخدی دلده محنتی نظم ایدوب #هادی اودور بو قطعهء بی قیمتی اربعینی تلّ زینبده بو اوچ باش آختارور. https://eitaa.com/kobradsg