روضه حضرت علی اکبر(ع) عشق میثاقینده مستم بی قرار رگلریمده مرتضانون قانی وار حق دیوب ابلیسی دلدن سالمشام جنگه من عباسیدن درس آلمشام شعر عزت ذکرینه هو دور منه خیمده زینب دعا گودور منه لقمه منقار طوطی قند اولار گر شجاعتدن دیم مین بند اولار دم غنیمتدور گلون دل داغلیاخ یوسف لیلایه باهم آغلیاخ غم سوزون لوح دلیمده قازمشام اکبرین جان ویرمگیندن یازمشام قان ایچینده گوردی او حال قیام تشنه عاشق یارینه ویردی سلام درک ایدوب مولا سلام اکبری آچدی عنقا مثلی فورا شهپری حقدن امداد آلدی دل تسکینینه گلدی اسماعیلینون بالینینه گوردی قان دریاسینه گوهر دوشوب تپراقا تصویر پیغمبر دوشوب حقی شاهد دوتدی ئوز احوالینه باشلادی سعی و صفا اعمالینه جان ویروب دست کرمدن تپراقا یوز قویوب یدی قدمدن تپراقا دل ایوینده لاله غم بسلدی هر سوروندوخجا اوغول وای سسلدی پرده چکدی دود آهی گوندوزه باغبان قویدی گلویله یوز یوزه (یوزون قویدی ، یا ولَدی عَلی؛ عَلَی الدُّنیا بَعدكَ الْعَفا ولَدی) اکبرین حیران باخور گوز قاشینه وای دیدی دهرین کول اولسون باشینه سسلدی ای عمرومون سرمایه سی عشقیمون اولدون گوزل پیرایه سی مرتضانون روحی سویلر آخ منه اوت دوتوب قلبیم گوز آچ بیر باخ منه (یوزون قویدی اوغول جنازه سینه هردن بیر گوز آلتی باخور خیمه لره یعنی ابوالفضل اوغلوم ئولوب آی قارداش ) هانسی مشکلدی بودرده چاتا آلسون آغوشه اوغول نعشین آتا شیشه آمالی داشه چالمشام دیزلریم تیترور عصاسیز قالمشام #اکبریه https://eitaa.com/kobradsg

#اوخشاما #حضرت_علی_اکبر(ع) سینه سی اوسته سوروندی سسلدی ایوای بالا گه دیدی ایوای بالا گه سسلدی لای لای بالا یاتما یرده دور ایاقه دوت الیمدن آی بالا من گلنده سن کی یاتمازدین نیه یاتدین بالا قول قابرقاسی سنان زهرانی آغلاتدین بالا #اکبریه بانوای: کربلای بهنام تخت مینا تبریزی

اوخشاما از زبان حضرت صغرا(س)به حضرت علی اکبر(ع) غریبلیگون چتین اولور آخشامی آخشاملار جالانور صبریمین جامی تاری بولور نه چکمیشم بایرامی عزیز گوندور دیدیم اورک دینجلر اکبریمنن منه بایراملخ گلر سالدون ولی سنده منی نظردن نه ئوزون نه نامه ن گلدی سفردن دالی قالدیم او گوردوگوم گونلردن غم آفتی وروب سارالدیم سولدوم ایراق اولسون منده قارداشسیز اولدوم آغلار منه داغ داشلار ای... گدیب باجی قارداشلار ای... بولمم هاچان الهی اکبر گلیب طوی باشلار (علی سن گدنن اله طوی اتاقوی تمیزلیرم سیلیرم سوپورورم آخی باجنین آرزوسیدی قارداش طویون گوره) هجرونده آغلارام من جهانی داغلارام من بوش قالان اتاقوین قاپوسون آی... هی آچوب باغلارام من #اکبریه #زبانحال_حضرت_صغری #زبانحال_صغرا_س بانوای استاد حاج جعفر ایمان نژاد اردبیلي https://eitaa.com/kobradsg