بانوای عبداللهی =====👆 السلام علیک یا امام رضا (ع) یاضامن آهو مدد قبر پاگون عجب باصفادی هم بیزه مکه دی کربلادب سن کرم صاحبی بیزده زائر گور الی بوش قیدصاق روادی جان رضا جان رضا جان رضاجان اوگوزل قبره قربان رضان ۲بار ای رضا قلبی زاره صفا وئر درد بی درمانا سن دوا وئر ای خانم فاطمه نون بالاسی وار قاپوندا مریضون شفا وئر کیم چاغیرساسنی داده مولا ال دوتارسان بودنیاده مولا ویر بیزه کربلانین براتین تل زینب دوشوب یاده مولا

« جانم یا رضاجانم » . مصیبی تبریزی . ای شاه حریم طوس شهلر قاپیوا پابوس سن سن شرفین کانی شمسُ الشّرفه مانوس . . . دیباچۀ حکمتده تفسیر معانی سن حیثیت اسلامه جدّون کیمی بانی سن جراتده شهامتده بیر حیدر ثانی سن آداب و کمالیندن ذات ادبین ملموس . . . مولا گوزل عنوانین منهاج مدارجدی لطف و کرمین آقا آفاقیده رایجدی سن بیر کسه نائب سن کیم باب الحوائجدی بغدادیده اون بیرایل زنداندا قالوب محبوس . . . فردوسه گوزل صحنون تشبیه ائلَسم من گر بو سوزده اولارایراد قبروندی سنون برتر حسرتدی او ماوایه خلد و فلک اخضر ای مرحمتین کانی تخت شرفه مجلوس . . . ای قائمه خلقت دارا شرف و جاهه سکّان سما حیران ،اول مأمن و خرگاهه حسرتدیله بیردفعه یوز سورته له درگاهه بنیان حریمیندور تا روز ازل مرصوص

روضه حضرت ابوالفضل(ع) برج محنتده کی اولدوزلارمون وای گونونه قورخولی چولده آدامسیزلارمون وای گونونه سایوه دالدالانان قیزلارمون وای گونونه صف عشقه دوزولنلر سنه قربان یارالی الی الدن اوزولنلر سنه قربان یارالی مایلم نطقوه گفتاریوه قارداش ده منه قلبیوین دردینی اظهار ایله قارداش ده منه دمبدم آدیمی تکرار ایله قارداش ده منه چرپنان قلبیمون آرام ایله چرپنماقینی بیلیمون بلکه یادیمدان چخادام سنماقینی من حسینم غم هجرونده یانان قارداشوام نوجوان اوغلی ئوُلن قدّی کمان قارداشوام دامنی خیمه ده اللرده قالان قارداشوام گوزیوین قانینی حسرتله سیلن قارداشوام قوجا وقتینده علاجی کَسیلن قارداشوام نه قدر چوللری حیران دولانوم آه چکوم نه قدر اشک ملاله بویانوم آه چکوم نه قدر آتش هجرونده یانوم آه چکوم نه قدر قلبیمی پیکان مصیبتله یانوم نه قدر خیمیه بیر گونده جنازه آپاروم

Kobra Dsg: #راه_شام #زبانحال_حضرت_رباب_س رسم عالمدور گولی آفت خزان اِیلر علی گر گوله یِتسه خزان بلبل فغان اِیلر علی نوک نٕی ده ای منیم آفت گورن پَرپَر گولوم یا منی دیندیر جِدادن، یا دعا اِیله ئولوم گورسَنوب مَندن قصور آیا، بویور تا من بولوم ؟ کیم آناسیندان اورک دردین نهان اِیلر علی گل عذارینده واروندور قرمزی قاندان نقاب سَسلیرم سَس ویرمیسَن قلبیم اولور غمدن کباب بیر دئمورسَن آیریلقدان آز قالور ئولسون رباب عاقبت تیر غمون قلبی نشان اِیلر علی سن اوزون نوک جداده اِیلیسن طیّ طَریق عشقیوه حیران قالوب پیغمبر عهد عتیق منده عریان ناقه ده بحر مصیباته غریق صبریمی آخر مصیباتون تالان اِیلر علی اِیلوسن زمرهَ ملایکله جِداده قیل و قال ای منیم اِیستَکلی دلداریم اگر تاپسان مجال نیزه دن باخ گور نجّه، قَدیم اولوب هجرونده دال آیریلیق دردی یاماندی باغری قان اِیلر علی بولمزیدیم اوچ پر اوخ آمالیمی اِیلر هدر اوخلانارسان قلب میداندان گلر غملی خبر هیچ بولورسن اوخلانان دَمده اوغول چَکدیم نَلر ناگهان گوردوم که عَمه ن الامان اِیلر علی بیله فکر اِیتمه که من، سَن اوخلاناندا بولمدیم نچّه یول ئولدوم دیریلدیم کیم دِئیر من ئولمدیم کربلایه تا قدم قویدوم او چولده گولمدیم اِیستسه هر نِینَیه دور زمان اِیلر علی اوچ گیجه گوندوز او چولده اِیلدوخ آه و نوا سن سویا خاطر ولی من شدت غمدن بالا تیتریردی ناله میزدن سرزمین کربلا کیمسه بیز تک ناله اوچ گون، همزمان ایلر علی کربلاده سو دالیجا کیم دئیر که قاچمادیم یا غمونده تیر غم بو داغلی قلبه ساچمادیم نیسکیل اولدی باغلادیم قولارون امّا آچمادیم بو غمه دل داشدان اولسا گور توان اِیلر علی آلدی تا مَندن سنی اول سرور و سالار عشق باغرینا باسدی او لحظه قُلزم ذَخّار عشق باشلانوب سَنله دوباره گرمی بازار عشق عهدینه ایفا اِیدن سود و زیان اِیلر علی تا سَبوی عشقیله، ساقی مَستان اولدی مَست قانیوی آتدی گویه میداندا پیر می پرست لازمیدی اولسون امضا نامه روز اَلست هر گون آخشاملار شفق شرحین بیان ایلر علی التماس دعا 🙏

سبک: آلله گون باتدی شام اهلی یاتدی حاج #نادر_جوادی ای پاره پاره پیـــکر حسیـــــنیــم قاننان سالوبســــان بســـتر حسیــنیــــم هئچ لاله سیـــــــــــنون تک پرپر اولماز داشــلاردان سلطانـه بســـــتر اولمـــــاز ال باشدا قاشدیــــــم گلدیم هرایــــــه گـــوردم سالوبلـــار جسمـــــون آرایــه گویا گلوبــــدی حاجــــــی منایــه من باخـــــــدیم قربانلـــــوخ تـکی دوغـــراندون گــــــوردون مــنی غیـــرتدن اودلانـــــــــدون ای شمعه عشقـــــــه پروانه قارداش تل اوســـتن باخــــــــدیم میـــــــدانه قارداش گوردوم دوشوبســـــن طوفانه قارداش گــوردوم اوپور خنجرلر سیــــــنوندن اَل چکمـولَّــــر کافرلر سیـــــــنوندن نیـــــــه شمر سنـــــون کســدی بوغازیـــــــن آنام اوباشـــون چوخ چکـــوب نازیــــــن قویمادی سلطان قیلســــــون نمازین باخمــادی من اَسدیـــــم خنــــــــجر اَسدی قرآنیــــــن باشینی لب تشنه کســـدی بیر یاره واردی درمانی یوخدی درمانه قارداش امکانی یوخدی هرکس ویروبدی وجدانی یوخدی ســــن جان وئــــــرنده گویلر داغیــــلدی ارکان هستــــــی یکســــر داغیلــــــدی اخیامــــه بیــــرده لشگـــــر داغیلـــــدی قمچیــــلر قیـزلاری دیــــلدن سالدی بیـــــلمیرم هئچ کیم اولدی کیم قالدی باخــــــدیم نقـــدری دشت و فلاتـــه گــــوردوم بیرکس یوخ گلسیـــــن نجاته یوز دوندردیــم من نهر فـــــراته سـسلنــــــدیم هارداسان گل آی ابالفضل حسیــــنه سن گل دی لای لای ابالفضـــــــــل

#روضه_قتلگاه زینبم بلالیم اییییی اورکدن یارالیام اییییی یدی قارداشیم ئولوب قلبیدن عزالیم اییییی (خیمه لر یانور خانم زینب گوردی الله اوشاقلار قاچور چولره ) زینبم بیابانان لشکریمی آختارام خیمه لر یانان یرده معجریمی آختارام توسی دوتوبدی هریری والله کارخمشام من کی بئله خیال ایدورم کریلا یانور بیری دیردی گلون نهر علقمه گیدیون بیری دیردی گلون عممه کمک ایدیون قهرمان زینب اوچولده هیچ بلادن دویمادی آختاروب عریان بدن تاپدی نوادن دویمادی ئوز جاننان دویدی اما کربلادن دویمادی (بیر لحظه باخدی دیدی حسین هر نیسکیلیم اولدی هر مشکلوم اولدی دیدیم کاش ننم اولیدی اگر ننم اولسیدی بئله اولمازدی بولمورم زینب حسیینی نجور گوردی دیدی حسین یاخجی ننم اولمادی) گر جوان ئولدی ننم مقتل بلاسین گورمدی بیز باجی قارداشن هجران ماجراسین گورمدی زینبین شامین حسینون کربلاسین گورمدی یاخجی کی زهرا سینونده اوخ یاراسین گورمدی آلتی مین اوخ بیر یانا اوچ شعبه پیکان بیر یانا دیدی حسین بو اوخ ورانون الری دوشسون بیلگینن بو اوخ باجون کاش دییدی اورگینن هانسی اورگین قانی چخبدی کورگونن

#حضرت_ابوالفضل(ع) خط سیرینده حسین گوزله یولون صاق صولونی نوکرین دوز یولون اوستونده قویوبدور قولونی قارداشی ئولسه کیمین چون ایتیرر ئوز یولونی قویموشام قولاریمی یولدا علامت گله سن او علامتله گلن وقتیده راحت گله سن السیز اعضایه باخوب سعی اله دل داغلاما چوخ اشکیوی رنگی قاچان صورتیوه باغلاما چوخ خیمیه گیت باشیمین اوسته اوتوروب آغلاما چوخ بئلیوین سنماقینی یوخسا بوللر قارداش آغلاسان حالیوه میداندا گوللر قارداش

رحلت پیامبر(ص) در ۶۳ سالگی ،... شهادت آقا أمیرالمؤمنین امام علی در ۶۳ سالگی ،... شهادت شهید حاج قاسم سلیمانی در ۶۳ سالگی ، ... شهادت آیت الله سید ابراهیم رئیسی رئیس‌جمهور محبوب و مردمی در ۶۳ سالگی ، ... چه اسراری است تو این عدد ۶۳🌷🕊😭🇮🇷😭🇮🇷😭🇮🇷😭🇮🇷 شهادتت مبارک آقا سید ابراهیم... 😭🥀😭🥀😭🥀😭 روحشان در صَدرِجَنَّت شاد باد ، قصرِدین از علمشان آباد باد با قرائت فاتحه و صلوات #الّلهُمَّ‌صَلِّ‌عَلَی‌مُحَمَّدٍوَآلِ‌مُحَمَّدٍوَعَجِّلْ‌فَرَجهُم

🍂  حالات اربعین  🍂 غم کاروانی چاتدی گِنه غم   دیارینه زینب یتیشدی شاه شهیدان مَزارینه اَندی کجاوَه دَن یره چون بِنت مرتضی وئردی سلامی عرض ائلدی یَابنَ  مصطفی چاتدیم وصالووَه گنه ای شاه کربلا امّا بو نوعی هِچ دئمَزیدیم گوروش اولا زینب قالا حسینی اونون گُل کیمی سولا   واردور یری بو دَهریلَه بیرده باریشمیوم سان وئرسه نسگیلون نِجه قارداش آلیشمیوم قوریان دوداقلارین سوزونی قوی  دانیشمیوم گوز یاشیمی یارالارا دارو گتورمیشم ای تشنه جان وئرَن سن ائچون سو گتورمیشم سن تشنه لب جهانیدن اَل اوزموسن اَخا یورقون باجون گلوبدی فَراته باخا باخا زهرا نَنم هایاندادی ائتسون منی دعا خوشدور گُل حَیاتیمی ایندی اَجل دَره یللَر اَسنده آق ساچیمی  قبرووَه  سَره نیلوم زمانه ایستَدی ورسون بِله رَقم قوینومدا اَللریم گنه بو چوللَره گَلم بوچرخ کَج رَوش گوروم آخر اولا عَدم دست قضا بولَنده منه پای بولوب بِله سنده دعا ائله آنام اوغلی باجون ئولَه آخر وداعووَه گجه لَر سینه داغلارام گوزدَن سرشک هجرووِی رُخساره باغلارام سن کهنه کوینگی گینَندن من آغلارام مندن او گون دولاندی گوزون ساق صولا حسین ئولدوم دیریلدیم اوندا که دوشدون یولا حسین گئتدون سنی گورَنمَدیم ای شاه مشرقین تا اینکه قسمت اولدی گَلم مَقتله حسین گوردوم سالوبدی شمر دَنی دَهره شور وشین سینونده اوخلار اوستونه ظالم قویوب قَدم مَعناده معجرین  اَله  آلدی   جوان  نَنم طوفان قوپوبدی قاره یل اَسدی او مقتله توز قوزانوب هوایه سالوب یرده وَلوله زهرا ائوی یخیلدی دوشوبدور باشون اَله معراج ائدنده نیزه دَه اَفلاکی داغلادون من باخدیم آغلادیم منه باخدون سن آغلادون نَعشون قالوبدی یرده باشون دوشدی اَللَره آواره قالدی اوندا باجون دوشدی چوللَره تاپشوردوم اوردا گُل بَدنی   قارَه یللَره باشون جِداده یایدی او لَحن حجازووِی طوفان یاتوبدی توز بورودی گُل جنازووِی سوز چوخدی قوی دیوم سنه بو شام مِحنتین ویرانسراده  شام و     سحرلَر   مُصیبتین اوردا ایتیردیگیم گُلومون  غملی  صُحبتین باشون اِلیکه بیر گجه مهمان اولوب بیزه ئولدی رقیه شام غریبان اولوب بیزه اِسپهر عشقین اولدوزی آخر آخوب ئولوب غَمدن نشانه قلبینون اوسته تاخوب ئولوب زهرا باخیش بالام منه بیرده باخوب  ئولوب ویرانه ده قالوب  دُر اَرزنده گلمیشم بوشدور اَلیم مزارووَه شرمنده گلمیشم (نادر) یازاندا نسگیلووی یازدی نیمه شب دوتدی اونون وجودینی خلوَتده تاب وتب گویا بو شعری یازماقا اَمر ائتدی زینِ اَب زوّار اولانمادی گِنه قبرونده باش آچا نوحه دیلینده علقمه ساری قاچا قاچا 🥀🥀🥀🥀🥀🥀🥀🥀

کربلا سینه زنی شعراز:کربلایی آذرین خلخال ای تربتی قان کربلا‌ .... کانون طوفان کربلا خوش حالوه سنده یاتوب ‌... شاه شهیدان کربلا عالم بویی بو دهریده -هرلحظه اعجاز ایلوسن سن آسمان عشقیده . فخریله پرواز ایلوسن دنیایه کعبه ناز ایدور . سن کعبیه ناز ایلوسن بوفخروناز و عزته ... اعجازه قربان کربلا ای کربلا شاه حجاز اون گون سنه مهمان اولوب بوشرط مهمانی دگول گلزار دین سنده سولوب یتمیش ایکی مهمانوین قلبی قیزیل قاننان دولوب سنده اولوبدی حیدرین گلزاری تالان کربلا شبه پیمبر قانینه... ای کربلا سنده باتوب صدپاره جیسمی اکبرین .. قانلی عباده حمل اولوب خیمه سراده بینوا ...لیلانین آرامین آلوب باجیلاری عمه لری ... ایلوبلر افغان کربلا ای کربلا قان آغلادی .. بیر غمده حتی مجتبی آتلارایاقینده قالوب ... چون قاسم نوکدخدا اولدی عروسی دربدر ... یاخدی باشا قاندان حنا حتی سریه مادری ... اولموشدی نالان کربلا ای وادی غم کربلا دریای ماتم کربلا قانه دونوب اوصافوه بوغملی سینم کربلا دانشسرای مکتب اولاد آدم کربلا سنده خجالتدن آخور دریای علقم کربلا عباسینی قاندا گوروب .. شاه لب عطشان کربلا ای کربلا بیرغصه دن ارباب اولوبدی باغریقان حلق علی اصغر اولوب اوچ پر اوخا سنده نشان اولدی رباب بیکسین کاشانه عشقی تالان گونلر قباغینده قالوب آخر ویروب جان کربلا سنده حسینین اشقیا ... الف قدین دال ایلدی باشین کسوب شمر لعین بیرآیری جنجال ایلدی آتلار ایاقی جسمینی ظلمیله پامال ایلدی ایلوب تلاوت نیزه ده آیات قرآن کربلا اولدی امام مشرقین آل اللهه ال تاپدیلار شمرلعین حکم ایلیوب اخیامینی یاندیردیلار غارت ایدوبلر قیزلارین عرش اهلینی آغلاتدیلار قیزلار داغیلدی چوللره زار و پریشان کربلا

بلبل كيمي پرورده اولان گل بوداغيندا لاي لاي سَسينه اورگَشَن اكبر قوجاغيندا ياتدون نه طريقه ایله خرابه بوجاغيندا بيلسيدون اگر واردي قاباخدا بئله گونلر عادت ایلمزدون سنه لاي لاي دیسون اكبر توشدون بالا قوش تك پر آچان وقته كمنده هجرونده داخي قويمادي غم حوصله منده آينده ني بيلسيديم اگر شامه گلنده غم قافله سين نظم و نظامه گتيمزديم گر چاره‌م اوليدي سني شامه گتيمزديم

عشقینی ایثارینی دنیایه إعلان ایله دی کربلا دشتینده خَصمی قانه غلطان ایله دی مرحبا أم البنینه اوغلی طوفان ایله دی قوم خنّاسه دئدی راه خطایه گئتمه رم مین أمان نامه گله أربابیمی ترک ائتمَرم....

عرض ارادت به محضر حضرت ثامن الائمه امام رضا علیه السلام ای ضامن آهو اولان ای کان مروت بیر آهو حساب ائت منه ده ائیله عنایت وئر اذن گلیم محضریوه بیرده سلامه گوگلوم داریخیب قالمییب هجرانیوه طاقت روحیم تلسیر تا اوچا صحن و حرمینده قربانین اولوم قیل کرمیندن منی دعوت کامه چاتارام گر اولا بیلسم سنه مهمان گر ایلیه بیلسم سنی شرطیله زیارت دامانیوه گر چاتسا الیم ای گل زهرا اظهار ائده رم عشقمی ای کان ملاحت سن باب الحوائج بالاسی کان سخاسن سندن اولی سائل لره احسان و کرامت عالیم سن اوزون بوشدی الیم مستحقم من سینم دولودی دردیله گل ائیله طبابت هر چند گنهکارم اوزوم قاره ، غمیم یوخ حتما دوتاجاق دی الیمی قول شفاعت بو درگهین عاشقلریوه خلد بریندی هر کیم ییخیلب دی قاپووا تاپدی شرافت منده سنه گوز تیکمیشم ای ضامن آهو زهرا آناوون حقی منی ایله ضمانت #مدهوش ائیلیوب جلوه حسنون منی مولا الکن دیلیله ائیلییورم عرض ارادت

. . مرحوم شهاب تبریزی . ای گلستاندا اوز گُلینی آختاران باجی حیران دولانما چوللری ای مهربان باجی . گَل چک کناره اوخلاری ، نیزه سینقلارین گور جسمیمی نه حاله سالوب کوفیان باجی . آهسته آل کناریوه باشسیز جنازه می تا سرگذشتیمی سنه ایلوم بیان باجی . شمرِ لعین که سوسوز کسدی باشیمی اولدی زمینه سو کیمی قانیم روان باجی . بیر بیر لباسیمی بدنیمدن چیخاتدیلار بیر پیرهنده قویمادیلار شامیان باجی . قالموردی بیر زادیم داخی بجدل گلن زمان عور ایلمیشدی جسمیمی شمر و سَنان باجی . گلمیشدی بیر امیدیله مأیوس ائدنمدیم انگشتریمی بجدله ویردیم نشان باجی . معذورسن بو باره ده تک قویموسان منی سندن گلایه ایتمرم ای باغریقان باجی . بولدوم فراغتون یوخوموش بو گئچن گئجه اولموشدون اهل بیته اوزون پاسبان باجی . فکر ایلمه که یالقوزودوم قتلگاهده اولدی نچه نفر منی یاده سالان باجی . ائتدی وفا ایتورمدی عالَمده حقّیمی گلدی گئچن گئجه یانیما ساربان باجی . بیر ظلم قیلدی سالدی سماواته غُلغله فریاده گلدی ، هوله دوشوب قدسیان باجی . جدّیم ، آتام ، آنام ، او زمان قارداشیم حسن سَروَقتیمه یتیشدیله ناله کُنان باجی . قویسون آنام یوزین یوزومه اولمادی باشیم گئتمیشدی کوفیه گجه نی میهمان باجی . جدّیم محاسنین ، آغاران ساچلارین آنام ائتدیله قانمیله خضاب اُول زمان باجی . بیرده یارالی باشیمی زهرا سراغ ائدوب یوز قویدی کوفه جانبینه موکَنان باجی . خولی ائوینده تاپدی کول اوستونده باشیمی چوخ آغلیوب چوخ ایلدی آه و فغان باجی . کامه یتیشمسون گوروم عالمده خولینی وئرمیشدی باشیمه بو گجه بیر مکان باجی . لایق دَگیلدی فاطمه گئتسون ایله یره شرمنده ایلدی منی اول میزبان باجی . خولی ائوینده ائتدی باشیم آرزو سنی زهرایه بیر اولیدون اؤزون هم زبان باجی . سندن اگر چه بیر بو گئجه آیریلوب باشیم یاددان چیخاتمیوبدی سنی هیچ بیر آن باجی . نوکِ جداده شامه یتینجه سنیله وار سندن بیر آنی آیریلا ائتمه گمان باجی . سن کوفیه گیرنده چیخار پیشوازیوه نامهربان دگُل سنه ، ای مهربان باجی . ایمدی جِداده قانلی گوزوم گوزلوری یولون دور دوشگلَن یولا ، جگری قان اولان باجی . عریان جنازه مون بو قدر قالما فکرینه گونلر ایوینده قوی قالا بی سایبان باجی . بیر پارۀ حصیر اولی آخر کفن منه قبره قویار جنازه می بیر ناتوان ، باجی . بوندان صورا سن ایله گیلن اؤز خیالیوی ای سرو قدّی غصّه و غمدن کمان باجی . ابن زیاد مجلسی برپادی کوفه ده گئت سنده وئر او بزمده بیر امتحان باجی . چوخ بی حیالوق ائتسه زیاد اوغلی دؤزگیلن بادِ فنایه صبریوی وئرمه دایان باجی . ایلر یارالی باشیمه بیر ظلم او بی حیا جدّیم چکر او شومون الیندن امان باجی . گورسن فنار آلوب الینه ، باخما یوم گوزون چکمه نوا گر آغلاسان آغلا نهان باجی . ذلّت قبول ایلمه ، پوزما وقاریوی عجز ایلمه ، شماتت ایدر کوفیان باجی . ابنه زیاد مجلسنون ظلمینی گوروب گئتسون یزید مجلسینه ارمغان باجی . یتمز تمامه باشیمون آخر بلالری تا دگمسه دوداقلاریما خیزران باجی . ویردی بو سوزده مرشدِ کامل «شهابه» دم ای گلستاندا اوز گُلینی آختاران باجی . .

گوچ ازقتلگاه زبانحال حضرت زینب (ع) باجووام منلن دانش گوگلومی آل گئدیرم شام حسین دور یولا سال کاروان یولانیری اوریم اودلانیری جامه ای عشقوی من سویمامیشام عشقه نقصان یری من قویمامیشام بلوسن سندن حسین دویمامیشام گئمیرم شمر آپارور منی غوغایه سالور سن گئدندن بالالار وای دیوری هره بیر نوعلین ایوای دیوری آناسی اصغره لای لای دیوری سارالوب صولوب رباب اوریم اولدی کباب سنی زهرا انام عفو ایله منی تانموردیم بو یارالی بدنی آنامون عطری تاندیردی سنی یاخجی قارداش تانیدیم یوخسا سرگردانیدیم

Kobra Dsg: زبانحال حضرت زینب سلام ا... علیها 🔵🔵🔵🔵🔵 منم حیدر قیزی زیبا آدیم وار صفالی قلبیلر ایچره یادیم وار نَییم یوخدور منیم آخر جهاندا حسینیم وار منیم هربیر زادیم وار ««چاره سیز قالانلار/ دردیلن یانانلار سسله سین اورکدن/ زینب یا زینب»» ✅✅✅✅✅ منم زینب بلا مشتاقیم من ره عشق و وفاده باقیم من کیم ایستیر معرفت تاپسین حسینه مِیِ عشقِ حسینه ساقیم من ««چاره سیز قالانلار/ دردیلن یانانلار سسله سین اورکدن/ زینب یا زینب»» ✅✅✅✅✅ خُم محنتده مین رنگه بویاندیم دیمه امّا بلالردن اوساندیم جهاندا صبری من سالدیم ایاقدان بلا گلدوقجا من دوزدوم دایاندیم ««چاره سیز قالانلار/ دردیلن یانانلار سسله سین اورکدن/ زینب یا زینب»» ✅✅✅✅✅ منم زینب عزیز حیدرم من مطیع امر حیّ داورم من شریک اولدوم غم و آلامه دیلدن حسینه غم گونونده یاورم من ««چاره سیز قالانلار/ دردیلن یانانلار سسله سین اورکدن/ زینب یا زینب»» ✅✅✅✅✅ خدنگ محنته توش اولسا سینَن قوتاررام من سنی درد و مُحندن بوتون (بیکَسلره) یارو مُعینم کمکلیق ایستیون هریرده مندن ««چاره سیز قالانلار/ دردیلن یانانلار سسله سین اورکدن/ زینب یا زینب»» ✅✅✅✅✅ #حضرت_زینب_س التماس دعای فرج الاحقر مهدی عبادی ✨اَللّهُمَّ عَجِّل لِوَلیِّکَ الفَرَج✨

امّ‌المصائب حضرت زینب (س) زینبم من ئولمه‌میش دنیاده محشر گورموشم گوز آچاندان قلبیمی هر گون مکدّر گورموشم دورد یاشیمدا آتش ظلمه یانوب درگاهیمیز پشتِ در ده ناله ی جانسوز مادر گورموشم یرمی‌بش ایل غصّه‌دن دلخون اولوب مظلوم آتام عاقبت رُخسارینی قانیله احمر گورموشم اوندا که زهر جفائیله حسن مسموم اولوب لخته‌ لخته طشتده خونِ برادر گورموشم کربلا ده اولدی بیر طوفان که قان دریاسنه کشتی آل محمّد سالدی لنگر گورموشم آلتی قارداش قاره‌سین بیرگونده سالدیم باشیمه ئولمدیم قالدیم خدایا گور نه گونلر گورموشم شیر خواره اصغرین قانه‌ باتان قنداقنی قطعه ‌قطعه پیکر شبه پیمبر گورموشم من هیچ اوز اوغلانلاریمدان ایتمورم صحبت ولی قاسمون گول پیکرین یئر اوسته پرپر گورموشم گیردی دریایه ابوالفضلیم ولی سو ایچمدی سو کنارینده دوشن قولسوز دلاور گورموشم اللرینده بوش سو جامی دیللرینده العطش دختران حضرت ساقیّ کوثر گورموشم چون حسینی اهل‌ کین یخدی یارالی توپراقا سینه اوسته قاتلین من الده خنجر گورموشم اود دوتاندا خیمه‌لر قوپدی قیامت باشیمه آتش نمرود ده بیمار مضطر گورموشم غارته ال آچدی دشمن نازدانه قیزلاری وا علیّا وا حسینا دیلده از بر گورموشم قتلگاهه بیرده گلدیم دیده ی خونباریله دوره‌می دوتموشدی دشمنلر سراسر گورموشم اوندا که چکدیم کناره نعشی اوستن داشلاری سجده حالنده دوشن بیر جسم بی سر گورموشم ایستدیم بو سینمه بیرده قویام قارداش الین ظلمله اولموش جدا پیکردن اللر گورموشم کربلا دن آیریلاندا اود دوتوب اودلا نمشامم گون قباقنده قالان عریان بدنلر گورموشم قول بویون اولدی آتاسیله سکینه دورمادی تازیانیله آیردی قوم کافر گورموشم کوفه‌ده بش ایل خانملیقدان صورا یاللعجب قوللاریم باغلی باشیمدا کهنه معجر گورموشم شامده وا محنتا دروازه ساعاتده آشکارا انتقام بدر و خیبر گورموشم بوینوموزدا ریسمان بزم شرابه چکدیلر نانجیب اشخاصدن طعن مکرّر گورموشم حضرت سجادی قول باغلی غُل و زنجیریله حاکم جباریله دورموش برابر گورموشم بیر خرابه اولدی منزل عترت پیغمبره خشتی بالش ایتدیلر توپراقی بستر گورموشم جان ویروب اوردا رقیّه یاندیروب یاخدی منی یَثرِبه حسرت قالوب اول ماه منظر گورموشم بو بلالر حق یولوندا چوخ گوارا دور منه انهدام باطلی سنگر به سنگر گورموشم چون بیزه نوحه یازوب (( مشتاق )) سوز و آهله منده جنّتده اونا بیر قصر اخضر گورموشم ** علی اکبر فرجی هشترودی (مشتاق ✨اَللّهُمَّ عَجِّل لِوَلیِّکَ الفَرَج✨

گوز تیکیبدیر سنه قارداش، دم خنجر ده باشیم تیز ییتیش دادیمه قویما، قالا اللرده باشیم منه مین یاره دَگه، ایتمر‌م البته گیله قولسوز اولسامدا چتین دشمنه باشیم اگیله قلبیمین نذریدی بو باش قاباقوندا کسیله گل ایده حاجت قلبیمی، برآورده باشیم گر گولون شاخه‌سی صدمه گوره، خوش رنگی سولا نه قده‌ر دوز دوتاسان، گول آخینار ساغا سولا منه ده صدمه ییتیب، سیّدی! باشون ساغ اولا قالموری شاخی سینان گول کیمی پیکرده باشیم دیمیرم قارداشوام، عرصه ده سرلشگروم یا الیمده عَلمیم واردی عَلم پروروم منده گر سلطنت عالم اولا نوکروم خاکبوس اولماییب اولماز در دیگر ده باشیم سن بیلیر سن، سنه قارداش دیمه‌دیم اوز باشیما امر زهرادی کی زحمت ویریر‌م قارداشیما گل ایاقوندان اوپوم قوی الون السیز باشیما اولا تا آخر عمرینده نظرکرده باشیم تاپدیم اول گون که ولادت من ایا شاه زمن اوز قوجاغوندا گوز آچدیم، گل رخساریوه من نولا ایندی یومولان وقته گوزوم سن گله‌سن عرشه ناز اییلر اول دامن اطهرده باشیم گَل خجل اییله‌دی دونیا سویو، سرلشگریوی سربلند ایله سرافکنده اولان نوکریوی جان دوداقیمدادی، پیشواز ایلیر لبلریوی ایستیر عمرین ویره باشه، لب کوثرده باشیم من هُمای شرفم، حیف سینیب بال و پریم نه الیم وار نه عمودیم، نه بیر آیری کَسریم کاسۀ سر، کُلَه جنگیدی، سینم سپریم ایستیر‌م دهریده سرمشق اولا هر فرده باشیم گر چه ذبح اولماقا باشیم قاباقوندا تلَسَر خنجر قاتل اسنده اودا شوقیند‌ن اَسر وار نه جلّادیده جرأت، نه ده خنجر ده کسَر باخما السیزدی چتین ال ویره نامرده باشیم راضییم قاتل بیرحم ایله سنگین دل اولا پرده‌لی بیر طبق ایچره باشیما حامل اولا قالا بیر حاله باشیم، قان گوزومه حایل اولا گورمییه زینبی اغیار آرا بی‌پرده باشیم قورولان وقته حسین محکمه‌ی عدل و جزا هر شهید اوز باشی الده گله‌جک حشره اخا بیر شهید السیز اگر اولسا، ندیر چاره شها من نه نوعی اله آللام صف محشرده باشیم ای ابوالفضل لباسین دییشیب آل یزید جمع ایدیب سفرۀ احسانیله باشینه مُرید "منزوی" حقّ دانیشاندا ایلییر حمله شدید گوی چوگان تعدّی، اولوب اللرده باشیم ✍اثر طبع:مرحوم استاد حاج رحیم منزوی‌ اردبیلی