▪️زبانحال حسینیان ، هیئتی ها و مادحین و ذاکرین 🎼سبک: یا امام زمان شیعه ده احساسه باخ.. گلمیشم درگه اطهریوه یا حسین باخ بو گوزدن دوشن نوکریوه یاحسین آندوئروخ سنی اصغریوه یا حسین آندی وروخ سنی اکبریوه یا حسین من فدایم آقا حیدری احساسیوه قیل سفارش بیزی او شرف الناسیوه جان عالم فدا با ادب عباسیوه گئتدی سمت فرات یوز وئریب مشکلات وا حسینا وا حسینا نه گوزل امتحان فارس میدان وئریب سوکنارینده جان ساقی عطشان وئریب کسیلن قولّاری دردلره درمان وئریب دئدی آخ ای فرات ائتدی دریانی مات وا حسینا وا حسینا https://eitaa.com/kobradsg

🌺 سرود عید غدیر خم 🌺عید ولایت مولا علی(ع) ✍حاج رضا محمدی (ولایی) 🎼سبک: خادما گریه کنون صحن تو جارو میزنن... . یاعلی عید ولایتون مبارکدی آقا آقا بو جشن سیادتون مبارکدی آقا . آقا گر چا عاصیم آدوون فداسیم آقا عیدی وئر منه درگهوین گداسیم(۲) . جهان غرق صفادی٬ شب لطف و عطادی ئورک شایق دیدار ایوان طلادی (یا حیدر – یا حیدر)(۵) سن او سلطانسان آقا آدوه مولا یاراشار -سنه هم کفو اولا تا حضرت زهرا یاراشار . آندولا ئوز آدوه تا نفسیم وار دیرم -جانشینی پیمبر سنه تنها یاراشار .. دردیمون دواسی سن- گوزومون ضیاسی سن -بونا شیعه فخر ائدر سن بولارین آقاسی سن(۲) شهنشاه ولاسن٬ مه برج عطاسن٬ بودنیاده فقط سن٬ امیر لا فتا سن (یا حیدر – یا حیدر)(۵) ئورگیم ملکینه مولا سنی من شاه دییرم- نه سنه عادی بشر” نه سنه الله دییرم . تا وهابی گوزی چیخسون نفسیم وار نقدر -اشهد ان علیا ولی الله دییرم . شهریار لا فتی -شاه ملک هل اتی -او گوزل مرقدیوه شیعه لرین جانی فدا(۲) . گلوب بهر گدایی ٬بو عشاق«ولایی»٬ آقا ویر بیزه عیدی٬ اولاخ کرب بلایی (یا حیدر – یا حیدر)(۵) . ✨ اَللّهُمَّ عَجِّل لِوَلیِّکَ الفَرَج✨💫 https://eitaa.com/kobradsg

عید غدیر خم 🎙شاعر : محمد علی مصیبی تبریزی ✅✅سبک : چاره سیز قالانلار . . . مرحبا موسم خوبان یتیشدی جلوۀ رحمت رحمان یتیشدی موج ائدوب بحرعشق ومعنویت شیعه نین بایرامی یولدان یتیشدی ((عشق اولا حیدره-شاه نام آوره قویدی باشه بوگون- تاج ولانی)) قوزیوب اللرین ختم رسالت بیله فرمایش ائتدی؛ ای جماعت ایستورم نایبیم معلوم اولونسون کامل اولسون بوگون دین ودیانت ((حجّیدن گلنلر– رجعت ایلینلر بوردا تکمیل ائدون- سعی وصفانی)) سوزلریم سیزلره گوندن جلی دی مطلبیم دین حقّین اکملی دی من گئدندن صورا دار فنادن رهبر و سروریز تنها علی دی ((شیر یزدان علی- مردمیدان علی طلعتی محو ائدر-شمس الضحانی)) جلوه گاه حدیث لافتیٰ دی سرّ ِ معنای حُکم هل اتیٰ دی خلقتین علّتی مندن علاوه هم قیزیم فاطمه هم مرتضادی ((بیعتی سینماسا - درگهی یانماسا گل ستان ایلیر – کلّ جهانی)) حیدر آدیله چرپیندی ئورکلر لرزیه دوشدی نه طاقِ فلکلر نه فقط یئرده بو آد سسلنوردی سسلنوب بو آدی گویده ملکلر ((نیّربرج عشق - گوهر دُرج عشق آرتیروب دهریده -عشق وصفانی)) بو همان یَل یَل ِ اژدر بولن دی ضربت شستی بیرلشگر بولن دی وار یری فخر ائده شیعه جهاندا شاه و سرکرده سی خیبربولن دی ((مرحبا حیدره – فاتح خیبره آرتیرار گوزلره – نورو ضیانی)) نوگل روضه رضواندی حیدر غیرت و صولته برهاندی حیدر جنگ خندقده عَمر ِ بی حیانی توپراق اوسته سالان آتداندی حیدر ((بیشه نین شیریدی-شیعه نین میریدی صیحه سی سیندیرار – هر پهلوانی )) راه اسلامیده مُتقن علی دی جوشن ِعشق ائدن برتن علی دی موج توفندۀ دریای حقده پهلوان نهنگ افکن علی دی ((دم وئرن عالمه – زادۀ مریمه هر دمی گوندرر – درده ✨اَللّهُمَّ عَجِّل لِوَلیِّکَ الفَرَج✨💫 https://eitaa.com/kobradsg

#شام_غریبان #تنور_خولی خوش گَلوبسن بو گیجه شام غریبانه آنا آغلاما گلمه بیله ناله و افغانه آنا باشیمی قوی یره اولده ایاقوندان اوپوم تا قدم رنجه اولا سن کیمی مهمانه آنا دیده حَسرتیله باخما یارالی باشیما بَلشوب یاریمین عشقیله بو باش قانه آنا سو کنارینده اولوب ظلمیله بو ذِبحٍ عظِیم شامیان ویرمدی سو من کیمی قربانه آنا کربلاده سو سوزی اولموشیدی قیمت جان تشنه لب یولامیشام اکبری میدانه آنا عشقیله قاسمیم اَحلیَ مِنَ عَسَل وردیله چَکدی باشه می نابی دولی پیمانه آنا اللریم اوسته علی اصغریمی اوخلادلار جان و دیلدن یانیرام طفل لب عطشانه آنا اِیلدی قارداشیم عباس جهاد اکبر سو آلوب ایچمدی، جان ویردی یانا یانه آنا هر قولی دوشمشیدی بیر طرفه میداندا گتیروب قویدوم اوزون قولاری یان یانه آنا گه اوزون قولارا باخدیم گه اوجا قامتینه ویردیم اود سوز فراقیله دل و جانه آنا اوزگه احواله منی سالدی اونون درد و غمی ددیلر تاپشیروری جانینی جانانه آنا آغلیوردوم او دم اللرده ئولن قارداشیما نالم اود سالمشیدی عالم امکانه آنا سَسلیوردوم گوزون آچ یاتما بو قان ایچره اویان ناگهان چاتدی سَسیم زینب نالانه آنا سَس یِتیردی سَسیمه زینب همان بحبحه ده آتش شمعه اودا یاندی چو پروانه آنا عاقبت ترک اِیلدیم قانه بَلشمیش بدنی فرقتی ایتدی یانان قلبیمی ویرانه آنا آپاروب مشکین امانت باجیما تاپشیردیم اپارا یثربه اما بَلشوب قانه آنا عجب اسباب عزا ام بنینه آپارور گورسه مشکین اولاجاخ قلب ایوی غمخانه آنا ایوی آباد اولا دورت اوغلی اونون قان ویردی نخله ی پر ثمر دینیله قرانه آنا وار #عتیقین اورکینده هوس کرب و بلا بو سببدن اَلیر گوز یاشی دامانه آنا گوگلی ایستور که گلوب خیمه سراده دایانا عشقیله نوحه یازا آغلیا جانانه آنا

ورود ماه محرم .. .. .. عباسی معروفان اهری .. .. .. قلبیم اولوبدی مبتلا شاه ولانین عشقینه سینه ده چرپنور ئورک کرب و بلانین عشقینه .. .. .. عطر محرم آلمیشام اگنیمه قاره گیمیشم واردی ئورکده حاجتیم بزم نگاره گلمیشم من بو قرا علملری دردیمه چاره بیلمیشم سایه سینه سیخلمشام قانلی لوانین عشقینه .. .. .. شور و نوا سالوب گنه عالمه یاحسین سسی دوشدی دوباره دیللره ماه عزاده نوحه سی فاطمه نون عزیزینه قربان اولیدی شیعه سی قانه دونوب ئورکلری خون خدانین عشقینه .. .. .. یئر گینوب قرا اتک گویده ملک حسین دیور گل لری گرد غم دوتوب نازلی چیچک حسین دیور فاطمه نوحه باشلیوب ملک فدک حسین دیور جنّته ووردیلار علم صاحب عزانین عشقینه .. .. .. اون گون عزایه دعوتم فاطمه نین بالاسینا شکر اولا داخل اولموشام باشدا قرا عزاسینا اوخشیوب آغلیام گرک توختامیان یاراسینا درگهینه یخلمیشام منده دوانین عشقینه .. .. .. من آقامین غلامیم شیعه لرون آقاسیدی سائله حرمت ایلیر فاطمه نون بالاسیدی روحه صفا و جسمه جان جلوۀ کربلاسیدی عاشق کر ... https://eitaa.com/kobradsg

صحرا حسینه قربان دریا حسینه قربان مخلوق عرش و خلق دنیا حسینه قربان آدم حسینه قربان خاتم حسینه قربان آغلار گوزوم یانقلی سینم حسینه قربان مظلوم حسینیم ایوای مظلوم حسینیم ایوای قرآندا کاف و ها و عین و صاد یکسر هر سوره ماوّل هر آیه مفسّر هر جمله مدلّل هر کلمه مستّر فجرو ضحی و نجم و زیتون و تین و کوثر احقاف و هود رعدو اَسرا حسینه قربان مظلوم حسینیم ایوای مظلوم حسینیم ایوای سالسون نظر سراپا والعصرو مرسلاته منظور هل اَتایه مفهوم واقعاته هم یونس و مزّمل هم شان و ذاریاته معروف اولان حسیندور تفسیر نازعاته توراة حقّ النده موسی حسینه قربان مظلوم حسینیم ایوای مظلوم حسینیم ایوای تَنسیم و حوض و کوثر جنات و عدن و حورا قدوسیان اقصی سبّوحیان اعلا سکّو دیر و اَقنوم قِسیس و خاچ و ترسا بیت و صفا و زمزم رکن و حطیم و بطحا موعودگاه عید اضحی حسینه قربان مظلوم حسینیم ایوای مظلوم حسینیم ایوای جبریل با صداقت میکال با لیاقت زُهّاد با حقیقت عباد با کفایت شرقیله غرب آراسی مظلوم ئولن جماعت بدر و احدده ایچدی کیم شربت شهادت طشت طلا ده راس یحیا حسینه قربان مظلوم حسینیم ایوای مظلوم حسینیم ایوای بیر گون یاتئب پیمبر ایتمشدی استراحت گلدی عزیز زهرا جدّین ایده زیارت پیغمبرون عیالی مانع اولوب او ساعت آلجاق سسین حسینون دوردی او کان رحمت فرمایش ایتدی جدی طاها حسینه قربان مظلوم حسینیم ایوای مظلوم حسینیم ایوای تاپشوردی آفتاب ارشاددور حسینیم هم علت و بفای ایجاددور حسینیم اینجتمه افتخار اجداددور حسینیم هر وقت دیده گلسه آزاددور حسینیم ملک و عیال و جانیم یکجا حسینه قربان مظلوم حسینیم ایوای مظلوم حسینیم ایوای https://eitaa.com/kobradsg

یا رقیه(س): آغلیان وقته فلک گورمیوب اصلا گوزیمی. جان دیردی ایشیدنده خانم عمم سوزومی. عموم عباس نقاب اوستن ئوپردی یوزیمی. باخماسن لعل بدخشانی هدر سیندروسان. بوسه گاه خلف حیدره سیلی ویروسان. منی ئولدورمه ردیف اسرادن چیخلام . بیر کسیم یوخدی پناهینده اقلا سیخلام. یر تیکانلیقدی ورورسان بله ورما یخلام. بسدی چرخ ایتدی بله تیر جفا توشی منی. ناز پرور بویودوب اکبرین آغوشی منی. نوحه خوانلار که ایدر منزوی حقونده جفا. شعری سندن اوخیوب ئوزگه نی ایلول له دعا. کوفه لی خصلت آدملاردا نه دین وار نه وفا. صبح اذانی هامی سسلندی پیمبر آدین. سوسوز ئولدوردیلر اون یدی نفر اولادین https://eitaa.com/kobradsg

سلام او سینیه کی اوخ سوکنده اوخ دئمه‌دی سلام او اللره کی ساربانه یوخ دئمه‌دی سلام او که عشقینده پر اراده‌ایدی بدنی قوملارون اوسته باشی جداده‌ایدی سلام او سالکه اسلامی سرفراز ائلدی سلام او لبلره که خیزرانه ناز ائلدی سلام او شاهده قانه بوروندی مقتلده وئروب شعار عدالت سوروندی مقتلده سلام او مسته آدین جلوهٔ‌ی حیات ائلدی  ئورگینون یاراسی جبرئیلی مات ائلدی ائدنده لبلری قانلی نگاری یاد حسین  ملک‌لر عرشیده سسلندی زنده‌باد حسین گنه‌ده مرغ خیالیم رهِ ولاده گزور  قلمده دایره ی دشت کربلاده گزور نه کربلا که ملک آستاننه باش ایَر نه کربلا که تماشاسی مین بهشته دگر نه کربلا غمی مردان عشق قدین اگوب رباب و لیلیه‌ده اوردا تازیانه دگوب نه کربلا که گداسینده شاه منصبی وار  گورَن بیلر نه گوزلیکده تلّ زینبی وا https://eitaa.com/kobradsg

خیمه لرده نگران واردی علمداریم اویان     گوزی یوللاردا قالان واردی علمداریم اویان اویان قارداش اویان قارداش(4)   ای علمدار سپاهیم نه یاتوبسان گوزون آچ  ای بنی هاشم آیی قاندا یاتوبسان گوزون آچ آفتاب حرمی گوزدن آتوبسان گوزون آچ      دلده نه تاب و توان واردی علمداریم اویان  اویان قارداش اویان قارداش(4) اوخ دگوب مشگیوه ای غصّه لی سقّای حرم   قول دوشوب بیر طرفه بیر یانا مشگیله علم باشیوا یاره وروب عرصه ده بو اهل ستم      کاسه ی چشمیده قان واردی علمداریم اویان  اویان قارداش اویان قارداش(4) آفرین عشقیوه ای امّ بنینون بالاسی    افسر عشقیدی باشونده عمودین یاراسی آه و نالیله دولوب خیمه ومیدان آراسی   لبلرونده هله جان واردی علمداریم اویان   اویان قارداش اویان قارداش(4) سنه معناده آنام فاطمه آغلار یارالی       زینبیم نوحه دیوب عالمی داغلار یارالی مرتضی ایندی گلر یاره وی باغلار یارالی       غم هجرونده یانان واردی علمداریم اویان اویان قارداش اویان قارداش(4)   کاسه ی اشگیمی بیر بیله گوزومدن جالاما    غم غم اوسته دلِ آل اللهه قارداش قالاما کیم تسلّی ویره جاق ایندی رقیّه بالاما           چوخ اورکده ضربان واردی علمداریم اویان  اویان قارداش اویان قارداش(4) گونی سالدون غمه ای ماه عجب باتدون اؤزون    پرچم نصر من اللّه کیمی یاتدون اؤزون پارچالانمیش باشیلا حیدره اوخشاتدون اؤزون   کیمده بیر بیله نشان واردی علمداریم اویان  اویان قارداش اویان قارداش(4) شاعر: حاج ولی الله کلامی زنجانی. https://eitaa.com/kobradsg