وقت او وقت اولدی گرک زینب حسیندن آیریلا باغلانیبدی خیردا قیزلار ناقه اوسته قول قولا شهدا قالدی کفن سیز ، اسراء دوشدی یولا غم قطاری یولانیب زینب اولوبدی بی پناه ناقه اوستن هی دونیب گوداله ایلیوردی نگاه گوئیا روحی قالوب گودالیده یار آختارور قاسم و اکبر و یا طفل لبن خوار آختارور یاکی علقمده یاتان قولسوز علمدار آختارور گوز یاشی وئرمیر امان غصه و غمدن دانشییر کربلا دشتینه باخدوخجا اورکدن آلیشییر کربلا واردی گلایم سنه دیندیرمه منی چکدون آغوشیوه بش قارداشیمی وار محنی در به در ایله دون آخر بو جلای وطنی کربلا قلبیمی غم خنجری یاردی گئدیرم اوجا قدیم بؤکولیب زلفیم آغاردی گئدیرم

‍ ‍ شهادت حضرت علی اکبر علیه السلام از زبان امام الله الله اکبریم جان اوسته دی قانلی گوزلر عهد و پیمان اوسته دی گوزلیم جام وئرور الله اکبر          یاره سی قان وئرور الله اکبر ** جان وئرور جانانیم ای جان صاحبی گل صولور اغلور گلستان صاحبی ال بالامین قانین ای قان صاحبی نهضتیم احقاق قران اوسته دی گوزلیم جام وئرور الله اکبر          یاره سی قان وئرور الله اکبر جان وئرور پیغمبره بنزر بالام نور عین ساقی کوثر بالام گل بالام اطهر بالام اکبر بالام قانه غلطان سیر عرفان اوسته دی گوزلیم جام وئرور الله اکبر          یاره سی قان وئرور الله اکبر لبلریندن نغمه قران گلور خنجر اوسته ن نیزه و پیکان گلور اوغلومون الله باشیندان قالور بیر بئله هنگامه ایمان اوسته دی گوزلیم جام وئرور الله اکبر          یاره سی قان وئرور الله اکبر سسلدی جدیم منی سیراب ائدوب قلبیمی دوتقون سسی بی تاب ائدوب یار اونا رضوانی فتح الباب  ائدوب مرغ روحی باغ رضوان اوسته دی گوزلیم جام وئرور الله اکبر          یاره سی قان وئرور الله اکبر اکبریم پوزدی پیامیندن منی اغلادوب اخر سلامیندن منی مست ائدوبدی قانلی جامیندن منی قابلی باشی قانلی دامان اوسته دی گوزلیم جام وئرور الله اکبر          یاره سی قان وئرور الله اکبر خوشدی جان فکرین بو گون باشدان اتاخ اکبریمله وصلت یاره چاتاخ ایستورم بیر قبریده با هم یاتاخ جلوه سی ائینه جان اوسته دی گوزلیم جام وئرور الله اکبر          یاره سی قان وئرور الله اکبر گر (کلامی) یا حسین.شهرت تاپوب سن وئروبسن ابرو . عزت تاپوب دوز قاتوبسان شعریوه قیمت تاپوب پاک ادون اون یدی دیوان اوسته دی گوزلیم جام وئرور الله اکبر          یاره سی قان وئرور الله اکبر https://eitaa.com/kobradsg 👇👇

سلام به سبک(محرم رازیم الله...) ((شاه حسین گویان)) باخ آلیشان دملره  جوشه گلن غملره  شاهیمیزین بیر توکون  وئرمروخ عالملره  عشقیلن حسین - بیز آتاروخ قدملری  قویماروخ یاتا - کرب وبلا علملری  یابن زهرا (۴) یئرلر حسینه قربان  گویلر حسینه قربان  ذکر ائلین  او آدی  دیللر حسینه قربان  غمده یادیم حسین دی  دیلده آدیم حسین دی  چاتماقا اوج عشقه  قول قانادیم حسین دی  ماهِ بدر - کرب و بلادی طلعتی تا قیامت - دیلده قالاندی صحبتی  یابن زهرا (۴) فخر جهان حسین دی  شوق جنان حسین دی  شــیعه لرین قلبینی  شوره سالان حسیندی  دشت منا قتیلی  کرب و بلا خلیلی  آغلادان ئوز غمینده  دیده ی  جــبرئیلی  بیله عشقین - یوخدی جهاندا قیمتی احسن احسن - واردی اونون حقیقتی یابن زهرا (۴) تالی حُکم قرآن  قانه باتان لب عطشان  ایله دی کربلاده  درس وفانی اعلان  بیشه لرین شیری دی  شیعه لرین میری دی  دشت بلا نشئه ی صیحه‌ی تکبیری دی  موج ائدوبدی - بحر بلاده غیرتی ثبت اولوبدی - سینه لره محبتی یابن زهرا (۴) کنز عطادی آقام  قلبه صفادی آقام  قورخمارام هئچ دردیدن  درده دوادی آقام  مقتلی طور ایلین  مطـلع نـور ایلین  توپراقـینی لؤلؤ  دیدۀ حور ایلین  خطّ بطلان - کفره چکن دی نهضتی قویمیوبدی - لطمه گوره شرافتی یابن زهرا (۴) کوکب صبح ازل  آینه ی لـم یزل  کرب و بلاده اولان  صحن و سراسی گوزل  محـفل طاعاتیدی  رونـق مـیقاتیدی  صبح ازلدن او یئر  بـزم مـناجـاتیدی  شامل اولسا - هرکیمه گر زیارتی غافل اولماز - درده دوادی تربتی  یابن زهرا (۴)

گل شوره باخ احساسه باخ برپا اولونموش یاسه باخ سن بیل ننون ام البنین گل مکتب العباسه باخ ایله بیزه درمان آقا قولاریوه قوربان آقا ای قولاری تندن دوشن نهر اوسته لب تشنه ئولن

✹﷽✹یا قمر منیر بنی هاشم (ع) من هئچ دیمیرم اوخ نیه دیدی گوزوم اوسته آیـا نیـه میداندا سـوروندوم یوزوم اوسته من هِئچ دیمیرم دلده ربـابیـن سوزی قالدی یُــولاردا ننم ام البنینین گُــوزی قــالدی بیر عمـده غمیم وار هامی غمدن منه باشدی بیـر یـول منه عمـرونده رقیــه آقیـز آشدی

🌹  آرزوی کربلا   🌹 دنیا گوزی عالمدَه حسین کرب وبلادور بینُ الحَرمین عاشقووَه سَعی و صفادور بیر یاندا سنون گُنبد پاکوندی نمایان بیر یاندا یاتوب عَلقمین اوسته مَه تابان جانیم اولا سنله بو علمدارووَه قربان عباس دئمه معدن ایثار و وفادور ششگوشه دی قبرون سنون ای زادهء حیدر سینوندَه مِدال اولدی سنه صوداَمر اصغر یاتمیش اَیاقون آتدا جوانون علی اکبر ششگوشه مزارون بیزه مِحرآب دُعادور عاشقدی هامی قبرووَه ای شاه خُجسته باخ شیعه لَره عازم اولور دسته به دسته پهلوسی سینان فاطمه دورمیش یولون اوسته خوش گلدین ائدن زائرووَه خیر نِسادور باشسیز او عیال و حَرمین گوزدَن آتاننان عمّامه سی باشینده قزل قانه باتاننان ایستی قومون اوستونده بو صحراده یاتاننان هریاندا اونا ئوز نَنَه سی صاحب عَزادور ایکاش زَوال اَمری بو هجراندا اولیدی بلبل لرین آوازی گلستاندا  اولیدی ایکاش حسین قبری بو ایراندا اولیدی افسوس بو هجران داغی داغلاردان اوجادور

سنه من قانه باتان ای دیرم سینووی لاله لره تای دیرم داش اتانلاردان اگر اولسا امان توکرم گوز یاشی لایلای دیرم قره معجرلریمون وای گونونه صود امر اصغریمون وای گونونه شرف الناسیم اویان            گوزل  عباسیم اویان سرویمون لطمه دگوب خوللارینا توکولوب قانی شرف یوللارینا سنی اکبر جانی کیمدن سوروشوم نه گلوب قارداشیمون قوللارینا من ئوپن قاره گوزوندن اوخ ئوپوب داش. گوزل سینووی مندن چوخ ئوپوب شرف الناسیم اویان            گوزل  عباسیم اویان دئمورم قارداشووام گویلومی ال دئمورم دور گئدک اخیامیده قال دیورم دشمنی گولدورمه منه کسیلن قوللاریوی بوینوما سال صاق گوزوندن توکولن قانه قسم ایاقیم خیمیه گلمور قئیدم شرف الناسیم اویان           گوزل  عباسیم اویان یارالی باشووه قربان اولانیم گوزووی اچ باشیووا من دولانیم نجه سنسیز گئدرم خیمه لره ئوزون انصاف ائله ای قهرمانیم گوزووه پرده چکوب قان یارالی نیه بو حاله قالوبسان یارالی شرف الناسیم اویان        گوزل عباسیم اویان بویاما گل یوزووی گوز یاشووا دیله گل ایله بیان قارداشووا سنی زهرا ننمون جانی دانیش نه اغیر یاره ووروبلار باشیووا سنی زهرا ننمون جانی دانیش نه اغیر یاره ووروبلار باشیووا ئورگین اودلادیلار قارداشووین بلیمی اگدی یاراسی باشووین شرف الناسیم اویان              گوزل عباسیم اویان اسمان باشیمه غم گردی الور سینمی ماتمووین تیری دلور نقدر اختارورام یوخدی ننم باشون اوستن ننمون عطری گلور بو مبارک ئولومین وار نه غمی خوش سنون حالووه گوردون ننمی شرف الناسیم اویان گوزل عباسیم اویان

گینه یتوب مه محرم سراسر عالمی دوتوب غم چکوبله قاره نه سمایه گلوب نوایه اهل عالم اولوبدی گوئیا قیامت ایدوبدی ورد دل جماعت حسین یارالاریوا قربان اسیر بالالاریوا قربان غبار غم دوتوب فلکلر باتوبدی ماتمه ملکلر آچوبدی باشینی بوآیدا بهشتیده بتول اطهر گلوب فغانه شیرداور مدام سسلنور پیمبر حسین یارالاریوا قربان اسیر بالالاریوا قربان نه تک او دردمند عاشق بو درگهه بوتون خلایق گلر دیر اورکده دردین شفا ویرر طبیب حاذق تمام دردمند اولانلار دیر او چاره سیز قالانلار حسین یارالاریوا قربان اسیر بالالاریوا قربان بوآیدا دخت شیر یزدان اولوب اسیر قوم عدوان گیدوبدی مجلس شرابه باش اگمیوب چوشیر غران شراب مجلسینده هرآن دیردی زینب پریشان حسین یارالاریوا قربان اسیر بالالاریوا قربان باتوب بوآیداقانه اکبر شبیه حضرت پیمبر گیدوب جدایه قانلی باشی گلوب نوایه غملی مادر ایدردی اکبرین بهانه خانیم دیردی یانه یانه حسین یارالاریوا قربان اسیر بالالاریوا قربان بو آیدا دشت کربلاده کسیلدی نچه باش مناده سریه سسلنوب اوغول وای باتاندا قانه شاهزاده عزای قاسمه گلنلر ایدر نوا دیر علملر حسین یارالاریوا قربان اسیر بالالاریوا قربان بوآی شهید راه قران بالاسین ایتدی دینه قربان بو عشق پاک و صبر و ایثار قویوبدی انبیانی حیران مسیح وخضر ونوح وموسی دیردی ای عزیز زهرا حسین یارالاریواقربان اسیر بالالاریوا قربان سویوللارین گروه اعدا بو آیدا باغلیوبدور، اما یاریبدی صفلری او چولده آلوب فراتی شیر هیجا ولی سویوندان ایچمیوبدور باخوب سویا یانوب دیوبدور حسین یارالاریوا قربان اسیر بالالاریوا قربان بوآی بیراوت دوشوب جهانه جهان قالوبدی یانه یانه بو آی امام کون و امکان گلوبدی ظلمیدن فغانه حسینه ای قرا گینلر دیر بو ماتمه گلنلر حسین یارالاریوا قربان اسیر بالالاریوا قربان ((زکی)) بو غمده سینه داغلا گوزون یاشون عذاره باغلا فقط نه تک مه محرم حسینه هر زماندا آغلا ((عتیق)) اُل بو غمده گریان گیدونجه قبره سویله هرآن حسین یارالاریوا قربان اسیر بالالاریوا قربان شاعر : استاد طهمورثی (عتیق)