┄━═✿♡﷽♡✿═━┄ کرب و بلا چولونده طوفاندی یا اباالفضل #کرب_و_بلا_چولونده ... #عاشورا_گونی شهادت حضرت علی اکبر (ع) زبانحال امام (ع) با حضرت ابوالفضل (ع) . . . . کرب و بلا چولونده طوفاندی یا اباالفضل اوغلی ئولوب حسینون گریاندی یا اباالفضل . . تل اوستونه چخوبدی قانلی عبا الینده پرپر اولوب مناده یوخدور رمق گولونده اشگی آخار عذاره اکبر آدی دییلنده سلطان هر دو عالم بی جاندی یا اباالفضل . . قانه باتوبدی یکسر دین حقون فداسی آلمیش قوجاقه نعشی بیکس لرون آقاسی داغلی اورکدن عرشه اوج ایلیر نواسی رنگی صولوب حسینون نالاندی یا اباالفضل . . ایوای دئین زمانی دشمن ایدر شماتت اکبر باشندا واردی حیدر کیمی جراحت لیلا یانندا اُولدم افسوس اولا خجالت جدّی رسوله اکبر میهماندی یا اباالفضل . . شاه جهان بویوردی قارداشینه او ساعت زینب گلن زمانی ایله اوزون هدایت قویما فغانه گلسون اول معدن کرامت جبریل خیمه گهده درباندی یا اباالفضل . . پرواز ایدوبدی قوشلار گویده نوایه گلدی اخیامیدن چخوبدی قزلار صدایه گلدی ترک ایتدی آسمانی حوران عزایه گلدی قرآنه هدیه ویرمک آسا ... .https://eitaa.com/kobradsg

‍ ✅ استمداد حضرت ابوالفضل (ع) ✔️ آهنگ : اصغریم ای شیرین زبانیم یا حسین گل هرایه قارداش دوشموشم ابتلایه قارداش یوخ منیم قولّاریم بدنده گئتدی صبریم فنایه قارداش « سیّدی اللّهیم اوجاتسین باشیوی » « درک ائله عرصده غریب قارداشیوی » امریوه ایلدیم اطاعت ساخلادیم پرچمی سلامت دگمیوب هئچ سووا دوداقیم تشنیم تشنۀ شهادت « مشگیمه دگدی اوخ الیم چیخدی بوشا » « هاردادی فاطمه منه نوحه قوشا » نیلسین اصغرین آناسی جان وئرور صود امر بالاسی بیلسه لر اوخلانوب سو مشگی قؤزانار قزلارین نواسی « وای منه وای خانم ربابین حالینا » « کیم یانار طفل دل کبابین حالینا » اولسا سو من خیامه گَلّم اهلبیته سلامه گَلّم گئتمرم جانب بهشته پیشگاه امامه گَلّم « شاهد شرح سزنوشتیمسن آقا » « سن منیم با صفا بهشتیمسن آقا » گؤندرون یثربه گزارش مادر پیرمه سفارش کیم یارامین سایین سوروشسا سویله سین اولمادی شمارش « جسمیمی کیم گوره یانار قلبی دولار » « گویده اولدوزلاری مگر سایماق اولار » ✅ کلام استاد کلامی زنجانی 👇

سو مشکیمی بو قوم ایدوب بهانه قارداش خدنگ ظلمه اولموشام نشانه قارداش گه گور نجه گُلون سولوبدی سو مشکی قانیله دولوبدی سو مشکیمی بو قوم ایدوب بهانه قارداش خدنگ ظلمه اولموشام نشانه قارداش گه گور نجه گُلون سولوبدی سو مشکی قانیله دولوبدی سالوب بو قوم سنگدل منی نفسدن یاخونلاشوبدی آیریلا صدا جرسدن بو مرغ روحیم ایستوری چخا قفسدن ز بسکه تنگ اولوبدی آشیانه قارداش نظرده هر زمان اولور اُلوم مجسّم دوشوبدی قولّاریم اولوب قلم قدیم خم یخلمیشام عُقابیدن عَلَمله باهم گوزیمی تیکمیشم او آستانه قارداش یِریندن اوینادی قوشون تمام صفلر آلوب آرایه بیر منی بو قدر لشکر او شاهبازم آچمیشام خدنگیله پر که اوج وحدته اولام روانه قارداش گَلِیدون آخِر عمریده یوزون گورِیدیم او جلوه ی جمالیوی گوروب اُلِیدیم قدم لریوه یوز قویوب اَلون اُپِیدیم یِتَم نولور بو عزّت و بو شانه قارداش یارالی آهو تک گَلَن خدنگه رامم اگرچه ساقیم ولی شکسته جامم پیمبر اوغلیسان سنه اوزوم غلامم آنام کنیزیدور بو دودمانه قارداش اگرچه پیکریمده چوخ جراحتیم وار ویرینجه تشنه جان گنه حمایتیم وار سو اولمادی سکینه دن خجالتیم وار گرک گَلَم بو باره ده فغانه قارداش گَل ای بو چولده هر سنق گوگل پناهی امیدیسیز قالانلارین امیدگاهی یوخومدی اَل دورام دوتام رکاب شاهی دولوبدی قان بو چشم خون فشانه قارداش آلان شکسته قلبیدن قرار و طاقت نه تشنه لیقدی نه یارا نه درد غربت همین بودور عدو تاپار سنه جسارت تمام انتظاردور بو آنه قارداش اگرچه غم یِتر سنه بو نسگلیمدن باشیم سینوب ویریلمیشام اَخا بِلیمدن مبارک آدیوی سالام چَتین دلیمدن اُلونجه مشقیدور بو خوش ترانه قارداش چوخ ایسترم گَلَنده سَن دلیم اولِیدی دوروب اوتورماقا نولور بِلیم اولِیدی یِتنده باشیم اوسته کاش اَلیم اولِیدی یِتِیدی تا او دامنِ امانه قارداش اگرچه چوخ ایدوب خطا بو صاف صافی نبوّت و امامته وار اعترافی قبول اولا بو سوز اولور علاج کافی سو مشکیمی بو قوم ایدوب بهانه قارداش

بالین حضرت ابوالفضل (ع) بانوی(مطلبی) گل  گوزلروندن   قارداشین  آتما وصلی  اماندی    فرقته    ساتما قان ایچره ای قولسوز بدن یاتما یاتما یارالی توکمه   گوزوندن  عارضه  قانیاش نهر     فراته      گلمییدون     کاش سالمیش بوحاله کیم سنی قارداش یاتما یارالی یاتما علمداریم اویان قارداش (۲) شهلا گوزونده قارداشیم وار  قان گویا جلوس ائتمیشدی بیر پیکان اولسون  حسین گوزلریوه  قربان یاتما یارالی ام البنین  هجرینده  دل داغلار جنتده زهرا   باش آچوب آغلار حیدر   یارالارین   گلر    باغلار یاتما یارالی یاتما علمداریم اویان قارداش (۲) سالدون اوزوندن راضی طاهانی ائتدون   حمایت  دین   و قرانی آغلاتدون   اما   غملی    زهرانی یاتما یارالی گئت  محضر   پیغمبر   قارداش ملحق اولارسان حیدره قارداش مندن سلام ائت اکبره  قارداش یاتما یارالی یاتما علمداریم اویان قارداش (۲) ای معدن عشق و وفا عباس سندن تاپار دردلر دوا  عباس وئر  بیر  برات   کربلا عباس یاتما یارالی شام و سحر  آغلار   سنه" طائر" فخریم بودور اولدوم سنه شاعر دعوت  ائله   اولسون   سنه زائر یاتما یارالی یاتما علمداریم اویان قارداش (۲)

‍ مرحوم یحیوی نطقه گَل ای شاه شهیدان حسین خیمه و خرگاهی یانان زینبم باشه سالان یدی جوان قاره سی اللری قوینوندا قالان زینبم ای شه لب تشنگان گُل بدنی دوغرانان پیکری قانه باتان مونسی پیکان اولان هر نقدر عمریم اولا آغلارام صبح و شام ای شه عالی مقام ایتدیلر اعوانمزی قتل عام با لتّمام ظلمیله قوم ظلام ظلم اودینی ویردیلا یاندی اهل شام_ساخلامیوب احترام بیرجه قالان زین العبادور حسین خانه سی ویرانه اولان زینبم چادریمی معجرمی آلدیلار ویردیلار قلبیمی یاندیردیلار آت قباقندا حرمون قودولار سویدولار عالمه اود سالدیلار آل پیمبر نجه گور اولدی خوار داغدار شمره اسیر اولدیلار گلشن گلزاری خزانه دونن بزم تفاقی داغیلان زینبم گور نجه افلاکه چخوبدور فغان بو زمان محشر اولوبدور عیان شامه طرف عزم ایلیور کاروان باغری قان دیده لری خونفشان امر ایله عباسیله اکبر جوان پاسبان بیزلره اولسون امان چارم الیمدن اوزولوب هر طرف بیر کسه یوخ ایندی گمان زینبم من کیمی یوخ دهریده بیر غم چکن بی وطن سن کیمی هر بیر ئولن هانسی شهه اولماز اخا سو ویرن رحم ایدن نعشنی دفن ایلین سن کیمی یوخ باشیله جاندان کچن قان ایچن نعشی قالان بی کفن کثرت غمدن آغاران ساچلاری داغلی جگر قدی‌ کمان زینبم

‍ ‍ ‍ (تقدیمی به همه عاشقان حضرت ابوالفصل علیه السلام) یا امام زمان شیعه ده احساس باخ جلوه ی پرچم حضرت عباس باخ اولدی قولار قَلم ...تا اوجالسون علم یا ابوالفضل...یا ابوالفضل پسر فاطمه...ای هامینون سروری کیمدی سندن صورا...عشقیموزون داوری سینه زنلر سالار...یاده اوزون الری اولدی قربان دین...گل امّ البنین یا ابوالفضل...یا ابوالفضل بیلور عالملر ای...پادشه منتظر هاردا عباس آدی...ا.لسا اددرسن نظر نولی بو جمعه سن ...باخاسان آقا دیده تر هامی ایستور صله...سسلر.خ آهیله یا ابوالفضل...یا ابوالفضل بوگون عاشقلر اول...سرور قربان کسر خلف صالح...حیدره قربان کسر شیعه پرچم دوتان...اللره قربان کسر آدی دللرده دی...علم اللرده دی یا ابوالفضل...یا ابوالفضل گئتدی عباس آقا...سو گتوره قیزلارا اوخلانوب مشگی هم...باشینه دگدی یارا اولدی صحرای غم...زیبنه ماتم سرا دئدی وای قارداشیم ...قهرمان یولداشیم یا ابوالفضل...یا ابوالفضل آه او گوندن حسین آلدی وزیرین سسین گلدی گوردی آلوب لشگر اونون دوره سین دئدی دور ای هواداری منِ بی کسین ای امیر قُوا...سنه جانیم فدا یا ابوالفضل...یا ابوالفضل اجراسبک با مداحی زنده یاد حاج محمدباقرمنصوری روحش شاد یادش گرامی

نوحه جدید ... زبانحال امام حسین (ع) در بالین علمدار کربلا (نوحه شماره ۸) آچ گؤزون یاتما وزیریم یارالی باتما ای ماه منیریم یارالی باخ حسین قارداشوا دولانیم من باشوا قیل کرم مرد کرم یاتما اویان ساقی اهل حرم یاتما اویان غم آلیب قلبیمی قارداش منه باخ صاحب مشک و علم یاتما اویان ای منیم آرخام ائلیم غصه دن سئندی بئلیم کیم ووروب صدمه عزیزیم خولوا نه گلوب یاره لی شیریم قولوا تکیه وئر چیگنیمه دور منله گئدک گؤز تیکوب خیمه ده قیزلار یولوا سو گزور تشنه لریم جان وئرور صودامریم گؤزلرینده گؤرورم اوخ یاراسی قان وئرور پیکروین چوخ یاراسی ای اولان قوللاری نهر اوسته قلم کیم دیور قارداشیوین یوخ یاراسی سن ائلوندن آرالی من ئورکدن یارالی بیر دانیش منله فدایم سؤزووه هم فدا قوللاریوا هم ئوزووه یوخدور امکان آچاسان گؤزلروی آلنوین قانی دولوبدور گؤزووه قویما تپراقه یوزون قوی سیلیم قانلی گؤزون التماس دعا یا حضرت عباس به دشمنانت لعنت —---- https://eitaa.com/kobradsg

#کانال_اشعار_مرحوم_انور بو گئجه بیعت پُوزولدی آشنالر گئتدیلر قویدولار پیغمبر اوغلون بی‌وفالر گئتدیلر منبر اوستونده حسین بن علی صاحب وقار شوریلـه منشـور عـاشورانی ائتـدی آشکار روشن اولدی صبح آچیلسا قتل وار کشتاروار عشـق دنیـای فنایـه مبتـلالر گئتـدیلر شبپـره مثلـی تمتـع گوردیلر ظلماتیدن خیر محضی نفی ائدوب ال‌چکدیلر اثباتدن کعبـه آمــالیده آیریلدیـلار میقــات‌دن گیمه‌میش احرامنی حاجی‌ نمالر گئتدیلر بولدیلر یوخدور حسینه یوم عاشورا ظفر بوی مرگی درک ائدوب سسلندیلر این المفر مین نفر حضاردن قالدی فقط یئتمیش نفر قالـب غیرتلـری بـی‌محتوالـر گئتـدیلر نقل ائدور شخصاً سکینه شاه دینون دختری قیلدی فرمایش بابام سوندوردیلر مشعل‌لری آز زماندا خالـی اولدی خیمه‌لر دور و بری بش‌بش اون‌اون اهل تزویر و ریالر گئتدیلر صبح آچیلدی الغرض وئردی قالانلار امتحان کهنه عاشق‌لر تاپوبلار عشق حقدن تازه جان لبلـری گل مثلی خندان و ئوره‌کلر شادمان کوی جانانـه سلیــم‌المدعالـر گئتدیلر نه مهاجردن قالوب بیر کیمسه نه انصاردن بیربه‌بیـر دلبرلـر آیریلدی گوزه‌ل دلداردن عشق و سرمستی گئچوب اندازه‌دن معیاردن کیمیاگر قالدی حیران، کیمیالر گئتدیلر آلدی رخصت ائتدی اکبر فی سبیل‌الله جهاد یاره‌لندی زینـدن دوشدی یئره اول پاکزاد قرمزی ژاله ایلـه آغ‌گل ائتدی گویا اتحاد حالـدن یکسر مقیمـان سمالر گئتدیلر فی المثل خاک بلایه پاره‌لنمیش آی دوشوب عالم غیب و شهوده قورخلی بیر های دوشوب گوش جناتـه صدای ناله و ایوای دوشوب بارگاه قـدس اعلایه صـدالر گئتدیلر جـان بلب مظلـوم امامـه ایلدی اکبر سلام اوغلونون آلدی سلامین سسلنوب گلدیم بالام خیمه‌دن چیخدی حسین ائتدی جوانلار ازدحام قتلگاهـه سـاری اهل ابتـلالر گئتدیلر چاتـدی میدانـه حسیـن دیلده علی‌‌اکبر آدی جان دئدی، اوغلوم سنی هانسی قلجدی دوغرادی نـوح تک عمر ایلسم اولمازمنه سن‌سیز دادی گوزلریمده پیر وقتیمده ضیالر گئتدیلر باشـون اوستـه یـاوران طیب انفاسیم گلور گوزلرینـده گوزیاشـی دیداره عباسیم گلور یولداشون هم مسلکون هم صحبتون قاسم گلور گل دیلـه‌ یارا و طاقتدن فتالر گئتدیلر چوخدی سوز کئچدوم مفصل‌دن بو یئرده مجمله اوغلونون اعضاسینی گوردی حسین گلمز اله حملینی مشکل بولـوب سالدی عبا سین مقتله وئردی بیر فرمان گویه یئردن نوالر گئتدیلر ای جوانلار حمل ائدون قارداشوزی میدانیدن دردمندم چاره‌سیز ال اوزمـوشم درمانیدن گوز تیکن چوخدور یولا نسواندن طفلانیدن خیمه‌لرده اوزلریندن بی‌نوالر گئتدیلر حامل اولدی آل هاشم پرپر اولموش لالیه باغبانون اشکی گل هجرینده دوندی ژالیه تلــدن اندیردیلــر گلـدی حرملـر نـالیه قاره باشدا یاسینه بختی قرالر گئتدیلر آچدیلار قانلی عبانی سس دوشوب داغ داشلارا باخدیلا الوان اولان مژگانلارا گوز قاشلارا گوردیلر باشدا یاراسین گئتدی اللر باشلارا تاب و طاقت‌دن بالالار هم آنالار گئتدیلر

در كلاس عاشقی عباس غوغا می كند در دل هر عاشقی عباس مأوا می كند هر كسی خواهد رود در مكتب عشق حسین ثبت نامش را فقط عباس #امضا می كند

یتیشدی  شمردن نامه  سپه سالار اسلامه               حُسینون قَتلینه فرمان ابالفضله  امان نامه   گوروب  یازمشلا  کاغذده   علینون   اوغلی  یا  عباس         عدو     جانینه   دعواده     قلنجی    خنجری  الماس او  یالقوز  شاهدن اَل چَک سنه یتجک همین  قرطاس                                                         اوزون ای مرغ زرین بال عبث توش ایلمه دامه   امان  نامون   اولوب  امضاء   همین   بو   اوّل   شبدن اوزوی    غَرقدن    قورتار     بو     دریای     لبالبدن بو  شَرطیلن  حُسیندن   گیچ  حُسیندن بیرده  زینبدن                                                     اسیر اولسون گَرک زینب  قولی باغلو گیده شامه قبول   ایلر   مگر   عباس    بئله   نام  و   بئله  ننگی اولوب عارض  بو  سوزلردن   همان    سرداره دلتنگی سارالدی  سولدی غیرتدن  او گُل رخساری گُل رنگی                                                            چتین روباه کم جرئت ایده تهدید ضرغامه چکوب   بیر  آه   عالم  سوز  دل  زارون   شکافیندن وجودی   اود  دوتوب  خَصمون  او   لافندن  گزافندن گلوبدور   لرزیه    اعضا     چکوب   تیغی   غلافندن                                                             غضبلن دوندی بیر باخدی سپاه قوم ظلامه دیدی   نیلوم   اولیدی  گر  الیمده   شاهدن   فرمان بو   قوم    شوم    نَسناسی  ایدردوم   مَحو  مَن  الان جهاد  ایتمگ   لیگه   ویرمز  اجازه   نیلیوم   سلطان                                                      ایدردوم کوفه و شامون سپاهین طُعمه اَحشامه