احوالات مجلس یزید🪀 یغمانی فساد اهلی سر انجامه یتوردی قول باغلی علی قیزلارینی شامه گتوردی مشکلدی بو دردی آچا دیوان و جَریده حیدر قیزی قول باغلی گلوب بزم یزیده مبهوت بو جریانیده اَقوام و مِلل دی فکر ایله خانم بزم شرابه نجه گلدی اوزمشدی اَلین گرچه ئوزی گوهر جاندان مجبور ایلیوبلر سُئوشا یدّی دالاندان گلمیدی  پرین  ظلمیله سیندیردیلا گلدی دهلیزیده باشیندن آغاج وردیلا گلدی سالدی نظرین طرح اولونان نقشه نی بیلدی بیر صحنه گوروب غملی خانم  ئولدی دیریلدی درک ایلدی هند اوغلین او بی غیرت وعاری جام مِی ای ایستور اَگه قانلی باشا ساری مِی بزمینی آل شرفه گورمدی ایمن زهرایه توسل ایلدی،  دوردی یریندن بیردن دیدی یابن الطلقا مردک سگ باز فکر ایلمه قصرونده سنه دیلّنن اولماز اعزاز حسین دهریده بین المللی دور زینب سوزی،  زینب دیلی شمشیر علیدور بو رأس مُطهر که سن ایلورسن اهانت چوخ بوسه وروب لبلرینه ختم رسالت تحقیریده گورمز بو فلک آل ترابی شرم ایله اَلوندن یره قوی جام شرابی ای هرزه روش باغ رسالتده گُلَم من خوار ایلمسم گر سنی زینب دگُولم من سیفی اردبیلی 🪀🪀❤️🪀🪀 خانم زینب (س) درمجلس یزد ایلدون دهریده ظلمون یولون هموار یزید اولاسان هر ایکی دنیاده سنی خوار یزید زینبم دخت علی خواهر شاه شهدا عالمه خطبه سی برنده کفیل اسرا خم ائدوب باخما رسا قامتیمی یوم بلا دئمگه قلبیده برنده سوزوم وار یزید فخر ائدورسن آدووا شهرتوه قدرتوه قان توکن لشگروه عاطفه سیز ملتووه خبرون یوخدی قاتوبسان خلل حیثیتوه گرک هر یرده ائدم بو سوزی تکرار یزید کربلاده توکلن قانلارا کیم باعثدی یخیلان یان یانا انسانلارا کیم باعثدی ایستی قوم اوسته یاتان جانلارا کیم باعثدی گورمیوب چشم جهان سن کیمی خونخوار یزید دی گوروم قافله سالاریمی کیم ئولدوردی نهر علقمده علمداریمی کیم ئولدوردی ظلمیله یار وفاداریمی کیم ئولدوردی اودی فریاده گلوبلر بالا قیزلار یزید هانی او قولسوز ابولفضل باشینه ضربه ووران هانی او اصغر شش ماهیه اوچ پر اوخ آتان هانی او اکبر شهزاده نی میدانه یخان مگر اکبر یاراسی قلبیده توختار یزید هانی اوچ یاشدا قیزون صورتینه سیلی ووران هانی غارت گونی گوشواره قولاقدان چیخادان هانی او زجر دنی رشته ی امیدی قیران سن سن هر واقعه ده باعث هر کار یزید مست و میخواره اولان ملته غمخوار اولماز اموی زاده گلوب حقه طرفدار اولماز خواب غفلتده یاتانلار هله بیدار اولماز ایلدون عترت اطهاری عزادار یزید جمع ایلوبسن نقدر فرقه نادانی بورا فاقد فضل و ادب بی هدف انسانی بورا گتوروبسن نیه بو خسته اسیرانی بورا هره بیر نوعیله اوز قارداشین اوخشار یزید باجی قارداشینا خاطر گرک اودلاره یانا اوره گی یاره لی آغلار یولی دوشسه هایانا چشم تحقیریله باخما اوجادان آغلیانا گورمیور سن که اولوب گوندوزیمیز تار یزید قباقوندا دایانوب خیرداجا قیزلار نگران بولارون سویله گوروم جرمی ندور ظالم اوتان نچه گوندور چوخی آجدور ائلمور دردین عیان یوزلری باغدا صولان لالیه اوخشار یزید هامیدان چوخلی اذیت گوروب اوچ یاشدا بالا آز قالوبدور ئوله زیبا بدنی چولده قالا سارالوب صورت گلناری دوشوبدور نه حالا قوریوب تخته کیمی غنچه دوداقلار یزید وورولوب یول اوزونی قمچی بو طفلون باشینا آغلیور گور نجه اللرده ئولن قارداشینا سوز غمدن قاریشوب خون جیگر گوز یاشینا بو قیزون بخت علمی اولدی نگونسار یزید سنون حکموندی بو ایشلر اوتان ای مرد دغا کوفه نون اهلی بیزه هر ستمی بیلدی روا اولارون بیر نفرینده یوخیمیش ذره حیا اسرائیله ائدوبلر بو نه رفتار یزید باری سن رحم ائله بو خسته دل عورت اوشاقا بیر مکان ایله مهیا بولارا آغلاماقا نعشی قوم اوسته قالان شاهه عزا ساخلاماقا بئله یرده باش آچا بیلمز عزادار یزید

مجلس یزید - زبانحال خانم رقیه (س) به حضرت زینب (س) (سبک : میگذرد کاروان ...) قویما بی بی جان یزید خسته قوناقی وورا الده دوتا خیزران قانلی دوداقی وورا قلبیمی سویله یاندورماسون لب تشنه بابامی وورماسون عمه جانم (4) غنچه لبی گول آچیپ نو گل ریحانه تک قوی دوداقیندان ئوپوم عاشق دیوانه تک سویله اجازه وئره خصم ستمگر بی بی من دولانیم ذبح اولان باشینه پروانه تک دولوبدی قانیلن گوزلری پارچالانوبدی گول لبلری عمه جانم (4) تا نفسیم واردی اول قانلی باشی ساخلارام تشنه دوداقین ئوپیب کام آلارام آغلارام گوزدن آخان اشکیمی سوزدوررم معجره معجریله بو باشین یاره لرین باغلارام قربانم تشنه سلطانیمه قاداسین آلارام جانیمه عمه جانم (4) من باباما ساقه سیز گول دِیَرم عمه جان آگهی سن خاطرین ایستِیرم عمه جان بیر یول اگر گوز آچا سسلیه جان جان بالا اول سوزه جانی فدا ایلیرم عمه جان ایستورم تا آچا گوزلرین ائشیدم اول شیرین سوزلرین عمه جانم (4) ووردیلا بو خصمی لر قلبیمیزه تیرِ غم بو یارالی سروره ایلدیلر چوخ ستم دادیمزه یوخ یئتن بی کس و بی یاوروک ایندی بورا کاش گله صاحب مشک و علم عباسی گوزلیور گوزلریم اونا واردی چوخلی سوزلریم عمه جانم (4)

#مدح_حضرت_زینب_س #مرحوم_‌حسان (حبیب چایچیان) عقیله‌العرب کِی فَلَک را همچو زینب یک فروزان اختر است او که بر تاجِ ولایت دُرِّ والا گوهر است کِی فلک دارد نشان از یک چنین نام و نشان او که از صُلبِ علیّ و دخترِ پیغمبر است در بلاغت چون علی و، در صبوری چون حسن در شهامت چون حسین و، در حیا چون مادر است میزند داغِ حقارت بر دلِ ابنِ زیاد گر چه در ظاهر اسیر و بیکس و بی‌یاور است میدهد دادِ سخن در مجلسِ عامِ یزید گوئیا شاهِ سخنور، مرتضای حیدر است از کمالِ علم و تقوی'، شد عقیله نام او همچو زهرا از همه زنهای عالَم برتر است جای دارد افتخار مردمِ ایران (حسان) چون بنامِ شیعیان تنها همین یک کشور است. التماس دعای فرج

حجاب اولوبدی محجب حجاب زینبدن دوشوبدی غنچه تب عشقه تاب زینبدن یالاندی کیم دئسه زینب قالوبدی بی معجر حجاب درسی آلوب احتجاب زینبدن نه شمره نه عمره نه سنانه یالواردی وقار درسیدی خلقه کتاب زینبدن خراج چین وختندن آلوبدی آغ زلفی اولوبدی مشگ مثل مشگناب زینبدن اولوبدی چشم فلک کور ایستیوبدی باخا چو آفتاب کنار نقاب زینبدن سالوبدی معجرنیلی عذاره نیلوفر ایدوبدی یا تبعیت ثیاب زینبدن چکوبدی گون یوزونه پرده ابردن اوتانوب تنور ایچینده یاتان آفتاب زینبدن گورنده قارداشینی نیزه ده اوخور قرآن دوشوب تبه بالالار پیچ وتاب زینبدن دیدی حسین اوخی قران باجون فدا دیلیوه که حق سوزی ایشیدیلسون رکاب زینبدن یاتوب بو جامعه ظلمیله خواب غفلتده قولاق دوتوبدولا بانگ رباب زینبدن کلام حقیله تبلیغ حق قیل باری نظر بودور بو دیاره ایاب زینبدن ورولسا آنیوا داش منده باشیمی یارام سینار باشیم سینارگر پر عقاب زینبدن ولیک سینمه تا قویموسان کسیلمیش الون دوشوبدی حیرته ایوب تاب زینبدن اودور باشون هارا گتسه اونیله من گدرم که سیر عشق اولونا بو ذهاب زینبدن مریض امامی عدو ایلیوبدی بند رسن اوعلته یاغوری قان سحاب زینبدن وراندا باشیوه داش نخلدن بو کوفه لیلر نولار که دگسه بوقلب کباب زینبدن یارالی باشیله بزم عبیده گل یارالی ایشیت سوال عبیده جواب زینبدن آتام علی کیمی بیر خطبه ایلینده خطاب.دوشر تشنجه عالم خطاب زینبدن اودور که شامیده قارداش گورن کیمی دیه جاق که احتذار ایلیون سیز عتاب زینبدن اولوبدی منقلب عالم یخیلدی کاخ ستم.دیار کوفه ده کی انقلاب زینبدن اودور گدنده باشون مجلس یزیده حسین قولونا اتمه تعجب طناب زینبدن اولاندا لعل لبون چوب خیزرانه هدف ایچر سو نخل خدا اشگناب زینبدن کنیز ایستسه لر گر عفیفه قیزلاریوی هامی تعجب ایدر اجتناب زینبدن گلر شجاعتیمه دشمنونده تحسینه اولالا سرزده لحن عجاب زینبدن او یرده مکتب حق فتح باب ایدوب گللم تاپار سعادت عدو فتح باب زینبدن اودور رقیه نی ویرانه ده دفن ایدرم حفاظت ایلیه کوی خراب زینبدن یازاندا (هادی) اونون مدحینی منیم ده یازار که بیر ورق دی رقیه کتاب زینبدن. مرحوم استاد غلامرضا اسماعیل پوران(هادی تبریزی) التماس دعا https://eitaa.com/kobradsg

جواب زبانحال حضرت رقیه (س) - جواب گلدیم سنون دیداروه رقیه خوش گلدون ایت غمخواروه رقیه کوسمه قیزیم مندن شرمندیم سندن سن سن منیم دادیم دوزوم رقیه گویلرده پارلاق اولدوزوم رقیه آهو باخیش زیبا قیزیم رقیه چوخ مایلم گفتاروه رقیه کوسمه قیزیم مندن شرمندیم سندن پیمانه ی صبرون ستمله دولدی رنگون بنفشه تک سارالدی صولدی دردون آنامناندا سنون چوخ اولدی قربان دل بیداروه رقیه کوسمه قیزیم مندن شرمندیم سندن کیم سن کیمی دوزدی غم و بلایه کیم غرق اولوبدی سن کیمی عزایه چاتماز الون دوباره کربلایه قان آغلارام اسراروه رقیه کوسمه قیزیم مندن شرمندیم سندن گلمز سنون نسگیللرون شماره بختون کیمی اولوب گونونده قاره یوخ دردوه دنیاده راه چاره ملحق اولارسان یاروه رقیه کوسمه قیزیم مندن شرمندیم سندن دنیاده توش محنت و الم سن آز سنّیله احبابه محترم سن غم چکمگه عیناً جوان ننم سن ادامه ویر پیکاروه رقیه کوسمه قیزیم مندن شرمندیم سندن خرابه نون اورک سیخار هواسی قوتارمیاندی باشوون بلاسی توخدامیوب قولاقوون یاراسی سیلی دگوب رخساروه رقیه کوسمه قیزیم مندن شرمندیم سندن گلدیم سنی دلشاد ایدم عزیزیم چتین زمان امداد ایدم عزیزیم غم غصّه دن آزاد ایدم عزیزیم محرم اولام اسراروه رقیه کوسمه قیزیم مندن شرمندیم سندن خرابه یئر سنه وطن یازیلدی یوخ سن کیمین غریب ئولن یازیلدی ئوز معجرون سنه کفن یازیلدی قان آغلارام مزاروه رقیه کوسمه قیزیم مندن شرمندیم سندن ** فرهاد فکری اردبیلی

حضرت رقیه(س ) رقیه بیر بالا دی چوخ وفا سی وار خانمون یتیمه قیزدی باشیندا بلاسی وار خانمون اگر چه ظاهر حالی دوشوبدی قیمتدن خدا یانیندا ولی چوخ بهاسی وار خانمون اونون مقامینه تنها بو سوز کفایتدور علينون اوغلي حسین تک آتاسی وار خانمون اگر یئر اوسته اولوب کربلا بهشت برین ولیک شامده عرش خداسی وار خانمون خرابه قالدی ستم خانه ی یزید دنی دمشقیده ولی عالی بناسی وار خانمون نه شهر شامیده بلکه بو ملک ایراندا دواسیز عاشقه دارالشّفاسی وار خانمون نه دردوز اولسا ئورکده اونا بیان ایلیون دواسیز اولسادا دردوز دواسی وار خانمون عذاره کیم توکه گوز یاش بو نازنین بالیا يقين اونون دالسيجا دعاسی وار خانمون آچوخدی سفره احسانی ایستین لرینه بو خوان عشقیده شاه و گداسی وار خانمون رقیّه آدینا کیم صدقیلن توسّل ایده وار اعتقادیم اونا اعتناسی وار خانمون وار احتیاجی کیمون سسلسون گوزل آدینی گورونسون اوندا نه لطف و عطاسی وارخانمون هایاندا اولسا اونون بزم ماتمی بر پا او بزم عشقیده بیر آشناسی وار خانمون عیان دیوم سوزومی قاره پوش عزاداره گوزل بیر عاشق بی ادّعاسی وار خانمون او طفله عشقی چوخیدی یازوللار عبّاسين عموي با شرف و دلرباسی وار خانمون هایاندا واردور عزاسی بو سوز مسلم دور او بزم یاسیده صاحب لواسی وار خانمون قاپی یانیندا ایاق اوسته دور ابافاضل گلوب عزا سینه صاحب عزاسی وار خانمون اگر چه باغلیدی قوللاری ظالمون ایپینه عموسی تک ید مشکل گشاسی وار خانمون اولوبدي گر چه بو قيز مبتلا آتا غمينه ولي گورون نقدر مبتلاسي وار خانمون دمشقه سال یولوی گور حریم عشقینده نقدری عاشق انگشت نماسی وار خانمون نه گلدی باشینه يولاردا تاب ايدوب دوزدي رضای خالق خاطر رضاسی وار خانمون نه طعنه لر ایشیدوب صبر ایدوب خدایه گوره نه اعتراضی نه چون و چراسی وار خانمون شباهتی چوخ اولوبدور آناسی زهرایه بتول تك رخ نيلي نماسی وار خانمون گتورمیوب دیله آجلیق سوسوزلیقین سوزونی آناسی فاطمه تک چوخ حیاسی وار خانمون گزوبدی کوفه نی شامون یولون بو نازلی بالا ولی خرابه ده عُمده بلاسی وار خانمون نه واردی تازه لباسی نه قالدی گوشواره باخور اوشاقلارا کهنه لباسی وار خانمون نقدري شمر دنی زجر دون ستم ايلدي نه يالواروبدي نه بير التماسي وار خانمون اگر چه سایسیز اولوب محنت و غمی امّا ئورکده بیر غم بی منتهاسی وار خانمون سالوبدي نار بلايه آتا فراقي اوني فراق اوخوندان ئورکده یاراسی وار خانمون ایدوب خرابه نی بیت الحزن نوا سیندن گورن بیلردي غم جانگزاسي وار خانمون او قدر آغلادی قصره یتوردی ناله سسین ستم ایوین یخا دیلدن نواسی وار خانمون توكردي گوز ياشيني گول كيمين سولان يوزونه بیلوردی گوز یاشینون چوخ بهاسی وارخانمون یتشدی بیر گیجه ویرانسراده آماله گوروبدي ياره لي بیر آشناسی وار خانمون خرابه ده گیجه چاقی تاپوبدي ديلدارين او قانلی باشیله بزم صفاسی وار خانمون ایدوب زیارت آتا باشینی او نارلي بالا گورون او یئرده عجب ماجراسی وار خانمون سیلوبدی معجریلن اوز گوزون یارالی باشین نه گوردی عمّه سی دیلدن نواسی وار خانمون قویوبدی قانلی دوداقه او پارچالان دوداقین بو اوپمگه نئچه گونّدی رجاسی وار خانمون اوپوپ او قانلی دوداقی ایدوب حزین ناله بو ابتدادي هله انتهاسي وار خانمون ایدوبدی بير اوپوشه جان فدا بیلوب زینب او چولده ئولمگه دیلدن رضاسی وار خانمون ** کربلایی حسن آخوندی

احوالات راه شام- زبانحال خانم رقیه (س ) با اباعبدالله (ع) داغدار کربلایم خونجگر رقییم من دلبریم گئدوب الیمدن دیده تر رقییم من آیری دوشمیشم ائلیمدن دربدر رقییم من زلف صبری اوچ یاشمدا غم چولونده هورمیشم من مین ایلین غمین بو یاشدا کربلاده گورمیشم من بیر قیزام بلود مثالی دولموشام بلا چولونده مبتلای درد و محنت اولموشام بلا چولونده باغ عصمته گلیدوم صولموشام بلا چولونده پای بند عفتم من زینبیلن الفتیم وار ویرمرم حجابی الدن چونکی در عصمتیم وار گل بابا هرایه سن سیز گلشنیم خزان اولوبدی خیردا سنیلن غمونده قامتیم کمان اولوبدی مهربان قیزون اسیر ظلم بی امان اولوبدی پا برهنه یول تیکانلوق اولموشام بو چولده خسته کاروان گئدوب دالیجان قاچموشام تیکانلار اوسته غرق بحر محنت اولدوم یادینه منی سالان یوخ نازدانه بیر قیزام کی فکریمه منیم قالان یوخ سن سیز آی بابا بو چولده در نازیمی آلان یوخ نازنین بابا وصالون چوخ سوور بو نازدانه تیر وصلی گوی کمانه دوت بو قلبیمی نشانه سن گئدنن ای امیدیم دل یانوب کباب اولوبدی اکبریم گئدوب انیسیم سیلی و طناب اولوبدی اصغریم گئدوب منیلن همنوا رباب اولوبدی کاش الونده اوخلانیدوم شیرخواره اصغرون تک قتلگهده دوغرانیدوم یا وفالی اکبرون تک یاندی قلبیم آیرولوقدان صبر ائدنمورم فراقه گل بو چولده ای پناهیم بیرده آل منی قوجاقه سنده تشنه منده تشنه گل قویاق دوداق دوداقه گوی دئسونله غملی اولدوز اوپدی لعل آفتابی بوسه سی چیخاردی یادان درد و رنج و التهابی سنکی یول تاپوبسان ای جان حق یولوندا کوی عشقه منده قویمارام کی لکه دوشسون آبروی عشقه من وصال یاره تشنه سن بابا سبوی عشقه گل رقییه دادزدور شربت وصالی بابا سینون اوسته تا یاتوم من اصغرین مثالی بابا عهد باغلادوم سنیلن اعتلای انقلابه هر مصیبته دوزوم من باغلانا قولوم طنابه سرنوشتیمه یازولموش منزلیم اولا خرابه گوز یاشیم آخا جماله غم منی سالا حصاره قبره من گئدم یتیمه دیلده یاره باشدا قاره ای انیس قلب زاریم تشنه شاه تاجداریم ای وقار آل طاها بسته دور سنه وقاریم آتش غم و فراقه یاندی قلب داغداریم آهوی شکسته قلبم محنتیمده داشلار آغلار من بابا بابا دینده نیزه لرده باشلار آغلار یوخ توان ائدن تحمل هجر آفتابه نیلوم یوخ ویرن خبر بو حالی زینبه ربابه نیلوم حیف اولا بها ویرن یوخ دُر اشک نابه نیلوم کوفه اهلی جام عشق بو ترابی سیندورولار من دیینده در نابم در نابی سیندورولار کربلاده وقت غارت دشمنون خیامه دولدی خیمگاهه اود وورولدی خیمه لر یانوب کول اولدی قورخودان غروب وقتی گللرون سارالدون سولدی زوریلن عدو چیخاردوب سیرغامی قولاقلارمدان قاچموشام تیکانلار اوسته قان آخور ایاقلارمدان کربلایه بیز گلنن هر گونیم اولوبدی آلام گوندیزی هی آغلیاردیم قورخودان اسردیم آخشام کوفه دن قوتاردوم اما گوزلیور خرابه ی شام ووردیلار دئدیم بو قدری وورمیون عزالیم من قارداشیم جوان ئولوبدی قلبیدن یارالیم من طفل بختیمی چاغر سن خواب نازیدن اویانسون راضی اولما تا رقیون اشک ماتمه بویانسون قافلم گئدوب هاچاندی وئر خبر بیبیم دایانسون آفتابیسن دعا ائت عشقینه چاتا ستاره کهکشان محنتیلن همقطار اولا دوباره شامه من سفیر عشقم آیری بیر دیاره گئتمم جان وئروب خرابه یئرده قصر زرنگاره گئتمم منده آغ کفنله سن تک دلبریم مزاره گئتمم عمه م آغلیاندا سویلر بلبلوم چمنسیز اولدی اوز باباسی تک رقیه شامیده کفنسیز اولدی ** شهرام علیزاده اردبیلی

یا امام حسین (ع) الیمه قاره علم آللام حسین یول گوزل مرقدیوه ساللام حسین قید عشقونده سنون قاللام حسین سنه من آغلاماسام ئوللم حسین سینمی داغلاماسام ئوللم حسین من او خوان و خدمین حسرتیَم آلتی گوشه حرمین حسرتیَم اوردا یاشیل علمین حسرتیَم سنه من آغلاماسام ئوللم حسین سینمی داغلاماسام ئوللم حسین سینه وه غم یاخانون وای گونونه قلبیوه اوخ تاخانون وای گونونه قاپیوا چپ باخانون وای گونونه سنه من آغلاماسام ئوللم حسین سینمی داغلاماسام ئوللم حسین قانه غلطان باشیوا آغلامیشام گوزده کی قان یاشیوا آغلامیشام اوجا بوی قارداشیوا آغلامیشام سنه من آغلاماسام ئوللم حسین سینمی داغلاماسام ئوللم حسین یاز قاپوندا منیده بنده آقا سنه نوکر یازیلوم منده آقا سائلم دوت الیمی سنده آقا سنه من آغلاماسام ئوللم حسین سینمی داغلاماسام ئوللم حسین ** محمدعلی مصیبی تبریزی برچسب‌ها: محمدعلی مصیبی تبریزی