نگویید جا مانده‌ایم! کسی که ‎قلب و روحش رفته جامانده نیست. جامانده کسی است که عشق و شور و طلب زیارت ‎#اربعین به ذهنش هم نمی‌رسد و علاقه‌ای ندارد. اگر به هر دلیلی اشتیاق رفتن هست و شرایطش نیست، خیری بوده و ثواب نیت را برده‌اید. شاکر باشید و نگویید جامانده ایم. ✍️آیت الله جوادی آملی

 التجا به امام حسین(ع) نام زیبای حسین بو دیلیمه ازبردی آغلاماق بزم عزاسینده منه زیوردی کیم حسین عشقینه دنیاده گرفتار اولدی تاج عزت قازانوب رتبه سی والاتردی منده ایللردی بو درگهده اوره ک داغلیورام شاهدیم گوز یاشیدی اشگ تریم مظهردی ایوده خیمه قورارام اوستنه آدین یازارام گوزل آدی آقامون عشقمه جان پروردی هاردا گورسم علمین سینمون اوسته قویارام چکرم سرمه عوضی گوزلریمه اطهردی اقامون آدینی اورگدی آنام صود ویرنی بو حسین سسلماقیم باعثی بو مادردی نوکر آدیله منی بسلدی بو درگاهه نوکر اولماق بو حسینه اوزی چوخ مفخردی کیم بو درگهده قوجالسا اوجالار رتبه تاپار ئولسده آدی قالار ( یحیوی ) تک ( انوردی) نوکری صادق اولا عالمه سلطانلق ایدر چوخلی شهلر بو شهون نوکرینه نوکردی هامی نوکردی سنه بو قاپیدا منده بیری دیمورم سوز یازارام شعریلریم گوهردی ادعا ایلمورم شاعروم بو قاپودا نقدر خدمت ایدم شاهیمه من کمتردی چوخ چتین مشگلیم اولسا اتگیندن دوتارام صلمی ویر دیرم درد و غمیم اکبردی ویرمسون حاجتیمی دامنوی بوشلامارام سائل درگهوه ایله نظر مضطردی آند ویرم آناوون عصمتینه یا مولا نا امید ایتمه منی غصه لریم بیشتردی دویوم هانسی قاپونی دردیمه درمان ایلیه کیمدی سندن صورا لطفی منه ارزان تردی ساربانی یولا بوش سالمامسان مقتلده دئیدون ایندی قالانیم بیرجه فقط اللردی آند ویرم باجوون کوفده آغلار گوزینه دئیدی باخ زینبوه گور نجه بی یاوردی بی وفالر بو وفالی باجوا کف چالوری بولارون طعنه لری زینبه چون نشتردی من که حیرتدیم الله بو نجه عالمیدی بیر بیرین بو باجی قارداش نقدر ایستردی نجه آی گویده گزنمز گیجه لر کوکب سیز بو حسین گیتمزیدی هیچ سفره زینب سیز * هادی قهرمانی تبریزی برچسب‌ها: هادی قهرمانی

شامیدن شوقیله کوی یاره گلدیم یاحسین اربعین قبر اوستونه دیداره گلدیم یاحسین سرفراز ائیله منی پیشواز ائیله منی من ازلدن بو مقدس عشقیوه دلبسته یم باغلانیب روحیم صفالی روحیوه وابسته یم دور اوزاق یولدان گلیبدیر کاروانیم خسته یم بیر حزین بلبل کیمین گلزاره گلدیم یاحسین شکر لله که منه بیر آز اجل وئردی امان تا سنه زوار اولام ای زینبه روح و روان ای یارالار یورقونی گلدی باجین یاتما اویان سجده شکر ائتماقا داداره گلدیم یا حسین گر چه قان ائتدی منیم گوزیاشیمی بو کربلا شکوه حاشا ائلییم بیر کلمه ده سندن اخا ای اولان حقه فدا جانیم سنه اولسون فدا دل دولی غمدور ولی انکاره گلدیم یا حسین آتش عشقینده دور بیرده آلیشدیر زینبی سو وئریم ایچ نهر علقمله باریشدیر زینبی داغلیدی قلبیم آنام حقی دانیشدیر زینبی چوخ دولاندیم نقطه پرگاره گلدیم یا حسین آتشین بیر گون کیمی باشین شاخیردی نیزه ده گاه بیر اولدوز کیمی غم دن آخیردی نیزه ده خردا قیزلاره یول اوستونده یاخیردی نیزه ده کوفه و شامی دولاندیم زاره گلدیم یا حسین شامیده نازلی قیزین دوشدی غمه دینجلمدی ائتدیلر طعن و شماتت کیمسه دردین بیلمدی عمه سین آغلار قویوب نازلی رقیه گلمدی قاره اوستن باشه سالدیم قاره گلدیم یا حسین زینیبن قوربان دانیش وئر روزگاریندن خبر پیکرونده یا که زخم بیشماریندن خبر اکبریندن قاسمیندن شیرخواریندن خبر شامیدن گتدیم سینیق گهواره گلدیم یا حسین بو چوله باخدیقجا دیلده خاطراتیم سان وئرور گوئیا میدانیده سینه نن یاراسی قان وئرور شمرین الده خنجری قان توکماقین اعلان وئرور خیمدن میدانه دیلده یاره گلدیم یا حسین جانفزادور، کیمیادن پربهادور تربتون انبیا و اوصیایه آشنا دور تربتون سربسر اعجازدیر خاک شفادیر تربتون الماقا فیض شفا بیماره گلدیم یا حسین عشقیوه خاطر دولاندیم کوچه و بازاریده ثابت ائتدیم عشقیمی گفتاریده رفتاریده بی سبب اگلشمه دیم من مجلس اغیاریده حقوین احقاقینه گفتاره گلدیم یاحسین قالمییب قلبیمده شوق وصلیدن تاب و قرار قبریوی دیلده مجسم ائتمیشم لیل و نهار کربلانین تا قیامت حکمتی اسراری وار یازماقا تفسیر بو اسراره گلدیم یا حسین اغلارام داغلار بو داغلی قلبیمی آهو سسی قان ائدر قلبیم کیمی گوزیاشیمی تیهو سسی یاندیرار اکبادیمی اخدوقجا هران سو سسی شکوه علقمدن ائده م صدباره گلدیم یا حسین سسله دین هل من معین بیر کس ده وجدان اولمادی نشنه جان وئردین سودان بیر قطره احسان اولمادی نه عزا و کفن و دفنه منده امکان اولمادی دوتماقا بزم عزا احراره گلدیم یا حسین ا ی گوزل قبری اولان جنات جنت دن گوزل عاشیقم من عشقیوه اگهسن ای صبح ازل عالم هستی ده یوخدور سن کیمی شیرین غزل طبعیمه عزت وئرن بازاره گلدیم یا حسین ورود به کربلا 1402 التماس دعا

‍ اربعین – زبانحال خانم رباب (س) دور ای آغامون سینه سی اوسته یاتان عطشان آغوشیمه گل صود امر اوغلوم سنه قربان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بو ناله سی افلاکه چیخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گویلونی جان اوسته دی بوحالی پریشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ایستر بالالار اولسون آنا سینه سی بستر آغوشینه گلجاق آنادان فوری صود ایستر گل سینمه اصغر منه اوز عشقوی گوستر صود ایسته صودوم اولماسا گر بذل ایدرم جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یاخشی آنالار ایچره منه ویرمسن عزت لیلا ایله اولدوخ بالا هم صحبت و محنت یاننام ولی سندن چکرم حشرجه خجلت سینمده صودوم اولمادی امدون سولی پیکان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم خوش حالوه دفن اولدون اوغول عرش خداده یاتدون یارالی سینه ی شاه شهداده هیهات اولا مثلی بو یرین ارض و سماده خلق ایلیوب اشرف بو یئری خالق منان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم آهو بالاسین اوچی آیر آناسندان آردینجا ملر آهو ال اوزمز بالاسندان صیاد ویران حلقوه پیکان یاراسندان آهو کیمی یاننام ملرم ایلرم افغان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم هر یئرده سو گورم سوسوز احوالوه یاننام یاننام خم آلامیده مین رنگه بویانام ناچار اگر ایچسم بالا روحونن اوتانام چیخماز نظریمنن کی یانوردون سوسوزوندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ویردی باشوی نیزیه تا فرقه ی گمراه گوردوقجا باشون چکدیم اوغول ناله ی جانکاه حقدن بالا ایستردیم ایده عمرومی کوتاه چاره م یوخ اجل لطفونی کسمشدی آناندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بیر تک نه سنون فرقتون آرامومی آلدی سر نیزده باشون منی چولدن چوله سالدی بیر نازلی بالامدا بالا ویرانه ده قالدی حسرتله رقیم قوری یئر اوسته ویروب جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یوردی باجوی درد و غم و رنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (( پرندا )) دی دوباره دور ای آغامون سینه سی اوسته یاتان عطشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ** حاج محمد پرند

اربعین اربعین (سبک : دولدوروب جهانی) یاتما قبر ایچینده بیر اویان حسینیم شامیدن قیتدی کاروان حسینیم غصّه باغریمی دلدى آچ گوزون باجون گلدی دور یارالی قارداش (2) هجر اوتوندا یاندیم شور و شینه گلدیم ظلمینی قوتاردی اهل کینه گلدیم قبرون اوسته قارداش اربعینه گلدیم یاتما ای شه عطشان قبریوه باجون قربان دور یارالی قارداش (2) کوچ ایدنده آلدیم من کناره جسمون قوملار اوسته عریان قالدی یاره جسمون کیم قویوب مزاره پاره پاره جسمون زینبه عیان ایله حالیوی بیان ایله دور یارالی قارداش (2) دور ایدوم حکایت باشیمون قضاسین کربلا بلاسین کوفه ماجراسین زینبه نشان ویر قلبووین یاراسین کیم چکوب او پیکانی یا گینه آخور قانی دور یارالی قارداش (2) قبریوون کناری کاش اولیدی خلوت خارج ایلییردوم رختیمی بو ساعت پیکریمده بیر یئر قالمیوب سلامت سر به سر جراحتدی قمچیدن علامتدی دور یارالی قارداش (2) سن کیمی یتوردوم عهدیمی تمامه صبر ایدوب دایاندیم ظلم اهل شامه ایندی قبرون اوسته گلمیشم سلامه گلشنیم خزان اولدى قامتیم کمان اولدی دور یارالی قارداش (2) تاپشوراندا اهلون زینبه امانت نقد جانیلن من ایلدیم ضمانت گتدیم اهل بیتون سر به سر سلامت بیر بالون خیانتدن کسر اولوب امانتدن دور یارالی قارداش (2) ایلدی بو زاری باغرى قان رقیه یاتدی سینم اوسته هر زمان رقیه آج خرابه یئرده ویردی جان رقیه گول کیمین سارالمشدی اوزگه حاله قالمشدی دور یارالی قارداش (2) ناقه اوسته دائم ایپ قولون کسردی اوج ایدردی عرشه دیلدن آه سردی هر گورنده شمری قورخودان أسردی قلبی غصّه دن دولدی عاقبت هلاک اولدی دور یارالی قارداش (2) هر جفایه قارداش صبر ایدوب دایاندیم لیک بیر ستمدن فوق العاده یاندیم معجریمی باشدان آچدیلار او تاندیم ایله باش آچوق قالدیم زلفیمی یوزه سالدیم دور یارالی قارداش (2) عورتین حیاسی بسته دور حجابه چوخ چتیندی بو ایش آل بو ترابه باشوویله گیتدیم مجلس شرابه آه او کاخ عشرتدن خصم ایدن جسارتدن دور یارالی قارداش (2) ساکت ایله قارداش اصغرین آناسین اللری ئورکده آختارور بالاسین رد ایله بالاسین باغلاسین یاراسین گوز یاشین الر آغلار آهو تک ملر آغلار دور یارالی قارداش (2) ** مرحوم محمدعلی کریمی (ذاکر مراغه ای) برچسب‌ها: محمدعلی کریمی ذاکر + نوشته شده در  پنجشنبه ۱۸ آبان ۱۴۰۲ساعت   توسط حاج محمد

✍🏻 امام سجاد (علیه السلام) : 🌿 گناهانی که موجب رد شدن دعا می شوند عبارتند از: 💠نيت بد 💠پليدي باطن 💠دورويي با برادران ديني 💠باور نداشتن اجابت دعا 💠ترک كار خير و صدقه 💠گفتن كلمات زشت و ناسزا 💠تاخير در نمازهاي واجب تا وقتش بگذرد 📚معاني الأخبار،ص۲۷۱

‍ مدح حضرت زینب (س) وگریز به احوالات اربعین ‍ مدح حضرت زینب (س) وگریز به احوالات اربعین قلم یاز آیت سبحاندی زینب علی تک دینه پشتیباندی زینب ستون قلعه ی ایماندی زینب همای قله ی عرفاندی زینب رگ دین مبینده قاندی زینب حسینه هم باجی هم جاندی زینب فصاحتده یقین طاهایه بنذر شجاعتده علی مولایه بنذر متانتده خانم زهرایه بنذر حیاده مادر عیسایه بنذر وفاده هاجر و سارایه بنذر یقیناً وارث خوباندی زینب وفا لوحینده اقدس آدی حکدی مقامی برتر از انس و ملکدی مقام صبرینه حیران فلکدی اگر چه دردی چوخ ، قاره لچکدی ولی صبر عالمینده فرد و تکدی دنن ایوب هر دوراندی زینب سیغیشماز عقله اوصاف و کمالی ساچوبدور سینیه عزت مدالی باجیلیق منصبینده یوخ مثالی قوتارماز شعریلن شان و جلالی اولوب دورت سنیدن افسوس عزالی اوره ک القانیله الواندی زینب سیه پوش اولدی پیغمبر غمینده سالوب باشه قرا مادر غمینده ایدوب آه و نوا حیدر غمینده قوجالدی حجت داور غمینده شریک اولدی حسینون هر غمینده شه عطشانه هم پیماندی زینب بویورموش مهدی صاحب زمانه دوشنده رنج و درد بی کرانه چکنده غم اودی دیلدن زبانه ویرون چنگ توسل مخلصانه دوتون یوز زینب زهرا نشانه دواسیز دردوزه درماندی زینب سماواتی دوتوبدور عز و جاهی قویوبوب شانینده حیران مهر و ماهی امیه نسلینی یاندیردی آهی اله آلدی لوای داد خواهی سالوبدور تختین اوستن پادشاهی اوره کلر ملکینه سلطاندی زینب توکل ایلدی لطف خدایه ویروبدی درس عبرت اشقیایه خوش ایفا ایلدی عهد و وفایه یزیدی سالدی درد بی دوایه صورا یول باشلادی کرب و بلایه بیلوبلر زائر جاناندی زینب غرض رسوا ایدوبدی شامیانی یولا سالدی بلالی کاروانی ایدوب قارداش غمی قدین کمانی چتیندور واقعاً عشق امتحانی قویوب حیرتده زینب انبیانی رسوله دختر شایاندی زینب حمایت ایلدی دین مبینه او بانوی وحید و بی قرینه ویروب اشکیله سو گلزار دینه غمی چوخ قلبی خسته داغلی سینه گتوردی کاروانی اربعینه عزادار شه عطشاندی زینب یتیشدی کاروان کرب و بلایه خانیملار غرق اولوبلار آه و وایه باخوب شش گوشه گلدیلر نوایه اوجالدی ناله لر عرش خدایه سالوب اود نوحه لر ارض و سمایه هامیدان چوخ ولی گریاندی زینب اوجالدی زینبون غملی نواسی دیدی ای زینبون گوزده ضیاسی باجون عطشان لبون اولسون فداسی اورکده زینبین چوخدور یاراسی دانیشدیرسن من پوزقون اساسی فراقونده داخی نالاندی زینب چکور غم آتشی دیلدن زبانه دیوم هاردان دیلیم گلمور بیانه فراقوندن دونوب قدیم کمانه گوگردیب قوللاریمی تازیانه ییخانماز زینبی قهر زمانه اگرچه قلبی چوخ شان شاندی زینب امان قارداش امان کوفی داشیندان اگر چه ویردیلار قمچی باشیمدان دوشه من قویمادیم معجر باشیمدان دیدیم ال چکمرم من قارداشیمدان فلک شرم اتمدی بو گوز یاشیمدان سنون هجر آتشونده یاندی زینب گولون درده دوشوبدی خار الیندن یانور قلبیم حسین اشرار الیندن امان بو گردش پرگار الیندن باجون فاتح چیخوب غدار الیندن اوپوبدور باجووین ایثار الیندن علی تک مرد هر میداندی زینب من ایفا ایلدیم عهد السته اسیر ایتدیم یزیدی دست بسته گونی تار ایلدیم اول رذل و پسته شمادتدن اولوب قلبیم شکسته قسم مردان پاک و حق پرسته فدای مکتب قرآندی زینب جفادن دویمادی آل امیه یزید نابکارو کج رویه جفا ایتدی زنان هاشمیه هامونی یاندیروبدی بو قضیه خرابه یئرده جان ویردی رقیه اودور که قدی چون چوگاندی زینب علینون دختر دلبندیم من او شاهین آدینه زیبندیم من حسینجان عشقووین پابندیم من غم و اندوهیلن آکندیم من رقیوندن ساری شرمندیم من غمینده یاندی هم اودلاندی زینب اولار زواره عالی توشه قبرون ندور علت اولوب ششگوشه قبرون باجون زینب آلوب آغوشه قبرون ووروب اود بو دل صد ریشه قبرون رگیمده قانی گتدی جوشه قبرون اونی گورجک غمی داشلاندی زینب یتوردوم مقصدینه انقلابی تانیتدیردیم حسین خلقه کتابی سرافراز ایتدیم آل بو ترابی اگرچه باجووین یوخ صبر و تابی ولی زهرا جانی دیندیر ربابی دیور یازسام غمیم دیواندی ، زینب اوزون باخ قانه یاشلی گوزلریمده آغاردی ساچلاریمدا تللریمده منی سالدی گوزوندن اصغریمده قالیب دیرناق یاراسی دوشلریمده کنیزین هچ سوروشمور سروریمده ربابون قلبی غمدن قاندی زینب چکوب دنیاده بی حد جور و جبری قویوب گوز یاشینه حیرتده ابری گوروب نهره طرف بیر خیردا قبری دیدی وای اصغریمون اوردا قبری داشیب پیمانه ی سرشار صبری اوغول داغی مگر آساندی ، زینب دیدیم ائتمه بو قدری آه و زاری بویاتما گوز یاشا صولموش عذاری دایانسون سفله چرخون کج مداری او قبر آلمیش ئورکلردن قراری اودور قارداشیم عباسون مزاری اودور که غرق در افغاندی زینب قاپوندا زینبا (( ناعم )) گدادی گیجه گوندوز سنه نوحه سرادی زیارت ایستیور غرق نوادی نوا خوان شه کرب و بلادی ئورکده غصه سی بی انتهادی ادامه 👇

سنون درگاهووه درباندی ، زینب ** محمدرضا محمدی (ناعم) برچسب‌ها: محمدرضا محمدی ناعم + نوشته شده در  دوشنبه ۲۱ فروردین ۱۴۰۲ساعت   توسط حاج محمد محمد قاسمی  |  آرشیو نظرات درباره وبلاگ

علت غیبت او هست "گناه" من و تو خون جگر از گنه ماست خدا میداند آری اعمال من و توست حجاب من و تو ورنه آن چهره هویداست خدا میداند. #نوای_دلتنگی