احوالات کوچ از شام از مرحوم حاج حیدر آقا خوندل زینب او گونکه عازم کوی نگاریدی آغلار گوزیله دشت غمه رهسپاریدی یعنی خرابه شامیدن ایستردی آیریلا اوز زلفی تک گونوز گوزینه لیل تاریدی اوّل مخاطب ایلدی شامین خانملارین ظاهرده قصدی آیریلیقا اعتذاریدی فرمایش ایلدی سیزه وار بیر سفارشیم بو شهریده اگرچه غمیم بی شماریدی بیز ایمدی کوچ ایدوب گیدیروخ بو دیاریدن بو گیتماقا بو قافله بی اختیاردی شوق وطن چکور آپارور دوزدی چون وظن بو باغری قان اولانلارا یثرب دیاریدی وار بو یول اوسته کعبه ی آمالی زینبون بو کعبه کعبه نین شرف و افتخاریدی عشق حسینیله گیدورم کربلایه من بیر یردی عشق گللرینون لاله زاریدی چوخ گل وار اوردا خاصّه گل سینه ی بتول هر ناامید اولان کسین امّیدواریدی بیرده بو قیز که گوشه ی ویرانه ده یاتوب عشق اهلینون قرار دل بی قراریدی پوزقوندی قبری گرچه محقّردی ظاهراً معناده کاخ عاطفه بنیانگذاریدی بیر آبرودی خلقتی سیمای خلقته شامین خصوص عزّتیدی اعتباریدی دنیانی دولدورار بو قیزین شان و شهرتی بو شهرین ایمدی گرچه غریبه مزاریدی بیر غنچه گلدی، گلشن عشق و محبّتین باد مخالفیله سولان گلعذاریدی هر لاله اولسا صحنه ی گلشنده داغ دل گویا بونون نشان دل داغداریدی یوخ چاره آیریلام گرک امّا گیدنمورم گوگلوم کمند عشق و محبّت شکاریدی قویماز کسم علاقه می قلبیم علاقه سی گویا بونون مواهب پروردگاریدی روحیم قالار خرابه ده گیتسمده، چون بو قیز جاندان عزیز قارداشیمون یادگاریدی شهزاده دی، رعیّتی نون غصّه مرگیدی افتاده دی محبّتی نون خاکساریدی آیری دوشوبدی جبریله ائلدن قبیله دن غربت اسیری گوشه ی عزلت فکاریدی قبرین بیله حقیر گوروب سانمیون حقیر بیر نازلی قیزدی گلشن عشقین هزاریدی چوخ یر گزوب خرابه نشین اولدی عاقبت بولدوم که گنج عشقه دُر شاهواریدی ازبسکه پا پیاده دولانموشدی چوللری گلبرگ تک ایاقلاری مجروح خاریدی حسرت باخاردی چوللره جان تاپشوران زمان بیر اکبر آدلی قارداشینا انتظاریدی آهو باخیشلی گوزلری آغلاردی ابر تک دلدن اگرچه درد و غمه بردباریدی آغلاردی، آغلامازدی که شمره اسیر اولوب شرح جنایت ایتماقا اشکی نثاریدی آغلار گوزیله نازیله حسرت باخیشلاری رشک نگاه آهوی چین و تتاریدی گل پیکرین قویاندا بو پوزقون مزاره من گوردوم که یاسمن گلینون نوبهاریدی بیر سرّیدور، بو نکته نی بیگانه آنلاماز مفهومی آشنای بلا آشکاریدی غارتده کربلاده آلینموشدی زیوری مقهور ظلم فرقه ی بی ننگ و عاریدی ویرموشدی باشه عمرینی ویرانه ده ولی گلبرگ تک وجودی هله زخمداریدی هر چند باد ظلمیله سولموشدی گل یوزی امّا او توزلی زلفی گینه مشکباریدی اشکین توکردی گل یوزینه ابر تک مدام بیر مقصدیله درد و غمه سازگاریدی مینلر بنای ظلمی ایدر گوزیاشی خراب قصر یزید گرچه جفا پایداریدی آخِر بو کاخ جوری یخار سیل اشکیله عمرینده چون بو نیّتیله اشکباریدی بیر گون پوزار بو سلطنت جابرانه سین عالم بولر که کیمده اولان اقتداریدی دنیاده گون بو گوندی بیله فرض ایدور یزید اوز بختینون گورور که هله کامگاریدی عصرین امامین اُلدوروری افتخار ایدور وار تاج و تختی خوش گونی خوش روزگاریدی محبوس ایدور خرابه ده آل پیمبری بولمور نه قدری گوز گجه شب زنده داریدی ازبسکه مست باده ی دنیای پستیدی شعر و شراب و زن گجه گوندوز شعاریدی میزانِ رشد عقلینی شرم ایلورم دیم سگ هم غذاسی یا که جلس کناریدی اسلامه ظاهراً اوزینی پیشوا بولور معناده گچه جور و جفا تاجداریدی اولماز حرامزاده مسلمانلارا امیر اسلام روحی بو عملین شرمساریدی بیر قان توکوبدی آنلامیوب قدر و قیمتین بولموب بو قان او قاندی که اللهه ثاریدی بی اعتنا بولر اوزینی روز محشره بیر گون گورر که منتقمین گیر و داریدی فکر ایلمور که زود گیدر دور سلطنت دنیا مثالی عمر و گونون جویباریدی انکار ایدور نزولینی وحیین پیمبره حشر و حساب منکری، بی بند و باریدی یوخ اعتقادی محشره ظلمین جزاسینه مست شراب شهوت و غفلت خماریدی محصور ایدوب مخالفه دشت عراقیده اهل حجازی، گو که اولار زنگباریدی اشیاخ بدرین ایستور آلا انتقامینی آل رسول دشمنی شرّ شراریدی خوندل هانی یزیدین او قصر مجلّلی فرش و حریر پرده لری زرنگاریدی بیر نچّه گوندی ظالمه فرصت زمانه ده دنیانین عیش و عشرتی ناپایداریدی

❤️ #یا_ابا_عبدالله صبح شد باز دلم تنگ تو ... از دور سلام ✋ تو نیاز و ضربان دلمے، ختم ڪلام #صلے_الله_‌علیڪ_یااباعبدالله❤️ #صبحتون_حسینی ⛅️

وقایع مجلس یزید ملعون در شام .. .. .. علومی تبریزی .. .. .. حسین آدی گجه گوندوز دلیمده ازبردور اولوم فدا بو آدا عرش و فرشه لنگردور . حسینه آغلارام عشقیله چون یقینیم دور سرشک دیده قیامتده در و گوهردور . یزید مجلسینون ماجراسی یاده دوشر نه مجلس اوردا عیان اهلبیته محشردور . تکبریله چخوب تخته اول لعین و شریر دیدی پیمبر عیالی بو بزمه زیوردور . اولوب او مجلسه داخل فغانیله اسرا گوروبله نوریله ظلمت او گون برابردور . دیدی بو بزمه گیدون قانلو باشلاری گتورون گوروم بو مجلسه ارزنده هانسی بیر سردور . یزید مجلسنه گلدی نازنین – باشلار معاینه بیری آی دور بیریسی اختردور . گوروب یزید خطا دیده قاسمون باشنی دیدی بو کیمدی جمالی چو ماه انوردور . جواب وئردیله قاسمدی مجتبا بالاسی قولاقدا حیدری سی واردی پورصفدردور . بو نوجوان حسندی یتیشمدی – کامه یارالی پیکرینه قوملار اوستی بستردور . گورن زماندا شبیه پیمبرین باشین دیدی بو کیمدی عجب مظهر پیمبردور . جواب وئردیله بو شبه مصطفی دی امیر حسینون اوغلودی آدی علی اکبردور

#بارگاهون_تک_مکان_جانفزا_اولماز_حسین طاق ایوانون جلالتده بنا اولماز حسین تحت بقعونده سنون وار امتیاز معنوی کیم دیر اوردا بر آورده دعا اولماز حسین یاتدیقون تپراقی قانون ایلیوب خاک شفا یوخسا هر تپراق ایله خاک شفا اولماز حسین چوخ مقدّس یر خدای لم یزل خلق ایلیوب هیچ بیری عزتده امّا کربلا اولماز حسین موسیان عشقوه صحنون مثال طوریدور طوریده صحنون کیمی حاشا صفا اولماز حسین شور عشقونله همیشه مغزلر پرشوریدور وصلوون فکری اور کلر دن جدا اولماز حسین سن امید هر دو عالمسن فنا فی اللهسن حشره تک وا للهی آثارون فنا اولماز حسین ذره ای خاکه اگر سن لطفیله قیلسون نظر کیمده وار قدرت دیسونکه کیمیا اولماز حسین قلبووین قانین ویروب احیای اسلام ایلدون هیچ کسون قلبنده قلبون تک یارا اولماز حسین نهضت با ارزشونله دینون آرتوب ارزشی آغلاسا عالم سنه حقّون ادا اولماز حسین قان آلان اوغلون گلوب قانون عدودن آلماسا قلبی اخیارون مصیبتدن رها اولماز حسین حیف اولا عصرون امامی غیبت کبراده دور منتقم بر کس سنه اوندان سوا اولماز حسین هر بلایه صبر قیلدون صبروه قربان سنون مطلقاٌ سن صبریده بیر پیشوا اولماز حسین حق دیوب حقی دیریلتدون حق دین بیر کیمسه نون پیکری صد باره کفنی بوریا اولماز حسین دگدی اوخ اصغر الون اوستنده چالدی ال ایاق جنّت الاعلا او طفله خونبها اولماز حسین سینون اوستنده یاتیردوبسان امانتدور بلی تپراقا قویسون آنون زهرا رضا اولماز حسین نوجوان اوغلون مجلّل قبروه زینت وروب هیچ مزاره بیرایله پائین پا اولماز حسین طوی حناسی قاسمون باش کاسه سنده ایسلانوب اللرینده کدخدانون قان حنا اولماز حسین دردی چوخدور قبری یوخدور نسکلی گلمز سانا طوی ایدوب اما او نوعی کدخدا اولماز حسین خیمه گاهونده نشانی وارحنالی بر اطاق بر اتاقدور اوردا تعطیل عزا اولماز حسین صاحب پرچم اباالفضلون دوشوب سیزدن کنار بیر ایله صاحب کرم صاحب لوا اولماز حسین سر و قد یندن تو کو بدور شاخ و برگین اشقیا خوردا قبره یوخسا بیرقدّ رسا اولماز حسین آخرین ساعت دیز اوسته باشنی آلدون اوزون محنتون اسراری بویرده خفا اولماز حسین خیمه گاهه ایستدون حمل ایتمگه قارداشوی قتلگهده قالسا گوردون که سزا اولماز حسین اولمادی ممکن یارالی باشنی قویدون یره گوردون ال ورسون وجودی جابجا اولماز حسین خیمه دن ا میدیله گلدون قیت دون ناامید بوندان آرتوق بسدی کشف ماجرا اولماز حسین طول ویرسم بو روشلن گر سوزه مطلب قالار مطلبی شرح ایتمسم روح بکا اولماز حسین خیمه لردن آیرلان وقتون دوشو بدور یادیمه گرچه یازماقلان او محنت بر ملا اولماز حسین اوز پیاموندور وداع آخرون چون ذکر ایدک امروون اجراسنه البتّه لا اولماز حسین سن گیدردون سرعتیله سسلدی زینب دایان با جیا قارداش بیله بی اعتنا اولماز حسین مرکبون ساخلابو گتمکدن گوروم فکرون ندور بش دقیقه صحبته یا اقتضا اولماز حسین سن اوز عمروندن دو یو بسان دو یمیوب سندن باجون زینبی قویسون بو حالیلن روا اولماز حسین لشکر هجرونله صبریم لشکری مغلوب اولور قلبدن سنسز نجه سلب قوا اولماز حسین دامن پر رأفتون ا مید الیمله دوتمشام زینبون بوتزلیگه قطع الرجا اولماز حسین خیمیه گلمک خیالون وار یول اوسته اگلشوم رجعتون خیمه سرایه برده یا اولماز حسین محرم سرّم سوزون دی قیز لارا آندیرمارام مطّلع بو سردن آلعبا اولماز حسین آخرین ساعتدی قوی عطشان دوداقوندان او بوم اوپمسم مندن رضا خیر النسأ اولماز حسین بیر امیدیدیم سنه سنده گیدورسن نیلیوم سخت موقع دور منه مشکل گشا اولماز حسین گولمیوب بر گون بودنیا یه گلن گوندن یوزوم من کیمی عالمده بر بخت قرا اولماز حسین چرپنان قلبم بو آغلار گوزلریم قربان سنه محضرونده عرضیم البّته هوا اولماز حسین خورداجا قزلاروی سنسز نجه من ساخلیوم سایسز اطفاله بر عورت رهنما اولماز حسین آزقالور مخمیده شیرین دل لریم دلدن دوشه آغلاماقدان ساکت هیچ بر مه لقا اولماز حسین آغلیور نازلورقیّون گوز یاشین یوخدور سلن نیلیوم آرام او طفل دلربا اولماز حسین نه سنون تک شاه اولار نه عترتون تک آغلیان نه بو قدری پر اسف خیمه سرا اولماز حسین انوره گر گوشهء چشمونله سن قیلسون نظر پنجه اغیاره هرگزمبتلا اولماز حسین دورهء آخر زمان دور فتنه دوتمش عالمی هیچ کیمون اعمالی خالی از خطا اولماز حسین معصیت کارم جزاده باخماسون سن نیلرم سن شفاعت ایلسون چون و چرا اولماز حسین #مرحوم_انور

زبانحال حضرت زینب کبری (سلام الله) در خروج از شام @emami9910 🏴🎤 ای قارداشیمین نازلی بالاسی گیدروق بیز شام ایچره اولان خوار عزاسی گیدروق بیز بو فاطمه دوربیرده بیبین زینب نالان دورقبریده یاتما باجیوی قویما پریشان سس ویراوجالان نالمه عمون سنه قربان ازقالدی یته عرشه صداسی گیدروق بیز ای نازلی رقیه بلورم واردی مرامون هر کیمسنیه واردی سوزون دلده پیامون سویله منه منده دیرم عرض سلامون شامین بلوسن یوخدی صفاسی گیدروق بیز غم قافله سی لنگه دوشوب دور بالا یاتما خون دلیوی قبریده گوزیاشینه قاتما ای کان ادب سن منی گوزدن بیله اتما اتمامه یتوب شام جفاسی گیدروق بیز نه شمر نه خولی نه سنانوار یانوموزدا بیر عده ولی سینه زنان وار یانوموزدا باخ گور بو بلا دیده انان وار یانوموزدا یوخدور بو یرین ذوق و صفاسی گیدروق بیز میلون بلورم واردی سنون کرببلایه قبر ایچره اماندور بلا چوخ گلمه نوایه دور سنده گیداق عرض ایله شاه شهدایه وار صورتمین سیلی یاراسی گیدروق بیز من بیر گلیدیم سن اوتوراردون بوداقیمدا اوقات اولاردی که یاتاردون قوجاقیمدا سویلردون ای عمه قاباریم وار ایاقیمدا بو شهریده بل یوخدی دواسی گیدروق بیز اج قالماقوی یاده سالوب ایلرم افغان ویرانه ده جان ویردون عجب حالی پریشان اغلار گوزیوه خسته بو جانیم اولا قربان ای گوزلریمین نور و ضیاسی گیدروق بیز دور گللراچوب گلشن شاه شهداده بلبلری گوزلورکه گله ناله وداده سنده بیزیله بو سفره ایله اراده جانانین اگر اولسا رضاسی گیدروق بیز سن چوخ سوسن اکبری ای ماه مدینه دور ناقیه مین گوزلوری یول نازلی سکینه یاندورما منی رحم ایله بوزار و حزینه ای قافله مین ماه لقاسی گیدروق بیز دور سنده گیداق اصغره نوحه ایله آغلا قبراسته گوزون یاشینی رخساریوه باغلا وای قارداشیم ایوای دینه بو سینمی داغلا گلمور نیه بس ناله صداسی گیدروق بیز بو غمده(هنرور)گلوری داد و نوایه ایستر که بیر عمرینده گیده کرببلایه تا عرض ایلیه بو سوزینی میرهدایه مقبوله یته بلکه دعاسی گیدروق بیز شاعر : مرحوم هنرور سرخابی

یا هو  چاره م هریردن اوزولدی گینه گلدیم قاپووا. سنی زهرامنی سیندیرمایخلدیم قاپووا. قاپیلارباغلی قالوبدوریوزومه یاعباس. اودی گلدیم سیخیلام من قاپووا یاعباس. دست رد ویرماسینمدن آقاجان یاعباس. سنی امیدبیلوب صدقیله گلدیم قاپووا. سنی زهرامنی سیندیرمایخلدیم قاپووا. او قلم اللریلن عالمه احسان ائلین. ای اوجاقامتیلن عشقیده طوفان ائلین. ای ادب رسمینی انسانلارا اعلان ائلین. اوقلم قوللاراقربان آقاگلدیم قاپووا. سنی سیندیرمایخلدیم قاپووا. جانووی بذل ائلدون تا اولا اسناد وفا. سنه بیرجرعه سواوسته آقاچوخ اولدی جفا. بئله بیرظلمی ابالفضل سنه کیم بیلدی روا. ای حسینون اوجابوی قارداشی گلدیم قاپووا. سنی زهرامنی سیندیرمایخلدیم قاپووا. اوغلی ئولمیش قارداشون آلدی دیزاوسته باشووی. گوردی قانیله هورولموش صاق گوزونلن قاشووی. سسلدی چوخ آغلاماسن توکمه گوزدن یاشووی. قوی من آغلوم اوجابوی قارداشیم اللرده ئولوب. بویی بویلاردان اوجاقارداشیم اللرده ئولوب. گرک عالم بویی سندن یارالی یاداولسون. گوزیوه اوخ ویرانون خانه سی برباداولسون. سنه زهرادئدی اوغلوم ئوره گون شاداولسون. یاخام اللرده قالوبدی یارالی گوزلرون آچ. گورنقدرال چالانیم واریارالی گوزلرون آچ . ای السیزعلمداریم ابالفضل منی دیندیر. قارداشون حسینم یارالی بیرمنی دیندیر. قالمیش گوزی یوللاردااوشاقلارمنی دیندیر. قانلی گوزیون دردی منی درده سالوبدی. دورقارداش ابالفضل یاخام اللرده قالوبدی. ای علمداروفاداریم ابالفضل گوزون آچ. قان دولان گوزلریون دردی منه بیرگوزون آچ. نولدی بیرجوت اوزون اللریارالی بیرگوزون آچ. نجه گوزون سوزولورقانون اخا عباسیم. اوگوزوندن آخان القانه فدا عباسیم. اوقدر دیل دئدی آخرده ابالفضلی حسین گتدی دیله. دئدی قارداش بو یانیق سوزلریلن قلبیمی سن چکمه میله. بالالاردان دئدی عباس خجلدی ائلمه سنده گیله. آدیم اولمش نجه سقا ولی مشکیمده سویوخ . خنجرونیزه و اوخ نه، منی یاندیردی سوچوخ. سواگراولماسا گلشنده کی گللرسارالار. گلشن فاطمه ده صولدی سارالدی بالالار. سوسوزآهولریون دردی بوقلبیم یارالار. گرکئچن شب گوزینی یوممادی اصغرآناسی. جان وئرن ماهی کیمی چون چوبالوردی بالاسی. نجه آلله خجل اولدوم آنادان هم بالادان. اجلیم تز یتور ای بنده سین اعلاء یارادان. بلکه بو سو سوزی تز گئتسون الهی آرادان. چونکه اوتدان سو بتر یاندیراجاق عباسی. ولی مولاسی اوتاندیرمیاجاق عباسی. ای حسین یاندی ابالفضلون اوتک قالماقووا. جسم وروحیم اولاقربان ال ایاق چالماقووا. کل عالم قربان ال ایاق چالماقووا. کل عالم اولاقربان کسیلن بارماقووا. ساربانی الی بوش سن یولا سالمازسان حسین. سن کرم صاحبی سن عالمه سلطانسان حسین

اربعین ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان

بنام الله نوحه اربعین زبانحال زینب (س) شامی گئدیب دولاندیم قولدا رسن حسین جان گلمشم اربعینه دلده محن حسین جان زینبی پیشواز ائت قامتی خم گلوبدی وار سنه عرضحالی دل دولی غم گلوبدی غرق عزا یانیجا اهل حرم گلوبدی نصب ائده بو دیاره قاره علم گلوبدی لطف ائله بو غمینه جان حسن حسین جان گئتدیم ائلیکه شامه قولدا طناب کینه خارجی آد قویولدی عترت شاه دینه ائتدیله چوخ شمادت غمله قالاندی سینه اولمادی حامی اولسون کیمسه بو دل حزینه دل یاراسی ووراردی یولدا گئچن حسین جان نیزه ده سن دولاندون بیز یریدوک پیاده چاتدی یزید نادان فکر ائلدی مراده مست ائلدی او پستی کبر و غرور و باده چکدی بنات زاری کنگره ی فساده کینه سینی او ظالم ائتدی علن حسین جان رذل و دنی جماعت رخت حیانی سویدی قانلی باشی جدادن طشت طلایه قویدی ائتدی یزید اهانت قلبیمی غصّه اویدی کینه ی ناروادن نه یورولوب نه دویدی باخمادی قانلی باشی واردی گورن حسین جان چوبه ی خیزرانه وئردی تکان او ظالم قانلی دوداقلاروندا دوتدی نشان او ظالم ووردی اوچوب ظلمی نعره زنان او ظالم قامتیمی او غمده ایتدی کمان او ظالم لعل لبون اوپردی چوب فتن حسین جان گرچه او ماجراده ضعف ائلدیم سارالدیم صحبت آچوب یزیدی گورملی حاله سالدیم فاش ائلدیم جفاسین یخدیم ائوین اوجالدیم قوردیم عزا او یرده غارت اساسین آلدیم گَتدّیم آنام نشانی کوینگی من حسین جان شکر ائدیرم خدایه ائتدی منه حمایت فاتح اولوب قیتدیم قبرون ائدم زیارت گورملی قبری گوردیم قالمادی دلده حسرت حیف اولا که رقیّه ایتدی منی خجالت گلمدی قالدی شامی ایتدی وطن حسین جان هاردا دوشوب بلایه آلما خبر رقیون مختصر عرض ائدیم که چکدی نلر رقیون هر گونی گوندن اولدی دردی بتر رقیون شمر وسنان الیندن تاپدی خطر رقیون سیلی یدی هاچان که ایتدی سخن حسین جان خون دلین رقیه ،اشکِ عذاره قاتدی زجرین الینده هر گون ناله گویه اوجاتدی ووردی اونی او ظالم درد و غمین چوخاتدی قمچی یوروب او طفلی عالمی گوزدن آتدی اولمادی غسله ممکن نیلی بدن حسین جان ئولدی رقیّه قیزلار محشری ائتدی برپا غش ائلیوب او غمده تاپدیلا حال اِغما بعضی لری سووردی تپراقی باشه اوردا اولمادی کیمسه ائتسون قبر و کفن محیّا اللریم اوسته قالدی الده ئولن حسین جان هاردا مگر جنازه الده قالا روادی هانسی باشی بلالی من کیمی مبتلادی هانسی قیزین مزارین عمّه قازا سزادی قازدیم اوزیم مزارین غصّه لی ماجرادی قویدیم اونی او قبره قاره کفن حسین جان نوبه یتوب توکولسون خاک عزا مزاره کیم اله توپراق آلدی توکدی یره دوباره آتدی اوزین او قبره باشلادی آه و زاره حشردن آرتیق اولدی صحنه بو دلفکاره اولمادی کربلادن داده گلن حسین جان اهل حرم او قبره گوز یاشینی الردی سینه ی آسمانی ناله و غم دلردی سس اوجالاندا هر دم یولدا گچن گلردی بعضی ائدوب شمادت بعضی باخوب گولردی هیچ یوخدی او غمده غصّه چکن حسین جان بو غمه تا قیامت عودیله مجمر آغلار قاسم و عون و فضل و جعفر و اکبر آغلار قولسوز امیر لشگر هم علی اصغر آغلار نوحه سینی یازاندا نوکری((زعفر))آغلار قلبی اولار او طفله بیت الحزن حسین جان «زعفر آزادمهر شیخ درآبادی

نوحه اربعین (سبک : نماز اوسته ننه سنگرده ....) حسینجان قبروین اوسته عزالی کاروان گلدی باجون زینب خلاص اولدی ولی قدّی کمان گلدی ننم زهرا کیمی سنه دلبستیم اوزاق یول گلمیشم حسینجان خستیم **** اولوبدور قوللاریم نیلی مثال یاسمن قارداش آلوب گتدیم نه غارت اولموشیدی خیمه دن قارداش بو گهواره بو گوشواره بو قانلی پیرهن قارداش باجون زینب الینده آسمانی ارمغان گلدی ننم زهرا کیمی سنه دلبستیم اوزاق یول گلمیشم حسینجان خستیم بو کوینک مدرک اثبات عشق پاک و نابیمدور بو کوینکده یازوبلار عشقیمون حدّین کتابیمدور بو کوینک قبریمون فانوسیدور گُولدور گلابیمدور اوجالدی عطری هر یردن منه تاب و توان گلدی ننم زهرا کیمی سنه دلبستیم اوزاق یول گلمیشم حسینجان خستیم سنه حاشا دیم دیندیر بو جمعی بیربیر آی قارداش فقط امکانی اولسا دور ربابی دیندیر آی قارداش دئنن آل قانلی قونداقی سینونده گزدیر آی قارداش سینون اوسته یاتان تشنه غزاله میزبان گلدی ننم زهرا کیمی سنه دلبستیم اوزاق یول گلمیشم حسینجان خستیم گلایم وار سنه قارداش فلکدن صبریمی آلدی سنون عشقون اولان قلبه یانان خیمون تک اود سالدی رفیق نیمه راه اولدی رقیّه شامیده قالدی بو بابتدن اولوب شرمنده زینب باغریقان گلدی ننم زهرا کیمی سنه دلبستیم اوزاق یول گلمیشم حسینجان خستیم ** حسین غفاری اردبیلی

کوچ از خرابه شام ای بلبل ایله ناله که فصل چمن گیدر گلشن پوزولدی موسم سور و سمن گیدر بیر گل که باشینه دولانوردون صباح و شام ایمدی سولوبدی گلشنه زاغ و زغن گیدر گللر سولوب چمن پوزولوب دیده لر دولوب گوز یاشلاری عذاره چو سیل دَمَن گیدر بلمم نه واردی شش جهتی دوتموش انقلاب یردن سپهر طاقینه ناله ندن گیدر گویا حجاز قافله سی شهر شامدن پوزقون قطاریله ایدوب عزم وطن گیدر شمرین الیندن آل پیمبر خلاص اولوب دشت بلایه آل شه ممتحن گیدر غم مکتبینده درسین آلوب ازبر ایلیوب تدریس عشقه درد و بلانی سون گیدر معمورۀ وفاده غم دل دیماخلیقا آلتی آی خرابه یرده جفایه دوزن گیدر استاد عشق زینبه مشق وفا ویروب اثبات عشقه رام بلا و فتن گیدر از بسکه تازیانه وروبلار سپاه شام نیلی اولوبدی قولّاری چون یاسمن گیدر باشدا قرا دیلینده حسین وای دیه دیه قارداش حضورینه او مصیبت چکن گیدر یاسلی عزالی باشی قرالی بدن یانوب زلفی آقارمیش اگنینه قاره گین گیدر اللر اورک باشندا توکر قانلو گوز یاشی جان تک باسوبدی باغرینا بیر پیرهن گیدر یعقوب دشت کرب و بلا شام یوسفی کرب و بلانی ایتماقا بیت الحزن گیدر یعنی غلام تک قولی باغلو اسیر اولان بازار شامی قولّاری باغلو گزن گیدر سجاد بوینونون غل و زنجیر یاره سین ویرماخلیقا حسینه نشانه علن گیدر داماد قبرینه سو سپه اشگیله عروس زلف سریله گرد و غبارین سیلن گیدر کلثوم آلوب الینه ابوالفضل بیرقین قارداش دیر او غمکش دور زمن گیدر کرب و بلایه یتدی غرض هاشمیه لر توضیح عشقه مرقد یاری گورن گیدر برج حیا ستاره لری ایتدیلر نزول شمس امامته غمینی بُلدورن گیدر گون دوره سینده هاله وروب مه جبین لر دلدار محضرینده گورون اگلشن گیدر؟ بزم وصالده آچیلوب هجر صحبتی عرشه فغان آل شه مؤتمن گیدر بی هوش اولان باشنا ووران زلفینی یولان بیر شیون اولدی سوزی دئمه سینه دن گیدر قبر حسینه یوز قویوب علیا مُکَرَّمه هوشه اونون او حالتینی فکر ایدن گیدر عرض ایلدی حسین باجون ئولسون ایاقه دور باشسیز عیالون ایلیوب عزم وطن گیدر بو مشگبو مزاری نجه ترک ایدوم گیدوم؟ بیله یره مگر آنام اوغلی گلن گیدر سندن سورا او قدر بلا گورمشم دیسم یتمز تمامه طول اولی طرز سخن گیدر گوردوم گیدنده شامه بارالی وجودوی کفار شام یرده قویوب بیکفن گیدر وارد اولاندا کوفیه قول باغلی دستگیر گوردوم کسوک باشوی جدا اوسته من، گیدر باشون گوروردی نیزده، بیگانه مجلسه بیر دسته باش آچوخ یوزه زلفین توکن گیدر گوردون اوزون او حالیده بیچاره زینبون درّ سرشگی اولموش عقیق یمن گیدر ابن زیاد مجلسنه گیتمدیم اوزوم هر یانه گیسته روح یانینجا بدن گیدر آهو کیمی منی باشون ایتمشدی بند قید هریان چکلسه رسمیدی دامه دوشن گیدر شامین یولی مُجسّم اولور گوزده دمبدم دلدن مگر او قدر بلا و محن گیدر قرآن اوخوردی شامه گیرنده کسوک باشون گورجک جداده قانلو باشون پیره زن گیدر بیرداش ووروب جبینوه قان دوتدی صورتون باخموب اوقانه مذهب و دینی ثمن گیدر بزم یزیده چکدیله بی پرده، عترتون دلدن مگر مصیبت اول انجمن گیدر؟ دوشدوقجا یادیمه منیم اول شرب مجلسی قان گوز یاشیم عذاره چو درّ عدن گیدر شامی قیزون اسیر گوروب ایسته دی کنیز کفّاره گور کنیز عروس حسن گیدر؟ جان ویردی بیر قیزون قوری یرده خرابه ده گوردوم قولوندا مدفنه نقش رسن گیدر قالدی غریب قبری او توزلی مزارینه بیر دفعه ایلده بیت خدایه گیدن گیدر یتمز تمامه آل پیمبر مصیبتی سوز چوخدی ای (حسینی) نقدری دئسن گیدر آغلار گوزیله ایسته حسینون زیارتین قبرین خلوص نیتیله ایستین گیدر هر چند وار بو شعرده ایطاء قافیه بیر فنّ دور ولی بو یولی هر بولن گیدر شاعر : مرحوم حسینی سعدی زمان

🏴احوالات اربعين سيدالشهدا(ع) زبانحال حضرت زینب(س) ✍بقلم زنده یاد استادفرهادفكری اردبیلی دور حسين شاميدن گلدي زينب قبريوه   چاتدي  دينجلدي زينب آهيم  اوج   ايتدي   عرش  برينه ئولميوب       گلميشم      اربعينه چوللري گزميشم  مات و  حيران گلميشم   خسته  و  دل  پريشان پيشواز      ايله      بو     دلكبابي درديمه   يوخدي  دنياده   درمان آهيم  اوج   ايتدي   عرش  برينه ئولميوب       گلميشم      اربعينه عهديمي   باشه    آخر  يتيرديم نخل   امّيدي     دلده     بيتيرديم دلخوشام      ئولمديم      اربعينه قيزلاري   قبرون اوسته گتيرديم آهيم  اوج   ايتدي   عرش  برينه ئولميوب       گلميشم      اربعينه كوفه نون اولدي چوخ  ابتلاسي كوچه        بازاريده      ماجراسي چيخماز ئولسمده قارداش ياديمدان ويرديلار     زينبه    دل   ياراسي آهيم  اوج   ايتدي   عرش  برينه ئولميوب       گلميشم      اربعينه هر   بلا   وار   منِ   زاره  چاتدي گوز   ياشيمي فلك  قانه  قاتدي ياره لي    باشوه     نيزه    اوسته كوفه شهرينده مردم داش آتدي آهيم  اوج   ايتدي   عرش  برينه ئولميوب       گلميشم      اربعينه زينبون عزّ  و  جاهي  يوخ اولدي سينمه  دل  ياراسي  اوخ   اولدي شاميده      چكديگيم       ابتلالر كوفه دنده حسينجان چوخ اولدي آهيم  اوج   ايتدي   عرش  برينه ئولميوب       گلميشم      اربعينه سالدي دشمن بيزي  چوخ عذابه گه   بيزي  چكدي   بزم   شرابه باب ساعتده چوخ چوخ يوبانديم منزليم    اولدي     آخر      خرابه آهيم  اوج   ايتدي   عرش  برينه ئولميوب       گلميشم      اربعينه بير  گلون كنج   ويراندا  سولدي خيرداقيزلارساچين آچدي يولدي جان  ويرن  وقته  نازلي  رقيّون باغريقان   زينبه  محشر  اولدي آهيم  اوج   ايتدي   عرش  برينه ئولميوب       گلميشم      اربعينه غصه لي  قلبيمي   ايتدي    ياره چاتدي    آخر     وصال      نگاره ئوز   اليملن  اونا   قبري  قازديم قويدوم    آخر    او   زاري  مزاره آهيم  اوج   ايتدي   عرش  برينه ئولميوب       گلميشم      اربعينه زينبون خوشدي دلدارون اولسون وار نقدرعمري غمخوارون اولسون لطف قيل ياحسين تا بو ((فرهاد)) بير يول عالمده  زوّارون اولسون آهيم  اوج   ايتدي   عرش  برينه ئولميوب       گلميشم      اربعينه ✍بقلم زنده یاد استادفرهادفكری اردبیلی

کوچ از خرابه شام قرا گینلری باشه یغوب باشندا قرا بلالی زینب ائدوب عزم کوی جانانه اولار که ورموشیدی اهل بیته دل یاراسی اشیتدیلر وئریلور کوچ آل عمرانه قرا لباس گیوب گلدیلر مشایعته حضور زینبه دل آچدیلار ذلیلانه دیریدولر بیزی زهرا قیزی گذشت ایله یزیدون ایلسون الله ائوینی ویرانه سیزی بیر اوزگه آدیله بیزه تانتدوردی فریب وئردی بیزی سالدی بیله خسرانه بوسوزلری ائشیدوب فاطمه قیزی زینب دوباره قلبی یانوب دوندی گوز یاشی قانه دولی گوزیله باخوب شامیانه دل بیتاب یانایانا ایلدی اهل شامه بیله خطاب بوشامیدن گئدروخ شامیان ائویز آباد بو یردن آیریلوروخ باغریقان ائویز آباد بو سیز بو شام سیه روی بیز خداحافظ گونوز قرا اولا سفیایانیان ائویز آباد پیمبر عترتینه یاخشی ایلدوز حرمت عجیبه عاطفه وئردوز نشان ائویز آباد اسیر ائدوب قولی باغلی بیزی قوناق گئتدوز قوناقه اولدوزعجب میزبان ائویز آباد بیزه شماتتیله دل یاراسی چوخ وئردوز گلوب یولا سالسوز باغریقان ائویز آباد گچنده کوچه لروزدن بیز داشا باسدوز نهانی کینه زی ائتدوز عیان ائویز آباد بلالی باشیمیزه بام لردن اوت یاغدی اولوب سیزون الوز آتشفشان ائویز آباد همای اوج شرف عایدون ایچون وئردوز حضیض فقرده سیز آشیان ائویز آباد پیمبر اوغلونا سیز خارجی آدی قویدوز خدنگ تهمته ائتدوز نشان ائویز آباد بیز آغلادوخ بیزه سیز گولدوز ائتدوز استهزا او گولماقیز بیزه گلدی گران ائویز آباد اوتانمادوز آجی دلّلریله سیز وردوز یارالی دل لره زخم زبان ائویز آباد بو قافله دئمدوز مصطفا عزیزیدیلر بیزه خرابه ده وئر دوز مکان ائویز آباد بیر اوچ یاشیندا قیزی بوردا غصّه مرگ ائله دوز خرابه یرده بالام وئردی جان ائویز آباد مدینه یوسفینین قانلی کوینگون وئردوز مدینیه آپارام ارمغان ائویز آباد بو شهریدن گئدیروخ بیر سفارشیم واردی اونی قبول ایلیون شامیان ائویز آباد منیم خرابه ده بیر نازلی سوگلیم قالوری چخاتمیون بیز یاددان بیر آن ائویز آباد. قطار عشق گئدور لیک او قیز قالور یالقیز وئرون خرابیه باش هر زمان ائویز آباد بو شهریده بو قیزون ئیل قبیله سی یوخدی اولون بو ائلسیزه سیز مهربان ائویز آباد محبّت اوسته اولوبدور محبّت عاشقی دور ائدون محبت اولون دلستان ائویز آباد گئدور بو قافله یوخ قبری اوسته آغلیانی توکون مزارینه اشگ روان ائویز آباد سنقدی قلبی سیز الله دان اوتری گوگلون آلون جزا وئره سیزه حق بی گمان ائویز آباد گوزل مزارینین اوستونده شمع روشن ائدون سپون گلاب اولون عنبر فشان ائویز آباد نه دردوز اولسا اولار بو قیزون الیله دوا گلون زیارته پیر و جوان ائویز آباد بو اوچ یاشیندا حسین نوحه خوانینه تائب اولون حقیقتیله نوحه خوان ائویز آباد شاعر : مرحوم تائب

امیرالمومنین علیه السلام می‌فرمایند: ای بنده خدا ! در گفتن عیب کسی شتاب مکن. شاید خدایش بخشیده باشد و بر گناهان کوچک خود ایمن مباش؛ شاید برای آن‌ها کیفر داده شوی! پس هر کدام از شما که به عیب کسی آگاه است به خاطر آنچه که از عیب خود می‌داند باید از عیب جویی دیگران خود داری کند. حضرت عیسی علیه السلام به اصحابش فرمود: بگوئید ببینم اگر کسی ببیند گوشه‌ای از جامه برادرش (در خواب) کنار رفته و عورتش نمایان شده، بقیه را هم عقب می‌زند یا آن را می‌پوشاند؟ گفتند: البته آن را می‌پوشاند. فرمود: ابدا، شما جامه را یکباره عقب می‌زنید. آن‌ها فهمیدند که سؤال جنبه مثال دارد. گفتند: یا روح اللَّه، مقصود چیست؟ فرمود: این مثال مردی است که از برادرش عیبی بیند و نپوشاند

‍ داغلار آغلار داشلار آغلار ماتمونده یا حسین نیزه لرده باشلار آغلار ماه ماتم باشلانوبدی غملی گوزلر یاشلانوبدی اهل عالم گیدی قاره سرور دین حیدر آغلار دل غمونده داغلاروخ بیز عاشقانه آغلاروخ بیز عاشق مولا اولانلار آه و افغان ایلر آغلار قورموشوخ ماتم اساسی شیعه گیدی غم لباسی گوز یاشی توکدی عذاره قطب دین پیغمبر آغلار ماتمونده عالم آغلار آدم آغلار خاتم آغلار غم ائله غمدیور بو غمده مومن آغلار کافر آغلار آغلوری گوگده ملک لر اوخشوری محراب و منبر بیر قولاق وئرسن گوررسن مسجد اوخشار منبر آغلار غصه دن طاها سیزیلدار حضرت زهرا سیزیلدار سسلوری ای وای اوغول وای مادر غم پرور آغلار عاقل و دیوانه آغلار کعبه و بت خانه آغلار بو غم عظماده شیعه آچ گوزون گور کیملر آغلار شاه دینین یاسی گلدی روز عاشوراسی گلدی آتش غمده یانانلار گل آدیوی سسلر آغلار آت اورک بیر کربلایه اوردا باخ شور و نوایه بیر نظر سال قتلگاهه حنجر اوخشار خنجر آغلار محنت مولا قوتولماز سوز یازاندا پرده لی یاز ساخلا ال یازما «شهابی» خامه اوخشار دفتر اغلار

🍃 💐🍃🌿 🌿🌸🍃 🌸🍃 💐 حالات اربعین شعر از :خطیب ومداح اهلبیت ع حاج بهروزخادم الحسین کیمیا سال۸۲ چوخلی عاشقلر اولوب زائر حسینون قبرینه چوخلاری مبهوت اولوب مولا حسینون صبرینه کیم گئدوب دربارینه قصد زیارتله دیوب جان عالملر فدامولا حسینون قبرینه »»»» زائران    مرقد     پاک    شهید  کربلا گورمیوبلر حضرت زینب کیمی زوار اولا عطر سیب جنتی ،قلبینده قارداش حسرتی عشقیله  آلدی  مشامه  دختر  شیر خدا قبله عشقین ائدوب نیت دئدی لبیک حسین ائیلدی قصد  طواف  مرقد  جنت نما معجرورخت عزائیله اولوب محرم خانم بیر اوزاق یولدان ائدوب عرض ارادت بر ملا سویلوب ای علقمده عباسین غمینده آغلیان زمزمی آغلاتمیشام علقم خجالتدور آقا آغ لباس گیسون گرکدور حاجیان کوی عشق چون عزادارم اخا من اگنیمه گیدیم قرا الغرض غم کاروانی ائتدی اجلال نزول کربلا دشتی اولوب آل اللهه ماتم سرا تا ساتاشدی اهلبیتون گوزلری دشت غمه دولدی گوزلر اشکیله سسلندیلر وا حسرتا انتظاریله  هامی  ائیلور نظاره  زینبه قوی گوراخ نیلور بو غمدیده باجی یا ربنا گوردولرقصد فراتیله گیدوب آلدی وضو دولدوروب سو جامینی الده گلوب اول با وفا اشتیاقیله گلوب چاتدی او پوزقون مدفنه باخدی اشک شوق گوزلرده ائدوب آه و نوا سپدی آغلار گوزلریله اول سویی قبر اوستونه کربلا مظلومینون عطشانلیقین سالدی یادا سویلیوب ای سو کنارینده یارالی جان وئرن دور حسین هم سو گتیردیم گوزلریمده هم دوا ائیلرم گوزیاشیمی مرهم یارالی جسموه آغلارام معناده تاپسون قبریده جسمون شفا قویدی سولموش صورتین شاه شهیدان قبرینه ایگلدی ئوپدی اولوب مدهوش عطر جانفزا عرض ائدوب مندن سلام اولسون کسیلمش حنجره ای اولان تیغ   جفائیله   ذبیحا   من قفا قبریوی هر کیم گوره ائتمز بهشتی آرزو خسته جانیم بو صفالی قبریوه اولسون فدا یاره لر سینونده قارداش یاخشی دور یا قان ویرور زینبون ئولسون یارالی سن هارا یاره هارا اصغرون یاتمیش جوارونده بوغازی یاره دور دی بالاعمه ن گلوبدورقبرون اوسته آغلیا ای ربابین قلبینی تیر غمه آماج ائدن آختارور قبرین آنان تابیر دیسون لای لای بالا من سنی ویرم قسم جانِ علیِّ اصغره گل قبول ایله بودم بیر خواهشیم وار یا اخا چون ربابی اصغرین دردی اورکدن یاندیروب کربلا دن شامه جاق آغلوب ائدوب داد وبکا اصغرین یاده سالاندا دست بسته ئولماقین اوخشیوب دلسیز بالانی آغلیوب غملی آنا ورد وذکری گه اولوب لای لای علی ایوای علی شیونیله گه دیوب عطشان ئولن ایوای آقا دور ربابین دردینه قارداش ئوزون درمان ایله لطفیله حالین سوروش ای زینت ارض و سما قبریوین هر گوشه سینده نور یزدان گور سنور آلتی گوشه قبریوه قربان باجون ای دلربا احترامیله یاتوب پایین پاده اکبرون نقش ششگوشه وئروبدور قبروه اول مه لقا دور سوروش قلبیمده کی زخم شماتتدن حسین زینبین قلبین ائدوب دل یاره سی قارداش یارا هیچ سوروشمور سان نیه نازلی رقیه گلمدی اولدی مدفون خرابه منتظر باخما یولا توپراق اوسته اکبر آدین هی یازاردی اشکیله هی دییردی اکبریم بس هاردا قالدی ای خدا بیر گجه گلدی کسیک باشون خرابه منزله ذوق و  شوقیله سنی اول دم باسوبدور باغرینا قانلی لبلردن ئوپوب بیردن سوزولدی گوزلری قوللاریندا قالمادی طاقت که باشون ساخلیا سویلدی قربان   اولوم  قانه  بلشمش لبلره جان وئرن حالیندیم قرآن اوخی ئولدوم بابا الغرض سولدی رقیه شامیده ئولدی رقیه قلبیمی  بولدی رقیه آغلارام صبح ومسا اللریمله قبرینی قازدیم  اونون ویرانه ده کیم گوروب غربتده بیر قز قبرینی عمه قازا قالدی دردانه ن دل ویرانه ده عفو ائت منی بی رقیه گلمیشم  تا که قورام  بزم عزا آچدی قبر اوسته خانم سالدی او قانلی کوینگی قوللارین ائتدی حمایل دختر  خیر النسا غملی حالیله اودم بیرباخدی قبر اطهره وای حسینیم وای دلینده سسلدی گلدیم اخا توزلی قبراوسته عزا فرشی سالاللار یا حسین اولمادی فرشیم گتوردوم الده بیر قانلی قبا بوهمان کوینگدی زهرادن قالوبدور یادگار اوخلارا اولدی نشان غارت ائدوب قوم دغا دشمنی رسوا ائدوب اللردن آلدیم کوینگون پرچم دینی اوجاتدیم  ائلدیم  کفری فنا بیر تزلزل شامده سالدیم یزیدین قصرینه وار یری احسن دئسون معناده شاه لافتا آتشین گفتاریمیله فاتح اولدوم دشمنه من اودور آدلانمیشام  شیرزن  کرب و بلا قويماديم قانين باتا بزم اراذلده حسین وار يری زهرا دئسون زینب ایوین آباد اولا ظالمی خوار ائلیوب آلدیم اثاث غارتی مجلس غم باشلادیم ویرانیه ویردیم لوا قبریوین اوسته آنام اوغلی گوزلدی اولسا گل ائیلیوم بیر دسته گل نیلوفر جاندان عطا دسته گل محسوب ائله قمچی گویردن قوللاری دست خالی گلمیشم سن زینبی عفو ائت شها نچه گون اولدی زیارت قبر سالار شهید بیرده عباسین مزاری بیرده اصحاب ولا عرض حال ایتماقلیقا یثربده غملی مادره آلتی گوشه قبریدن وقت اولدی زینب آیریلا

‍ #سینه_زنی_باسبک ستوده زنجانی دور قارداش حسین زینب گلدی گینه دیداره عباسیله اول همدم سس وئر منِ بی یاره آی قارداش آی قارداش زینبون گلدی قبریوین اوستونده قلبیم دینجلدی بو چولده حسین قالدی جسمون یارالی عریان اوخ نیزه یاراسیندان قارداش سوزولوردی قان اول شمر دنی کسدی دالدان باشیوی عطشان سس وئر سسیوه قربان سن زینبِ غمخواره دای قمچی ووران یوخدی یورقون بالالار گلدی ای وای بالا سسلوللر مظلوم آنالار گلدی شش گوشه مزاریندن عطرین آلالار گلدی خوش گلدون ائله قارداش سن بو بالا قیزلاره قرخیندا حسین گلدوم بو چولده عزادارم یورقون باجیوام قارداش من قبریوه زوّارم بوردان گئده لی یورقون قیزلاره پرستارم شکر ایلرم اللّهه یاری یتوروب یاره هر غملی مصیبتدن ویرانه چتین اولدی ایستکلی بالان هر گون گول تک سارالوب سولدی گوز تیکدی او یوللاره گوزلر یاشیلان دولدی سسلردی علی اکبر سس وئر منِ بیماره

ای که عالم جملگی مست تمنای تواند!! اَللّهُمَ اَرزُقنـا فِی اَلْدُنْیا زیـارَت اَلْحُسَیْن وَ فِی اَلْاخِرَت شِفـاعَة اَلْحُسَیْن علیه السلام.

#شاه_نجف👋 چاره گر خواهی بکار خود مدد جو از علی آنکه عالم را جز او کس نقطه پرگار نیست

‍ #سینه_زنی_باسبک ستوده زنجانی دور قارداش حسین زینب گلدی گینه دیداره عباسیله اول همدم سس وئر منِ بی یاره آی قارداش آی قارداش زینبون گلدی قبریوین اوستونده قلبیم دینجلدی بو چولده حسین قالدی جسمون یارالی عریان اوخ نیزه یاراسیندان قارداش سوزولوردی قان اول شمر دنی کسدی دالدان باشیوی عطشان سس وئر سسیوه قربان سن زینبِ غمخواره دای قمچی ووران یوخدی یورقون بالالار گلدی ای وای بالا سسلوللر مظلوم آنالار گلدی شش گوشه مزاریندن عطرین آلالار گلدی خوش گلدون ائله قارداش سن بو بالا قیزلاره قرخیندا حسین گلدوم بو چولده عزادارم یورقون باجیوام قارداش من قبریوه زوّارم بوردان گئده لی یورقون قیزلاره پرستارم شکر ایلرم اللّهه یاری یتوروب یاره هر غملی مصیبتدن ویرانه چتین اولدی ایستکلی بالان هر گون گول تک سارالوب سولدی گوز تیکدی او یوللاره گوزلر یاشیلان دولدی سسلردی علی اکبر سس وئر منِ بیماره

اربعین حسینی اربعین حسینی وئردی نتیجه آل علی استقامتی احیا ائدیب دی دینی حسینین شهادتی گرچی اولوبلا بیر نئچه گون دشمنه اسیر هر تک تکی اولوب شهدا قانیینه سفیر صبر ائیلییب مصائبه آماله چاتدیلار هر بیر مکاندا پرچم حقی اوجاتدیلار مسکن ائدیب خرابه نی تا آل مصطفی تاثیر ائدیب دی عالم امکانه ماجرا شام اهلینه موثر اولوب وا حسین سسی خلقی آییتدی حضرت سجاد خطبه سی شام اهلی آز زاماندا اولوب مطلبه خبیر آل پیمبری ائلییوبدور یزید اسیر آل امیه نین اوزه چیخدی قساوتی خلقه یئتیشدی کرب و بلانین حکایتی اونلار کی فکر ائدیردیله باتدی حسین قانی انسانلاری گوروبله اویاتدی حسین قانی شامین فضاسین ائیله دی بر هم فغان سسی لرزه سالیب دی کاخ یزیده اذان سسی وئردی رقیه گوشه ویرانسراده جان رسوا ائدیب یزیدی او مظلومه هر زمان نفرین یزید و آل یزیده اولوب مزید بحرانیدن قوتارماقا یول آختاروب یزید گوردی بویوک خطرده اساس حکومتی ناچار اولوبدی باشلادی آیری سیاستی ابن زیاده لعنت ائدوبدی او بی حیا ما لی و للحسین دئیوب ائتدی آه و وا چوخ ساده فرض ائدیردی او ملعون قضیه نی بیلمیردی کی بو قان ییخار آل امیه نی دیل آچدیلار مذمت اوچون تا که عام و خاص تصمیم دوتدی تا اسرانی ائده خلاص تا آل حیدرین گتیره قلبینی اله قتل حسین ده گتیروب عذرینی دیله دعوت ائدیب دی حضرت سجادی محضره تا کربلا شهیدلرینه خونبها وئره بو سوزله بیرده قلب لرین داغلیوب غرض دنیاده وار مگر شهدا قانینه عوض باخ بیر یزیده گور نه قدر ائیله دی ستم قیمت بیلیر حسین قانینا درهم و درم بیرده علی اکبره همتا گلر مگر اوغلی ئولن آنا غمینی کیم بولر مگر داغلار آغریلیقی وئره له سکه طلا هاردا رباب و لیلی بو امره اولار رضا دعوت ائدیب امامی حضوره او بد مرام چوخ اعتضار ائدیب ائله دی چوخلی احترام ایستیردی ظاهراً یئتیره حُسن نیتین وعده وئریب امامه روا ائتسین حاجتین بو حالیده امام یانیب توکدی گوز یاشین اوّل ده ایسته دی شه دینین کسیک باشین کرب و بلانی یاده سالیب قلبی اولدی قان اول دم ایکنجی حاجتنی ائیلدی بیان تشریح ائدیبدی لشگر ائده ن ظلم و محنتی تا قیتره اوز اهلینه اموال غارتی بیئرده بویوردی وار نظرین قتلیمه اگر مامور ائله بو قافلیه بیر امین نفر چوخ اینجیدیب گلنده بیزی شام و کوفیان عزتله تا مدینیه گئتسین بو کاروان چوخ سوزلر اولدی رد و بدل حاصل کلام آلدی اثاث غارتی اشراریدن امام منظور اولوبدی زینب صدیقه ایسته گی جان تک باسیب اورک باشینا قانلی کوینگی اولدی اگر چی قلبلری غصه دن کباب فاتح اولوبلا مقصدینه چاتدی انقلاب پر بسته قوشلاری قوتاریب رنج دامیدن سرعتله عشق قافله سی چیخدی شامیدن کوی وفاده خوشلادیلار آشنا یولون شوقیله آختاریردی هامی کربلا یولون بیر یول کی تا قیامته جک وار مسافری بیر قبر کی زیارت ائدیر عرشی زاییری بیر کاروان او قبره طرف شوقیلن گئدیر بیر عده کی نفسلری آفاقه حکم ائدیر بیر قافله کی حق دیله هم حقه رهنما قرخ گوندی گوز تیکیب یولونا خاک کربلا نه کربلا کی مهر ولانین باتان یئری یئتمیش ایکی یارالی لب عطشان یاتان یئری بیر کربلا کی کعبه دن آرتیق صفاسی وار عشق اهلینین او یئرده بیوک مقتداسی وار بیر گلستاندی زینب اونون باغبانیدی قرخ گون اولارکی قارداشینین نوحه خوانیدی قرخ گوندی چوللری دولانیب زار و خسته دی قرخ گوندی که عزالیدی قلبی شکسته دی قرخ گوندی انتظار چکیر وصل یارینه شرح ائیلسین اورک غمینی اوز نگارینه یاد ائیلییور آنا بالاسین باجی قارداشین هر کس انیس ائدیب اوزونه آه و گوز یاشین گورسندي ناگهان گوزه صحراي نينوا بی تاب ائدیب اورکلرینی شوق كربلا هر کس کتاب محنتی بیرده وراقلادی کئچمیش لری خیاله سالیب یاندی آغلادی یاده دوشوب خیامه عدو ال آچان گونی خیردا اوشاقلارین تیکان اوسته قاچان گونی یاده دوشوب سو اوسته سوسوز دوغرانان بدن یوز دوتدولا فراته هامی دل دولی محن آخ ای فرات آخ نیه قانیله دولمادون پیغمبرین بالالارینا قسمت اولمادین آخدون فرات چوللره اود دوشدی دیللره اوخ قسمت اولدی سو یئرینه تشنه اصغره سقانی درد و محنته آکنده ائیلدون سو قولی وئردی قیزلارا شرمنده ائیلدون گر چی سو صحبتی هامیدان سلب ائدوبدی تاب باخدی فراته وای بالام ایوای دئیوب رباب گلدوقجا موجه سو بالام ایوای دئیوب رباب سالدی خیاله اصغری لایلای دئیوب رباب اطرافه باخدی حسرتیله دیلده آه و وا سسلندی هارداسان گل علی گلمیشم بالا آختاردی تاپدی هر کس او ماواده دلبرین ابر بهار تک هامی دولدوردی گوزلرین هجران غمی یئتیشدی باشا وصله چاتدیلار اندوه و درد و محنتی یاتدان چیخارتدیلار گرد ملال و محنته بیئرده بوروندولر شاه شهید قبرینه ساری سوورندولر بیر یولدا عشق روح و روان وئردی زینبه کرب و بلا هواسی توان وئردی زینبه چکمیشدی قارداش حسرتینی قرخ گونی مدام ادامه 👇

قبری گورن کیمی اوجادان عرض ائدیب سلام آرامين آلدي قارداشينین تشنه ئولمگي قبر اوسته سالدي دیلده فغان قانلي كوينگي شوق وصال آلدي اوركلردن اختيار گويا بهار فصلي ائدیر بلبل آه و زار ابر بهار تک هاموسی دولدوروب گوزون گتدی دیله اورکده اولان آیریلیق سوزون بو آلتی گوشه قبریوه یوروقون جانیم فدا دور بیر ایاقه زینبی پیشواز ائله اخا دور قبرین اوسته بیر سوری آهو گتیرمیشم یاتما فراتیدن سنه من سو گتیرموشم گتدیم مزارون اوستنه یورقون بالالارین قارداش بویور نه حال دادی الان یارالارین من قتلگاه عشقيده سندن دويانماديم عفو ائت مني كي یاروه مرحم قویانماديم سندن صورا حسین دئمیرم چكميشم نه لر باخ گور نئجه قوجاتدي مني درد و غصه لر شامین بلاسی چوخدی اخا شرح اولان دگیل مین لر کتابه گر یازیلا قورتولان دگیل غم گئچدی حد یدن بالالار تاب ائدنمدي قالدی رقیه شامیده قارداش گلنمدي ئولدي بالام جنازه سينه تاپمادیم كفن اوز کوينگيله دفن ائیله دیم محنتيله من قول باغلی گئتمیشم ولی آزاده گلمیشم اما رقیه دن ساری شرمنده گلمیشم شامل ائدیب دی لطفینی حق بو سفر منه باش اگمدیم سنین کیمی هیچ یئرده دوشمنه الله عنائت ائتدی منه بو سعادتی بو من بو اربعین بو مزارین زیارتی قورتولمياندي گرچي منيم درد و محنتيم ايكاش بو مزارین اولا بيرده قسمتيم باخدوقجا دیلده چشمه غم جوش ائدیر حسین قبرین صفاسی عالمی مدهوش ائدیر حسین ** محمد هوشمند (مدهوش) برچسب‌ها: محمد هوشمند مدهوش + نوشته شده در  یکشنبه ۲۷ شهریور ۱۴۰۱ساعت   توسط

برگشتن کاروان اسرا به کربلا زبانحال حضرت زینب (س) به برادرش اباعبدالله الحسین علیه السلام 🎵سبک: یخیلوب عباسیم نهر فرات اوسته... ➖➖➖➖➖➖➖➖➖ دور حسینیم شامه سنق محمل لرده گئدن خسته زینب دوباره گلدی یارالی غمخوارون بو غملی زوّارون چوخ ایستور یوز قویسون مزاره گلدی خبر آلسون قارداش نلر چکدیم سنسیز بلالی یوللاردا سلامت گلدیم آچیلوب قوللاریم سنوبدی خوللاریم یتوب باشه آخر اسارت گلدیم خبر آلما نازلی رقیّوندن قارداش ئولوبدی اللرده خجالت گلدیم دوزولوبدی قزلار بو دوتقون اولدوزلار زیارت عشقیله قطاره گلدی بو سفرده قارداش چالشدیم هر یرده دانشدیم بی پرده اوجالدیم گلدیم هارا گئتدیم گُل تک جفای دشمندن ایراق قارداش سندن سارالدیم گلدیم تانیمازسان گورسون چخوب حددن دردیم اولوبدور خم قدّیم قوجالدیم گلدیم ائده دردین اظهار بو خونین سر زینب قرا معجر زینب نگاره گلدی بالالارون اوزاقدان کیم باخسا (اوخشادار) خرابه یرلرده سنق الماسه ئوزولوب اللردن علاج و تدبیری اولوب یوزلر نیلی باتوبلار یاسه بیری یوخدور چخسون اقلی پیشوازه بو غملی صحراده دئنن عباسه گئدوب اهل بیتین قولاقیندان قارداش ستمله یغمایه گوشواره گلدی یره آخر تختدن یزید بی دینی بو قاره معجرلن مردانه سالدیم تاج و تختین الدن آلوب ئوز شهرینده شهامتلن قارداش باشینه چالدیم بویانان القانه کوینگیوی آخر دیار غربتده اللردن آلدیم دور حسینیم زینب الی باشدا پوزقون گوزی یاشلی یورقون دیداره گلدی سنی گوردوم بیر گون دوشوبسن گوداله باشون یوخ پیکرده دشمن باخاردی بئله فکر ائتدیم من مظلوم ئولن قارداش گویدن بو گوداله داشلار یاغاردی من یتینجه داده اولان اولدی حسین بئلیم سندی بیردن باشیم آغاردی او چتین اثناده منیله شمر دون الینده بیر خنجر پیکاره گلدی 🖋️مرحوم استاد حاج فرهاد فکری اردبیلی #اربعین