‍ اربعین قبرون نه عجب عطر فشاندور آنام اوغلی جان بخشدی بو عطر جناندور آنام اوغلی بو مدّتی چکدیم نه قدر حسرت قبرون تا اشک روانیله وئرم زینت قبرون هر درده دوادور بولورم تربت قبرون بیر رایحۀ خلددی چون نکهت قبرون هر مرده دله روح و رواندور آنام اوغلی عشقوندی دلیل سفر دور و دارزیم هر درد و غمه دوزموشم ای بنده نوازیم پروانه نی شرمنده ائدیب سوز و گدازیم آگه سن اوزون لطفیوه چوخ واردی نیازیم ناز ائتمه منه یاتما اویان دور آنام اوغلی بو طرزیله که پرپر اولوب سوری و سوسن واردور یری بلبلر ائده ناله و شیون حاشا یتیشه مقصد و آمالینه دشمن ظاهرده اگر چه سارالیب صولدی بو گلشن باطنده ولی رشک جنان دور آنام اوغلی ائتدون منه عاشور گونی هر نه وصیت من جان و دلیله اولارا ائتدیم اطاعت سرمت وصالم نه گلایه نه شکایت عشقون گتیریب بو یره نه قیدِ اسارت یوخ شرحینه حاجت چوخ عیاندور آنام اوغلی گئتدیم هارا برپا ائلدیم شور و قیامت بیر شور قیامت که قیامت اونا آیت اوز سینه مه دوزدوم گلوب هر تیر مصیبت شاد ایله بو غم دیده نی ای کان عطوفت اندوهی کران تا به کران دور آنام اوغلی گه کوفه ده گئتدیم من حسین مجلس عامه گه شام ده کی بَزمَگَهِ قوم ظُلامه گلمز بو جفالر نه بیانه نه کلامه بو جور و جفالر یته جاق هاردا تمامه بو مطلبی دور زینبه آندور آنام اوغلی جانیمله رُقیَّه مدن حسین ائتدیم حفاظت لیکن او گولی دست سمت ایلدی غارت افسوس نصیب اولموب اونا فیض زیارت بو باره ده قارداش منی گل ائتمه خجالت بو نسگیله آز زینبی یاندور آنام اوغلی ای کشته ی بیداد و ستم وی شه مظلوم اوّلده (( شهاب )) ائتدی بیله نوحه نی مرقوم تعقیب ایلیوب شعرینی بیر شاعر مهموم لطف ‌و کرموندن گل اؤزون ایلمه محروم عاشق دی سنه نوحه یازاندور آنام اوغلی ** مرحوم شهاب تبریزی حیدر شبگرد (خوندل تبریزی)

‍ اربعین قبرون نه عجب عطر فشاندور آنام اوغلی جان بخشدی بو عطر جناندور آنام اوغلی بو مدّتی چکدیم نه قدر حسرت قبرون تا اشک روانیله وئرم زینت قبرون هر درده دوادور بولورم تربت قبرون بیر رایحۀ خلددی چون نکهت قبرون هر مرده دله روح و رواندور آنام اوغلی عشقوندی دلیل سفر دور و دارزیم هر درد و غمه دوزموشم ای بنده نوازیم پروانه نی شرمنده ائدیب سوز و گدازیم آگه سن اوزون لطفیوه چوخ واردی نیازیم ناز ائتمه منه یاتما اویان دور آنام اوغلی بو طرزیله که پرپر اولوب سوری و سوسن واردور یری بلبلر ائده ناله و شیون حاشا یتیشه مقصد و آمالینه دشمن ظاهرده اگر چه سارالیب صولدی بو گلشن باطنده ولی رشک جنان دور آنام اوغلی ائتدون منه عاشور گونی هر نه وصیت من جان و دلیله اولارا ائتدیم اطاعت سرمت وصالم نه گلایه نه شکایت عشقون گتیریب بو یره نه قیدِ اسارت یوخ شرحینه حاجت چوخ عیاندور آنام اوغلی گئتدیم هارا برپا ائلدیم شور و قیامت بیر شور قیامت که قیامت اونا آیت اوز سینه مه دوزدوم گلوب هر تیر مصیبت شاد ایله بو غم دیده نی ای کان عطوفت اندوهی کران تا به کران دور آنام اوغلی گه کوفه ده گئتدیم من حسین مجلس عامه گه شام ده کی بَزمَگَهِ قوم ظُلامه گلمز بو جفالر نه بیانه نه کلامه بو جور و جفالر یته جاق هاردا تمامه بو مطلبی دور زینبه آندور آنام اوغلی جانیمله رُقیَّه مدن حسین ائتدیم حفاظت لیکن او گولی دست سمت ایلدی غارت افسوس نصیب اولموب اونا فیض زیارت بو باره ده قارداش منی گل ائتمه خجالت بو نسگیله آز زینبی یاندور آنام اوغلی ای کشته ی بیداد و ستم وی شه مظلوم اوّلده (( شهاب )) ائتدی بیله نوحه نی مرقوم تعقیب ایلیوب شعرینی بیر شاعر مهموم لطف ‌و کرموندن گل اؤزون ایلمه محروم عاشق دی سنه نوحه یازاندور آنام اوغلی ** مرحوم شهاب تبریزی حیدر شبگرد (خوندل تبریزی)

نوحه اربعین (سبک : نماز اوسته ننه سنگرده ....) حسینجان قبروین اوسته عزالی کاروان گلدی باجون زینب خلاص اولدی ولی قدّی کمان گلدی ننم زهرا کیمی سنه دلبستیم اوزاق یول گلمیشم حسینجان خستیم **** اولوبدور قوللاریم نیلی مثال یاسمن قارداش آلوب گتدیم نه غارت اولموشیدی خیمه دن قارداش بو گهواره بو گوشواره بو قانلی پیرهن قارداش باجون زینب الینده آسمانی ارمغان گلدی ننم زهرا کیمی سنه دلبستیم اوزاق یول گلمیشم حسینجان خستیم بو کوینک مدرک اثبات عشق پاک و نابیمدور بو کوینکده یازوبلار عشقیمون حدّین کتابیمدور بو کوینک قبریمون فانوسیدور گُولدور گلابیمدور اوجالدی عطری هر یردن منه تاب و توان گلدی ننم زهرا کیمی سنه دلبستیم اوزاق یول گلمیشم حسینجان خستیم سنه حاشا دیم دیندیر بو جمعی بیربیر آی قارداش فقط امکانی اولسا دور ربابی دیندیر آی قارداش دئنن آل قانلی قونداقی سینونده گزدیر آی قارداش سینون اوسته یاتان تشنه غزاله میزبان گلدی ننم زهرا کیمی سنه دلبستیم اوزاق یول گلمیشم حسینجان خستیم گلایم وار سنه قارداش فلکدن صبریمی آلدی سنون عشقون اولان قلبه یانان خیمون تک اود سالدی رفیق نیمه راه اولدی رقیّه شامیده قالدی بو بابتدن اولوب شرمنده زینب باغریقان گلدی ننم زهرا کیمی سنه دلبستیم اوزاق یول گلمیشم حسینجان خستیم ** حسین غفاری اردبیلی برچسب‌ها: حسین غفاری اردبیلی

احوالات اربعین بیرکاروان دوشوب یولا مقصدعراقدور غم عصه دور اونون یوکی دردوفراقدور. بیرکارواندی جمله سی نی تک سیزیلداشور. چوخ حسرتیله دشت بلایه یاخینلاشور. بوقافله اول اومکانه گلن زمان. دوروبرینده دورموشودی هاشمی جوان. اهل حرم کجاوه لراوسته خرامیله قویموشدولارقدم اوراچوخ احترامیله. اما بودفعه قاره دی جمله لچکلری بیکس قالیبدیلار گیدوب الدن کمکلری القصه قتلگاهه یتوب غملی کاروان یردن گوگه اوجالدی اودم آهیله فغان عورت اوشاق دوباره مصیباته باتدیلار بیردن اوزون یره دوه نون اوستن آتدیلار زینب گلوب یتیشدی حسینون مزارینه اگلشدی یرده قیزلاری یغدی کنارینه عرض ایلدی حسین سنه یاس ساخلینمادیم صد پاره نعشون اوسته دوروب آغلیانمادیم قالدی اوگون اورکده بویوک حسرتیم منیم. ایستوردوم آغلیام ولی قویموردی دشمنیم گلدیم مزارون اوسته حسین سینه داغلیام هیچ یرده آغلیانمامیشم بوردا آغلیام دورقبریدن حرملروون حالینی سوروش قویماسرشک چشملری ایلیه خروش منده بقیه اهل حرم تک سلامتم امارقیه نون طرفیندن خجالتم قوی عرض ایدوم اوخرداقیزون شرح حالیمی. حددن گچن اورکده کی دردوملالینی عمرینده زندگی. شیرینلیگینی دادمادی بیرآز. دلده غمی چوخ اولدی ولی اولدی عمری آز. ویرانسراده الدی بالام نیلگون بدن اوزقاره معجریمی حسین ایلدیم کفن. آلدی قوجاقه تربت شام پاکزاده نی زوارایله اونون مزارینه سن عالیزاده نی. شعراز. خداویردی عاایزاده

اربعین یعنےچهل منزل عزا اربعین یعنےشبےبےانتها اربعین یعنےغریبےبےکسے اربعین یعنےهمه دلواپسے اربعین یعنےچهل منزل سفر اربعین یعنےهمه خوف وخطر 🏴فرا رسیدن #اربعین سالار شهیدان حضرت اباعبدالله الحسین(ع) تسلیت باد

اربعین (سبک : کرب و بلایت عشق منه ...) گلدی باجون آغلار گوزیلن سینه ده بیر دریا سوزیلن کوفه و شاماتی گزوب قبریوه گلسین عطریوی آلسون بوکولن قدّی دوزلسین **** قرخ گئجه گون سندن آرالی چوللری من گزدیم ، یارالی دوشدوم اگرچه مُحَن و جبر مزیده اگمه دیم امّا باشیمی امر یزیده **** چیخدی باشین تا نوک نِیَه گلدی جداده طنطنیه زینبیوین قانی جوشوب تنده حسین جان چون آتامین غیرتی وار منده حسین جان **** قوللاریما باخ شاه زمن قمچی لرین باخ ردّینه سن قویمامیشام قمچیه قیزلار قاشین اگسین قوللاری وئردیم قاباقا تا منه دگسین **** کیم بو سوزی قاموسه یازوب قبریوی کیم ششگوشه قازوب کیم سنی بو قبره قویوب گل دیله قارداش کیم کفن ائتدی باجون ایکاش ئوله قارداش **** شامیده قالدی نازلی بالان قالما حسین اوندان نگران قویمارام اوردا قالا تک نازلی رقیّه ن منده گئدوب ایلیرَم شامیده مسکن **** قبرین ئوزوم قازدیم قیزیوین غمدن آخان بیر اولدوزیوین قانیوی واللهی رقیّن آلاجاقدی تختیدن آخیرده یزیدی سالاجاقدی **** هاردا یاتوب عباس علی امّ بنینون پور یَلی ساقی عطشانه دئنن اولما خجالت قالدی قیزیم شامیده سن خواب ائله راحت **** سو یرینه ای قانین ایچن ریشه ی ظلم و جبری بیچن وصلین ائدوب شهد ِ عسل زهر فراقی دور یولا سال یثربه بو غملی قوناقی **** ای حرمی ششگوشه اولان دیللره عشقی توشه اولان ئوزمز الین بو قاپودان سائل طیّب مست میِ عشقین اولوب کِلکِ ((مُصَیـّب)) ** محمدعلی مصیبی تبریزی برچسب‌ها: محمدعلی مصیبی تبریزی

 سینه زنی اربعین (سبک : برکشتگان کربلا اربعین آمد) عالم اولوب غرق عزا اربعین گلدی اربعین گلدی کرب و بلایه زینب دلغمین گلدی دلغمین گلدی آزاد اولوب شاماتیدن عترت طاها قورتاردی جور و ظلمیدن زینب کبری قید اسارتدن چیخوب دختر زهرا دشت بلایه الغرض چوخ حزین گلدی قرخ گوندی انصار خدا قانه غلطاندی شاه شهید کربلا قانه غلطاندی عباس دریای وفا قانه غلطاندی نعشی عباده خیمیه اکبرین گلدی قرخ گوندی تیر غم هامی دیللره دگدی داغ مصیبت مهجه حیدره دگدی تیر سه شعبه حنجر اصغره دگدی اخیامه اول دلداده آخرین گلدی قرخ گوندی قاسم طوی دوتوب قان حناسیندن هم نوعروسیندن گچوب هم آناسیندن تاب و توان آلدی بو غم آل یاسیندن گویدن بو ایثاره اوگون آفرین گلدی قرخ گوندی گلزار علی ظلمیلن صولدی باغ و چمن بو ماتمه چون خزان اولدی قلب محبان بو غمه قانیلن دولدی دنیایه داغ محنت بی قرین گلدی زینب اوزین قارداشینون قبرینه سالدی سسلندی گور قارداش باجون نه حالا قالدی الدن حسین آرامیمی فرقتون آلدی آچ گوزلرین گور باجوی بی معین گلدی اهل عیالون شکر اولا سر سلامتدی قارداش منی پیر ایلین آیری محنتدی نازلی رقیوندن باجون چون خجالتدی دفن ایتدی زینب شامیده اخترین گلدی یوخدور سالام قبر اوستونه ترمه و شالیم گیتدی اساسیم غارته دوندی احوالیم قوی قانلی کهنه کوینگی قبرووه سالیم باجون ئورکده محنت آتشین گلدی زائر اولار جمله سنه پیر و جوانلار قبرون اوپر کامه چاتار آزاد انسانلار درد اهلی دردینه آلار عمده درمانلار ششگوشه قبره شکرایدور (( آذرین)) گلدی ** کربلایی ودود آذرین خلخال

🏴اربعین ✍بقلم استاد محمدرضا محمدی( ناعم) غبار غم بورویوب کربلانی قرخ گوندی نی یون نواسی دوتوب نینوانی قرخ گوندی ولایتین چمنینده ایاقلانوب گوللر شهید ائدوبله سوسوز باغبانی قرخ گوندی چمندن آیری دوشوب بلبلان دلخسته گورَنمیوبله گوزل گولستانی قرخ گوندی نه باغبانه ترحم ائدوبله نه گولونه آتادان آیری سالوبلار بالانی قرخ گوندی دیار کرب وبلاده بیر اتفاق دوشوب دوشوبدی دیلره غم داستانی قرخ گوندی آخوبدی خون خدانین قانی یره ناحق قان آغلادور بو محن آسمانی قرخ گوندی دیَنورم دیه بیلمم نه ظلم ائدوبدی یزید ملول ائدوب ستمی ماسوانی قرخ گوندی اولوبدی غارت حسینون او کهنه پیرهنی ائدوبله جامه سیه انس و جانی قرخ گوندی ستمله قول قولا باغلاندی اهل بیت نبی دوشوبدی چوللره غم کاروانی قرخ گوندی آتام آنام اولا قربان او زینبه که اولوب حسین بالا لارینون پاسبانی قرخ گوندی هر عاشق آیری دوشه یاریدن یاتا بیلمز رباب یاتمادی گویا بیر انی قرخ گوندی ایچبدی سو صودیلن دوشلری دولوبدی ولی گزور تاپا دیلسیز بالانی قرخ گوندی بوقرخ گونون غمی یازماقیلن باشا گلمز غم عاجز ایلیوب هر بیر بیانی قرخ گوندی بشیری  قوما  قاپوندان  ایا  امام حسین چیخاتمیوب هله ثوب قرانی قرخ گوندی

فرهاد گوهری: سلام دوستان قرخ گوندی قارداش روزوشب غملر یادیمدان چخمیوب کرب و بلاده گوردیگیم محشر یادیمدان چخمیوب ماهِ محرّم باشلانان گوندن اِلا تا ایندیه هر بیر بلاسین ائتمیشم اَزبر یادیمدان چخمیوب نهرِ فراتین که یولی باغلاندی آلِ حیدره یاندی سوسوزدان گُل کیمون لبلر یادیمدان چخمیوب دورت مین موَکّل قویدولار نهرِ فراتین اوستونه شمشیر الینده هامّوسی کافر یادیمدان چخمیوب کافر نه کافر قان توکن قاتل دئسم شایسته دی قاتلدن آرتوخ تک تکی بَدتَر یادیمدان چخمیوب اوچ گون خیامه بیر ایچیم سو قویمادی دشمن گله اود دوتدی یاندی عترت اطهر یادیمدان چخمیوب اصلِ قیامت یا حسین باشلاندی عاشورا گونی ایتدی یاریم گونده نَلَر لشکر یادیمدان چخمیوب دوغراندی قارداش ظلمیلن اوغلون دیوم قان آغلیاخ گلدی عباده پیکرِ ------ اکبر یادیمدان چخمیوب یغمشدون اعضاسین نجه آیا عبایه بیلمورم اعضاسی صد پاره اولان پیکر یادیمدان چخمیوب نعشی گلنده خیمیه گوردوم او دور یولاردادا بیر لحظه حتیّ جدّیمه بنذر یادیمدان چخمیوب آتلار ایاقی قاسمون سالموشدی جسمین بیر حالا اوغلون گورنده ناله یِ مادر یادیمدان چخمیوب عرشه اوجالموشدی اونون قارداش اوغول وای ناله سی لیلادن اندوهی اونون کمتر یادیمدان چخمیوب تنها نه اینکه قاسم و اکبر قالان یئتمیش نفر مانند عون و فضلیلن جعفر یادیمدان چخمیوب قانه بویانموش نعشیلر باشسیز گلوردی مخیَمه حالِ تاثّر باریلن یکسر یادیمدان چخمیوب عبّاسین الآندا منی احوالی قارداش یاندیرور تندن کسلیموشدی نئجه الّلر یادیمدان چخمیوب آچمور گوزومدن فاصله نیلوم عمودین یاره سی ئولسمده بوردا گوردیگیم باور یادیمدان چخمیوب آلنین ابوالفضلین مگر زینب فراموش ایلیَر جایِ خدنگِ ناوکِ اوچ پَر یادیمدان چخویوب کرب و بلانی گوزلریم هر لحظه عاشورا گورور چونکه قوجاقونده بالون اصغر یادیمدان چخمیوب گتدیم ربابین دلبرین ویردیم سنه یادیمده دی کامل دعایِ مادرِ مُضطَر یادیمدان چخمیوب آللّهه تاپشیردیم دیدی گیتکه سنی دیلسیز بالا حیران او حالتده قالان گوزلر یادیمدان چخمیوب یاتموشدی اوغلون بیر گوزل قنداقِ جنّت فامیده آچموشدی گویا اوچماغا شهپر یادیمدان چخمیوب قنداقی اوستن دوشلوگی یادیمده دور که آقیدی قالدی نه حاله دوشلوگی آخر یادیمدان چخمیوب ملتمس دعا (گوهری)

درد دل جا ماندگان اربعین با امام حسین ع دوباره ایستور اورک نی کیمی نوایه گلِیدیم طبیب محضرینه یول تاپوب دوایه گلِیدیم طبابت ایتماقا بو درد جانگدازه حسین جان بو اربعینیده ایکاش ، کربلایه گلِیدیم ایاقلاشیدیم او عاشقلرونله بیرده بو یولدا مزارین اوسته گوزوم یاشلی التجایه گلِیدیم قدم قدم عَلَم اَلده پیاده شهر نجَف دَن حسین حسین دئیوب اول قبرباصفایه گلیدیم دیه دیه او گوزل آدیوی قدم گوتوریدیم قابار ایاقلاریلا دشت غم فزایه گلِیدیم اَدَب اَلی سینَم اوسته سلام ذکری دلیمده خَمیده قدّیله اول صحن دلربایه گلیدیم نه وقتیدور ایدورم ناله حقدن ایستیورم تا دوباره محضر سلطان نینوایه گلِیدیم مریض عشقیوم آگاهسَن کی ایستوری گوگلوم حضور حضرتیوه چاتماقا شفایه گلِیدیم بیر عُمردور سنه یاس دوتموشام نولاردی بو وقفه عزا دوتانلاریلان قبریوه عزایه گلِیدیم اِیدیدی کاش عنایت خدای قادر و رزّاق کی قبرین اوپماقا اول درگهِ عطایه  گلِیدیم التماس دعا خاک پای حسینیان و زواران سیدالشهدا ع .ستار رزاقی ..