‍ روضه حضرت علی اکبر(ع) دیوله نچه قدم گل جنازیه قالانی یخلدی تپراقا تاپدی اومهربان بالانی اوغول دشمن ایچینده چوخ اوجادان آغلیانمرام من آغلیاندا کوفه نین اهلی گولر اوغول الله بولور کی دردین ایاقدان سالوب منی آخر منی بو غصه لرین ئولدورر اوغول (اله باخدی باخدی اوغول جنازه سینه) جنازون اوسته آتان هی ورور الین الینه عمامه سین گوتوروب ختم مرسلین الینه سنون الین ننون ویرمدی گلین الینه دیدی اوغول خیامه سن گدیسن یا دیوم ننون گلسین (اله اوندا گوردی او قانلی دوداقلار دیدی بیر بیرینه بابا منی یتیر ننمه قارداشین چتین زمانی اولاندا گوزی قارداش آختارار اما امام یوزون دولاندردی خیمه لر سمتینه عباس گل یامان گونومدی آی قارداش عبانی سردیلر یره علینین جنازه سین قویدولار عبانین آراسیناگتیریلر خیمه لره ساری ابوالفضل آقا عبانی کنار اله دی اوغول حالین نجه دی بالا دیدی عمو منی یتیر خیمه لره خیمه لره نچه قدم قالاندا دوباره عبانی کنار اله دی دیدی عمو منی یتیر ننمه دای جان ویریرم الله ایولریزدن اوزاق السین گوررسن جنازه قاپیا گلنده عمه لر قاچار جنازه قباقینه ننه قاچار باجی قاچار جنازه قباقینه الیکی علی اکبرین جنازه سی گلدی خیمه لر قباقینه ) نه گوردی دشمن اودم خیمه لرده طوفاندی چادر لارین قاپسی وحشتیله قوزاندی (بالالار عورتلر هامی قاچدلار علی اکبر جنازه سینون قباقینه اولده زینب گلدی ) بیری دیدی باجون ئولسون علی نه گلدی سنه بیری دیدی بی بی قربان علی نه گلدی سنه (زینب دیدی علی اکبر منی چوخ ایستر منی دانشدرار نقدری سسلدی نقدری دانشدردی گوردی جواب اولمادی گوردولر او خانملارین ایچینن رقیه دیور یول ویرون یول ویرون قارداشیم علی اکبر منی چوخ ایستر گلدی علی اکبرین جنازه سینون کنارینه ) علی قزل گلون باشنا بلبل حزین دولانار باجی دا قارداشنون سایه سینده دالدالانار (گوردولر رقییه ده جواب ویرمدی هامی مبحوت قالدی نیه جواب ویرمدی؟) چونکه بیگانه دینمز ننه نین اوخشاماسین آلدلار شهدن اجازه گتیریبلر آناسین چون عبادیدی فقط باشدا گوروب بیر یاراسین دیدی ایندی دارامشدم بو نه کاکلدی علی (بو رسمیدی ایکی یول آنا آتا اوغولون بویون اوخشار ) ایکی دفعه آنا ئوز اوغلونی اوخشار اوجادان بیری داماد اولان وقتیده هر تازه جوان باجسی عمه لری ترتیبه سالالار طویونی اله کی یاخدی حناسین ننه اوخشار بویونی (الیکی الین ویردی گلین الینه چکر بیر اتاقا دیر اوغول اوجا بویوا ننون قربان آی بالا) بیرده ئولسه ننه نون تازه جوان اوغلی اگر خیش و اقوامی گلر شمعی لری قاره بزر اله کی غسل تمام اولدی کفن ایلدیلر باغلیاندا کفنی حاضر ائدلر ننه نی (لیلانی گتیردیلر دیدیلر آخرین گوروشوندی بالانان وداع اله اگر بیرینون جوان اوغلی ئولسه گوررسن جنازه نی غسل ائدلر اوچ یردن باغلالار ایاق بندین باغلالار وسطی باغلالار باش بندین باغلیاندا دیلر چاغرون بونون دده سی ننه سی گلسین لیلانی گتیردیلر علی اکبر جنازه سینه باخدی باخدی) دیدی اوغول یاخاوا گل ساچارام بالا ایویمه تازه گلین گلسه بالا قباقه قاچارام بالا https://eitaa.com/kobradsg

حضرت علی اصغر (علیه السلام) دار دونیاده اوشاق هر بیر ائوین زینتی دی آنانین عزتیدی مونس و همصحبتی دی سالم اولاد بهشتین گلی ، حق رحمتی دی اوشاقین هر ایشی خوشدی، یتیئره ر قلبه صفا ساخلار هر لحظه سینی دفتر ذهنینده آنا تله سر هر آنا کورپه بالاسی تئز دیل آچا گول تیکر قونداقینا ، گلشن عومری گول آچا آرزو ائیلر اوشاق یول گئده، آهسته قاچا بالاسین شام و سحرگوزلری تک گوزلر آنا جانینی هر نه بلا گلسه سپر ائیلر آنا گرم بسترده بالا راحت اولوب یاتسا اگر اوز خیالینده آناسی اوتوروب نقشه چکر پر آچار روحی زماندان ائیلییر فوری گذر آرزو ائیلر اولا کاش اجلدن مهلت اولا اولادینه دونیا بویی خوش گون قسمت آنادا اولماز اوشاقین غم و اندوهینه تاب آنانین قلبینی ائیلر بالانین دردی کباب بیلمیرم کرب بلاده ، نئجه صبر ائتدی رباب هر نقدری بالاسین اوخشادی یا ییرقالادی بالا رام اولمادی دردی غمین اوستن قالادی آه او گوندن سویولون باغلادیلار کوفه لیلیر اهلبیتین اورگین داغلادیلار کوفه لیلر ایشه باخ ظلم ائیلییب ، آغلادیلار کوفه لیلر ایچدیله اوز لری حیوانلاری اول دشتیده سو آل پیغمبره سو یوللارینی کسدی عدو عومرونون گلشنینی گوردی خزان بیکس آنا هریانا وردی اوزون قسمت الی چیخدی بوشا تشنه لیقدان آلیشیب یاندی آنا یاندی بالا اورگین قانینی قاتمیشیدی هامی اشک لره اولمادی سو نقدر عجز ائیلدی مشکلره اصغرین ایستی هوا قطع ائیلیردی نفسین لحظه لحظه آنانین الدن آلیردی هوسین آنا گیزلنده یانیردی اوجادانموردی سسین هردم آهسته دییردی اوزونه سولدی بالام "شرم قویمور گیدیب عباسه دییم اولدی بالام" چاره سیز قالدی آچوب ، گه بلدی اصغرینی گاه آچیب گاه قویوب قونداقینا اللرینی گه باسیب باغرینا حسرتله سولان دلبرینی اصغرین غصه سی اهل حرمی ائتدی کباب بو سیاق دا گجه نی صبح ائیلدی غملی رباب دئدی الله نه دی چاره م بالام آز قالدی اوله شرم قویمور گتیرم دیلده اولان دردی دیله تاپماسام بو گجه سو من سارالان غنچه گله عمرومون حاصلینی باد خزان سولدوراجاق چکوری صون نفسین صبح آچیلینجا اوله جاق دئدی قربانون اولوم ائیلمه بو قدری فغان شرمیدن اودلانیرام آغلاما ای روح و روان یوخ سو اخیامیده اولموش هامی سندن نگران چاره تاپسام سینه می نارغمه داغلامارام بالا راحت یاتا بیلسن الیوی باغلامارام سارالیب رنگین اوغول بنذیری سولموش چمنه بئله فکر ائتمه کی ارزان وئره جک لر سو سنه گل داخی ایستمه سو سن بالا رحم ائله منه قورخورام دردیمی بو لشکر کین چوخلییالار آهو مثلی سو کنارینده سنی اوخلییلالار علی یاندیرما منی یوخ سوا هیچ یئرده گمان گر تاپیلسا بیر ایچیم سو اولاجاق قیمتی قان سویون اطرافین آلیب دی علی ، دورت مین اوخ آتان بختیمن اولدوزی آز قالدی جفاییله باتا حرمله صودامر آهو گزوری بیراوخ آتا یات بیر آز سینه مین اوسته بالا چالما ال ایاق ایش چتیندی هله صبر ائیله بیر آزدا بو سیاق سوزوری خرداجا گوزلر ائیلور صبریمی طاق آغلاما سینمه باخدوقجا اوتاندیرما منی شرم دن اودلانیرام سن داخی یاندیرما منی بئله فیکرائیله میشم آلتی آیی اوز اوزمه اصغر یم دیل آچاجاق سوز قاتاجاق دی سوزومه نه قادان واردی رضایم گله الان گوزومه گله ایکاش غمین بو دل و بو جانه علی تاپمادیم سو اووزمی ویرمیشام هر یانه علی بیر امیدیم وار اگر ورسه امان دست قضا قدرتی وار عمون عباس قشوندان سو آلا گجه وقتی آپاروم دیلده کی دردی من هارا باجیلارعمه لرین وئردی سنی الدن اله وای منه گوز قاباقیندا بالام آز قالدی اوله دییه بیلمه م کی نه حالیله گئجه اولدی سحر یاندی هر کیمسه او دلسیز بالیا ائتدی نظر تشنه لیق ایئتدی ربابین ثمر عمرین هدر او قدر آغلادی اول صودامرون باتدی سسی گوز آچیلمیردی فقط بیر جه قالیردی نفسی آتش شرمییله اودلاندی علمدار وفا هی باخیب تیغینه قولارینه ائیلوبدی نوا صبح آچیلسا منه گر اذن وئره جنگه آقا منده اوز قدرتیمی جنگییده اعلان ائدره م یا گتیرم سو و یا جانیمی قربان ائدره م ادامه دارد..... شاعر : استاد محمد هوشمند (مدهوش) !!! لطفا با نام کانال مدح و مرثیه کپی کنید !!! https://eitaa.com/kobradsg

🍃🌺 اگر گرد کسی بسیار گردی اگرچه بس عزیزی خوار گردی 🌺🍃

#امام_حسین #گودال_قتلگاه ای شاه بی لشکر بگو پس لشکرت کو؟ گر تو سلیمانی بگو انگشترت کو؟ ظرف دو ساعت این همه نیزه شکسته؟ بوی تو می آید بگو پس پیکرت کو؟ با ناله های فاطمه اینجا دویدم گر تو حسین مادری پس مادرت کو؟ یک جای بوسه در تنت باقی نمانده خاک دو عالم بر سرم موی سرت کو؟ آقای من پیراهنت کو ؟ خاتمت کو؟ سیمرغ قاف عاشقی بال و پرت کو؟ گیرم سرت را از قفا آقا بریدند آن بوسه ای که داده ام بر حنجرت کو؟ از تو توقع دارم ای تندیس غیرت برخیزی از زینب بپرسی معجرت کو؟ این دشت دشت چشمهای خیره سر شد آقا کمک کن خواهرت را دخترت کو? علی اکبر لطیفیان

اوخشاما زينبوم بخت آينا سين گرد آلوب عبثده گول اورگيني درد  آلوب يدي قارداش بيردن گئدي  اليمدن بيردن گوردوم دورمي نامرد  آلوب                      🖤🖤🖤🖤🖤🖤 زينبوم فلك قودي من قاچديم ظلم ئوين يخماقا سيل كيمي داشديم هر قيز ئولدي الده چارم اولمادي فقط حسين گوز باغلاديم باش آچديم  🖤🖤🖤🖤🖤🖤 زينبوم كيميم سينه  داغلاسون ننمه ده گلسون منه  آغلاسون گلين گئديم  گلمدي پا  تختيمه گلسون باري گوزلريمي  باغلاسون  🖤🖤🖤🖤🖤🖤 زينبوم اوجا داغلار آشمشام  رقيه وه گينه  يوخلاشمشام ئوزي بيلور اونان  اوتور بير گئجه جان جان  ديوب هارالارا قاچمشام  🖤🖤🖤🖤🖤🖤 گوزل  ننه جوان  ننه ناز ننه گل مُــحمَّـدي عمري آز ننه آنا قيزا خير دعا وئر مسه   منيم كيمي خوش گوني اولماز ننه                        🖤🖤🖤🖤🖤🖤 آي ابوالفضل گه باجون گولون آل من دئمورم مندن اوتور منن قا ل عباس قولون يوخدي باجوي دفن ائدسن باري ياسه گلن قوناقلاري يولا سا ل  🖤🖤🖤🖤🖤🖤 واردور يري گوزياشيمي دونسون سئله  قارداش گويا كه دوشوب اود گينه يانميش دله    قارداش عباسيله گل زينبوي  دفن ائله قارداش ايندي باجوين حاجتي ديداره دي     قارداش غم تيري بؤلوب  قلبيمي صد پاره دي     قارداش 🖤🖤🖤🖤🖤🖤 منه اوّلين گونومدن  غم و غصّه  يولداش  اولدي ئورگيمده بير غميم وار هامي غصّه دن باش اولدي        باشيم اوسته جان وئرنده نه باجي نه قارداش اولدي 🖤🖤🖤🖤🖤🖤 ✨اَللّهُمَّ عَجِّل لِوَلیِّکَ الفَرَج✨ https://eitaa.com/kobradsg

یا عقیله العرب یا زینب کبری(س) هر کیمون وار دردی ، هر درده دوا زینبده دی سسله یا زینب ، براتِ کربلا زینبده دی کربلاده گر چه آلام و غمه قالدی خانیم لیک ، نطقیلن حسینون قانینی آلدی خانیم شامیده لرزه یزیدون جانینه سالدی خانیم ثبت اولوب تاریخیده ، راز بقا زینبده دی کربلانون چوخلی رنج و محنتین زینب چکوب هر مصیبت وار اگر بو نهضتین ، زینب چکوب بیز اگراولدوق حسینچی،زحمتین زینب چکوب اعتلای پرچمِ سرخِ عزا زینبده دی جان عالملر فدادی زینبون لبخندینه قلبینون بندی حسیندور ، بند اولوبدور بندینه دگمیوب نامحرمین حتی الی رو بندینه یاز قلم گنجینه ی حجب و حیا زینبده دی آزمایش ایلدی زینب جهاندا بختینی انتخاب ائتدی ازلدن هر ایشون بو، سختینی عاقبت فاتح چیخوب چوندردی ظلمون تختینی آل سفیان باشینه ، حکم قضا زینبده دی زینبون دامانینه چنگ توسل کیم ویرا رشته ی ظلمی گورک، عباسِ تک، هر دَم قیرا هانسی عورت گورموشوز تاریخیده بت سیندیرا؟ مرحبا روحیه ی خیرالنسا زینبده دی بیر خانیمدور بو خانم، اعجوبه دور، ئوز دهرینه ئورگدوب قرآنی ، نسوانِ مدینه شهرینه غوطه ور اولدی اگر چه غصه و غم بحرینه ظالمه باش اگمیوب اگمز ، وفا زینبده دی ایستدی زینب جهاندا وحدتی، تحکیم ائده درس ِ حجب و عفّتی عالملره تعلیم ائده حاتم طایی گورک درگاهینه تعظیم ائده گر اصالتلن باخان اصل ِ عطا زینبده دی ✨اَللّهُمَّ عَجِّل لِوَلیِّکَ الفَرَج https://eitaa.com/kobradsg

روضه راه شام تازیانه ویریلیب زجر ستمکار الینه شامه جه وردی اوظالم دینه نی دینمیه نی دولادی قمچیسینه اصغره لای لای دینی زجری گورجک ایاقا دوردی سلام ایلمگه (سلامن جوابی واجبدی، سلامن جوابنا باخ) زجر سیلیسی دینده اوانیس محنه (بیر دفعه باخدی اویان بویانا) دیدی الله عموم عباسی یتور فوری منه بیوک ال دیسه دوشر گورنه حالا خرداجا قیز (یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی) منی ئولدورمه ردیف اسرادن چخلام بیر کسیم یوخدی پناهینده اقلا سخلام یرتیکانلخدی ویرورسان بئله ورما یخلام نجه عرب که اونون قلبی سخدیدی داشدان غذاسی مارو ملخ بادیه نشین زاده ایاق یالین قاچا عادت ایدیبدی چولرده گچیریب عمرونی وحشیلریله بیداده اوقدری هرزه گیاهی یالین الیله قازب زغال سنگه دونوب ال ایاقی صحراده او الریله ورا رقیه نی گور نیلر گلور هوا باشما یاحسین یتیش داده قیز یامان گونده هرایه چاغرار ئوز ننه سین (گوردولر اوبالاجا بالا الین قویدی یوزونه، یوزون دولاندردی بقیعه طرف،) گل ننه یاندی یوزوم قالدی یاخام الرده سن دوشن درده دوچار اولدی بالان چولرده اوخی بو عرضه می ای سیده پاک تبار سنیلن عرصه محنتده منیم فرقیم وار (نیه بالا؟سنینده یوزوه سیلی وروبلار منیمده) ورولانان صورا سن منزلیوه گلدین آنا خیمه لریاندی ایویم یوخدی گدیم من هایانا نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قاباراولان ایاقلارا ادبله سالک وفا رقیه دامنین دوتار رفیق زجر دیور قالمادی توان منده آلاندا قمچی سینی زجرکین شعار الینه هواده قمچینی دوتدوم اوقیز اورکلندی (دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور) ویردی جواب یاخجی مروتلی شخص سن اما بویرده منطقیوین اشتباهی وار نامحرمیله بیرآتا مینمز حسین قیزی عمم دیوب بو بیر عملین چوخ گناهی وار (دیدیم بالاجا بالا یول اوزوندی سنده ایاق یالن نینیه جکسن) دیدی بوتیکانلق آراسنان ئوزومه یول آچارام سیز سورون آتلارزی منده پیاده قاچارام https://eitaa.com/kobradsg

ولی بیر عاشقی عالم تانیور اودا بیر جوت قول حسین عشقینه ایتمیشدی نثار ایستدی اینجمیه موسم دیداریده یار بزیوب قانیله مولاسی گلن یولارینی آتدی بیر بیر یولون اوسته کسیلن قولارینی دیدی پاک آدویوی ورد ایلمیشم ئوز ئوزومه چون آدون وردیم اولوب فخر ایدیرم ئوز سوزومه باخورام تله هاچان گورسنه جکسن گوزومه گرچه قانیله اولوب لبلریم آلوده حسین گل ایاقوندن اوپوم جان ویریم آسوده حسین #عباسیه https://eitaa.com/kobradsg

‍ استمداد حضرت ابوالفضل (ع) (سبک: دولدوروب جهانی...) داده گل حسینیم اوخلانوب سو مشگیم دوشدی قول بدندن قانه دوندى أشگیم دوره می آلوب لشگر الده نیزه و خنجر ای وفالی قارداش اوخ اوخ اوسته ووردی لشگر ضلالت پیکریم اولوبدی سر به سر جراحت دوشموشم یارالی یوخ ایدن حمایت رحم ایدن منه یوخدی سیّدی یارام چوخدی ای وفالی قارداش عجز ایتمرم من ، لشگر جفایه اگمرم باش اصلا قوم بی حیایه خوشدی دین یولوندا گچسه باش جدایه سیندی ظلمیله باشیم قانه دوندی گوز یاشیم ای وفالی قارداش خیمه ده سو مشگین گوزلوری سکینه حیف اولا خجالت ایتدى اهل کینه ویر نشان بو مشگی سن او دل حزینه گورسون اوخ ایدوب پاره سینه می ایدوب یاره ای وفالی قارداش پرچمیم یخیلدی ظلمیله الیمدن ال اوزولدی قارداش خویش و هم ایلیمدن لیک دوشمیوبدی گول آدون دلیمدن ای امیدگاهیم گل یوخ منیم پناهیم گل ای وفالی قارداش جسمیمه ویروبلار یاره یاره اوسته یاره لر ایدوبدی پیکریمی خسته هر طرفدن اولدی راه چاره بسته سیّدی یتیش داده سال منی بو دم یاده ای وفالی قارداش بحر غمده سن سن کشتی نجاتیم بسته دور حسینیم بیر سنه نجاتیم گل یاخونلاشوبدی سیّدی مماتیم گل تلاوت ایت قرآن ای امام انس و جان ای وفالی قارداش عفو قیل کی یتموب خدمتیم تمامه افتخار ایدوم من لشگر ظلامه لطف اوزیله ایله بیر نظر غلامه خدمتیمده وار نقصان عفو ایله سنه قربان ای وفالی قارداش (( تابع دین )) اولموش ، فقردن یارالی باد محنتیله گول کیمی سارالی ایت دعا آزالسون محنت و ملالی سندن ایستیری وسعت ایلسون گوزل خدمت ای وفالی قارداش * مرحوم محمد حسن تابع دین https://eitaa.com/kobradsg