زبانحال حضرت امام حسن عسکری (ع) زبانحال حضرت امام حسن عسکری (ع) بو لشگرگاه  دشمنده  نه  محنتلر چکوب یاندیم ویروبلرزهرکین آخردوتوب اود یاندیم اودلاندیم ایله  تاثیر   ایدوب   زهر  جفا  بو خسته جانیمده که   قالموب  تاب  گفتاریم  نه دلده نه دهانیمده یوخومدورحالیمی بیرکس بولن ئولماق زمانیمده خدا   شاهددی  بو  یرده  من زاره نه ظلم اولدی سموم ظلمیله گل تک سارالدی گُل یوزوم سولدی شرار   ظلمیله   باغریم   سراسر   قانیله  دولدی کمند   ظلم   اشراره    بیله   اهو  تک    اولاندیم منیم   محنتلریم  گر  چه   یتوبدور  حد    اعلایه حیالی    قیزلاریم لاکن   اسیر  اولموبدی اعدایه جداده قان دوتان  باشیم منیم گیتموب کلیسایه دیمم جدیم حسین تک من بلا دشتینده دوغراندیم منیم   بو  پیکرم  هرگز  بویانموب  ظلمیله   قانه یتشدی   جور  دشمندن   یارا   بو جسم  عریانه منیم نعشیم هاچان  زینت اولوبدور قانلی میدانه منیم سینمده  آت چاپدی هاچان دشمن ایاقلاندیم یری وار جدیمین((وافی)) سالا   نسگللرین  یاده دیوب   ایوای  حسین  دایم گله  شوریله فریاده او غم یاددان چخا مشکل چه دنیاده چه عقباده که من اوز  چکدیقیم غمدن اونون  محنتلرین قاندیم ** مرحوم وافی تبریزی برچسب‌ها: محمدتقی ولادی وافی

ﺍﮔﺮ ﺩﺭ ﭘﺎے ﮔﻠﻬـﺎ ﻫﻤﭽــﻮ ﺧﺎﺭﻡ ﺍﮔﺮ سـرمایہ ﺍے ﺑﺮ ڪﻒ ﻧﺪﺍﺭﻡ ﺧﻮﺷﻢ ﺍﺯ ﺭﻭے ﺍﺧﻠﺎﺹ ﻭ ﺍﺭﺍﺩٺ امیرالمُؤمِنیـنْ ﺭﺍ ﺩﻭﺳٺـ ﺩﺍﺭﻡ #یکشنبه_های_علوی_فاطمی💚

دزدی فقط این نیست که از دیوار مردم بالا بریم تو اگه دروغ بگی صداقت رو دزدیدی اگه بدی کنی خوبی رو دزدیدی اگه تهمت بزنی آبرو رو دزدیدی اگه خیانت کنی عشق رو دزدیدی و در کل میشه گفت انسـانیت رو دزدیدی

دعای آخر شب شکر گزاری خدا به زبان ترکی ای نمتین عالم لره ارزان ائدن الله                   ای چاره سیز انسانلاری درمان ائدن الله ائتمه شرمنده بیزی بنده لرین شاد ائدن الله           ای خطا کارلرون جرمینی پنهان ائدن الله ای کی رحمت لرینی عالمه احسان ائده ن الله       بیزی مایوس ایلمه ، غصه دن آزاد ائدن الله  ای عالمی ایجاد ائدوب آباد ائدن الله                  ای بنده لرین غصه دن آزاد ائدن الله بیزی محتاج ایلمه بنده سینی شاد ائدن الله <<<<<>>>>>  بار الها ای کی یئر گویلری هئچ دن یارادان      مهربان سان بویوک الله آتادان هم آنادان ائتمه شرمنده خدایا آتانی سن بالادان               منیم امید و پناهیم سنه ای  غافر و قاهر محتاج ایلمه بیزلری سن زینبه خاطر              بارالها ای کی تپراقیدن انسان یارادان ای بویوک داغلاری داشدان یارادان              ای بوتون قلب لره عشقیله الفت یارادان ای کی احسان ایلین لطفیله نعمت هاوادان        گئت سون عالمده خدا جرمو جنایت آرادان قویما عالمده گئده دین ایله حرمت آرادان <<<<>>>>>  ای عالمی ایجاد ایلین عادل و قادر عفو ایله خدایا بیزی پیغمبره خاطیر ای قادر بخشنده و فاضل ،قیترمه قاپوننان بیزی پیغمبره خاطیر ای فاضل و بخشنده و صابر،امداد ایله یارب بیزه سن حیدره خاطیر ای ناجی بخشنده و غافر،محتاج ایلمه بیزلری سن زینبه خاطیر بارالها بیزی بیر لحظه ده سن قویمیاسان اوز باشینا آند وئروک سنی یارب بو آخان گوز یاشینا <<<>>>>  ائتمه انسانلار ایچینده بیزی باشی اشاغی              یئر به یئر ایله روک الله نظرون اولسا داغی ای عالمون اللهی، محشر گونینون شاهی               ای عادل بخشنده،ائتمه بیزی شرمنده ای خالق ارزنده،کُرنِش لره زیبنده                      بیز عاصی و شرمنده،سن قادر و بخشنده  🤲🤲🤲🤲🤲🤲🤲 . شعر دعا از آقای حیدر عبدالرحیمی نیاری گئجوز خیر اولسون عزیز دوسلار🖤

♻️یاحسین (ع) خال زیبایه نجه حاشیه لب یاراشور بو حسینه باجی لیق اتماقا زینب یاراشور یاحسین اللریوه پرچم محشر یاراشور او گوزل لبلریوه ساغر کوثر یاراشور دیمیرم قوی ایاقون گوزلریمون اوسته حسین او ایاقلاره آقا دوش پیمبر یاراشور گلسه جبریل امین درگهیوه فخر ایلسون ایاقون آلتونا باش قویماغا اکبر یاراشور نه رواشمر قویا سینوین اوسته ایاغون او گوزل سینیه والله علی اصغر یاراشور من نیم من نئچه یم آدیما نوکر دیئلر سن کیمی شاهه ابالفضل کیمی نوکر یاراشور التماس دعا

ورود مدینه زبانحال امام سجاد (ع) . #سبک_ای_حرمینه_ناز_ایدن … سبک_واردی_باشیمدا_یا_حسین ….سبک_عطری_گلور_محرمون و … . هدایتی تبریزی . اهل مدینه خسته دور ، روح و روانیمیز بیزیم کرب و بلاده دوغرانوب ، پیر و جوانیمیز بیزیم . . بیر آغیر امتحان وئریب آه و فغانه گلمیشوق یثربه قانلی بیر علم الده نشانه گلمیشوق مین غمه مبتلا ائدیب دور زمانه گلمیشوق وار یئری دائما آخا اشک روانیمیز بیزیم . . اهل شقاوت ایلدی حرمت حقّی پایمال دوغرادی حق طلب لری فرقهء گمره و ضلال بیر ستم ائتدیلر بیزه درک ایده حاش اونی خیال عرشه اوجالدی ناله و آه و فغانیمیز بیزیم . . اجر پیمبری بیزه تیغله وئردی کوفیان مسلخ عشق ده قانا باتدی قوجا ، اوشاخ ، جوان اوچ پر اوخا بوغازنی اصغرین ائتدیلر نشان قانی افق دا حشره تک قالدی نشانیمیز بیزیم . . رهبریمیز شهید اولوب قالدی قوم اوسته پیکری باشی ورولدو نیزیه غارت اولوب حرم لری قطعه به قطعه ایلدی اهل جفا او سروری درک ایلینده پیکرین گئتدی توانیمیز بیزیم . . سولدو نبیّ اکرمین کرب و بلاده گلشنی تیر و حسام و نیزه لر یاردی صفالی سینه نی اوغلو اولن آنالارین آرتدی فغان و شیونی گوزیاشی اولدو آخدی هی قلبده قانیمیز بیزیم . . شانی اوجیدی باشلارین نیزیه اولدولار سوار سیره چخیب جلالیله شهرلری دولاندیلار خوار اولا چرخ سفله نی آل پیمبر اولدو خوار غصّه دن اولدو دار قفس سفله جهانیمیز بیزیم . . آل رسولی آتش ظلموله ناره چکدیلر اهل شرر ملک سیر قومی شراره چکدیلر بزم شرابه چکدیلر بزم قماره چکدیلر حرمتمیز ایاقلانوب قالمادی شانیمیز بیزیم . . کیم بو غمه دوام ائدر دوغرانا اوغلو قارداشی کیمدی گوره عزیزنین نیزیه نصب اولوب باشی کیمدی دوام ائده دگه سینیه مین بلا داشی صبر ایلدوخ ولی یانیر ناریله جانیمیز بیزیم . . مین آغیر امتحان وئریب مین محنه دایانمیشوق مین یانار اود دوشوب جانا نار جفایه یانمیشوق سلسله ده یانا یانا شهرلری دولانمیشوق ایل گئچیب هر دقیقه و لحظه و آنیمیز بیزیم . . آل امیّه فاش ائدیب کینه سینی پیمبره کنج خرابه اولدو یئر عترت پاک حیدره منظری دوخ باخانلارا چوخ چتین اولدو منظره دل یاراسی وراردی چوخ جمله باخانیمیز بیزیم . . بارش رنج و درد دن بیر دم اماندا قالمادوق طعنه ورانلارین سوزون یاره لی قلبه آلمادوق باشی اوجیدوخ عشقده باشی اشاقه سالمادوق خوار و خفیف اولوب اوزی طعنه ورانیمیز بیزیم . . هر نه قدر جفا گوروب بیز او قدر اوجالمیشوق منطق حق شعار اولوب ولوله دهره سالمیشوق محنت دهره تاب ائدیب غصّه یئییب قوجالمیشوق مخلص اولوب خرابه نین کنجی مکانیمیز بیزیم

زبانحال حضرت سکینه (سلام الله) به راس حضرت  علی اکبر (علیه السلام)  مرحوم رمزی تبریزی محبت عالمین گورجاق اوزون پروانه یاندوردی منیم تک یانمادی پروانه اوز عشقینده یان دوردی   منیم دردیم بو عالمده اگر چه عالم عالم دور علی اکبر سنون دردین منی جاندان اوساندوردی یاناندا خیملر پروانه تک ناره یانوب جسمیم کمال عشقیمی خلقه بو یانماقلوق ایناندوردی   گوگل قان اولماقین سالدی یوزه اخر گوزوم یاشی او گوندن تیغ منقذ دن قرا زلفونده قان دوردی یقین الم یزیدین مجلسینده زهره چاک اولام یزیدی گر گورم تخت استه الده خیرزرا ن دوردی   بیزی قارداش نه یاخشی ساخلادون اهل شماتتدن باشین گورجاق گلن دوردی گیدن دوردی باخان دوردی گوزوم یاشی توکولدوقجا گل الود اولدی صحرالر منیم اه و فغانیم ناقه نی قارداش دایاندوردی دوشنده ناقه دن من قافله سالاری سسلندیم قالوب رفتاریدن ناقه آغور لاشدی سنان دوردی دالیمجا گوندروب زجربن قیسی اول زمان اما دوشوبدور ناقه دن زینب ایدوب قدین کمان دوردی منیم یوخدور طناب شمردن پروا سنون زلفین سالوب بازار شامه شامه تک قارداش دولاندوردی دوشن لیلائیله مجنون کیمی صحرایه بلمزدیم منی ارشاد ایدن با شین اولوب رمزیله یاندوردی

▪️زبانحال حضرت ام البنین(س) 🎤#بانوای_حاج_علی_سیفی_افشار 🕌مسجد امام حسین(ع)ارومیه ۱۴۹۳/۶/۱۵ ▪️زبانحال ام البنین(س) ای مدینه عورتلری گلون گلمیوب منیم قهرمان بالام اوغلوما اولا گوزلریم فدا گلمیوب منیم پهلوان بالام سینه داغلارام من قاره باغلارام من ______________________ #اوخشاما کاروانیم یولدا لنگ اولدی حجازه گلمدی جانمازآچدیم ولی اوغلوم نمازه گلمدی الله الله دورداوغولدان بیرجنازه گلمدی ای مدینه عیبی یوخ اخبار غم بسدور منه من جنازه نیلورم قانلی علم بسدورمنه _________________

#اوخشاما یاخشینون یادی قالار آغیزدا دادی قالار انسانلار ئولر گئدر یاخشی پیس آدی قالار عمروموز یئتدی باشا آیناسی دَیدی داشا دنیانون سوزو بودو آز یاشا آزاد یاشا چکدیلر دارا اوستن اَنمیشم هارا اوستن هر گلن ووردی منی یارام وار یارا اوستن بئلیمدن فلک ووردی قیدیمی ملک ووردی من یارا ، جانیم دئدیم یار منه کلک ووردی عباسی معروفان اهری

احوالات خانم ام البنین(س) ✏️مهدی شفائی بوحالیمه بیلورسن بقیعده داغ داش آغلار ام البنینم آلله قوشلاردا قان یاش آغلار عونیله جعفرآغلار قولسوز اباالفضل اغلار یئرده قالا جنازم جداده کی باش اغلار اللرئورکده قالدیم آدیم دیللرده قالدی قلبیم یارالی گوزده اوزون اللرده قالدی دورد اوغلوما دیین یوخ بیریاس آدامسیز اولماز مصیبت ئوز وئرنده هیچ ناس آدامسیز اولماز غمدیده مادرم من مدینه ده کسیم یوخ یاس دوتماقا بیلورسن عباس آدامسیر اولماز اوغولسیزام بونسگل قلبیمده اولدی بی اوخ حسرت چکن آنیام فریاده هیچ گلن یوخ گول تک سارالمشام من آخان یوزومده یاشدی جان اوستیم اباالفضل غمیم گل حددن آشدی رخت جدایی گیدیم قران تلاوت ائت سن پیمانه ی اجلده تئز گل دولوبدی داشدی گل هارداسان اباالفضل نفس شماره دوشدی عبداللهه الده پرچم گوزیاشلی قاره سالدی قلبیم غمیله قاندی محرم بو رازه گلمز سجاده آچدیم ای داد هیچ کیم نمازه گلمز ئولسم اوغولسیزام من کیم دفن ائدر بو زاری علت ندور که اوغلوم شهر حجازه گلمز بو حاله بلبل آغلار ویرانه باغلار آغلار سن گلمسون آنوندا هی سینه داغلارآغلار ئوزون بیلورسن اوغلوم حسینه نوکر اوغلوم ماتم دوتوب وجودیم غمدور سراسر اوغلوم تابوتیمی گوتور مک بدنده جوت قول ایستر قولون که یوخ گتور سن قاسمله اکبراوغلوم گلن دادیمه گلن یوخ غنلر سیخوب اباالفضل اوغلون بهانه ایلور ائویم یخوب اباالفضل

در احوالات حضرت امام حسن عسکری (ع)و گریز به غارت خیام گوزومده غم گتیرور موجه اشک دریاسین دین   زمان   حسن  عسکری  قضایاسین اولیدی کاش  بو   معموره  روزگار   خراب ایدنده   معتمد  دون   جفایه    فتح  الباب ایدوب   امام   زمانین   آتاسینی   مسموم او زهریله  حسن عسکری اولوب  بی تاب موثر    اولدی   ز  بسکه    امامه  زهر  جفا دوتوبدی رعشه وجود شریفی چون  سیماب گیچنده سال قمردن ایکی یوز آتمش ایل اولوبدی  جدینه  ملحق   وصی ختم   مآب ربیع  الاول  آیی ,  روز  جمعه ، هشتم  ماه بو شاه  دینون  اولوبدی منامی تیره  تراب بیله روایت  ایدور اول شهین غلامی عقید که مندن ایستدی سو اول سلاله  الاطیاب حضورینه   او  شهین آب  مصطکی گتدیم ولیک  رعشه  امان  ویرمیوب  اولا سیراب قویوب یره دیدی سو ویر ایدوم  وضو  تجدید امام   عصر   النده   گتوردی  کاسه ی آب زمان صبحیدی  ایتدی  وضوسینی تجدید نماز   صبحی  ادا   ایتدی   پور   ام  کتاب دوباره  آلدی   اله  آب  مصطکی ایچسون یتوردی   لبلرینه   خسرو   سپهر     غباب ایدوبدی رعشه الی،دگدی کاسه دیشلرینه صعوبتیله ایچوب سو  شفیع  یوم  حساب عطش  حرارتینی سوندوروب تمام  اولدی بوشرح غم گینه الدن آپاردی طاقت وتاب حسینه اولمادی بیر کیمسه بیر ایچیم سو ویره دیه یارالیدی، قلبین عطش ایدوبدی کباب بیله روایت  ایدور  بو   سوزی   ابوالادیان اونون   دلینجه  ایدوب   ثبت  معتبر کتاب دیر امام  حسن  یعنی اون بیریمجی امام منی حضوره چاقوردی بو نوعی ایتدی خطاب واریمدی   بیر  نئچه نامه  آپار مداینه سن اوتوز گونون  اولی نصفی سنه ایاب و ذهاب گلنده  شهره  گوررسن   قیامت  عالمیدور ایدوبدی چاک گریبان تمام شیخیله شاب دولوب    فغان  و   نوائیله   شهر    شامره او دمده  داعی حقی  بول ایتموشم ایجاب دیدیم  آتام  سنه   قربان خدا  نکرده  اگر بو ایش اولا، سنه کیمدی وصی، ویردی جواب او کس که ایستیه سندن جواب  نامه لری امام  مفترض  الطاعه دور  او عرش جناب دیدیم بیر آیری علامت بویور، دیدی هرکیم قیلا  نمازیمی  بولسون  امام  اونی  احباب دیدیم بیر اوزگه علامت،دیدی که همیاندا ویره  او کس که  مطلائیله   طلایه  نصاب خیال ایتدیم  ایدم عرش  هانسی بیر همیان دوتوب  وجودیمی رعب  امام  و بیم عتاب مرخص  اولدوم  امام   هدی  حضوریندن گیدوب   مداینه   قیلدیم مراجعتده  شتاب منیم مسافرتیم  جمله چکدی اون بش گون یتنده شهره نه گوردوم جهان اولیدی خراب فغان   و   شیونیله   سر من  رآی  دولودور ملال بحریدی مردم او بحر ایچینده حباب امام رحلت  ایدوب صحنیده ویرولر غسل انا الامام     دیور     خلقه    جعفر    کذاب دیدیم من اوز اوزیمه بو امام هاردان اولور و حال  آنکه  قمار بازیدی ایچردی شراب عقید گلدی   دیدی   ایتدیلر   امامه   کفن نماز  قیل دوزولوبدور صفه  تمام  اصحاب نمازه   جعفر      کذاب    ایلینده     شروع حقیقتین گونی  یوزدن کناره چکدی  سحاب طلوع    ایلدی    دولت    سرای     والادن صغیر     سنیله     بیر     آفتاب    عالمتاب جبین گشاده  و  دندان گشاده ، گندمگون جمالی گون کیمی طالعدی، زلفی پرخم و تاب گلوب   وقاریله  دوتدی  عباسینون  اتگین بویوردی جعفره   یا عم ایتمه  بیله  شتاب آتام     نمازینی   قیلماقلیقا    من    اولایم چکیل کناره، او  بی شرم او طفله اولدی مجاب نمازی    قیلدی   همان   سید  جلیل  القدر امامی قبره قویوب قلب پاکی اولدی  مصاب دونوب  بویوردی منه ویر جواب  نامه لری اوطفله رد ایلدیم، غائب اولدی اول مهتاب دیدیم  من  اوز اوزیمه  بو ایکی علامتیدی منه گیدنده بویورموشدی شاه  ذوالانساب او گیر  و داریده  بیر دسته  اهل  قم گلدی امام    موتینی   بولدی   او   باوفا    احباب سوال ایتدیله کیمدور وصی، دیدی  حضار امام   قارداشی  جعفر اولوب  امام  صواب گلوبله    جعفر    کذابه    تهنیت     دیدیلر سواله   ایتدیله    بو  دللریله   فتح    الباب بویور گوراخ سنه کیمدن گتیرمیشوخ نامه نئچه ویروبله بیزه ایله  امره کشف حجاب دوروبدی   جعفر    ایاقه   تغیریله   دیدی مگر    امام    بولر   غیبی  یا   اولوالالباب؟ غلام  حضرت حجت   چخوب  او ساعتده ایدوب امام  زمان قولیجه او جمعه خطاب ویروبدی  نامه لری  سیزلره  فلان و فلان منه   آچوبدی  خدا   علم   غیبیدن   ابواب امام   مالیدی، واردور  یانوزدا   بیر  همیان مین اشرفی وار ایچینده به سان در خوشاب ولی   او کیسه ده   اون   اشرفی  مطلادور خیال ایدوبدیله من  بولمرم چکوبله  نقاب او جمع سویلدی هر کیم  که گوندروبدی سنی اودور   امام   زمان   بیزلره   ملیک   رقاب گیدوب خلیفیه جعفر بو وضعی ویردی خبر ایدوب   خلیفه نی   بو   ماجرائیله    اعتاب خلیفه   امر   ایلدی  حجت  اللهی  دوتالار او  دودمانه  هجوم  آور  اولدی اهل عذاب