#بِسمِ_الله_الرَّحمنِ_الرَّحیم #احوالات_خانم_حضرت_اُمَّ_البَنین_س من  اُمّ  بَنینَم  غمیم   عالم  لری  داغلار دنیا  نَقَدَر   وار    منیم   احوالیمه آغلار سایسان  نَقَدَر  دهریده  گَلمَز  سانا  دردیم دنیا   غمی  بیر  یانه  منیم بیر  یانا دردیم قویدوم من اوگوندن کی قدم جاده ی عشقه ال  ووردوم  او گوندن کی بئله باده ی عشقه خدمت   ایلدیم   من  نئچه  شهزاده ی عشقه فخریله   کنیز   اولدوم   او   گوندن  حَسَنِینه بیر  عُلقه ی   مخصوص  ولی  تاپدیم  حسینه زهرا   ائوینون  اولموشام    عزتلی  کنیزی هر    چند   کنیزم   ولی   عالَم لر    عزیزی افسوس اُولادرک ائتمدیم اُول ماه حجیزی فریاد   بو     چرخ     فلکین   داد   الیندن هئچ قویمادی بیر لحظه اولام شاد الیندن تا اسدی خزان گلشنیمون گل لری سولدی غم  باده سی جامِ  دلِ  ناشادیمه  دولدی دنیاده  غم  و  محنت و ماتم منیم اولدی آهیم اوجالوب  عرش  خداونده  دایاندی یاندیم  ولی  دشمنلریم  احوالیمه  یاندی ییخدی  ائویمی چرخ فلک  کرب وبلاده دورت سروقد اوغلوم واریدی باغ وفاده هر تک  تکی بیر شیر کیمی محکم  اراده عشقیله گئدوب مقصدومنظوره چاتوبلار ایوای منه کی تشنه سوسوز قانه باتوبلار هر دوردی سراپا شرف و غیرت و ایثار دعوا گونی هر تک تکی بیر  حیدرِ کرار پرچم گوتورن وقتیده چون جعفر طیّار ایمان  و  دیانت  لرین  ایلوبدولر  اثبات ایثار و شجاعت لرینه عالم اولوب مات گلشنده   گلِ   یاس  منیم  یاسیمه آغلار احساسی اولانلار منیم  احساسیمه آغلار هر عاشق اولان کس منیم عباسیمه آغلار عباس    نه   عباس   هامی   غیرته   دارا زینب  دیوری  آلدی  سویی  ایچمدی   اما عباس نه عباس کی خلق ایچره سئچیلدی بیر  سرو  کیمی  قامت  رعناسی بیچیلدی از بس کی دَیوب یاره اوجا قدّی کیچیلدی شام اهلی جفادن دئمه بیر لحظه دویوبلار گویا   بالامی  بیر  بالاجا   قبره   قویوبلار ایوای    منیم   حالیمه ،   احوالیمه   ایوای بطلان   چکیلوب    دفتر    آمالیمه   ایوای غم  تیری  دَیوبدور  بو  پر و  بالیمه  ایوای عباسیمون   احوالی   منی   خونجگر   ایلر دنیایه   منیم   آغلاماغیم   چوخ   اثر  ایلر عمروم یتوب اتمامه  گوزوم یولدا قالوبدی درد و  غمِ  هجران  دلیمی  درده  سالوبدی آخر  نفسیم  دور  گویه  آهیم   اوجالوبدی ای   باد   صبا   کرب   و   بلایه   گذر   ایله احوالیمی    عباسیمه     باری    خبر    ایله سویله   آناوین  یاسینه  گل سینه  وی داغلا یوخ   آغلیانیم   سون  نفسیمده    منه   آغلا یولاردا   قالان  گوزلریمی  لطف  ایله    باغلا هر چند  کی گوز  باغلاماغا  اَل گَرَک اُولسون ایوای منه  یوخدور اَلون عباس آنان ئولسون من   شمع   وفانین  بالا  پروانه سی اولدوم وصلین نچه  مدتدی کی مستانه سی اولدوم درد و  مُحَنین  دهریده  هم خانه سی اولدوم بیر  کیمسه   منیم  حالِ    پریشانیمی  بیلمز گوزیاشمی سندن صورابیرکیمسه سی سیلمز چوخلار خانم  ایلوبدی  سیزه ذکر مصیبت یئتمز  باشا گر  اهل قلم   یازسا  بو  محنت "دلجو" ده بو طرزیله سیزه ایلوری خدمت عباسیوه  خاطر   الی   بوش  ایلمه  سنده سال سایه ی لطفون  باشیما  حشره  گلنده ای  چرخ   وفانین   مهِ   تابانی   اباالفضل حیرتده قویان جودی  مسیحانی اباالفضل باخ بیر منه سن بول آناوین جانی اباالفضل حاجت  الیمی آچمیشام ای  ساقی عطشان سندن  آقا جان  ایستیورم  دردیمه  درمان #دلجو #حضرت_اُمُّ_البَنین_س #مخمس #دلجو

بسم الله الرحمن الرحیم #احوالات_خانم_حضرت_ام_البَنین_س #گریه_کردن_بانو_در_قبرستان_بقیع آخور عذاریمه یاش دیده آبشاریندن خزانین  عطری گلور عمر نوبهاریندن خیالی وار قلمین بیر غمی ائده تشریح عنایت اولسا اگر حیِّ کردگاریندن عجیبه منظره لر دیده ی دله گورونور قرار  دل   آپارور   قلب بی قراریندن مدینه ده دولانور مرغ دل خیالیله یانوبدی بال و پری محنتین شراریندن توسل  ایلییب  عباس  نامداره، او دور دوزَر نظامه، سوزی چیخماز اختیاریندن آناسی  اُمِّ  بنی نین یازار  مصائبینی اجازه اولسا او درد و اَلَم دچاریندن ائدردی دُورد اوغولون آدین ازبر آغلاردی آخاردی اشکی یوزه  چشم  دُر نثاریندن بقیع نی مسکن ائدردی گونوزلری اوزونه دوتاردی  عالمی غم، اوج   آه  و  زاریندن ائدردی گوزیاشی غربال دیده دن جاری بو بیر خبر دی اونون حال ناگواریندن بئله یازوبدی سوزی منشی غم و محنت گیچوردی بیر گونی مروان بقیع کناریندن نه گوردی بیر خانمون آغلاماخ سسی گلوری سالوب جهانه شرر سوز پر شراریندن ائله سیزیلدوری گویا شکسته نی سسیدور عیان دی غصه لری آه بی شماریندن یانا یانا دییر هر دم او غمکش دوران خبر یوخوندی اوغول حال غمگساریندن گیجه گونوز یانورام شمع تک وجودیم ارور غمون آلوبدی توانا بو دل فکاریندن ائشیتمشم کی سو اوسته قیامت اولدی سنه نلر چکوبسن اوغول چرخ دون فشاریندن ائشیتمشم کی خجالت ائدوب سنی دشمن اوزاخ دوشوبسن اودورشاهیوین جواریندن دایاندی گیتمه دی بیر آن او خصم آل علی دئدی او کیمدی یاخور قلبی استناریندن دئدیله حضرت عباس آناسی اُمِّ بنین غبار غم اَلَنور قلبِ داغداریندن ائشیتدی تا کی ابوالفضل آدین او کان جفا آخوبدی گوزیاشی ،جاری اولوب عذاریندن دئدی جهانه ائله  بیر  اوغول  گله حاشا قالوبدی دل ده آدی صولت و وقاریندن وار حقی اُمِّ ببینین بو نوعی آغلاماقا وار حقی چیخسا اگر حدِّ اِصطباریندن کیمین کی ئولسه ابوالفضل تک رشیداوغلی شکایت ایله سه باجادی روزگاریندن داخی تمام ایله بو ماجرانی سن "دلجو" قلم ده یوخدی توانا چیخار مداریندن #دلجو #حالات_حضرت_ام_البنین_س