سینه زنی حضرت علی اصغر علیه السلام
الیمین اوستونده بالام قانه باتدی
گل آل مندن زینب سوسوز طرلانی
بویانوبدور قانه گویرچینلر مثلی
ربابون ششماهه گوزل جیرانی
آناسیندان آلدیم آپاردیم میدانه
دیدم آی انسانلار بالام عطشاندی
گوله بنزر اوغلوم سارالوبدی رنگی
سوسوزدی اوچ گوندی عطشدن یاندی
سوزومی آغزیمدا سه پر پیکان قویدی
بوغازیندن دگدی آیوردی باشین
ایله بیلدیم زینب، ابوالفضلین بیرده
منیم ئوز یانیمده گوزی اوخلاندی
قوجاقیمدا باشین اول دوتدوم آرام
صورا محکم اوخدان یاپیشدیم زینب
بوغازیندان چکدیم سه شعبه پیکانی
یاراسیندان ئوپدوم آلیشدیم زینب
گوزین آچدی گولدی دیدی غمگین اولما
سنه قربان بابا یارالی اوغلون
ایله بیل کوسموشدی ربابین جیرانی
دوداقیندن ئوپدوم باریشدیم زینب
بو غمی داشلاردا یازاردیم صحراده
الیمده میداندا قلم اولسیدی
الیمون اوستوندن آلاردی زینب جان
بو اوخلی قربانی ننم اولسیدی
گزورم آواره ئولوبدی قارداشیم
گولور دشمن نیلوم علاجیم یوخدی
بو چتین ساعتده منی تک قویمازدی
اگر الان صاحب علم اولسیدی
ایله کی گوز یومدی دیدیم لای لای اوغلوم
باجون گوزلور الان یوبانسون آغلار
یارووی آهسته آچار باشدان معجر
دیر لای لای اصغر رقیه ام باغلار
ئورگیمدن اما دگوبدی بیر یاره
تاپولماز درمانی یارام باغلانماز
بو یارالی قلبین باجیم محمل لرده
دییر یاندیم قارداش عزاسین ساخلار
#الیمین_اوستونده_بالام_قانه_باتدی
#اصغریه
#غفاری
فایل صوتی👇👇👇
بانوای استاد حاج سیدمحمد عاملی اردبیلی
بانوای مرحوم استاد حاج محمد باقرمنصوری اردبیلی
