زبانحال مولانا امیرالمومنین علیه السلام
در کناربستر زهرای مرضیه سلام ا... علیها
(باشدان هله سو فکرین آت)
ای حیدره یار و یاور/یوردی سنی درد و غملر
آسوده یاتیبسان زهرا/باخ گور نجه تکدی حیدر
عم اوغلووی گوزوندن آتما
اذان وقتی یاخیندی یاتما
گوزومده اشکی قانه قاتما
یارا لیسان یارالی زهرا
دشمنلر ایدوبدی رنجور/بو قلبیمه سن آز اوت وور
جسمون اَریدی ظلمیله/ای شمع عزاخانه م دور
حلال ایله خجالتم من
یوروب سنی جفای دشمن
او کوچه ده سنی دویندن
یارا لیسان یارالی زهرا
ای معنی عشق و ایمان/ای زلفونی غم آغاردان
هی سسلیورم دینمورسن/سس ویر سسیمه زهرا جان
زهرا نظر قیل راه و رسمه
گَل رشته ی امیدی کسمه
گیتماقه زهرا جان تلسمه
یارا لیسان یارالی زهرا
ای نور دو عینیم زهرا/آغلور حَسنینیم زهرا
تک قویما منی گل گیتمه/سندن صورا نینیم زهرا
یاتما یارالیسان عزیزیم
قورا بالالیسان عزیزیم
باشی بلالیسان عزیزیم
یارا لیسان یارالی زهرا
رحلت ایلیندن طاها/حشر اولدی ایویمده برپا
ثانی ووروب اوت یاندیردی/گلزاریمیزی بی پروا
توکولدی آشیانه اعدا
دویولموسن ایونده زهرا
دوزلمییب سینان قابیرقا
یارا لیسان یارالی زهرا
ای سرو شکسته قامت/ای معدن حُجب و عفّت
باخ گوز یاشیما هجرونده/گورنه ایدوری قیامت
مدینه ده (بیکَسدی) حیدر
سنی نقدری ایندی سسلر
سس ویرموسن ای ماه انور
یارا لیسان یارالی زهرا
#ای_حیدره_یار_و_یاور
#حضرت_زهرا_س
#حضرت_امیر_بر_بالین_حضرت_زهرا_س
#مناجات
#واحد
#شاخسی
#تک
#فاطمیه
التماس دعای فرج
