#حضرت_علی_اکبر_ع بحر مصیبته گنه طوفان گتورموشم بزم عزایه ناله و افغان گتورموشم پیشوازه گوز یاشیله خریدارلر گلون مصر بلایه یوسف کنعان گتورموشم چخسون قباقه زینب خونین جگر دیون بیر نوجوانی قانینه غلطان گتورموشم یوز قانلو چهره قانلو دولوب آغزی قانیله باشدان ایاقه قانیله الوان گتورموشم هرگز سکینه گلمه ‌سه آتدان دوشورمرم گل پیکرین چو شاخۀ مرجان گتورموشم اولسون خبر جوانی ئولن بینوالره یاس دوتماقا بهانۀ افغان گتورموشم یوخ سینه سینده صاف یری چوخدور یارالاری آماج زخم نیزه و پیکان گتورموشم یوخ طاقتیم گلون دوشورون اوغلوم اینجیوب امّتلره ویروب اونی قربان گتورموشم گوزیاشیزی یارالارینون قانینه سپون لب تشنه جان ویروب لبی عطشان گتورموشم حسرت گوزونی باغلامیون قانیله دولوب باخسون دویونجا هر یانا حیران گتورموشم گوز باغلیاندا لازمه ‌دور غسلیله کفن گویا اولوبدی غسلی قزلقان گتورموشم بیمار قارداشین چاغیرون بیرجه یانینه گلسون تلاوت ایتماقا قرآن گتورموشم واردی باشی بدنده چکون شانه زلفینه تا اولماسون جداده پریشان گتورموشم شام اهلینه چخاندا تماشایه سویلیون بدر منیر و مهر درخشان گتورموشم گلزار حسنه ویرماقا زینت بکائیلن بیر پر شکسته «قمری» نالان گتورموشم https://eitaa.com/kobradsg

بسم الله الرحمن الرحیم #السلام_علیک_یا_اهل_بیت_النبوه #یوسف_عشق #اندر_مصائب_راه_شام سن  ایله  نوک جداده  عشقیله  ماءوا اوغول منده مجنون تک اولوم آواره ی صحرا اوغول آچ  گوزون بیر آن نولور بی خانمان لیلایه باخ چوخدی دردیم، آند وئرَّم من آنان  زهرایه،باخ گوزلریم  قربان اُولا اُول  دیده ی شهلایه، باخ آز منی  یاندیر  بو  غمده ای مَلَک سیما اوغول   چیخموسان  سیره  سرِ  سرنيزه  ده  اجلالیله من ده باشون آردیجا محزون، پریشان حالیله رهسپاروخ  شامه  روز  و  شب  بئله  منوالیله ایلروخ  طی  منازل  همره   و   همپا   اوغول آسمانِ  عمرومه  سن  بیر  ایشیقلی  ماه  سن یوسفیم  سن  نیزه  باشینده  اسیرِ  چاه  سن پیر   کنعانم   سنه  محتاج،  اوزون  آگاه سن بیر نگاهونله  اولار  بو گوزلریم  بینا  اوغول رنجِ   راهه   ائتمرم   اصلا   بو   یولارادا   گِله گلمرم   بیر   ذره   بو   غمدن  منِ   شیدا   دِله نیزه   دارون   آچمیا    ایکاش    آرادا   فاصله ائتمیه  بو  دیده  ی  خونباریمی   دریا  اوغول یثربی  ترک   ایلیَن  گوندن  منِ  زار  و  نزار سن دولاندون باشیمه یولاردا هی پروانه وار نیلییم قول  باغلی ام یوخدور الیمده اختیار ایلیَم  جبران  سنون زحمتلرون حتی' اوغول حبَّذا   اقبالیوه   اولدون   فدایِ  راهِ   عشق شوقِ وصل یار باشدا،  مستِ قربانگاه عشق ایلیوب همره اوزیله  چونکه شاهنشاهِ عشق باشیمی عرشه اوجاتدون ای ملک سیما اوغول زلفِ پر چینونده تِل تِل، تِل لره  دل  باغلانوب قلب   لیلادور  بئله   زلفونده  حایل  باغلانوب قید حسرت دور یانان دل ده حمایل باغلانوب آچمارام بو قیدی دل دن تا کی وار دنیا اوغول سن وفا  صیادی سن منده  غمِ عشقه اسیر عشقون  ایلوبدی  منِ بی خانمانی  دستگیر مین زلیخانی سنون عشقون ائدرعالمده پیر مرحبا نقاشیوه نقشون چکوب زیبا اوغول قلبمون قانین قاتیب گوزیاشیمه قان آغلارام آغلارام  بو غمده  فریاد  ایلرم  دل  داغلارام اولسا امکانیم آلوب باشون یاراسین باغلارام نیلییم وئرمور باشون بو فرقه ی اعدا اوغول وئرسه لر باشون  اگر سیللَم جمالون  قانینی بلکه  آرام  ایلیه بیر  آن   گویول  طوفانینی بو  دلِ غمدیده  مین  شاید  تاپام  درمانینی دردیمون درمانیدور اُول دیده ی شهلااوغول بو زبانحالی "دلجو" یازمیسان چوخ ساده وار سعی  ایله  بو  آستان  دان  دهریده اولما کنار روز و شب یاز نوحه وی بو نعمته قیل افتخار عزت  دنیا و  عقبی'  دور   سنه   تنها   اوغول #راه_شام #حضرت_علی_اکبر_ع #دلجو

ولادت حضرت علی اکبر ع قدم قویدی بو گون دنیایه اکبر وئروب شور وصفا بطحایه اکبر نه اکبر که شبیه مصطفادی نه اکبر که عزیز مرتضادی حسینه درگه حقدن عطادی نشان دیر اکبر اعلایه اکبر علی جانم علی جانم علی جان آچیب بیر غنچه گل باغ وفاده که یوخ همتاسی بو دار فناده ملاحت وار نقدری بیر بالاده سالیب لیلالری صحرایه اکبر علی جانم علی جانم علی جان جمالی آیت حسن ازلدی گوزللردن جمالی چوخ گوزلدی رسول خاتمه ضرب المثلدی یوزوندن بنذوری طاهایه اکبر علی جانم علی جانم علی جان وئریب الله خانم لیلایه بیر پای جمالی جلوه ائیلیور گوزده چون آی دئیور هردم اونا شوقیله لایلای بزک دور گلشن زهرایه اکبر علی جانم علی جانم علی جان گوز آچدی گوللنیب عشقین بهاری گوزل دیر اعتدال و اقتداری گلیب اولسون حسنینون غمگساری کمک دیر تشنه لب مولایه اکبر علی جانم علی جانم علی جان #حضرت_علی_اکبر_ع #شعبان #محمد_هوشمند #مدهوش

#ولادت_شاهزاده_اعظم #حضرت_علی_اکبر_ع عالمه   دردانه ی  حیدر  گلور لیلیه بیر سویمه لی دلبر  گلور شمسیدی  بو یا مه   انور  گلور حیدر  و  پیغمبره   مظهر  گلور حیدریان   حیدرِ    دیگر    گلور مژده وئرون  دل لره  دلبر گلور بئله   ندا    گوشه   مکرر   گلور جانِ  حسین دور علی اکبر گلور                      اکبر   نه  اکبر    شبهِ     پیمبر                      زیبا   جمالی       طاهایه بنذر کرب  و   شاهینه   یاور   گلور رزم  گهِ  عشقه   هنرور    گلور عترت   پیغمبره   مفخر   گلور خلقت صورت گره جوهر گلور وه صدف حُسنوده گوهر گلور گورماقینا  جمله  ملک لر  گلور بئله   ندا    گوشه   مکرر   گلور جانِ  حسین دور علی اکبر گلور                        اکبر   نه  اکبر    شبهِ     پیمبر                        زیبا   جمالی       طاهایه بنذر باغ   ولایه   نه  گوزل  بر گلور یوسف  کنعانه  ده  سرور  گلور مین اولا یوسف اولارا  سر گلور شمع  وفا  اوسته  وورا  پر گلور  غبطه  ائدور  جمله گوزل لر گلور حوری  لر  ایلوب  آدین  ازبر گلور بئله   ندا   گوشه   مکرر     گلور جان  حسین دور علی اکبر  گلور                      اکبر  نه   اکبر     شبهِ   پیمبر                      زیبا   جمالی     طاهایه   بنذر تا گوز  آچوب عالمه بو مه جبین تاپدی  صفا   گلشن  و  گلزار دین زایل ائدوب دلده حسینون غمین سینه  سینه  آلدی  او  شه دلبرین گه  یوزونی   ئوپدی   گهی لبلرین رشک  جنان اولدی  بسیطِ   زمین بئله    ندا    گوشه    مکرر    گلور جانِ   حسین دور  علی  اکبر  گلور                        اکبر نه اکبر       شبه پیمبر                        زیبا جمالی     طاهایه بنذر گول یوزی چوخ بنذوری پیغمبره سیرتی  مظهر  دی  شهِ خیبره خُلقی چکوب فاطمه ی اطهره لعل لبی  طعنه  وورار کوثره سالدی نظر کیم او  رُخِ انوره حمد و  ثنا  ائتدی حقِ  داوره بئله   ندا   گوشه   مکرر  گلور جانِ حسین دور علی اکبر گلور                       اکبر  نه  اکبر      شبه پیمبر                        زیبا  جمالی     طاهایه بنذر شمعیدی عالم  اونا  پروانه دی میکده ی  عشقیده مستانه  دی جانِ  جهانه  اوزی  جانانه   دی هدیه ی  حق  شاهِ شهیدانه  دی لیلی بونون حُسنونه دیوانه دی فاطمه    اولادینه    دردانه   دی بئله  ندا   گوشه   مکرر    گلور جان حسین  دور علی اکبر گلور                          اکبر  نه  اکبر    شبه پیمبر                         زیبا    جمالی    طاهایه بنذر اشعار اصغر گلمحمدی متخلص به (دلجو )