زبانحال حضرت رقیه علیها السلام با رأس خونین پدر ( با آهنگی جدید و بسیار دلنشین) خوش گَلموسن بابا قربان اولوم سنه بو نصف شبده چوخ لطف ایتموسن منه شیریندی شَهدِ وَصل خوشدی ایچَم بابا پِشوازیوه گَرک جاندان گیچَم بابا سن هارا ویرانه هارا ، یارالی یارالی خرابه میز تاپوب صفا ، یارالی یارالی سنه قیزون اولا فدا ، یارالی یارالی بیله گَلماقون ووروب اُود دیله، ایوای ایوای دورا بولمورم منی عَفو ایله ، ایوای ایوای یارالی بابا ۴ قانلی بوغازیوین پاک اولمییب قانی باشیله گَلموسن پَس پِیکَرون هانی؟ آننوندا داش یری چوخدان اولوب نشان سویله دوداقیوه کیم وُوردی خیزران؟ دوداقلارون پارچالانوب ،ئولِییدیم ،ئولِییدیم کول یوزووه پَرده سالوب ، ئولِییدیم ،ئولِییدیم دشمن سنی مندن آلوب،ئولِییدیم ،ئولِییدیم دردون منه بابا گَله ، ایوای ایوای گَل یارالی اوزون دیله ، ایوای ایوای مَنکی شَمادته یوخدور هیچ عادَتیم شامین اوشاقلاری سَسلور منی یَتیم مین زَحمتیله من سالدیم اَله سنی یا قال بابا وَ یا بوردان آپار منی اوشاق مَگر چولده یاتار، یورولدوم ، یورولدوم منی خرابه دن قوتار ، یورولدوم ، یورولدوم ناله لَریم عرشه چاتار ، یورولدوم ، یورولدوم بو قَدَر بلایه نجه دوزوم ، ایوای ایوای گوروسن نجه گووَریب یوزوم، ایوای ایوای من ناله ایلورم نِچّه دَلیلی وار باخ بیر یوزومده گور آثارِ سیلی وار عُریان دَوَه بابا یخدی رقیّه نی ایستوردی ئولدوره زَجرِ دنی منی زَجریله بو حَرمله دن ، قورخورام ، قورخورام شمر و سَنان ، هَلهَله دن ،قورخورام ، قورخورام هرگجه بیر مَسئله دن ،قورخورام ، قورخورام بابا گوشواره می آلدیلار ، ایوای ایوای منی آت قاباغینا سالدیلار #رقیه_س #خرابه #صفر التماس دعای فرج الاحقر عبادی

زبانحال حضرت زینب سلام الله علیها در شهادت حضرت رقیه سلام الله علیها ای قلبیمون آرامی یات قان اولدی بوگوز جامی یات ئولدوردی سنی شام اهلی ویران اولا شاماتی یات نچه گجیدی یاتمامیشدون غم غصه وی سن آتمامیشدون آرامشه بیر چاتما میشدون لایلای بالام لایلای رقیه ای قارداشیمون ریحانی گلشن ایلدون ویرانی امابیله تزسولماقون یاندیردی من نالانی گلشنده گُل بونوعی سولماز خیرداقیزین قدی خم اولماز قلبیم نجه قانیله دولماز نچه گونودی آغلاردون اودلی سینمی داغلاردون گه گوشه ی ویرانه ده گیزلین ایاقون باغلاردون یات بوگجه قبرونده راحت چوخ گورموسن ظلم وجنایت نه سیلی وارنه قتل وغارت لعنت گله بواشراره ایتمشدی سنی آواره آدوقجاقدم قویاردون سن بیر الیوی دیواره گل عارضون ظلمیله سولدی زهراکیمی عمرون آزاولدی قلبون غم وغصیله دولدی #رقیه_س #خرابه #صفر التماس دعای فرج الاحقر مهدی عبادی

‍ ولادت حضرت رقیه سلام الله علیها (با آهنگی ساده و دلنشین) 🌺🌺🌺🌺🌺🌺 آچدی بیر غُنچه، باغِ زهراده گون چخوب گویا، بیتِ مولاده تیره گجه گلدی اولا، مَهتابیمیز آزاد اولا غَمدن دلِ، بیتابیمیز آدین رقیّه سَسلدی، اَربابیمیز مولاتَنا مولاتَنا ، یا رقیّه مِثل و مانَندین، گورسَدَن اولماز بو ایله گولدی، حشره تَک سولماز لُطف و عطاده بو خانیم، بی هَمتادی احسان و بَخششده اوزی، چون دریادی اَهلِ ولایت عشقینه، مُبتلادی مولاتَنا مولاتَنا ، یا رقیّه اَرمنی لردن، آل خبر شأنین ایلیوب درمان، چوخلارین دردین هر کیم یاپیشسا دامنین، احسان ایْلَر هر درد و رنجه لُطفیله، درمان ایْلَر اوز سُفره سینده سائلی، مهمان ایْلَر مولاتَنا مولاتَنا ، یا رقیّه شیعه لر دوزدی، زار و (بیکَسدی) بیر نَظَر سالسا، عالَمه بَسدی دائم عطا ایْلَر خانیم، بینوایه شاهِ جَهان ایْلَر باخا، هر گَدایه آخر بیزی مهمان ایدر، کربلایه مولاتَنا مولاتَنا ، یا رقیّه #رقیه_س #بنت_الحسین التماس دعای فرج الاحقر مهدی عبادی