#روضه_اربعین اربعین آمد دلا امروز زینب خسته است آمده بر کربلا امروز زینب خسته است در کنار مرقد شش گوشه بنت المرتضی گویی افتاده زپا امروز زینب خسته است این همان بنیان کن کاخ ستم باشد ولی داردآهنگ عزا امروز زینب خسته است ای شهیدان بهر استقبال او کاری کنید بوده حامی شما امروز زینب خسته است ای برادر حال خواهر را نمی پرسی چرا همچو نی دارد نوا امروز زینب خسته است خیز ای عباس پرچم را از او تحویل گیر قامتش گشته دو تا امروز زینب خسته است ای علی اکبر قطار عمه ات برگشته است گوید ای مشکل گشا امروز زینب خسته است (ایستیرم اورکلری روانه الیاخ کربلایه او زائرلری که پای پیاده گدیلرآقانین او آلتی گوشه قبرینه بیزده اورکلری بوردان روانه الیاخ قوشولاخ او زائرلره) ای حرمینه ناز ائدن تربتی قانلی کربلا سنده آقام حسین یاتوب صورتی قانلی کربلا آند اولا قانلی تربته آند اولا قانلی پرچمه  دوشسه یولوم گرک دیم شکوه می نهر علقمه  آخدی سو چوللره ولی یاندی عزیز فاطمه  اولدی دوداخدا اصغری شربتی قانلی کربلا کربلا کربلا کربلا کربلا 👇

#روضه_اربعین #زبانحال_حضرت_علیا_مخدره_زینب_کبری_سلام_الله_علیها بلالی کرب و بلادن یارالیم قارداش نوالی نی کیمی دلدن نوالیم قارداش باتوبدی بختیمون اولدوزلاری سیه بختم بو کاروانیله باشی قرالیم قارداش عجبدی اُلمدی زینب گلوب تاپوب قبرون قرین مرحمت ذوالجلالیم قارداش نلر گلوب باشیما، باش یارام حکایت ایدر رکیب کوفه اولاندان حنالیم قارداش سنق کجاوده نامحرم ایچره گزدی باجون حیالیم او سببدن عنالیم قارداش دیردیلر چکیلون خارجی اسیر گلور دِیَن یوخیدی رسوله سُلالیم قارداش گوزوم باخا‌باخا داش ووردولار کسوک باشوا آخوب گوزوم یاشی گویا شَلالیم قارداش غمون آغاتدی سنان باشیمی   ددم اوغلی دیمم که زینب مشکین کُلالیم قارداش نسیم عشقون اَسوب ایتدی جانمی زنده ریاض عشق سببدور هوالیم قارداش یتینجه شامه قطاریم باتوب نچه اولدوز اودور که مهر و وفادن عزالیم قارداش فضای شامی باشون گون کیمی ایدوب روشن یانوب ولیک عذارون، خیالیم قارداش باشون جدانی ایدوب سرفرازِ عالمیان او سرفرازه مثل اعتلالیم قارداش مدینه زادگهیمدور، مسیر عشقیم شام بُلر ولیک هامی کربلالیم قارداش رقیّه‌دن خبر آلسان، خرابه‌لرده یاتوب خجالتم بولوسن دست‌خالیم قارداش دینده شامده قیزلار ندن چوخ آغلورسان دیردی اکبره خاطر عزالیم قارداش دیدیم باشون اشاقا سالما اود دوتور قلبیم عموم غمینده دیردی هلالیم قارداش گورنده شمع کیمین بی‌صدا یانور سیزلور دیردی عمّه اوزون تک حیالیم قارداش یزید کاخنی یخدیم جلالیلن گلدیم اگرچه دشمنوون پایمالیم قارداش او ظلم‌لر که یزید ایلدی باشا گلمز اونون تظلّمونه ادّعالیم قارداش قویوبدی طشت طلا ایچره نازنین باشوی اسفلی منظره افسرده‌حالیم قارداش آنام بتوله مثل خطبه ایلدیم ایراد گوروبله وارثِ بُرّان‌مقالیم قارداش گتورمیشم هامی غارت اولان اساس‌لری نچونکه واقفم، اسراره حالیم قارداش دگوب یانان دلیمه کوینگون سایی یاره بو شرحه‌شرحه لباسین مثالیم قارداش #نگین و تاجوی غارت ایدوبدی اهریمن ولیک شرح ایلماقدان اِبالیم قارداش خلاصه عرض ایلیوم بیکران مصیبتوه قیام‌حشره قَدَر آه و والیم قارداش

#روضه_اربعین گلنده کرببلایه زیارته زینب باخوب یانوبدی صداسیز ولایته زینب علیُّ اکبرینون قانینه باتان یری سن نجه باخوم سنه باغلاندی سو یولی سنده سو اوسته دوشدی ابوالفضلمون قولی سنده مدینه دن سنه جاه وجلالیلن گلدیم تعجبم نیه محنتدن ئولمدیم سنده تمام عالمی آهیله یاندیروب زینب گوزین صاقا صولا بیر آز دولاندیروب زینب بلا چولونده کی انصار و یارین آختاردی ئورک گوزیله حسینون مزارین آختاردی دیدی حسین چوخ اولان دلده صبریوه قربان یاتوبسان هاردا باجون توزلی قبریوه قربان عزالی زائریوم ای شه جهان گلورم مزاریوی آلام آغوشه باغریقان گلورم شرار آه دلیم عرش طاقته چیخلوب قباقه چیخ باجوام یورقونام ایویم یخلوب (باخدی بیر قارداش قبرینه حسین) گرچه مقام عشق و ، وفاده اوجالمشام دنیا غمیله ئولمه میشم زنده قالمشام سن گوردوقون باجی دیرم چوخ قوجالمشام (خانم سوزلرین دیدی حسین هامینی گتیرمیشم اما حسین بیر رقیه نن شرمندیم حسین علتی وار بالامی گتیره بولمدیم) مریضیدور بالامون بولمدیم ندور مرضی نه بیر طبیب تاپلوب نه بیر دوا بالاما ساربانلار ئولدوردی یاتمیردی بیر گجه اونی آلدیم قوجاقیمه سینمده بستر آچدیم او یورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ پس دوداقیمه ✨اَللّهُمَّ عَجِّل لِوَلیِّکَ فرج _دلتنگ کربلا یا اَرحَمَ الرّاحِمین

#روضـــــــه_اربعــــــین #از_روضه های حاج جاوید ◾️▪️🔲▪️◾️ "اَلسَّلامُ عَلَیْکَ یا اَباعَبْدِاللهِ وَ عَلَى الاَْرْواحِ الَّتى حَلَّتْ بِفِنائِکَ عَلَیْکَ مِنّى سَلامُ اللهِ اَبَداًما بَقیتُ وَ بَقِىَ اللَّیْلُ وَ النَّهارُ وَ لاجَعَلَهُ اللهُ آخِرَ الْعَهْدِ مِنّى لِزِیارَتِکُمْ" "اَلسَّلامُ عَلَى الْحُسَیْنِ وَ عَلى عَلِىِّ بْنِ الْحُسَیْنِ وَ عَلى اَوْلادِ الْحُسَیْنِ وَ عَلى اَصْحابِ الْحُسَیْنِ" دو بیتی مقدمه بر کنار قبرت ای شه دیده گریان آمدم خیز از مدفن ببین حال پریشان آمدم السلام ای سبط طاها سرور آزادگان ای حسین ای پور حیدر شاه عطشان آمدم (حبیبی ) 😭 روز ، روز اربعین حسینی ، اورک لری روانه کنار حرم با صفای آقا ابا عبدالله علیه السلام هم ناله اولاخ با اهلبیت دلسوخته ، عصمت و طهارت علیه السلام ، بویون کی گونون مثلینده کاروان حضرت زینب سلام الله علیها گلدی کربلایه ، تا مزار شهدا گوزلره گورسندی ، اوغلی ئولن ننه لر ، قرداش سیز باجیلار ، یورقون بالالار ئوزلرین سالدیلار مزارلر اوسته هره بیر قبری آلوب آغوشه ، عمه سادات حضرت زینب ( س ) گلوب قارداش مزارینه معمولا رسمیدی قبر اوستونه گیدنده گوررسن گل و گلدسته آپاراللار سالاللار قبر اوستونه آما خانم نیلدی ، بیله اگلشدی قارداش مزارینون اوسته😭 بیوردی حسین : ای عالمون غریبی وطن سیز یاتان حسین گلـــزار کربلاده چمن سیز یاتان حسین زینب باجون آلوب گتوروب قانلی کوینگون سالدی مزارون اوسته کفن سیز یاتان حسین ( شعر جمال حبیبی ) 😭خانم او اوخلی پیراهنی سالدی مزارین اوسته ، باشلادی بیله یانا یانا درد دل ایتماقا ‌حسین جان آیریلاندا کربــــلادن ای پناه عالمین آغلادی احوالیمه معناده روح یا و سین ریزه قوملار اوسته قویدوم پیکرین عریان حسین چاره م اولمــادی امیدیم گلدی بیر اشک تره بوینی چیگنینده دونوب باخدیم اوجسم اطهره ،،،،،،،،، زینبه مشکل زمان باغلاندی راه چاره لر مقتلونده سینه لر چاک ائتدیلر آواره لر قان وئروردی سینون اوستونده سایسیز یاره لر اللری قوینیندا آز قالدی او گون جانه دویام اولمادی امکان یارالــی سینوه مرهم قویام ،،،،،،،، 😭داداش جان قوی دیوم نلر چکمیشم کوفیان قارداش دم از دین و دیانت ووردولار لاف آزادیّ و مردیّ و شرافت ووردولار نیزه اوسته باشووه سنگ عداوت ووردولار آخدی ثارالله جمال اللهی گلگون ایلدی تازه یارون عترت طاهانی دل خون ایلدی 😭حسین جان قوی شامیدن ده دیوم شامون اهلی هر قدر ائتدی بیزه ایذا حسین قلبیم اقیانوس اولوبدور، غملریم دریا حسین گوشهٔ ویرانه ده سنسیز داریخدیم یا حسین بیر گئجه گلدون خرابه منزله وئردون صفا ائتدیلــر باشـون زیارت عترت خیرالنسا 😭 اما داداش جانم ، خرابه شامین مصیبتی چوخ نیسگیللدی ، تا رقیه باشوی گوردی ، آلدی قوجاقنیه او قدر دیل دیدی ،او قدر درد دل ایلدی ، او قدر آغلادی تا آتا باشی قوجاقینده جان ویردی 😭 اوخشادی بی کس قالانلار نصف شب بیر بی کسی قوزانوب ویرانه دن عرشه رقیم وای سسی یاندیروبدور زینبون قلبین ربابون ناله سی قلبنون قانین قاتوب اشکیله خون دل یدی گه رقیم وای دیدی ، گه اصغره لای لای دیدی ،،،،،،،، یاندی قلبیم ای سُرور سینهٔ خیرالنّسا قمچی لر دلدن سالوب جان وئردی اولْ مظلوم بالا غسلینی غسّاله وئردی نوبه چاتدی کفن اولا 😭 حسین جان نیسگیلیم بودی تاپمادیم بیر آق کفن قالدی اورگده اللریم جسمینه اولدی کفن آخرده قاره معجـریم ،،،،،، ایندی زوّار اولمیشام شش گوشه قبر اطهره قبرون اوسته قاتمیشام خون دلی اشک تره دور اقــلاً خـوش صفا ائت زینب غم پروره خسته ام قلبیم سینق دور، ای شه گلگون قبا بیر باجــی سسله اقـلاً غملریم یاددان چیخا ،،،،،،،،،، باشه چاتماز روزگار محنت آثاریم حسین حالیمی ایلر حکایت رنگ رخساریم حسین زینبون آل گوگلینی ای یار و غمخواریم حسین راضی اولما حسرتیله اشکیم آخسون دامنه قبرون اوسته سو گتوردوم، دور باجون قربان سنه ،،، ،،،،،، آفتابیم گور نجه سوسو وورور اولزوزلارون قبرون اوسته گوز یاشی جاری، ائدورلر قیزلارون باش آچوب اوخشار سنی دلدن دوشن یالقوزلارون باغلیوبلار عارضه بی کسلرون غم سِیلینی ای شهنشاه زمان دینـدیر رباب و لیلینی ،،،،،،،،، 😭 بیر بند اوخویوم وقتیم تمام ، التماس دعا بو زیارتدن یازیلسا ، آزدی مین لرجه کتاب قبر عباس ایلیوب ، کلثومی قارداش دلکباب اصغرون قبرین بو صحراده گزور غملی رباب اوندا آلمیشدی الیندن چرخ گردون چاره سین ایندی ایستور بیر ئوپوب بیر باغلاسون اوخ یاره سین ( برداشت و گلچین از کتاب حریم عشق ، تقایی اردبیلی ) التماس دعا ✨ اَللّهُمَّ عَجِّل لِوَلیِّکَ الفَرَج✨💫

#روضه_اربعین (زبانحال حضرت زینب سلام الله علیها) . . مزارون اوسته باجون باغریقان گلوب یارالی سولوبدی صورتی ؛ قدّی کمان گلوب یارالی . کسیلمیش اللری قوزا بیزی دعا ایله حرملرون هاموسی نیمه جان گلوب یارالی . بدنلرینده قالوب تازیانه لر ردّی ایاقلاریندا حرملر تیکان گلوب یارالی . سولوبلا گول کیمی آل علی اسارتده هاموسی بیر دری بیر استخوان گلوب یارالی . منی گورنده گلردون قباقه شوقیلن ایاقه دور که باجون میهمان گلوب یارالی . علی اصغری گیزلتمه اوخ ویران یوخدی نه شمر و حرمله نه ساربان گلوب یارالی . ننه سی سوت گتیروب سینه سینده سوت امره یانیندا بیر نچه لای لای چالان گلوب یارالی . هامیدان اصغره چوخ آغلیان رقیه ایدی بو غملی اوخشاما اونّان نشان گلوب یارالی . دییردی آی باجیسینان کوسوب کوسولی گدن سو ایستدون ولی تیر و کمان گلوب یارالی . او قدری آغلادی آز قالدی گوزلری دوتولا منیم غمیم نن او غم لر گران گلوب یارالی . اسردی بید مثالی گورنده بیر کولگه خیال ائدردی که زجر و سنان گلوب یارالی . بالام ئولن گونی ویرانه ده قیامتیدی طبقده فکر ائلدی آب و نان گلوب یارالی . گوتوردی پرده نی گوردی سنون یارالی باشون دئدی خرابیه میر جنان گلوب یارالی . قوجاقه آلدی کسیک باشی باشلادی نوحه نوایه فکر ائلدیم کهکشان گلوب یارالی . دیوردی قاتلی نامرد اولان بابام لای لای حیالی گوزلرینه قان دولان بابام لای لای . #اربعین #علیوی #ترکی ..__دلتنگ کربلا یا اَرحَمَ الرّاحِمین