#شهادت_حضرت_زهرا_سلام_الله_علیها_وصیت_به_مولای_متقیان_علیه_السلام شامل ایلدون حالیمه منیم دوقّوز ائیل عنایت عم اوغلی جان آخر عمریده باشیم اوسته سال ، ظلّ لطف و رحمت عم اوغلی جان آفتاب عمریم غروب ائدور زحمتیم چوخ اولسا گذشت ایله تئز اولار گوررسن که ایتمیشم ، رفع رنج و زحمت عم اوغلی جان آز قالور که من سندن آیریلام ، بو مسائله واقفم اوزوم گوئیا دعامی ائدوب حقِ ، لم یزل اجابت عم اوغلی جان بو فنا جهاندا عم اوغلی جان ، آز زمان سنون من قوناقوام فصل وصلیمیز یتدی آخره ، گلدی فصل فرقت عم اوغلی جان رحلت ایلینده وئروب منه ، وعده ملاقات آتام رسول اشتیاقیله منده ایتمیشم ، دعوتین اجابت عم اوغلی جان سن آتام وصایاسینه گوره ایلدون سکوت اختیار من غاصبان حقّیمدن ایلدیم ، اشکیمیله نفرت عم اوغلی جان باب وحی پاکوب اولاندا من ، چکمیشم نلر خدا بولور سینمه دگن میخ آهنین ، شرح ایدر حکایت عم اوغلی جان چوخلی اهتمام ایلدیم درِ ، خانه ی امامت آچیلماسون سینمی سپر ایلدوم اولام ، حامی ولایت عم اوغلی جان مین یول ئولدوروب خلق ائده اگر ، خالق جهان آفرین منی تاپمیوبدی تاپماز خلل سنه ، منده کی ارادت عم اوغلی جان سن آتام وصایاسینه گوره تیغ آتشین آلمادون اله دست قدرتی باغلاماقلیقا ، کیمده واردی قدرت عم اوغلی جان مردمان روبه صفت بولوب ، تیغ چکماقا سنده یوخ نظر شیری دستگیر ایتماقا تاپوب ، جمله سی جسارت عم اوغلی جان قنفذ اولماسیدی ئولنجه ال ، دامنوندن اوزمزدی فاطمه نیلیوم اونون ظلمی ائیلدی ، سلب تاب و طاقت عم اوغلی جان حال ضعفدن تا آیلمیشام ، حالیوی خبر آلمیشام ازل فضّه اختصاریله ایلیوب ، حالیوه اشارت عم اوغلی جان فضّه تا دیدی مسجده سنی ، چکدیلر جماعت کشان کشان بیر خدا بولور بیر اوزوم منه ، یوز وئروب نه حالت عم اوغلی جان حالیوی بولن لحظه ایلدیم ، حالیمی فراموش او دمده من هر غمی فراموش ائدر بلی ، شدّت محبّت عم اوغلی جان ظاهراً قیام ایتماقا او دم ، سلب طاقت اولونموشدی باطناً بیر قیامت ایتدی قیام او گون ، بو خمیده قامت عم اوغلی جان باشدا کی قرا معجری ازل ، محکم ایلدیم بو خیالیله بانوان دنیایه تا وئرم ، درس حجب و عصمت عم اوغلی جان مسجده گلینجه اوتورموشام نیچّه یول یئره بین راهیده یوخ سوزوم ره عشقی طیّ ایدن ، چوخ چکر مشقّت عم اوغلی جان قولاریوی باغلی گورن کیمی ، ایلدیم ئولوم آرزو ولی واقفم ائدوب بو مسائله ، اقتضا مشیّت عم اوغلی جان سویلدیم گیچن خاطراتیدن ، تازه لندی دردون گذشت ایله درد دل گتدی باشلادیم ، بیر اوزون حکایت عم اوغلی جان گل اوتور بیر آز درد دل ایداخ ، گلمه میش ائیوه گل بالالاریم زینبون یانیندا ائدنمرم ، من سنه وصیّت عم اوغلی جان یادگار پیغمبری آپار قبر ایاقینه نصف شب نهان فرض ایله ئولن بیر غریب دور ، شهر شهر غربت عم اوغلی جان بیرده ایتگین ایله مزاریمی ، دلده دردوی گزلدن کیمی غم یئمه که گون تک عیان اولار ، عالمه حقیقت عم اوغلی جان گئتمه قبریم اوستن کناره سن ، جسمیمی مزاره قویان کیمی قبریم اوسته اگلشسن ائتمرم ، قبر ایوینده وحشت عم اوغلی جان بیر وصیتمده بو دور سنه ، غسلومی وئرن وقته نصف شب خارج ایتمه تندن بو کوینگی ، وار بو امره علّت عم اوغلی جان مایه ی تاسّف اولار سنه، خارج اولسا غسلومدا کوینگیم فاش اولار اثر ظلمدن توکر ، چشمون اشک حسرت عم اوغلی جان قبر ایوینده ده راحت اولمارام ، آخسا گوز یاشون گل جمالوه گوزلرون فداسی اولوم ائله ، حالیمی رعایت عم اوغلی جان جان وئرنده کیم گورسه گل یوزون ، ایلمز داخی جنّت آرزو باشیم اوسته گل ای منیم کیمی ، عالمیمده جنّت عم اوغلی جان #سالک عزا ساخلینلرون دیلده مشترک آرزوسی وار بو امیدیلن گل یوزون ائده، جان وئرن زیارت عم اوغلی جان