صفحه ۲
#اسماعیل نصیری موحد:
او محبسده یوخیدی خویش و یارون
فقط اللهیدی دارو ندارون
نگهبان که گوروبدور حال زارون
چکوب دیلدن نوا موسی ابن جعفر
#شهنام آریانی (غریب اردبیلی):
رطوبت إیلیوب جسمونده تأثیر
أیاقلار کنده ده قوللاردا زنجیر
إئدیبدور قامتون ظلمیله تغییر
گؤروبسن چؤخ جفا موسی بن جعفر
#محمدکاظمی زنجانی:
سنون احوالیوه آغلار فلکلر
غمنده غم دوتور یکسر اورکلر
وروبلار قاره وی عرشه ملکلر
دیور اهل وفا موسی ابن جعفر
#محمدمهدوی مرام(جابر):
عجب قیلدون نظرای کان رافت
بومجمع ده بوشعراولدی کتابت
بوجمعه بیر صله ایله عنایت
برات کربلا موسی بن جعفر
#رسول بابایی:
سنه ای پور صادق آعلارام من
غمون یاده سالوب دیل داغلارام من
سنه حرمت ئولونجه ساخلارام من
به جان مصطفا موسی ابن جعفر
#محمدهوشمند(مدهوش):
بیر عمری سهملی طوفانه دوشدون
ره قرآنیده زندانه دوشدون
ایویندن آیریلیب هجرانه دوشدون
گوروبسن چوخ بلا موسی ابن جعفر
#رضاغلامپور(دلپاک):
دم پاک مسیحایه وئرر دم
قویار موسانی حیرتده مسلم
هامی دریایه اعجازه مصمم
اگر وورسا عصا موسی بن جعفر
#عبادی طارمی
ائدیب ایرانی انوارین منور
خراساندا شه والا و سرور
صفاتی موبه مومانند حیدر
قالوب سندن بقاموسی بن جعفر
#فرهاد گوهری:
فوآدونده فراقِ درد هجران
نه چکدون اون بیرایل زندان به زندان
ایاقون کُنده ده بوینون قیزیل قان
سنه جانلار فدا موسی ابن جعفر
#سرکار خانم لیلی احمدی:
جمالون شمعینه پروانه ام من
ره عشقونده بیر دیوانه ام من
غلام درگه شاهانه ام من
اسیر و مبتلا موسی ابن جعفر
#حاج رحمن شاجری زنجانی:
یانار بو قلب زاریم هر غمونده
آخار اشکیم عذاره ماتمونده
ئولونجه وار گوزوم اُول پرچمونده
سنون ای مُقتدا موسی بن جعفر
#سید بشیر حسینی میانجی:
ثنا آللّهه هر آن ایلدون سن
او زندانی گلستان ایلدون سن
گلستان یوخ کی رضوان ایلدون سن
سنه قربان، آقا موسی بن جعفر
#طاهرنوروزی
سلام اولسون سنه موسی بن جعفر
گوزل آدین اولوب دللرده ازبر
کمین دردی اولا ، ای ماه انور
سن ائیلرسن دوا موسی بن جعفر
#امیر عبدی :
گل ای آرام جانیم گل رضاجان
داخی یوخدور توانیم گل رضا گل
چیخور عرشه فغانیم گل رضاجان
تاپار سنله صفا موسی بن جعفر
