کوچ از قتلگاه زبانحال حضرت سکینه (س) به ساربانان #سبک_ای_شاه_مظلومان_حسین ( سبک متفاوت سینه و زنجیر و ... ) #سبک_آی_قارداشیم و ... مرحوم سعدی زمان ای ساربانلار وورمیون عمّم حیالی زینبی رحم ائیلیون،اینجیتمیون یاسلی عزالی زینبی فریاد و دادین ائتمیون،الده بهانه ویرمیون دؤندرمیون گؤز یاشینی،ظلمیله قانه ویرمیون بسدور اسیر ائتدوز داخی،چوخ تازیانه ویرمیون معصومه‌دور فرض ائتمیون ،سیز لاابالی زینبی زلفین آنام زهرا کیمی،آلسا اله چکسه فغان تشکیل دنیانی پوزار،شور و نشور ائیلر عیان امّا اؤزی عهد ائلیوب،وئرسین بابام تک امتحان اؤز عهدی وادار ایلیوب،صبره وفالی زینبی بدر و احد قیدینده ای،آل امیّه قالمیون شیرخدا هر قان تکوب،دادین بی بیمد‌ن آلمیون انصاف ائدون ای کوفیان،جبراً ایاقدان سالمیون باغ ولایتده اولان عصمت نهالی زینبی الد‌ن گئدوب قارداشلاری،یوخ چاره‌سی بیچاره‌دور از بس ووروبسوز کوینگی،اگنینده پاره پاره‌دور قوللار زبس قمچی ییوب،نیلی اولوبدور یاره ‌دور قانیله قمچی ائیلیوب،باشی حنالی زینبی مهلت وئرون بوبینوا،ائتسون دؤیونجا آه و وا قارداش دیینده وورمیون،آز ائیلیون جورو جفا قارداش یانندا باجینی،وورماق دگول شرعا روا یوخسا مسلمان بولموسوز،باشی بلالی زینبی اخطار ائدوب بوامتّه،جدّیم رسول کردگار وار حرمتی هرکیم حر‌م،آهوسینی ائتسه شکار جدّیمد‌ن اصلا ائتمه‌دوز،ای بیحیا‌لر ننگ و عار سالدوز بودام ذلّته،کعبه غزالی زینبی قارداش غمینه هر باجی،لازمدی سینه داغلاسین سیز وئرمیسوز بیرآن امان،عمّم دویونجا آغلاسین یا وَیحَ قَلبی ، عمّه مون،کیم بس یاراسین باغلاسین ای کاش آنام زهرا گلوب،گؤرسون یارالی زینبی تاراج ائدوبسوز معجرین،قانیله گؤز یاشین قاتوب قمچی یریند‌ن قان آخوب،زلفی یوزی قانه باتوب از بس گوروب غم غصّه لر،اؤز فکرینی باشدان آتوب فکر و خیال اهل بیت،ائیلوب خیالی زینبی ایستر بو زینب خاطرین خلّاق حیّ و لامکان مشکلده قویماز دردینی هر کیم بونا ائتسه بیان باخما فشاره دوشموسن رمزیله سعدیّ زمان اوز شرح حالوندن ایله بیر شمّه حالی زینبی #سعدی_زمان ✨اَللّهُمَّ عَجِّل لِوَلیِّکَ الفَرَج✨

#اربعین_حسینی اسیر شام و مدینه غَزالیم قارداش ئوزوم علی قیزی یاسلی عَزالیم قارداش دیار کوفه وشام و حلب مسافریم ایاقه دور نجه گور ماجرالیم قارداش گیدوب جلالیم الیمدن حسین باشیم آغاروب دینمورم نجه باشی بلالیم قارداش سزادی دولسا نَوائیله نِینوا دَشتی من آغلیاندا که نِی تک نَوالیام قارداش اسفلی شکوه لریم واردی مخبر شامم شکسته دور ئورگیم نینوالیم قارداش گیدنده نعشیوی عریان قوم اوسته گورموشدوم کفن سیز اولماقیوا دفن حالیم قارداش ئوزون بلوردون اوگون باشدا معجریم یوخودی او عذرین ایندیده غرق ملالیم قارداش یارالی گون قاباقیندا سنی قویوب گیتدوم هله او گیتماقین افسرده حالیم قارداش خانملیق ایلدیقیم کوفه ده نلر گوردوم باشون گوروردی نجه ابتلالیم قارداش یارالی باشیوی شمر ایتدی بیر گجه مهمان اودور بیر عمریدی گریان لیالیم قارداش گلنمدیم اوگجه من یانان چادردیدیم آنامدا گوردی نه سوز خفالیم قارداش سنون یرون اوگجه چوخلی نامناسبیدی اودور من ایندیده رنج و عنالیم قارداش صباح اولاندا باشون پیشوازیمه گلدی بلوردی مملکت عشقه والیم قارداش گلنده سن دانوشوردیم کجاوه ده گوردون که نطقده نجه حیدر مثالیم قارداش دیردی کوفه لیلر مرتضی علی دانیشور اودور دئدیم او علینون من آلیم قارداش اوزینبم منی گون گورممیشدی بی پرده هامی بولوردی آنام تک حیالیم قارداش سنون محبتون ائتدی اسیر سالدی چوله محبت عالمینون مه جمالیم قارداش هارا گیدوب باشون آردینجا گئتمیشم منده مقام عشقیده باخ گور وفالیم قارداش آپاردی مجلس عامه بیزی زیاد اوغلی گوره گوره باشی قاندان حنالیم قارداش اَسوبدی باخمادی گلزاریمه سِمومِ خَزان تصور ائتمدی عصمت نَهالیم قارداش دانیدیروب منی ووردی دوباره دیل یاراسی بیان ما وقعین نطق لالیم قارداش باشون دالینجا دوشوب شامه گیتمیشم بیر باش رموز عشقده مجنوندان عالیم قارداش وروبدیلار او قدر تازیانه کعب سنان هنوز جسمیمه باخسان یارالیام قارداش دولانمیشام باش آچیق شامیده محله لری خیال ائدردی گورن لاابالیم قارداش گیرنده شامه منه نامناسب آد دیدیلر بوله بوله که پیمبر عیالیم قارداش دولاندیریردیلا کوچه به کوچه قول باغلی خیال ائدردیلر چین و خطالیم قارداش توکردیلر باشیما کول دویردیلر بی جرم گمان ائدردیله جرم وخطالیم قارداش گونوم او شهریده بختیم کیمی دونوب شامه اگر چه شمس حیا مَه لقالیم قارداش باشیمدا قمچی یری معجریم کیمی قرالوب ایکی قرائیله باشی قرالیم قارداش پوزوب خیالیمی بیر نحویله خرابه غمی دینمورم بوقدر وار خیالیم قارداش اوقدر صبر ائلدیم صبر مندن اولدی ملول بو یولدا گورنه شهامت نمالیم قارداش دایانا بولمدیم اما یزید بزمینده سبب اوبزمیدی چوخ غمفزالیم قارداش اگر اومجلسین اوضاعینی #حسینی یازا اونا بیوک صله ویرم سخالیم قارداش امان یزیدین الیندن امام یارالی امان یارالی قلبیمی ایلوب او شرب مجلسی قان سنون دوداقلاروی چاک چاک ائدنده آغاج یاخامی پارچالادیم اولدی طاقتیم تاراج یارالی باشیوه گه باخدی گولدی ایچدی شراب گه ائتدی قانه دونن قلبیمی ستمله کباب قمار اویناماقا اولدی کفردن طالب باشوی دوگدی اولاندا حریفینه غالب یارالادی دوداقون خیزران اومجلسده منیم سرشگ تریم اولدی قان او مجلسده اوقدر صبر ایلدیم تنگه گلدی مندن صبر ولیک غم منه ویردی تکان او مجلسده یاخامی چاک ائله دیم من معاویه اوغلی ووراندا لبلریوه خیزران اومجلسده کنیز ایستدی بیر سوگلی قیزون شامی یوزومه خون دل ائتدیم روان اومجلسده دلیل عقلیله آیات نص ومحکمیله یزید کفرینی ائتدیم عیان اومجلسده اولیدی کاش قلج الده قارداشیم عباس منه دینده او ظالم یامان اومجلسده نه دل یاراسی منیم ووردی قلبیمه گوردون که چکدی اهل حرم الامان او مجلسده باخوب عیالیوه بیر بیر سوروشدی آدلارینی بیزه شماتته آچدی زبان او مجلسده شراب مجلسی پیغمبر عترتی باش آچوخ ویروب عیالون عجب امتحان او مجلسده قویولدی خارجی آد جدیمی نشان ویردیم ترحم ائتمدی اسلامیان او مجلسده بنی  امیه نی قرآنیله مجاب ائتدیم گلوب مروته انجیلیان او مجلسده او مجلسین ستمین #سعدی_زمان یازما اولوب علی قیزی قدی کمان او مجلسده #شادروان_حسینی_سعدی_زمان

‍ ‍ زبانحال حضرت امام رضا علیه السلام مرحوم حسینی سعدی زمان جان ویرورم گل باجی معصومه گل زهر ویروبدور من مظلومه گل اود دوتوب اودلاندی دل مضطریم زهر اثریندن یانوری لبلریم یرده یوزوم یولدا قالوب گوزلریم جان ویرورم گل باجی معصومه گل گلشن عمریم گُلی خندان اولوب حالیم آنام باجی پریشان اولوب غربت الیندن جگریم قان اولوب جان ویرورم گل باجی معصومه گل گورماقیم اطفالیمی اولدی محال محشره قالدی باجی بیرده وصال عترتیمون باشلارینه قاره سال جان ویرورم گل باجی معصومه گل من کیمی یوخدور کسیلن چاره سی زهریله خونین دل صد پاره سی غربت اسیری وطن آواره سی جان ویرورم گل باجی معصومه گل وار نه منیم حالیمه بیر آغلیان باشیمون اوستونده جگر داغلیان اُلسم اگر یوخ گوزیمی باغلیان جان ویرورم گل باجی معصومه گل زهر ویروبدور منه دشمن باجی رحلت ایدم آز قالوری من باجی گل گوزیمی باغلاماقا سن باجی جان ویرورم گل باجی معصومه گل ظلمیله مأمون پلید و شقی ایلدی خاموش بو نور حقی قالدی یتیم ای باجی اوغلوم تقی جان ویرورم گل باجی معصومه گل رحم ایدن ایکاش اولا گوز یاشیمه ایلیه اخطار بنی هاشمه قوم و قبیله م یغیشا باشیمه جان ویرورم گل باجی معصومه گل گوردی منِ بی کسی دشمن غریب ایلدی اوز بُلدوقون ایمن غریب دشمنیمون قدرتی چوخ، من غریب جان ویرورم گل باجی معصومه گل گوشۀ غربتده ئولن گونده من کاش اولِیدون باشیم اوستونده سن جسمیمه زلفوندن ائدِیدون کفن جان ویرورم گل باجی معصومه گل مردمک گوزده مجسّم اجل یرده یوزوم، یولدا گوزوم، دلده اَل سسلنوری جدّیم اوغول دورما گل جان ویرورم گل باجی معصومه گل گوردی قضا ظلمه منی چون رضا جبراً عیالیمدن آیردی قضا دل دوداقیم یاندی مضی ما مضی جان ویرورم گل باجی معصومه گل ایلدی بیر پایه ده مامون جفا واولدا سویلدی خیرُ النّسا ائتدی خراسانی منه کربلا جان ویرورم گل باجی معصومه گل سِلم و رضا مُلکینه من والیم جدّیمه غربتده بو گون تالیم بو غمیله اُلّم، اوزوم حالیم جان ویرورم گل باجی معصومه گل باغلی دگل شهر سناباده یول فرض حسین ائت، منه سن زینب اول بوینوما سال باجی دیَن وقته قول جان ویرورم گل باجی معصومه گل دشت بلاده او شه انس و جان ویردی لب عطشان قوری یرلرده جان آغلارام احوالینه جان اوسته قان جان ویرورم گل باجی معصومه گل قانیله غلطانیدی مظلوم امام دوره سین آلموشدی گروه ظلام آز یولیدی قتلگهیله خیام جان ویرورم گل باجی معصومه گل گرچه دگلدی او قَدَر فاصله مانعیدی لیک سِنان - حرمله گلسون عیالی باشی اوسته دله جان ویرورم گل باجی معصومه گل باخمادی میدانی دوتوب قیل و قال گلدی گئنه باجیسی پژمرده حال گوردی ویرور جان شه گردون جلال جان ویرورم گل باجی معصومه گل بسدی «حسینی» سوزون ایله تمام مختصر ائت، اولدی مطوّل کلام مطلعی یاز مقطعه، قیل اختتام جان ویرورم گل باجی معصومه گل #سبک_ای_باشی_سر_نیزده_معراج_ائد #سعدی_زمان #جان_ویرورم_گل_باجی_معصومه_گل

#حضرت_موسی_بن_جعفر_ع  __                                                         ✍ دو چشم تر دلی ناشاد دارم فغان از چرخ بد بنیاد دارم تن افسرده و پژمرده حالی چو نی دائم نوا و داد دارم گرفتارم به درد بی دوائی که شبها تا سحر فریاد دارم ز پیر عقل پرسیدم طبیبی سراغت هست؟ گفتا یاد دارم اگر خواهی محلش را بدانی سراغ از محبس بغداد دارم چه دکتر نام او باب الحوائج بخاطر این سخن زاستاد دارم تنش خسته خودش در سجده محزون ز حزنش خاظری ناشاد دارم دو پایش بسته در زنجیر بیداد فغان و داد از آن بیداد دارم در آن زندان همی گفتی شب و روز الهی از تو استمداد دارم بقانون جفا حبس مجرّد بدل داغ غم اولاد دارم شبم تاریک و روزم تار چون شب بتاریکی دل معتاد دارم بسان صید دست و پای بسته مکان در خانۀ صیاد ارم تو آگاهی چه آذر در دل زار ز سِند آن پیرو شدّاد دارم تحمل مینمایم بر جفایش ز تن تا مرغ جان آزاد دارم ندارم راه آزادی ز محبس بپا زنجیر استبداد دارم ز زنجیر ار چه ساقم گشته مرضوض کمان آسا قد شمشاد دارم ندارم شکوه لیکن قید ارثی که از جدّ خودم سجاد دارم فغان در کنج زندان گاه بر خود گهی بر قبلةُالعُبّاد دارم (حسینی) زاشک شور و شعر شیرین هماره شیوۀ فرهاد دارم ز سینه کوه و تیشه دستِ حسرت کی از فرهاد استبداد دارم #سعدی_زمان

#حضرت_موسی_بن_جعفر_ع   __                                                         ✍ قبریدن یا فاطمه دور محبس بغداده باخ داده گَل، موسایه هارون ایلین بیداده باخ اون بیر ایلدور ساخلیوب محبسده محزون و حزین ووردوروبدور شیر یزدان اوغلینا زنجیر کین کافره بو ذلّتی مسلم روا گورمز یقین آدی مسلم، کفریدن بدتر ایوی بَرباده باخ حُجّتُ اللهی امام کون و امکان بُلموری حُجّتُ ا..َ. بُلموری سوز یوخ، مسلمان بُلموری ناطق قرآنی گویا اهل قرآن بُلموری مظهر حقّه قویولموش نامناسب آده باخ ظلمیله ائلدن وطندن آیریلوب بو شاه دین یاد ایدر گوندوز گئجه آغلار گوزیله شاهدین باغلانوب زنجیر ظلمه وارثِ حبلُ المتین اوز آتاسی حیدره تالی اولان اولاده باخ فکر وصل یاریله یاددان چخاردوب اوز اوزین گوشه ی زنداندا اُلسه کیم گَلوب باغلار گوزین؟ جان ویرنده باری گَل سَن قبلیه دوندر یوزین قبله ی اصلی و سبط علّت ایجاده باخ بیر نفر یوخدور دیسون هارونه آز بیداد ایله ایتدیقیون بیداده باخ، قعر جحیمی یاد ایله یوخ گناهی سن مقصّر بُل ولی آزاد ایله شاد قیل پیغمبر اوغلین، خاطر ناشاده باخ گوشه ی زندان یری، گوگلنده وار بیحد غمی جسمینی مجروح ایدوب زنجیر، یوخدور مرهمی راکع و ساجد، اوزی مظلوم، یوخ بیر همدمی زار و محزون حالی پوزقون قبله ی عُبّاده باخ تو به تو زندان، اوزی تاریک، گون سالمور ضیاء نازنین جسمه تصرّف ایتمیوب بس که هوا یِل دَگنده میل ایدور گُل تک وجودی صاق صولا بند بندیندن چخان نی تک نوا و داده باخ عترتی گوزلور یولون، آخِر تیکوبلر گوز یولا گَل رضا اولما سرشک اهل بیتی قان اولا باد ظلموندن یاخوندور گلشن زهرا سولا تیشه ی بغضون یخان بو قامت شمشاده باخ وقت اولوب موسی بن جعفر قِیدیدن اُلفت کَسه داد او ساعتدن گَلوب سِند بن شاهک محبسه زهر کین ویردی او مظلوم و غریب و بی کسه شدّت زهر جفادن دوغرانان اَکباده باخ گورموشم کیفیّتین مقتلده بو منوالیله جان ویروب زنجیره باغلی شه پریشان حالیله قویدولار بیر تخته پاره اوسته دورت حمّالیله شاهه باخ، تابوته باخ، چرخ جفا بنیاده باخ ایتدیلر بیر نحویله مغلولیدن غُلّی کنار گوردولر ساقَین اولوب قید جفادن زخمدار گور قالوب نه حاله فخرُ السّاجدینه یادگار قوی بونی بغدادیده، گَل شامیده سجّاده باخ واریدی هر چند اوچ زنجیری بو غم پرورین آغلادوردی لیک سجّادین غمی دشمنلرین غُلّ جامع اول شهین دوتموشدی نصف پیکرین غرق ایدن جسم شریفین آهن و فولاده باخ قولّاری باغلی، اوزی ناخوش، اسیر و دل کباب دوندَرور گوز یاشینی قانه، یزید ایستور شراب قتلینه فرمان ویرور، آغلور بنات بوتُراب حکمه باخ، محکومه باخ، بیر قان توکن جلّاده باخ ای ((حسینی)) اولما غَرَّه دلنشین اولموش سوزون وزن و سجعیله قَوافیده مسلّط سن اوزون اولدی بیر سحر آفرین طبعه سبب آغلار گوزون مُلهِمون روحُ القُدُسدور، قدرت استاده باخ #سعدی_زمان

#حضرت_موسی_بن_جعفر_ع ______________________ ✍ بو غربت اُلکه‌ده بی یار و بی حبیب اُلورم نه بیر دوا گتورن وار نه بیر طبیب اُلورم نه حالیمی سوروشان نه عیادته گَلنیم وطندن آیری سالوبدور قضا غریب اُلورم ایاقدا کُنده یوزوم یرده گوزلریم یولدا اوغول دینده منه یوخدی بیر مجیب اُلورم بالام رضانی گورم جان ویرم رضایم من هزار حیف که دیداره بی‌نصیب الورم بو حبسخانة تاریکه گلسه شمس شموس غروب عمریم اولوبدور گورر قریب اُلورم اولیدی کاش بو ساعت یانیمدا معصومه گوریدی منده داخی قالمیوب شکیب اُلورم سخوبدی کُنده آخوبدور توپوخلاریمدان قان ایدوب ایاقلاریمی قانیله خضیب اُلورم دوتوب شرر رطب زهر داردن جگریم سالوبدی زهرین اودی قلبیمه لهیب اُلورم اَسوبدی گلشن آمالیمه سموم خزان دلیمده ناله چو بر بسته عندلیب اُلورم بالالاریم منه، من اهل بیتیمه حسرت آلوب قراریمی بو محنت مُهیب اُلورم فراز عرشه چخار آه و شیونیم گیجه‌لر ایدوب گیجه، گونومی محبس نشیب اُلورم اَریتدی جسمیمی زندان غمی قوجاتدی منی بوکولدی قدّیم آلوب تابیمی مشیب اُلورم حساب سیز منه آزار ایدوبدی سِند دنی ایدر محاسبه سین خالقه حسیب اُلورم ((حسینی)) آغلا اُلونجه غریب بغداده اُلنده شادروان اُول، دیمه کئیب اُلورم #سعدی_زمان

در_شهادت_امام_جعفر_صادق_ع    حسین ذکرینه گوگلوم اگرچه شایقدور ولی بو یرده خیالیم امام صادقدور بلا بو رسمیدی اهل ولادن آیریلماز اودور امام همیشه بلادن آیریلماز    دیوب بلایه بَلی یکسر عترت یاسین خداکلامیدی چون آیریلماز بلا و محنت اسیری امام صادقه باخ دوزر بلایه غم و ابتلادن آیریلماز ایدوب او سروری خانه نشین بنی عبّاس تقیّه محنتی اول مقتدادن آیریلماز قویِیدیلر قالا آسوده کاش خانه نشین گوروردولر که نماز و دعادن آیریلماز جفا و جوریده منصور قویمادی نقصان جهاندا رسمیدی ظالم جفادن آیریلماز ایدوبدی صادق آل محمّدی مسموم هوای مُلکی اولان بد هوادن آیریلماز امام او زهریله اوز جدّینه اولوب ملحق وصیّ ختم رسل مصطفادن آیریلماز وصیّت ایتمیشیدی اوغلی ایتدی غسل و کفن عمل وصیّته اول پیشوادن آیریلماز    جوار حضرت باقرده دفن ایدوب آتاسین بالا محبّتینه باخ آتادن آیریلماز بقیعیدن قلمیم کربلا اییی آلوری بو قان اولان اورگیم کربلادن آیریلماز اولوم حسینون او شش گوشه قبرینه قربان حسین ده اکبر گُلگون قبادن آیریلماز بیله گمان ایدورم ایمدیده یارالی باشین آلوب دیز اوستونه اول مه لقادن آیریلماز یارا چتین زمان اولسا گوز قاباقینده بو غم او خامس آل عبادن آیریلماز باخاندا ایمدیده سسلر جوان اوغول ایوای حسین (حسینی) بو آه و نوادن آیریلماز    #سعدی_زمان