#یاحسین_مظلوم
#شاه_عاشورا
گگلوم ایستور آغلیام ای شاه عاشورا سنه
احتیاجیم وار بیلور سن هرایکی دنیا سنه
چوخ دولاندیم عشق بازارین چکامه یازماقا
تاپمادیم عشق عالمینده بیر نفر همتا سنه
عشقوه قربان سنون بوعالمی تسخیر ائدوب
عاشق اولموش روز خلقت آدم وحوا سنه
پنج تن عشق ائیله خالق کائناتی خلق ایدوب
هر زماندا فخر ائدردی حضرت طاها سنه
کُل عالم بیر یانا بو عشق پا کین بیر یانا
رو سیاهم لایق اولسام عاشقم مولا سنه
مات ومبهوت ایلیوب جاه و جلالون عالمی
بو مقامی لطف ائدیبدی خالق ِ یکتا سنه
بی پناهم غیرسن یوخ بیرپناهیم یاحسین
مشکله دوشسم دخیل اولام شه والا سنه
حمدوللّه بو قاپون تاپدوم هزار امید ایلن
قطره اولسام شهرتیمدی واصلم دریا سنه
کربلانون محنتی امّا پوزوبدی حالیمی
اولمویان ظلمی ائدوبدی فرقه ی اعدا سنه
سو مگر مهریه ی زهرا دگولدی دهریده
بس ندن سو ویرمیوب لر ای گل زیبا سنه
دهریده یانموش سعیدی یاحسین بوغملره
طبع شعریم جوشه گلسه ایلرم انشا سنه
(#سعیدی)✍✍
