شعرازمرحوم آصف #شهادت_‌موسی_بن_جعفر_ع دیمه که محبسِ بغداددن حجاز اولماز حقیقتین یولونا سدّ ره ، مَجاز اولماز ایتیرمز عاشقِ صادق ، گزنده عشق یولون سچر مراحلی البته یول طراز اولماز دگل بو یر منه زندان ، مقامِ موسادور خیالِ خامیله فرعون سرفراز اولماز منه روادی بو زنجیرِ کین نه هارونه نه اینکه سلسله ده شیراولار ، گراز اولماز وطن دوشوب یادیما گویلوم ایستوری بالامی مگر آتا بالاسین گورماقا مُجاز اولماز؟ گرک رضانی گورم جانیمی ایدم تسلیم که دوست سرّینه محرم جز اهلِ راز اولماز بو حبس خانه منه خانقاهِ عشقدی چون سلوکِ عشقده جز آه وسوز و ساز اولماز هنوز مستیدی دنیایه دل ویرن هارون که چرخِ شعبده بازیله ترک و تاز اولماز پیمبر اوغلونا ظلماتِ قصردور منزل که بیر دریچه رخ آفتابه باز اولماز گونوز گجه کیمی ظلمات توبه تو زندان بو یرنمازینه هم وزن و هم نماز اولماز بو عاشقانه سیزیلتی حضورِ جاناندا بو دل شکسته غریبه گور امتیاز اولماز؟ قالوبدی گوزلری یولدا وطنده قیزلاریمون بیله مصیبت جانکاهِ و دل گداز اولماز دوشوبدی گوگلومه معصومه دل افکاریم فراق اودیله یانان اشگه بی نیاز اولماز جگرلریم یارالی غربت اُلکه جان ویرورم شکسته گوگلومه بیرکیمسه دل نواز اولماز دونوبدی مشعله آهیم شکست و محنتدن جفاده سندِ ستمکاره احتراز اولماز منیم شهادتیمه قاتلیم مصمم دور اگر چه فعلینه دشمنده شرم آز اولماز منی بوکنده و زنجیر ساخلاماز یولدان که زنگ ، مانع پرواز شاهباز اولماز همان مراحلی طی ایلدیم بو زنداندا طریقِ حق گیدنه یوخسا یول فراز اولماز بو کنجِ محبس آرا بیرخدادی بیرده اوزوم میّسر اوزگیه بیر بیله اعتزاز اولماز بو نظمه مبتکر (آصفدی) ناعمی هرگز عقاب تیزپره پشه هم طراز اولماز. التماس دعای فرج