قران اوخیان باش یارالی باشوه قربان باش باشه چاتان اوغلووا قارداشوه قربان گل گوزلریوون قانینی اشگیمله سیلیم من آیات اوخین دیللره قربان کسیلیم من حاشا بو منوّر باشی تشبیه ایدم آیه آی نیزه ده قران اوخوماز آیه به آیه آیات مبین دور بو باش آیات خدایه باشدان ایاقا عشقیله پرشوردی بو باش پیغمبرون آلنیندان اولان نوریدی بو باش وار بو یارالی باشون عجب حُسن لقاسی خونگرم دوداقلاردا حزین طرز اداسی حق کامه سی کهف آیه سی جان بخش صداسی ایوای بو باش قارداشیمون باشینه بنزر بیر صورت زیبادی که نقاشینه بنزر بو جاذبه لی سسده بویوک بیر هیجان وار دنیا دولوسی جان یارادان جوهر جان وار زینب کیمی قلبونده مگر سوز نهان وار اود دوتدوم آلیشدیم بو یانقلی نفسوندن جان یولدی گیچن گونلریمون نقشی سسوندن عطشان کسیلن باش لب شادابی نشان ویر لعل لب آرا لؤلؤ نایابی نشان ویر کهف آیه سی تک آیت اعجابی نشان ویر دور کرب و بلا سمتینه اعجازیوی گوستر کهفینده یاتان پیکر جانبازیوی گوستر ای باشی سرافراز ایلین نوک جدانی دلکش سسیله لرزیه سال موج فضانی تیترت یری افلاکی بوتون کون و مکانی قوی دولدورا آفاقی کمال کلماتون عالم گوره یکساندی حیاتونله مماتون قرآن اوخی قرآن اوخوماق ذکر جلیدور گورسونله بو باش صاحبی نور ازلیدور دردانۀ زهرادی حسین ابن علیدور تحصیلینی تکمیل ایلیوب دوش نبی ده تفسیر یازار نیزه ده قرآن مجیده حسرت چکرم نیزه نون احوالینه قارداش اوپدی بوغازوندان یتوب آمالینه قارداش افسوس باجون زینبون احوالینه قارداش دشمنلر الینده گزر الدن اله باشون قویمازلا منیم یانیمه بیردم گله باشون قان قطره سی مرجان کیمی مژگانه دوزولموش جان رشته سینه گوهر شادانه دوزولموش افروخته مشعلدی نیستانه دوزولموش دلخون جگریم پارچالانوب پاره سی دور بو بیر داغ درونون باش آچان یاره سی دور بو اوّل باشینی باشدان ایدر شمع شبستان روشن اولور اوندان صورا خلوتگه جانان سن عشقده سرخیل وفاسن سنه قربان باش سهلیدی سن حق یولونا واریوی وئردون دوتدون قولونی قولسوز علمداریوی وئردون بیر باش که ایدر ناز اونون جلوه سی نوره بیر باش که باشین قویمازیدی سینه حوره خولی نه جثارتله اونی قویدی تنوره سن ای گل رعنا نیه توپراقه باتوبسان یوخسا گیجه کول اوسته تنور ایچره یاتوبسان بولدوم بو اوزاق یولاری قارداش نیه گلدون باش چکماقا باشسیزلارا بو کوفیه گلدون لیلانون اوغول وای سسینه وای دیه گلدون خوش گلدون عجب وقتیده سالدون بیزی یاده گل قویما گئداخ بزمگه اِبن زیاده ای پادشهیم قبله گهیم بنده نوازیم زنجیر ستم گردن بیماره نه لازم آرتار اونا باخدوقجا منیم سوز و گدازیم وار گور یری باشین آچا زلفون یولا زینب قانه بویانان باشوا قربان اولا زینب بیر عائله نون مسکن آبادی یخلدی تاراجه گیدن لانۀ یبربادی یخلدی طوفان بلاخیزیله بنیادی یخلدی حسرت کشم آخر نه اولور یانیمه گلسن ای روح و روان، روح گلور جانیمه گلسن افسوس گل نازیمی دست ستم آلدی بلبل باش آلوب گئتدی گلستانی غم آلدی بیر قاره بولود چیخدی بیابانی چم آلدی گل گیتدی خزان گلدی چمن ایللره قالدی گرمیّتِ جمعیّتیمیز محشره قالدی گوردوم یارالی باشیوی باش محمله چالدیم بنزتدیم او باشه باشیمی کام دل آلدیم سن سیز آنام اوغلی نه یامان گونلره قالدیم صد شکر باشون سایه سی دوشدی باشیم اوسته آرتیخ منی وورمازلا آخان گوز یاشیم اوسته هر یانه گیدم منله گلیر جور زمانه خوش مونس دلسوزدی وار منّتی جانه کیم گوردی یاناندا گَلَه پروانه فغانه عشقونله سنون گوگلومی قارداش غمه ویرمم عشق عالمینون عالمینی عالمه ویرمم کیم کعبۀ مقصودی گوروبدور چخا سیره سیرینده بوتون خیر ویره یاریله غیره بو سیر برادر چکر آخر سنی دیره گوزلر یولووی ایمدی درِ دیرده عیسی یوز قبلیه سجّاده آچوب راهب ترسا ای پایۀ ارشادی سماواته چخان باش گلدستۀ عرش اوسته مناجاته چیخان باش یالقوز باشینا گردش شاماته چخان باش شامون یولی چوخ قورخولیدی تک باشا گئتمه گئتمه بو باشین زحمتی باشدان آشا گیتمه دائم باشون آردینجا گلور محنت ایام گورسون بو باشون امری تاپار هاردا سرانجام من تک سورونور یرده باشون سایه سی تا شام ذرات گزر سیرده خورشید دالنجا منده گزرم سایۀ امّید دالنجا حسرتله اولور ساکن ویرانه رقیه ویرانه نی ایلر بیزه غمخانه رقیه طوفان مصیبتده دویار جانه رقیه شام ایچره غریبانه قالیر مهد مزاری دائم او مزار اوسته گزر ناله زاری #مرحوم هندی https://eitaa.com/kobradsg

‍ ‍ ‍ ‍ ‍ در ویرانه ده دورما ... زبانحال حضرت زینب کبری با حضرت رقیه (س) در خرابه شام در ویرانه ده دورما منیم آرامیمی آلما چوخ ائتمه تکیه دیواره آنامی یادیما سالما نوالی بلبلوم لایلای شیرین دیل سویگلوم لایلای الیوی قوینووا قویما بئله تئز جانیوه دویما بو قدر غملی دایانما بو ذوقیله تماشایه گلن قیزلاری آغلاتما نوالی بلبلوم لایلای مارالیم ایلمه افغان گوزووی سیل بی بی قربان سوزوی دئ منه هر آن آلیب آغوشه دیوم جان تاپارام دردیوه درمان نوالی بلبلوم لای لای قادا سندن اوزاق اولسون یوزون عالمده آغ اولسون وطنون لاله باغ اولسون ائویوی چلچراغ اولسون سارالیبسان ایراق اولسون نوالی بلبلوم لایلای سنی گوردوکجه سارالّام غم اوخون قلبیمه چالّام دئمه ویرانه ده قالّام یولومی یثربه سالّام سنه گوشِواره آلّام نوالی بلبلوم لایلای قره گیدی اوجا داغلار سارالوب غنچه لی باغلار قوریوب غملی دوداقلار سنی گورجک قولی باغلار ننون آغلار باجون آغلار نوالی بلبلوم گوزلیم گول گوله گوللر قوتارار بو چتین ایللر چکیلر بو قره یللر کؤچر اؤز ملکونه ائللر دارانار بو قره تللر نوالی بلبلوم لایلای             #مرحوم تقای https://eitaa.com/kobradsg

مدح امیرالمومنین علی ابن ابیطالب (ع) #مرحوم صراف ای جمالی مظهر آیات کبری یاعلی وی جلالیندن حلال حق هویدا یاعلی فیض جودیندن وجود ماسوا موجود اولوب ای وجود ماسوایه فیض عظما یاعلی نور حق آئینه ذاتینده اولموش جلوه گر ای صفات آللهه مرآت تجلا یاعلی لوح حسنونده یازیلمش آیه الله نور صورتینده کلمه مشکوه معنا یاعلی سن بو مخلوقاته باب علمی مفتوح ایلدین شاهدیمدور سوره انا فتحنا یاعلی الف قدین، خلقه لاء نفی اثبات ایلدی کلمه توحیده سنسن الف الا یاعلی من نجه وصف ایلیم خالق سنه مداح اولوب دولدوروب قرآنی اوصافون سراپا یاعلی کم و کیف ذاتوی درک ایتمز اوهام و عقول ذات پاکوندور مرکب دن مبرا یاعلی گر دییم ممکن سنه، سن تک بشر ممکن دگل ور دئسم واجب، اولور کفریم هویدا یاعلی ایله ممکن سن، که واجبدور وجودین عالمه ای وجودی علت غایی اشیا یاعلی نار قهریندن اولور نام جهنم شعله ور نور مهریندن دولوب فردوس اعلا یاعلی پرتو نور جمال بی مثالیندان سنین مقتبس دور آفتاب عالم آرا یاعلی ای ولی الله اعظم، عالم و آدم سنه بنده دور، سنسن بو مخلوقاته مولا یاعلی خواجه قنبر، امیرالمومنین، یعسوب دین فاتح خیبر، شه دنیا و عقبا یاعلی ای کلام الله ناطق، وی کلید کنت کنز آشکار اولمیش سنیله گنج اخفا یاعلی باب شبیر و شبر، ابن عم خیرالبشر صاحب محراب و منبر، زوج زهرا یاعلی ای در بحر شرف، شاهنشه ملک نجف سر حق سندن اولوب عالمده پیدا یاعلی پادشاه کون و امکان، جسم مخلوقاته جان سرور مردان، امیر ملک بطحا یاعلی قدرت الله، حجت الله، جانشین مصطفی آیینه رحمت، ولی حی یکتا یاعلی عالم علم سلونی، معنی ام الکتاب واقف اسرار سر لیل اسرا یاعلی عروه الوثقایه معنا، تاجدار انما قفل گنج هل اتی، مصداق طاها یاعلی ای شه والا مکان، پیوسته ایلر آرزو درگهین اسفل مقامین عرش علیا یاعلی آب اولور آتش، سر کویون هواسندن سنین خاک پاییندور عجب گوگرد حمرا یاعلی آستان درگه پاکین چراغان ائتمگه مشعل خورشید اله آلمیش مسیحا یاعلی سن صفی آللهه ویردین زنگ محنتدن صفا اسم پاکندور سنین اسماء حسنا یاعلی نار نمرودی ایدوب لطفون خلیله گلستان پور آزر گورمیوب آذردن اوتدا یاعلی فلک محنتدن تاپیب نوح نبی الله نجات اونداکی ایتدی سر کویونده ماوا یاعلی سن ذبیح آللهه مشق عشق تعلیم ایلدین ویرمه میش باشین آلیب تاج فدینا یاعلی اولماسیدی حضرت عیسائیله همدم دمین هاردا روح الله ایدردی مرده احیا یاعلی؟ قاسم الرزاق سنسن، خوان جودیندن سنین قوم اسرائیله گلدی من و سلوا یاعلی مهر رویین ایتدی موسادن ید بیضا عیان ایلدی فرعونی قهرون غرق دریا یاعلی میزبان اولدون حبیب اللهه سن معراجده دگلم منکر ایدم حاشا و کلا یاعلی نازنین آدین، سلیمان ایلدی نقش نگین اولدی جن و انسه هر فرمانی مجرا یاعلی بیت الاحزان ایچره، سن یعقوبه اولدون هم نفس محنت هجره ایدوب صبر و شکیبا یاعلی دولدوروب آفاقی حسنون، صوت ما هذا البشر؟ حسن یوسف ذره دور حسنین یانندا یاعلی ای جمال الله، جمالین اولسا ظاهر پرده دن پرده عصمتده قالماز بیر زلیخا یاعلی هر گوزل معشوقه بیر عاشق، بیابان گرد اولوب سن منی، فرهادی شیرین، قیسی لیلا یاعلی عرصه محشرده #صرافین یتیش فریادینه چون سنین مدحین ایدر املا و انشاء یاعلی مطلب و منظوری شاها، التفاتیندور سنین یوخ یقین گوگلنده بیر اوزگه تمنا یاعلی فکر و ذکری روز و شب ده، وردی یا محبوب اولوب کیمدی سندن اوزگه محبوب دل آرا یاعلی اوزی بیر مور محقر، دفتری پای ملخ چوخ سعاتدور اگر مقبول اولونسا یاعلی https://eitaa.com/kobradsg

احوالات مقداد بعد از شهادت حضرت زهرا (س) #مرحوم حاج_حیدر_خوندل یازولا صبح شب دفن راه مسجده تصادف ایلدی مقداده ناگهان ثانی سوروشدی حالینی مرضیه نون، دئدی مقداد بتول ئولدی، گجه اولدی دفنی پنهانی ایوین خراب قویاندا مزاره گوردوم اوزوم بیر آیری منظره من ای ستمگر و جانی آخوردی قانی کفندن هله یارالارینون ندور جوابون اولان گونده عدل دیوانی خدای منتقمون گیر و داری وار ظالم اولار او گون اودا محکوم هر جفا کانی علی الینده قویان وقته قبره فاطمه نی اوشاق جنازه سی گوردوم او سرو رعنانی ندور جوابون اگر حشرده رسول الله سوال ایتسه مودتده اجر قربانی؟ نه اولدی بیر متاثر، نه قلبی یاندی، بلی دل اولسا داش نه اثر قطره های بارانی غضبلنوب رخ مقداده وردی بیر سیلی اولیدی شل ایله بیر دست بی محابانی او وضع حالیله رقتلنوب دئدی مقداد وران بتولی، ورار هر نجیب انسانی بلی سنون منی بو ورماقون بعید دگل همان او الدی کبود ایتدی چشم زهرانی ویرنده غسلینی خیبر شکن علی ناگاه قویوب جمالینی دیواره آرتدی افغانی گوروب جمالی بتولین سولوب، صفاسی گیدوب ایدوب خمیده بلالر، او قد بالانی کنار چشمنی فیروزه رنگ گوردی علی ایدوب روان یوزینه سیل اشگ مرجانی دئدی گوروم سنه ظلم ایلین او بی رحمه مکان اولا صف محشرده، نار نیرانی او پست و رذلیده وار اگر قیافه بشری جنایت اهلیدی، وار روز حشره نسیانی مگر بو ظلمه نه داعی واریدی زهراجان فقط مسلط اولوب عقله حب نفسانی فراقون ایتدی منیم لیل تار گوندوزومی جهان آخرت اولدی سنیله نورانی ملال و حزنیمی سرمد ایدوبدی آیرلیقون مصیبتون آپاروب طاقت و شکیبانی حرام ایتدی منه خواب راحتی گجه لر تهجدیمده بولر اهل دل مزایانی منیمده یوخدی علاقم بو عمره دنیاده یوروب بلا منی، دلدن آلوبدی یارانی اولوبدی تنگ منه بو جهان پهناور گلیدی کاش اجل، ترک ایدم بو دنیانی تهجدیم گوزومه خوابه یول ویره هیهات او دور منه گجه لر، اولدی لیل طولانی منه نقدر چتیندور سنون بو آیریلیقون دوشن فراقه ایدر حل بو معمانی نه باعث اولدی که گیتدون علینی تک قویدون؟ اورکده دردی گوزونده سرشگ طوفانی جهانین عیشینی ایتدی منه عزا ئولومون سزادی اشگیم ایده شرمسار دریانی محال بیرده گله، گلشنه باخام سنسیز گرک مکان ایلیم کوه و دشت و صحرانی او گون که دوندی بهارون خزانه، لشگر غم شکیب گلشنینه آچدی دست یغمانی عزیز اوغلی الوندن دوتوب گینه #خوندل ارائه ایتدی سنه راه رشد و عرفانی اماندی فکریوی پاک ایله دوشمه تردیده ولایت اهلی بولر صادقانه او رویانی بویوردی رافتیله گلمیشم سنی آپارام او کربلایه که وار اوردا فیض ربانی https://eitaa.com/kobradsg

🌾▪️✨🍃🌾▪️✨🍃 🌾▪️#ضربت خوردن حضرت علی علیه السلام #مرحوم کربلایی حسین طوری تبریزی . بو گونین مثلنده، شیعه ابن ملجم کوفه ده ایلدی بیر ضربتیله دینی برهم کوفه ده . . بیر ایله صدمه بو گون اسلامه ووردی اول لعین گون بگون مختل اولوب احکام قرآن مبین رونق قرآن گیدوب رخنه تاپوب ارکان دین قالدى شرع احمدی مستور و مبهم کوفه ده . . بو گیجه صبحه کیمی هردم ولی بی نیاز گه مناجات ایلیوب گاه اولدی مشغول نماز رمزیله أولادینه گاهی ایدردی کشف راز درد و غم چکمکده اولسونلا مصمّم کوفه ده . . داخل اولدی مسجده چون مظهر رب جلیل استغاثه ایلدی محراب یارب الدخیل تاجینی باشدان آتوب سسلندی گوگده جبرئیل اولدی انوار هدا ظلمیله مظلم کوفه ده . . گوردی محراب عبادتده ایدوب سجده امام بیر ایله ضربت امامه ورودی اول تخم حرام قدرت الله اولمادی ممکن ایده بیرده قیام اولدی بو گونده امامت قامتی خم کوفه ده . . گر چه منده یوخدی دل بو مطلبین تحریرینه لیک دارادور هامی بو قصه نین تقریرینه زهریله ویرمشدی سو اول بی حیا شمشیرینه تا ایده قرآنی قانیله مترجم کوفه ده . . عالم خلقتده آغلاتدی بو کوفه عالمی ایلدی آشفته خاطر آدمی هم خاتمی انبیانون هربیری بویرده چکدی بیر غمی چکمدی زینب کیمی بیر غم چکن غم کوفه ده . . گر چه یوز ویردی بو گون چوخ غملی حالت زینبه شیعه لر اما ویروردی سر سلامت زینبه آه او گوندن ایتدی دشمنلر شماتت زینبه باشنی یاردی او خاتون معظم کوفه ده . . بیلمرم سرّی نه اولدی اولمادی کوفه خراب اوندا که گیردی او شهره زینب علیاجناب ناقه أسته قولّاری باغلی یوزینده یوخ نقاب یوز ویروردی غم او خاتونه دمادم کوفه ده . . گه گوروردی عترت پیغمبری ماتم زده گه گوروردی اهل شهرین ازدحامین سرزده گه باخوب قارداش باشین گون تک گوروردی نیزده گه گوروردی عالمی بیر اوزگه عالم کوفه ده . . اولمادی مجنون ندن بس لیلی خونین جگر اوندا کیم نوک جدایه غفلتاً سالدی نظر گوردی زلف اکبره باد صبا هر آن دگر هر یانا شقه آچار بیر قانلی پرچم کوفه ده . . یا امیرالمؤمنین « طوری » اولوب غرق گناه بارگاه کبریاده چوخ اولوبدور روسیاه بو گناهیله چکر هر دم درون دلدن آه آرزو ایلر اولا بیر ایل محرّم کوفه ده

زبانحال حضرت رقیّه (ع) #مرحوم انور اردبیلی .. .. اکبریم گل گوزلرون قربانی ئولّم گلمسون اولموشام ویرانه ده زندانی ئولّم گلمسون .. .. بیر گولم غنچه زمانی محو اولوبدور یاپراقیم یوخ منیم ویرانه کنجیندن یقین قورتارماقیم آز قالور قارداش قاریشسون تپراقینا تپراقیم طاقتیم یوخدورگل اکبر جانی ئولّم گلمسون .. .. باجوی گر چه علی زندانی ائتمیش سرنوشت گلگیلن دیداریمه ویرانه کنجین ائت بهشت گورنجه قویموش باشینون آلتینا بیر پاره خشت یوخ عذاب و رنجینون پایانی ئولّم گلمسون .. .. بیلمورم هاردا قالوبسان ای همای عزّتیم شامیده قارداش منیم قارداشسیز اولموش شهرتیم آغلیام اؤز دردیمه ویرانه ده یوخ جرئتیم ال گوتورمز شمر مندن آنی ئولّم گلمسون .. .. گوشه ی ویرانیه گلدی یزیدون دختری باشدا چادر شب واریدی زینت و زیب وزری باجوون باشدا اقلّاً اولمادی بیر معجری نیلورم من بیر بئله دنیانی ئولّم گلمسون .. .. شمر دون ویرانه ده ایستر منی هر گون وورا تازیانیلن بلالی باشیمون اوسته دورا یوخدی بیر کیمسه منی الله رضاسی تاپشورا نیلیوم فرمان اونون فرمانی ئولّم گلمسون .. .. یوخ منیم تک صفحۀ دنیاده تیره روزگار قویموسان قارداش بیر ایلدور گوزلریمی انتظار گلمگون یوخ نامه یولّا ساخلیوم من یادگار دست خطون دردیمون درمانی ئولّم گلمسون .. .. بیلمورم من گئتموسن کرب و بلادن یثربه یولّارام من نامه هی باد صبادن یثربه گل بیزی قارداش آپار ویرانسرادن یثربه گوگلوم ایستر چوخ باجیم صغرانی ئولّم گلمسون

زبانحال حضرت رقیّه (ع) #مرحوم انور اردبیلی .. .. اکبریم گل گوزلرون قربانی ئولّم گلمسون اولموشام ویرانه ده زندانی ئولّم گلمسون .. .. بیر گولم غنچه زمانی محو اولوبدور یاپراقیم یوخ منیم ویرانه کنجیندن یقین قورتارماقیم آز قالور قارداش قاریشسون تپراقینا تپراقیم طاقتیم یوخدورگل اکبر جانی ئولّم گلمسون .. .. باجوی گر چه علی زندانی ائتمیش سرنوشت گلگیلن دیداریمه ویرانه کنجین ائت بهشت گورنجه قویموش باشینون آلتینا بیر پاره خشت یوخ عذاب و رنجینون پایانی ئولّم گلمسون .. .. بیلمورم هاردا قالوبسان ای همای عزّتیم شامیده قارداش منیم قارداشسیز اولموش شهرتیم آغلیام اؤز دردیمه ویرانه ده یوخ جرئتیم ال گوتورمز شمر مندن آنی ئولّم گلمسون .. .. گوشه ی ویرانیه گلدی یزیدون دختری باشدا چادر شب واریدی زینت و زیب وزری باجوون باشدا اقلّاً اولمادی بیر معجری نیلورم من بیر بئله دنیانی ئولّم گلمسون .. .. شمر دون ویرانه ده ایستر منی هر گون وورا تازیانیلن بلالی باشیمون اوسته دورا یوخدی بیر کیمسه منی الله رضاسی تاپشورا نیلیوم فرمان اونون فرمانی ئولّم گلمسون .. .. یوخ منیم تک صفحۀ دنیاده تیره روزگار قویموسان قارداش بیر ایلدور گوزلریمی انتظار گلمگون یوخ نامه یولّا ساخلیوم من یادگار دست خطون دردیمون درمانی ئولّم گلمسون .. .. بیلمورم من گئتموسن کرب و بلادن یثربه یولّارام من نامه هی باد صبادن یثربه گل بیزی قارداش آپار ویرانسرادن یثربه گوگلوم ایستر چوخ باجیم صغرانی ئولّم گلمسون

‍ ‍ #سینه_زنی_باسبک کوچ از کربلا مرحوم یحیوی یارالار سینونده قارداش، گل گلستانه بنزر آغاریب منیمده زلفیم، چمن خزانه بنزر نئجه شرح ائدیم برادر باشیمین مصیبتیندن کی گوروندو بیر نمونه بشرین قیامتیندن نئچه ساعتین ایچینده، غم و جور شدّتیندن باجیوون رشیده قدّی، اگیلیب کمانه بنزر نئجه زینبون رضادیر، سنی یاندیرا حرارت بیلیسن کی سایبانه، یوخ الیمده استطاعت بو مکاندا دود آهیم، ائلییر منه حمایت کسر ایستینین قاباقین، سنه سایبانه بنزر بو جنازه لر کی باشسیز توکولوبدو ریگزاره نه جلالیلن سالیبلار، سنی دوره دن حصاره اولارین باشی جداده، دوزولوبدی چون ستاره وَسَطینده قانلی باشون منه آسمانه بنزر سن اوشاقیدون، اوپردی اورگون بابام پیمبر بو یئره دییردی بیر گون دَیجک یارا مکرّر گورورم دگیب کئچیب اوخ، سورا سانجیلیبدی خنجر بو یارا بابام محمّد، دئدیگی نشانه بنزر جگرونده وار حسین جان، علی اکبرین یاراسی اورگون قانیله سیراب، اولور هر زمان بناسی دوشجَکدی شرق و غربه، او یارانین انجلاسی تر و تازه دیر همیشه، گل ارغوانه بنزر او زمان گورنده شمرین قانا خنجری بویانمیش حَرمون، باجون، کنیزون، باشووا گلیب دولانمیش قاچا قاچدا بو مکانه او قدر ایاق توخانمیش کی کنار قتلگاهون، ره کاروانه بنزر بالاجا قیزون رقیّه، او عزیزه نازدانه دولانیبدی آت دوشونده، اورگی دونوبدو قانه یوزونه دَگیبدی سیلی، باشی اوسته تازیانه سارالیب سولوبدو رنگی، ساری زعفرانه بنزر سن ای آفتاب عزّت، ائله نیزه دن نظاره نئجه گور بیزه ایشیق گون، گئجه تک اولوبدو قاره هامی اَختَران عصمت، دوزولوبدو بیر قطاره ره قبله نین دلیلی، صف کهکشانه بنزر اورگیم باشین آلاندا، غم و محنتون سحابی او بیلیر عزالیم من، یوزومه سپر گلابی توکولور سرشگ چشمیم، یئره ایسلادیر ترابی گوزومون یاشی آخاندا، مُژه ناودانه بنزر گزرم بو گلستاندا، گَلنی صفالی گوررم آچیلان گولون ایچینده، دوزولن تیکانی دررم قطرات اشکیمیله گل و گلشنه سو وئررم گوره سن وفالی زینب، نئجه باغبانه بنزر دل «یحیوی» ده دائم اولو جلوه­گر بو نیّت گینه بیر گئجه جمالون یوخودا ائده زیارت بیلیسن کی آشیانی نه قدر تاپار شرافت دولانور سرای مسکین، او گئجه جنانه بنزر #مرحوم استاد سلیم موذن زاده اردبیلی )___دلتنگ کربلا یا اَرحَمَ الرّاحِمین 👇👇

‍ ‍ #سینه_زنی_باسبک کوچ از کربلا مرحوم یحیوی یارالار سینونده قارداش، گل گلستانه بنزر آغاریب منیمده زلفیم، چمن خزانه بنزر نئجه شرح ائدیم برادر باشیمین مصیبتیندن کی گوروندو بیر نمونه بشرین قیامتیندن نئچه ساعتین ایچینده، غم و جور شدّتیندن باجیوون رشیده قدّی، اگیلیب کمانه بنزر نئجه زینبون رضادیر، سنی یاندیرا حرارت بیلیسن کی سایبانه، یوخ الیمده استطاعت بو مکاندا دود آهیم، ائلییر منه حمایت کسر ایستینین قاباقین، سنه سایبانه بنزر بو جنازه لر کی باشسیز توکولوبدو ریگزاره نه جلالیلن سالیبلار، سنی دوره دن حصاره اولارین باشی جداده، دوزولوبدی چون ستاره وَسَطینده قانلی باشون منه آسمانه بنزر سن اوشاقیدون، اوپردی اورگون بابام پیمبر بو یئره دییردی بیر گون دَیجک یارا مکرّر گورورم دگیب کئچیب اوخ، سورا سانجیلیبدی خنجر بو یارا بابام محمّد، دئدیگی نشانه بنزر جگرونده وار حسین جان، علی اکبرین یاراسی اورگون قانیله سیراب، اولور هر زمان بناسی دوشجَکدی شرق و غربه، او یارانین انجلاسی تر و تازه دیر همیشه، گل ارغوانه بنزر او زمان گورنده شمرین قانا خنجری بویانمیش حَرمون، باجون، کنیزون، باشووا گلیب دولانمیش قاچا قاچدا بو مکانه او قدر ایاق توخانمیش کی کنار قتلگاهون، ره کاروانه بنزر بالاجا قیزون رقیّه، او عزیزه نازدانه دولانیبدی آت دوشونده، اورگی دونوبدو قانه یوزونه دَگیبدی سیلی، باشی اوسته تازیانه سارالیب سولوبدو رنگی، ساری زعفرانه بنزر سن ای آفتاب عزّت، ائله نیزه دن نظاره نئجه گور بیزه ایشیق گون، گئجه تک اولوبدو قاره هامی اَختَران عصمت، دوزولوبدو بیر قطاره ره قبله نین دلیلی، صف کهکشانه بنزر اورگیم باشین آلاندا، غم و محنتون سحابی او بیلیر عزالیم من، یوزومه سپر گلابی توکولور سرشگ چشمیم، یئره ایسلادیر ترابی گوزومون یاشی آخاندا، مُژه ناودانه بنزر گزرم بو گلستاندا، گَلنی صفالی گوررم آچیلان گولون ایچینده، دوزولن تیکانی دررم قطرات اشکیمیله گل و گلشنه سو وئررم گوره سن وفالی زینب، نئجه باغبانه بنزر دل «یحیوی» ده دائم اولو جلوه­گر بو نیّت گینه بیر گئجه جمالون یوخودا ائده زیارت بیلیسن کی آشیانی نه قدر تاپار شرافت دولانور سرای مسکین، او گئجه جنانه بنزر #مرحوم استاد سلیم موذن زاده اردبیلی 👇🌾