مدح حضرت زهرا سلام الله علیها حالات و اوضاع #قیامت . . . محمد علی مصیبی تبریزی . . جلوۀ پنج تنِ آل عبا فاطمه دی پایۀ عرش و حجابات خدا فاطمه دی . مایۀ فخر و شرافت دی بوتون آفاقه لیل ظلمتده مه ِ بدر ِ دُجیٰ فاطمه دی . نور رحمت دی تلالو ائلیوب مشرقدن بانی مرحمت هر دو سرا فاطمه دی . یوخ سوزوم هاجرومریمدیله محبوب قلوب لیک محبوبۀ درگاه خدا فاطمه دی . گرچه عیسی دمی هر درده دوا ایلردی بانی اصلی دم گور اودی یا فاطمه دی؟ . دئنه عیسایه کی نازایله مه،سن ئوزدمیوه دم وئرن هم ئوزیوه هم آناوا فاطمه دی . هاجرین اوغلو گئدوب مَسلخ قربانگاهه خنجر ائتمزدی اثر، ذکری چو یا فاطمه دی . واژۀ عشقی ولی فاطمه تعریف ائله دی بالالارین ائلین عشقه فدا فاطمه دی . عرصه محشره وارد اولاجاق ناقه سوار شافع اهل ولا یوم جزا فاطمه دی . تاج ِ نوری قویاجاق باشینه زهرای بتول کائناتین گوزونه نور و ضیا فاطمه دی . سس گلر گوزلریزی باغلیون اهل عرصات پردۀ عصمته آئینه نما فاطمه دی . باغلیار گوزلرینی کلّ خلایق او زمان عرصیه وارداولان شمسِ ضُحی فاطمه دی . امر اولار پیرو زهرا چکیله بیرطرفه جنّته داخل اولون چونکی رضا فاطمه دی . ایش یتنده بورا زهرا اله بیرکوینگ آلار سسلنر منتقم آل عبا فاطمه دی . ایستیرم عدل اولا جاری بالامین قاتلینه سیل ائدن طلعتینه فوج بُکا فاطمه دی . کربلاده پوزولان قافله نین ماتمینه ایکی دنیاده قوران بزم عزا فاطمه دی . سخن فاطمه جاری اولونار محشرده صاحب مصلحت قوم دغا فاطمه دی . آغلیا کیمسه حسینون غمینه دنیاده وئرن هرقطره سینه اجروبها فاطمه دی . دردیوی فاطمیه سویله «مصّیب» هر آن اذن حقّیله ائدن درده دوا فاطمه دی . . #فاطمیه_مدح #قیامت #جلوه_پنج_تن_آل_عبا_فاطمه_دی #مصیبی_تبریزی #ترکی

«شور ولایت از زبان آقا ابی عبدالله(ع) » . ... چاره سیز قالانلار ... سائلم قاپوندا حسین ... /سبک_اهل_عالم_منم_کنز_مدارج-مصیبی. مصیبی تبریزی . . زادۀ حیدرم سلطان عشقم قلبلرده اسن طوفان عشقم جدّیمین شأنینه نازل دی قرآن منده شیرازه سیز قرآن عشقم ((چاره سیز قالانلار – دردیلن یانانلار سسلسون ئورکدن – مولا حسین جان)) . . گوردی تا وجهیمی یوسف اوتاندی گویده عیسی منه پرچم دوتاندی قویمارام آتش دوزخده یانسون کیم منیم آتش عشقیمده یاندی ((آدیمی دیینلر – حاجت ایستیَنلر سسلسون ئورکدن – مولا حسین جان)) . مرقدیم خاک پاک کربلادور محفل طاعت و بزم عطادور تربتیم توتیا دور چشم حوره آند اولا حقّه هر درده دوادور ((حسرتین چکنلر – اشک غم توکنلر سسلسون ئورکدن – مولا حسین جان)) . . هاشمی سیرتم مهسا عذارم نهضت عشقه من بنیانگذارم کعبه دن باشرف خلق اولدی قبریم کعبه دورت گوشه،شش گوشه مزارم ((غمده غرق اولانلار– گول کیمی صولانلار سسلسون ئورکدن – مولا حسین جان)) . . #کربلا دردی ، دوز قدّی خم ایلر عالمی غرق اندوه و غم ایلر نه ئوزوم نه باجیم حتی او یرده شیرخوارمده درده مرهم ایلر ((قبریمی گورنلر ... #مصیبی_تبریزی

. مصیبی تبریزی . اهل عالم منم کنز ِ مدارج ایلرم چاره سیز دردی معالج یا دئمه آدیمی یا سسلینده عشقیلن سسله یا باب الحوائج ((چاره سیز قالانلار – دردیلن یانانلار سسله سین ئورکدن – باب الحوائج)) . یوخدی دشمن حیاسیز دشمنیم تک هانسی گولشن صولوب دورگلشنیم تک خیبری سیندیران حیدر آتامدی دوغمیوب مادر گیتی منیم تک . متن پیشنهادی:  قائم آلِ عباسن آقا قربانون اولوم #مهدیه ای قلم یاز هاچان قدّیم بوکولدی اوندا کی اوخ دگوب مشکیم سوکولدی تار اولوب کربلا دشتی گوزومده سو دئمه زمزم عشقیم توکولدی . نوفلین ظلمی اوج عرشه چیخدی قلبیمی ضربت زنگاری سیخدی آتش کینیه باخ سینه سینده سو یانیندا سوسوز سقانی ییخدی . اوستومه کوفیان پیکان توکوردی سینه ده تخم کین عدوان اکوردی خیمه لرده رقیّم مشک آبه ئوز خیالینده هی نقشه چکوردی . متن پیشنهادی:  منی آغلادیر بو چولده باشوین یاراسی قاسم #قاسمیه غملی بیر اوخ نوا افلاکه سالدی مشکیمی دَلدی صبری الدن آلدی فکر ائدیردیم رباب آخر نه ائتدی آچدی اصغر الین یا باغلی قالدی . ائتمَرم خوف ایشیم عین رَجادی نوکرم اکبره والله بجادی باخمیون قبریمه چوخ چوخ کیچیکدی دوغرینلر بولور قدّیم اوجادی . قامتیم عالمه طوفان سالوبدی گوزلریم یوسفی حیران سالوبدی من دایاندیم ایکی قول گئتدی امّا نوفلین ضربه سی آتدان سالوبدی . متن پیشنهادی:  ای اولان گلشن دینون گل رعناسی حسین #حسینیه_نادری من بیلیردیم عدو بلوا ائدللر توپراقا گر دوشم غوغا ائدللر اوندان آرتیق بولوردیم یاتسا پرچم زینبین معجرین یغما ائدللر . تا علم وار بو گوز قان آغلیانماز زینبین سینه سین غم داغلیانماز گلسه قرخ مین قوشون تاواربوپرچم زینبین اللرینی باغلیانماز . #عباسیه_مدح #عباسیه #عباسیه_شجاعت #اهل_عالم_منم_کنز_مدارج #مصیبی_تبریزی #ترکی