#مجموعه_کانالهای_مدح_و_مرثیه هر کیمین کیم قلبی وار، بیر سیمبر جانانی وار سیمبر جانانی وارسا، دیده ی گریانی وار هر کیمین آغلار گوزو وارسا، باشی سئودالی دیر بیر گوزل عشقی له دیلده مین غم پنهانی وار کیم کونول وئرمیش جهاندا نازلی بیر مه پاره یه قان دولو بیر جوت گوزو، بیر سینه ی بریانی وار بی جهت آخماز جیگر قانی گوزوندن کیمسه نین گوزده کی هر قطره قانین سینه ده طوفانی وار هر بلا یئتسه محبت دن، بیزه وئرمز ضرر هر بلانین عاشقه بیر ذوق بی پایانی وار اودلو قلبیندن #فضولی آه چکسه دم به دم غافل اولما سئوگیلیم، تاثیرلی مین پیکانی وار. #ملا_محمد_فضولی https://eitaa.com/kobradsg