#یا_مهدی............ دریادی گوزوم یابن الحسن ساحلی یوخدی گل بیرباخشاجانمی آل قابلی یوخدی فکریمده خیال عالمی گه بیرگل اولورسان ملک دلیمی عطرون آلور جانه دولورسان قربانون اولوم هاردا آچوب هارداسولورسان هیچ بیر چمنون سن کیمی زیبا گلی یوخدی ای حُسنی سالان حیرته جمعیت حسنی حسنون قوتاروب رمز تمامیت حسنی یوسف که جهانی گوتوروب شهرت حسنی زلفون کیمی بیداد ایلین کاکلی یوخدی محشریارادوب گونه ده کی دانه خالون مجنون ایده آز قالدی منی وصف جمالون گیتدیم عقلادن سوروشام شرط وصالون گوردوم هامی دیوانه دیلر عاقلی یوخدی تا عالم ارواحده عشق اولدی سر آغاز تشریف محبّت ایلدی خلقی سرافراز دریای محبّتده اوزن ساحله چخماز سرچشمه سی کوثر ده دی چون ساحلی یوخدور سوز یوخ که خدا عشقون اولوب پایه گذاری بو عشقه عیار ایسته دی تعیین ایده باری گوردی که حسیندور بو ایشین کامل عیاری مینلرجه عیار اولسا بله کاملی یوخدور تقسیم بلا ائتدی او گوندن که مشیّت سهمیّه بلادن بیزه ده چاتدی محبّت دنیا اوزی بیر مزرعه دی میوه سی محنت جز عشق حسین درده دَیَن حاصلی یوخدور شاعر:استاد حاج داود صادقی تبریزی #مهدویه https://eitaa.com/kobradsg

السلام علیک صاحب الزمان (عج) 🎼سبک:(ای نامت از دل و جان در همه جا به هر زبان جاری است ) 🎤بانوای_حاج_علی_سیفی_افشار ای کانون بشرین -  شیعه لرین نگاری یا مهدی خورشید محور دین -اهل دیلین نگاری یا مهدی مسافر نگران- امید منتظران گلوبدی جان دوداقا - هایانداسان آقاجان قوتار بو انتظاری تز گل / اورکلرین قراری تز گل سن زهرانین گولوسن -یا ابن الحسن- عزیز حیدرسن شهر غربتده نهان - جان جهان -یگانه دلبر سن گل ای گل ازلی /مدینه نین گوزلی سفیر دولت حق/عزیز جان علی بلا دوتوب دیاری تئز گل اورکلرین قراری تئز گل عاشقلردلده نوا - سسلور آقا - اولوبدی قان گوگلوم هانسی جمعه گله جاق - دینجله جاق - بو قان اولان گوگلوم باخور بو شیعه یولا - یوم وصلت اولا دوباره غملی جهان - عدالتیله دولا ولایت اعتباری تئز گل اورکلرین قراری تئز گل عالم گوزلور گله سن -  تا سیله سن -  بو گوزلرین یاشین باشوندا تاج یقین -  اهل حقین -  اوجالداسان باشین هایاندادی حرمون - یخلماسین علمون دولانما چوللری گل - گوز اوسته قوی قدمون غم آلدی روزگاری تئز گل اورکلرین قراری تئز گل ✍بقلم استادکلامی زنجانی #مهدویه

🌴 مدح و میلادیه ولادت امام زمان (عج)🌴 🎙شاعر: محمدرضارمضانی ◀️سبک:صل الله علی محمد... 🍃🌸🌼🍃🌸🍃🌼🌸🍃 ای اولان منجی انسان یااباصالح مدد گل یوزی مرآت یزدان یااباصالح مدد سنسن ای زهراعزیزی معنی الله نور هجروه یوخ دلده طاقت سیدی ایله ظهور یاباصالح مدد یاسیدی مولامدد(۲) 🍃🌸🌼🍃🌸🍃🌼🌸🍃 بادظلمیله سولوبدورگلستانلارگل آقا گل کیمین پرپراولوبدی گل جوانلارگل آقا قوزانوب عرش خدایه الامانلارگل آقا سسلروک‌ باآه وافغان یااباصالح مدد یااباصالح مددیاسیدی مولامدد(۲) 🍃🌸🌼🍃🌸🍃🌼🌸🍃 سنسیزای اللهه مظهردهریده یوخدورصفا گل بولوت آلتینداقالماای اولان شمس الضحی لطف ائله امرظهوره سن اوزون ایله دعا قورتاراشایدبوهجران یااباصالح مدد یااباصالح مددیاسیدی مولامدد(۲) 🍃🌸🌼🍃🌸🍃🌼🌸🍃 سن حبیب لم یزل سن جانوه جانلارفدا آیت حی ازل سن جانوه جانلارفدا هرگوزل دن سن گوزل سن جانوه جانلارفدا یادگارشاه مردان یااباصالح مدد یااباصالح مددیاسیدی مولامدد(۲) 🍃🌸🌼🍃🌸🍃🌼🌸🍃 منده کی یوخدورلیاقت سیدی دیداروه طالبم یاحجت الله رحمت سرشاروه قوش کیمین هرآن سیخیلّام سایه دیداروه سسلرم ای درده درمان یااباصالح مدد یااباصالح مددیاسیدی مولا مدد(۲) 🍃🌸🌼🍃🌸🍃🌼🌸🍃 #میلادیه_حضرت_مهدی #مهدویه #سرود #حضرت_امام_زمان