🔸غزلی زیبا از حاج رضا مؤقر مراغه ای🔸 آیریلیقدان نه دئییــــــم درده دچار ائـتدی منی اَجلیـــن دَرکینه بیر لحظه شمـار ائتــدی منی یـــاریمی آلدی الیـــمدن جگریم قان ائــله دی عزتیم غارت ائدیب گورنئجه خوارائتدی منی هر گولون بیرنئچه گون عمری اولار دوزدو ولی باغـــبــانــیـله بـهار اوسته قمار ائتدی منی بو فلک درد وغم وغـصه نی سازائتمه ده دیر گور نه عالمدی بو عالمده شــکار ائتدی منی عارفیــدیم گئجه محرابه سالان یول ، نه ائدیم ییغدی سجّاده مـی بیر ، باده گسار ائتدی منی یاندیریب بال و پریم یانـــماغی اورگتدی منه اوز مزاریمده یانان شمع مزار ائتدی منی طَلَبین کـوچه لرین گر چی دُولاندیم گــــزدیم اولمادی وصله اِراده گوله خـــار ائتدی منی باده ی عشقینی بیردامجی دادیزدیردی سورا یِئلَـــه وئردی کولومو گَرد وغبار ائتدی منی کونــــلووین سوزلرینی ساخلا #موقر هله سن سن انا الحق دئمه چون داره سوار ائتدی منی https://eitaa.com/kobradsg