کوچ از کربلا زبانحال حضرت رقیه (س) در بالین حضرت امام حسین علیه السلام . . مرحوم غلامعلی باقری الهام (هوشی تبریزی) . ایتموسن گلشن عجب قانیله میدانی بابا هر گلون نازلی رقیّه اولا قربانی بابا . بدنون ای بابا بو نوع که میدانه دوشوب گل خوشرنگدی گویا که گلستانه دوشوب بویانوب لالۀ احمر کیمی القانه دوشوب دولدوروب عطری سراسر بو گلستانی بابا . کربلانی ایله گلزار ایلیوب قرمزی قان قتلگاهوندان عیاندور سنون آثار جنان نه گوروب بیله گلستان نه گورر چشم جهان بیله مملوّ ایلیه عطریله دنیانی بابا . بیر صفالی چمن اولموش بو بیابان بلا باغ جنّتده یقین یوخدی بو ذوق و بو صفا گور نجه بزم مرتبدی بو گلزار وفا سنبل اوخ گل یارا من بلبل خوش خوانی بابا . پیکرون کرب و بلا دشتنه چون گل دوشنوب سینه وه ناوک پیکانیله سنبل دوشنوب گوره هر کس منی سویلر گله بلبل دوشنوب نه گوزل مسکن ایدوب سایۀ طوبانی بابا . بلبلم دائمی گل دامنینه باش قویارام قویسالار اوز گلومون عطرینی آلّام دویارام آغلارام قلبیمی خار مُحَنیله اویارام ایلرم جاری دمادم یوزه دل قانی بابا . باش آچوب یاره لرون گلشن شاهانه قوروب باغ جنّاته صفاده اودی همپایه دوروب جسموه لشگر اشرارز بس یاره وروب سو کیمی جاری اولوب هر طرفه قانی بابا . سن شه ملک وفاسن هانی بس تاج شهون نه گلوب تختوه اولموش قوری یر خوابگهون گر بو حالیله گوره حوری سنون قتلگهون داخی سالماز نظره گلشن رضوانی بابا . خار ظلمیله اولوب گل کیمی صد پاره تنون بویانوب قرمزی القانیله صحن چمون بسکه اوخ نیزه دگوبدور داغلوبدور بدنون پیکرونده داخی یوخ یاره سنین سانی بابا . مصرعونده ایله غم مجلسی برپا ایدرم عالمی غرق یَمِ مُحنت عُظما ایدرم زلفومی قانیویله منده مُحنّا ایدرم بویارام قانیله بو زلف سمن سانی بابا . آختاروردوم سنی هر یان باباجان شوقیله من دوشموسن بولمزیدیم لیک قزل قانیده سن چوخ دولاندیم سنی من تاپمادیم ایشاه زمن قلبیمون اولدی زیاده غم سوزانی بابا . سوز محنت وروب اود جانیمه یاندوردی منی تیر حسرت بابا بسکه یارالاندوردی منی دلده کی عشق بو صحرانی دولاندوردی منی بو یره عشق گتوردی من نالانی بابا . وصلوه مائلیدیم بسکه من ای تاج سریم جاری هجرونده یوزه اولموشودی اشگتریم دولانوب بویره آخرده دوشوبدور گذریم عاقبت درک ایلدیم وصلت جانانی بابا . منه دنیا بویی حسرتدی بو ای شاه جهان قالماقا قتلگه عشقده ویرمزله امان الده قمچی باشیم اوستنده دوروب شمر وسنان شامه چکماقلیقا بو دردِ فراوانی بابا . ایلیوب جام وصالون ایله سرمست منی امر مشگلدی بابا بیرده ایدم ترک سنی لیک سندن آیرور جبریله اشرار دنی کام دل آلماقا قویمور بو پریشانی بابا . قویموری اهل جفا من بو جواروندا قالام آیریلان وقتده بیر کامه گوزل عطرون آلام جسموه قانه باتان زلفومیله سایه سالام چکم آغوشیمه بو پیکر عریانی بابا . سویرم من بولوسن ای بابا عالمده سنی چکموشم جانکیمی آغوشیمه بو گل بدنی بیر دانشدور بابا سنده بو مصیبت زده نی شاد قیل لطفیله بو دیده سی گریانی بابا . دردیمی کشف ایدرم من سنه دور دردیمی آل چاره قیل دردیمی بو وقتده بیر قیدیمه قال آیرلان وقتدی لطف ایت قولوی بوینوما سال جان تک آغوشیوه آل جانیوه جانانی بابا . قتلگاهون نجه من حسرتیله ترک ائدرم ساربان ویرمسه مهلت منه من بس ندرم گلموشم سنله ولی شمریله شامه ... #ایتموسن_گلشن_عجب_قانیله_میدانی_بابا #ترکی #زبدةالاشعار #سبک_یارالی_جان_یارالی #قتلگاه #کوچ_کربلا #هوشی_تبریزی متن کامل را در سایت مشاهده بفرمایید https://eitaa.com/kobradsg