زبانحال ورود به مدینه خطاب به امام حسن ع کربلادن گلمیشم قدی کمان قارداش حسن باشدا قاره ، دیلده حسرت، باغریقان قارداش حسن دور نئجه گور غمفزادور دیلده نیسگیل سوزلریم آغلیرام ابر بهاران تک توکور یاش گوزلریم قالمیب طاقت اسیر برگ خزان تک دیزلریم درد و محنتلر آلیب مندن توان قارداش حسن ای وفالی قارداشیم دور قبریدن یاتما اویان پیشواز ائله قیتدی کربلادن کاروان وار ولی غملی خبرلر دور ائدیم بیر بیر بیان گور نه لر باشیم چکیب ای مهربان قارداش حسن ای برادر دور سفردن نور عینیم گلمه دی ظلمیله دوغراندی شاه مشرقینیم گلمه دی کربلانی ائیله دی مسکن حسینیم گلمدی گوزلریم ده خون دل اولموش روان قارداش حسن حالیمی ظهر بلا بیر کیمسه قارداش بیلمدی غصه دن قلبیم داخی بیر لحظه ده دینجلمدی هر کس عاشورا گونی گئتدی منایه گلمدی آغلادیم باخدیم یولا دیلده فغان قارداش کربلاده جوشدی غم دریاسی طوفان ائيله دی جانینی قارداشلاریم قرانه قربان ائيله دی قاسمین میدانیده اعدانی حیران ائيله دی ائیله دی حقه کمک اول نوجوان قارداش کربلاده سو یولون آل امیه باغلادی اولمادی سو آغلادی اصغر جهانی داغلادی دگدی اوخ مشگه باخیب سقا یانیب قان آغلادی مشکی تک اولدی اوخا جسمی نشان قارداش حسن عرصه نی تنگ ائیله دی قارداشیوه قوم عنید اولمادی بیر دادرس درد و غمیم اولدی مزید قانلی مقتلده اخا عبداللهین اولدی شهید نوگلون اولدی جفائیله خزان قارداش حسن تا او صحراده حسینیم چاتدی بزم وحدته باشی دوشدی اللره اغیار گلدی جراته اولمادی بیر یاوریم یوز قویدی لشکر غارته خیمه گاهیم ظلملیه اولدی تالان قارداش حسن گلمدی قارداش منیم بیر کس او چولده دادیمه بحر غم ده اولمادی بیر سس وئرن فریادیمه چاره سیز قالدیم آنامی سسلدیم امدادیمه نالیه گلدی او دم کون و مکان قارداش حسن کاش اولیدون کربلاده ای عزیز مصطفا تا گوریدین نیله دی قارداشیوه اهل جفا هر گلن فرصت تاپیب ووردی او مظلومه یارا خنجر ظلمیله وئردی تشنه جان قارداش حسن کوچ ائدنده کربلادن جبریله شاماته من قالمشیدی قارداشیم توپراقلار اوسته بیکفن نه واریدی سایبان اگنینده نه بیر پیرهن نه وئروردی ساربان بیر دم امان قارداش حسن کربلاده کینه سین ائتدی عیان دین دشمنی صرصر غمدن سارالدی سولدی زهرا گلشنی گر چه دوشدی یوسفین الدن اله پیراهنی الدیم اللردن گتوردیم ارمغان قارداش حسن تا اسارتدن قوتاردیم سعی و همت ائيله ديم کربلایه یول سالیب عرض ارادت ائيله ديم آلتی گوشه قبری شوقیله زیارت ائيله ديم گلدیم اما دیلده وار درد گران قارداش حسن یوخ غمیم قارداشیمین عشقی اورکده جوش ائدیر ابر نیسانه دونور بیر قطره هر کیم نوش ائدیر کربلاسی اهل عشقی هر زمان مدهوش ائدیر آلتی گوشه قبر اولوب دارالامان قارداش حسن اذر 400 #محمد_هوشمند #مدهوش #ورود_مدینه

#ورود_مدینه ای اهل یثرب آگه اولون کاروان گلیر زینب گلیر بو شهره ولی باغریقان گلیر بیر قافله که گئتدی گئجه چوخ جلالیله ایندی شکسته حالدا همان کاروان گلیر همت له تئز چیخین قاباقا پیشواز ائدین یولار یوروبدی کیم گلیری خسته جان گلیر چوخ غمفزادی قافله نین یوخ جوانلاری هر بیر آنا و یا باجی قدی کمان گلیر پیشوازه کیم گئدیر قره گئیسین ملالیله آلعبا اورک دولی درد نهان گلیر کرب و بلانی ائتدی وطن گلمه دی حسین یاس دوتماقا او تشنه لبه بانوان گلیر بوندان صورا مدینه داخی قالمالی دگیل گولشن ده گر گول اولماسا بوی خزان گلیر عباس و عون و فضل وعلی اکبر جوان گلمیر ولی قولاقلارا صوت اذان گلیر یوخدور ربابین اصغری آغوشی بوش قالیب قونداقه لای لای دئیور اول مهربان گلیر پیشوازه کیم گئدور صود امر طفل آپارماسین چونکه ربابه طفل سسی چوخ گران گلیر پیشوازه ائدنده سعی ائلییون شادلیق ائتمییون یاسه باتیب آنا باجیلار نوحه خوان گلیر هر بیر آنا کی حسرتیله سسلیر اوغلونی فریاده ناله سینده زمین و زمان گلیر شاماتیده بلایه دوشوب آل مرتضی داغلی اورکدن اود کیمی آه و فغان گلیر تاراج اولوبدی گلشن حق باد ظلمیله غرق ملال اولوبدی گلن باغریقان گلیر زینب گلیر ولی آغاروب زلفی قدّی خم اولموش اورک قانی یوزه سو تک روان گلیر بو کارواندا سید سجاد دور فقط جمع رجالیدن که گوزی خونفشان گلیر اولدوردی اهل کوفه سوسوز میهمانلاری اولدی اولن بیر عده جانین قورتاران گلیر زهرا مزارینه یئتیرین قانلی کوینگی یعقوبه یوسفیندن او عالی نشان گلیر اُم البینه بو خبری کیم مگر دییه ر عباس اولوب دی قافله بی پاسبان گلیر صبر ائیله سین بو غمده نئجه مهربان آنا دورت اوغلوون اولوم خبری ناگهان گلیر اهل مدینه گلدیله پیشوازه دل غمین تصویره هانسی ذهنیده بو داستان گلیر بیر حاله قالمیشدی حرملر تانینمادی یاده دوشنده آه چو اتشفشان گلیر عالم بیلیر حسین قانی یئرده دور هله یول گوزلییون که منتقم حق هاچان گلور مدهوش اولور یازاندا قلم آیریلیق سوزون جوهر مثالی نوک قلمد ن ده قان گلیر #محمد_هوشمند #مدهوش

#ورود_مدینه بیر گونکه امّ سلمه اولوب تنگ حوصله سس دوشدی یثربه قییدوب غملی قافله پیغمبر خدا حرمیدی او باوفا تشریف گوئیا آپاروب درب منزله گوردی بشیری گورمیه گوزلر نجه بشیر گرد غم اگلشوب هامی شکل و شمایله جاریدی قان آتین قولاقیندان اوزی ملول آغلور دانیشدورولّا ولی گَلموری دله قاره گیوب سالوبدی آتین بوینونا قرا بیر پرچم عزا که قرادور آلوب اله چرپندی قلبی حالی پوزولدی او حالیده حیرتده دور دیور گوره سن وار نه مسئله ایستور حسینیمون خبر مرگینی ویره بیر اوزگه حادثه یتیشوب یوخسا حاصله ویرسه خبر حسین اُلوموندن بشیر اگر ناخوشدی اکبرین باجیسی قورخورام اُله اکبردن اوتری تیتروری قلبی گئجه گونوز گاهی شکایت ایلوری گاهی ایدور گله جاروب زلفیله اطاقین اکبرین سیلور گرد و غبارینی یووور اشک زلالیله شیرین یوخی گوزینه بو مدّتده گَلمیوب هجران غمی گئجه گونوزون دوندروب ئیله وعده ویروب عراقه آپارسون بو مضطری یارب دیور نه وقت اولاجاق اکبریم گَله عبّاس آناسی نیلیه جاق بُلسه مطلبی اونلان نه نوع چرخ ایده جاقدور معامله دورت اوغلینون گوزتلوری امّ البنین یولون نیلر او عمری قاره خبر ویرمیه هله ایوای منه بو غم خبری اُلدورور اونی ای کاش اوجالمیه بو هیاهو و غلغله وار بالخصوص علاقه سی آرتوخ حسینینه دائم سراغ ایدر که سلامت لیقین بُله سویلر دوشنده سوز که حسیندور امیدیمیز کشتی عمری دوشمیه ای کاش اونون گِله بو فکریدِیدی گوردی گَلور سس آنا سلام سس آشنا گَلوبدی گیدوبدی تامّله ناگه تانیدی زینبی سسلندی جان قیزیم من اُلمدیم نیه سنی گوردوم بو حالیله قولّارین آچدی جان کیمی بیر باسدی باغرینا شیون اوجالدی حشره کیمی قوپدی غائله بیر بیر سوروشدی باشلارینون ماجراسینی ویرموردی اشک ریزشی هرچند فاصله زهرا عزیزی دردینی بیر بیر بیان ایدور اوّل سوزی بو اولدی او بانوی کامله بیر گونده چوخ دونرمیش آنا دور روزگار مشکل آچانلارین ایشینی سالدی مشکله مهمان آدیله کوفه لیلر دعوت ایتدیلر دوندی قوناقلیق اولدی جدال و مقاتله اوّل سویون کَسوبله یولون اوچ گئجه گونوز آل علی و آل پیمبر بُله بُله اوچ گون اوشاق بویوک هامی قالموشدی تشنه لب باخ گور نولور سو اوچ گون اگر ویرمه سن گُله گُل غنچه سی کیمی سارالوب سولدی چوخ بالا اوج ایتدی عرشه ناله و فریاد و هلهله منجر اولوبدی جنگه ایشین آخِری آنا نه جنگ من نه عرض ایلیوم نه مقابله نه شرح ماجرایه سن ایسته نه من دیوم کشف اولماسون نه ظلم ایلیوب شمر و حرمله قانه بویاندی پیر و جوان یاد و آشنا ظلمون یتوردی کوفه نون اهلی تکامله لشکر داغلدی، خیمه تالاندی، وورولدی اود زرتار خیمه یاندی مبدّل اولوب کوله گُل تک وورولدی نیزیه باشلار بویوک کیچیک تقسیم اولوندی باشلار امیر قبایله یل قانلی زلفینه توخوناندا جوانلارین تبدیل ایدردی دللری ریحان و سنبله اولدوخ فرنگ اسیری کیمی دشمنه اسیر قولدا طناب ظلم، بویونلاردا سلسله بیر تازه داغ داغلی دل اوسته چَکیردیلر غم کاروانی که یتیشوب هر منازله شام اهلینون الیندن امان ای آنا اولار پیشوازه کوی و برزنه چخدی گوله گُله حاضر اذیّته اولار اولدی که اولمادی حاضر آتا بالالاری ایتسون مباهله زلفوم حکایت ایلوری باخسان ملالیمی بسدور اشاره یاخشی دیوبلر که عاقله اوغلانلی قیزلی نچّه بالا کم گَتورمیشم یولدا شهید اولوبلا بدون مجادله بسدور نه فاش ایده بُلوسون نه نهان سوزی اوخ تک یاخوندی سوز توخونوب قلبیوی دَله ای حافظی او صادقه ویر هی دعای خیر چون یاخشی فرق قائل اولور حقّ و باطله #ورود_مدینه #حافظی_تبریزی

حسینچی ام ... #گریز ، ورود به مدینه محمد علی مصیبی تبریزی ذرّ عالمینده تابع پیمان حسینچیَم فیض ولانی حقدن آلاندان حسینچیم قلبیمده ثبت اولوبدی بو عنوان حسینچیم چوخ چوخ گوناهیم اولساداهرآن حسینچیم مولا منی قووما قاپوندان حسینچیم من بادۀ محبّتیوه ساغر اولموشام کنز ولایتونده آغیر گوهر اولموشام ایللر بویی گوزل آدیوی ازبر اولموشام شه لرگلوب گئدوب سنه من نوکراولموشام تا وار بو تنده هر نه قدَر جان حسینچیم من جوشش و خروشیمی دریادن آلمیشام اوج شرف ده اوچماقی عنقادن آلمیشام صدق و صفانی دلبر طاهادن آلمیشام حبّ ولانی زادۀ زهرادن آلمیشام دار فنایه من گوز آچاندان حسینچیم تنها نه من کی عالم و آدم حسینچی دی گویلرده سیر ائدن گل مریم حسینچی دی علقم حسینچی اولماسا زمزم حسینچی دی ام البنین ، اوغوللاری با هم حسینچی دی بیر بیر دیوبله دیل دانیشاندان حسینچیم #گریز #ورود_مدینه سس دوشدی یثرب اهلی گلون کاروان گلور بیرکاروان کی ظلم گوروب بی امان ، گلور سجّاد بوینی یاره ، جفادن نشان گلور زینب سالوبدی باشه قرا باغریقان گلور هر بیر قدم آتور ائدور افغان حسینچیم هردم سیزیلدور آغلاشوری ائللریم ئولوب دوغراندی اکبریم صودامر اصغریم ئولوب قوللار قلم ماه ملک منظریم ئولوب باشی جداده سیر ائلین رهبریم ئولوب عالم بولور آنادان اولاندان حسینچیم بو حین ده دوشوبدی سس ام البنین گلور یعنی همان مام علمدار دین گلور گوزدن عذاره سیل ائدن اشک ترین گلور دورد اوغلونین آناسیدی آغلار، غمین گلور گوزیاشلارین گورن ائدور عنوان حسینچیم حُضّار گوزلری او کلام و بیان دادی آیا تمام غصه سی یوزده عیاندادی؟ فکری اوغوللاریندادی یا آیری یاندادی؟ اوّل سوزی بو اولدی حسینیم هایاندادی؟ عباسه مادرم ولی جاندان حسینچیم بو سوزده آغلاشوب حرمین اهلی زار زار زینب وروبدی باشه ائدوب گوزیاشین نثار آلدی جوابین امّ بنین مام داغدار دوندی او حالیله اولا تا شهره رهسپار سویلوردی دورد بالام اولا قربان حسینچیم سسلندی بیر مدینه لی ای مام خونجگر بیلدون کی گون هایاندا باتوب گوزگوروب نلر آیا سوروشمیسان کی هایاندا یاتوب قمر آخر نه دن سن آلمادین عباسیدن خبر؟ منده سنیله هر دم و هر آن حسینچیم بیرآن دایاندی امّ بنین طیِّ راهیدن بیر آه چکدی سینه یانوب سوز آهیدن بیرباخدی جَمعه حسرت آخوراول نگاهیدن بیرسوزدئدیعیان ائدوب عشقین گواهیدن هرکس ائشیتدی ایله دی اعلان حسینچیم گر باغبانیم اولماسا من یاسی نیلورم بی اذن باده ، ساغر احساسی نیلورم بارماق کسیلسه حلقۀ الماسی نیلورم آخر حسینیم اولماسا عباسی نیلورم ائتدیم بو نوعی عشقیمی عنوان حسینچیم کیم نوکر اولدی درگه شاه مدینیه مشمول اولوندی مرحمت بی قرینیه حق رحمت ایله سین بو « رسول عظیمیه »(1) ایللر سوروندی بو قاپودا چالدی سینیه یعنی آقا قووما قاپوندان حسینچیمـ

✅ زبانحال جناب عبدالله بن ابوالفضل (ع) به حضرت امّ البنین (س) هنگام ورود به مدینه بس آتام ابوالفضل هایاندادی هایانا ایدوبدی سفر آنا نه پیامی گَلدی نه نامه سی نه اوزیندن اولدی خبر آنا غم هجریدن سارالوب یوزیم گئجه گوندوزی غمه دولموشام گَله کاش بیرده بابام منیم گوره گُل کیمی نجه سولموشام بو سفر دگل یقین ایلورم بو جهاندا من یتیم اولموشام منی سسلوری آتاسیز هامی منه بو غم ایلور اثر آنا گوزیمون یاشین اَلیَم گرک سبب اولدی گوزیاشیما بابام نولی بیر گَله وطنه گنه باخا یار و یولداشیما بابام آلا گوگلیمی، منی دیندیره، اَلینی چکه باشیما بابام یقین اولسا گَلماقی یثربه بو یانان دله سو سَپَر آنا گورّم اوندا که گَلوری بابام منی ایلوری گنه سرفراز بو تازا لباس لاریمی گِیوب ایدرم جلالیله پیشواز غم و دردیمی دیرم اونا ایلینده سینه سی اوسته ناز قولونی سالار گنه بوینوما بو سولان یوزیمدن اُپر آنا گهی گُلشنی گوگل ایستوری، گهی گُل لری گوزوم آختارور گهی یادیمه دوشوری آتام، گهی ائل لری گوزوم آختارور گهی نازدانه رقیّه نی گهی اصغری گوزوم آختارور هله صبر ایدوب یانوب آغلارام باشیما گوروم نه گُلر آنا باخوسان منه نیه سن آنا گوزیوین یاشین یوزه باغلوسان منه دی سنی بابامون جانی نه اولوبدی سینوی داغلوسان دی گوروم ایوین یخیلوب مگر نه غم اوز ویروب بیله آغلوسان آتام اُلمیوب نیه آغلوسان نه فغاندی ساقدی اگر آنا نیه سولموشام ویروری نشان منه گونده آئینه ی گوزوم بو یتیمه لیق توزی دور قونوب یوزیمه منیم، بُلورم اوزوم منه طعن ایدور گوروم هر اوشاق بو شماتته نجه من دوزوم نجه گیزلدیم بو ملالیمی آتاسیز اولان بُلونر آنا یوخودا گیچن گئجه گورموشم بابامون یِرین من بینوا ایله غم فزا یِریدی او یِر آدینا دیوردیله کربلا سو یانندا دوشموشیدی بابام بدنی سراسریدی یارا ولی قولّارین گوره بُلمدیم ایلدیم نه قدری نظر آنا اوخیلان پر آچموشیدی اوزی، علمی بلشمیشیدی قانا تَکیدی، یانندا نه آغلیان نه گَلوب گیدن واریدی آنا ولی بیر بِلی بوکولَن خانم ایله داد ایدوردی یانا یانا اوزی قاره پوشیدی بُلمدیم کیمیدی او نیکو سیَر آنا کیم اولا دیدیم بو قدی کمان بابامی ایدوب بیله وقته یاد دیدیلر بو فاطمه دور بالا، قاپوسی یانان محنی زیاد گوروسن قابورقالاری سینوب ایدوری شکسته فغان و داد تانودیم صورا آنامیزدی بو بیله اشک چشمین اَلَر آنا دوشوب اوردا خیمه گهه یولوم، دیدیلر بو طفله پناه اولون منی عمّم آلدی قوجاقینه سالوب اوردا بوینوما تا قولون باشیما اَلین چکوب آغلادی دیدی گوزلمه باباوین یولون یقین ایلدیم یخیلوب ایویم اورگیمده ویردی خبر آنا دیدیم عمّه جان نیه آغلوسان نیه اولموسان بیله دلفکار بس عموم حسینه عم اوغلوما نه گَلوب منه ایله آشکار دیدی آل هاشمیدن بالا قالوری فقط بو علیل زار پوزولوب دیدیم یانا یانه من غمه سینم اولدی سِپَر آنا منی تا رقیّه گورن کیمی دولان ابر تک توکوب اشکینی دیدی گیت مدینه ده قاره گِی داخی چکمه سن بابا رشکینی گَتیروب سالوبدی بو چیگنیمه بابامون او اوخلی سو مشکینی بیله بیر محن گوره بیر بالا ایله وقتیده نه چکر آنا قِییدوب گَلوردوم او وقتیده دیدی گیتمه صبر ایله بیر دایان منه گوستروب علی اصغری باخوب حالینه ایلدیم فغان او گوزل بوغازینی تیغ تک اوخ ایله بیچوب سوزولوردی قان مگر اوخلانار سودامر بالا بو غم هیچ خیاله گَلر آنا بو نه سوزدی «اعظمی» یازموسان باخان اشکیله دولوری گوزی بیله غم یقیندی یازیلمیوب بو بالا عنایت ایدوب اوزی باخوب آغلا وِردِ زبان ایله گئجه گوندوزی بو همان سوزی بس آتام ابوالفضل هایاندادی هایانا ایدوبدی سفر آنا #ورود_مدینه #ورود_به_مدینه ✍ کلام استاد اعظمی تبریزی