#حسین_جان🌷 گداے #عشق تو از هرڪسے ڪه پا بخورد تورا ڪه داشتہ باشد غمِ چہ را بخورد تمام دغدغہ‌اش حسرٺ همین جملہ‌سٺ خداڪند ڪه مسیرم #اربعین بہ #ڪربلا بخورد #۲۹_روز تا #اربعین🏴 #اللهم_ارزقنا_زیارٺ_اربعین💚

عرض ارادت به حضرت رقیه (سلام الله) سلام اولا آقامین خیردا کیمیا قیزینا الی اورکده گیدن شامه بی ریا قیزینا سلام اولا اورگین تیر غم سیخان خانیما مصیبت بابا دان دورده چیخمیان خانیما سلام اولا قدی غمدن کمان اولان خانیما شامین یولیندا گوزل صورتی صولان خانیما سلام اولا گیجه یاری قارانقولوقدا قالان باشین قوجاقینه زهرا آناسی بیردن آلان سلام اولا او شیرین دیل قیزی دانیشدیرانا زماندن کوسولن قلبینی باریشدیرانا سلام اولا خانیمین لحظه ی خراب حالینا او گول بدنده دویولمیش کعبینن قاراخالینا سلام اولا قوری یئرده خرابه منزیلینه باتاندا گون زمانی قلبینین او سوزشینه سلام تا به ابد لحظه ی ملاقاته باباسینی گتوروبلر چاتان مناجاته آلوب قوجاقینه باشی، سوزون باشین آچدی تمام قلبیلری غم دوتوب آشوب داشدی دوداق دوداقه قویوب سوزلرین دیه بیربیر او لحظه ده قوجالوب واقعاً اولوبدور پیر گوروبدی آلنی یارالی ، دوداقدا پارچالانوب کسوکدی رگلری کول گوزلرینه سایه سالوب ددی بو خسته جانیم جانیوه فدادی بابا نیه باشون بدنوندن بِیله جدادی بابا هایاندا قالمیشیدون یوز گوزون کوله بلنوب نه خاطره باشیما گرد غم بیله النوب هایاندا قالدی منیم دل ربا گولیم اکبر هانی عموم ،هانی قاسم ، هانی علی اصغر نیه زمانه داغیتدی جلالیمی با با چوخالتدی دهریده هر دم ملالیمی با با اوقدری دردینی اظهار ایدوب باشا چاتدی تمامِ عرض و سمانی رقیه آغلاتدی دِیوبدی سوزلری آخر رقیه جان وردی ملکلر اَندی یئره شاه دخته سان وردی گوز آچدی عمه گوروبدی یارالی باش یئرده بو صحنه آل عبا قلبینی سالوب درده خرابه منزیله گَل گور قیامت اولموشدی اونوندا باعثی بیر آن عیادت اولموشدی چو (( فیضی ام )) یازارام من سه ساله زهرادن ئولِنجه ایستیورم آه و ناله زهرادن * رحیم فیضی اردبیلی برچسب‌ها: رحیم فیضی اردبیلی

#غزل_جدید هیئتوندن یا حسین جان خاطراتیم وار منیم سن سیز ای آقا مگر راه نجاتیم وار منیم من اوشاخلیقدان سنون آدین گلنده آغلارام دیده لردن آسلانان آب حیاتیم وار منیم منده یوخ حکم نبوّت قادرم اعجازه لیک عالمیمده اورتولی چوخ معجزاتیم وارمنیم تشنیه ایم گورسدیگون عرفانه عاشورا گونی میل شرب قطره ی آب فراتیم وار منیم چرخ گردون چوخلارین شیطانه سرباز ایلدی حمدلله نوکر اولماغدا ثباتیم وار منیم منده گاهی ایتمیشم یولدا ولی تاپدون منی من نه جراتلن دیوم عالی صفاتیم وار منیم ثروتیم تنها بو دنیاده محبتدور حسین گَل او گون دیداریمه روز وفاتیم وار منیم #عبــــادی_طارمــی #یا_حسین_جان #محرم_1403

ثواب نوشیدن آب به یاد امام حسین علیه السلام چقدره ؟

س) زبانحال ‍ نوحه شهادت حضرت رقیه (س) زبانحال عمه جان هاردا قالوب یورقون آتام قویموری درد و غمی ایندی یاتام چوخ ویروب یولدا منی شمر دنی سالموشام زحمته یوللاردا سنی عمه سن سن منیم عالمده بوگون دادرسیم وار سنه زحمتیم عمه نچه کی وار نفسیم چاتموری بیر کسه عمه بیله بحراندا سسیم چوخ ویروب یولدا منی شمر دنی سالموشام زحمته یوللاردا سنی عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک چوخ ویروب یولدا منی شمر دنی سالموشام زحمته یوللاردا سنی عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبره آغلامشام سینه می من داغلامشام چوخ ویروب یولدا منی شمر دنی سالموشام زحمته یوللاردا سنی عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم چوخ ویروب یولدا منی شمر دنی سالموشام زحمته یوللاردا سنی شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق چوخ ویروب یولدا منی شمر دنی سالموشام زحمته یوللاردا سنی گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه سامان گله جاق چوخ ویروب یولدا منی شمر دنی سالموشام زحمته یوللاردا سنی عمه زینب بابامی گورمکه بو دیل تلسور گون باتاننان بوگیجه قلب حزین گول تک اسیر گلموری ایندی بابام بیلمورم هالاردا گزیر چوخ ویروب یولدا منی شمر دنی سالموشام زحمته یوللاردا سنی هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر چوخ ویروب یولدا منی شمر دنی سالموشام زحمته یوللاردا سنی گر گیدوبدی سفره شبه پیمبر هانی بس ئولوب اکبر اگر عباس دلاور هانی بس نوجوان قاسم هانی تشنه لب اصغر هانی بس چوخ ویروب یولدا منی شمر دنی سالموشام زحمته یوللاردا سنی آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب چوخ ویروب یولدا منی شمر دنی سالموشام زحمته یوللاردا سنی (( مهدیم )) عرض ایدرم ای گل گلزار وفا دفتره یازدوم آدین دفتریمه ویردی صفا لطف ایله نوکر درباریوه قیل لطف عطا چوخ ویروب یولدا منی شمر دنی سالموشام زحمته یوللاردا سنی ** مهدی ملکی زنجانی

#حضرت_زینب_مدح تا حشر اگر که مام جهان دختر آورد کی دختری چو زینب نیک اختر آورد دارد شرف به جملهٔ ابناء روزگار دختر بدین جلال هر آن مادر آورد پروردن چنین گُهری کارِ دهر نیست دریای عصمت است که این گوهر آورد نازم به دختری که ز جودِ وجودِ خویش بر تارکِ بشر ز شرف افسر آورد تیغ زبان کشد ز نیامِ کلام چون دشمن چو کوه گر بُوَد از پا درآورد او شرزه شیر بیشهٔ فضل و شجاعت است زشت است کَس به لب سخن از مضطر آورد #طایی_شمیرانی

احوالات مجلس یزید آند اولا الده ئولن قارداشیمون غیرتینه اگمرم باش اموی زاده لرون دولتینه غرفه لردن سپولوب گل یرینه کول باشیما جرمی آیا ندی توهین ائدوسن قارداشیما خیمه میز گر چه یانوبدور دل آبادیم وار قوللاریم باغلیدا اولسا اوجا فریادیم وار گر حسین ئولدی یرینده هله سجادیم وار باتمیشوق یاس کیمی گر چه غمیندن یاسه جانشینوک او حسینه من ئوزوم عباسه آز تکبر ائله آللانما یالان دنیادی بیزی چولدن چوله قولباغلی سالان دنیادی یار و انصاریمی بیر گونده آلان دنیادی جام آمالیوی فکر ایلمه دائم دولاجاق بیزی کیم خوار ائلییوبدور ئوزیده خوار اولاجاق جاه و اجلالیوی فکر ائتمه فلک آلمیاجاق تختیدن حق الی فکر ائتمه سنی سالمیاجاق یرده ناحق توکولن قانلاریمیز قالمیاجاق اصغرین قانی سنون تختووی تابوت ائده جک بو جلالی که وارون باد فنایه گئده جک خاریله برگ گل جنتی ظالم قیروسان حقون آئینه سینون حرمتینی سیندیروسان آغلاشور قیزلاری سن یاره لی باشی ویروسان قلبیده کینه نون او قانلی باشا نسبت چوخوموش سنده هئچ عاطفه و رحم و مروت یوخوموش صدمه ویرما او حقیقت دانیشان قانلی لبه شفق ایجاد ائلمه چهره ماه ادبه عترتین گوندوزینی رحم ائله دوندرمه شبه او امامت آئی قیزلار اونون اولدوزلاریدی سن ویراندا ملشنلر او باشین قیزلاریدی قانه غرق اولسا خیال ائتمه یوزی تار اولاجاق معرفت اهلینه بو نقطه ی پرگار اولاجاق هارا دفن اولسا ، ملائک اورا زوار اولاجاق انبیاء مرقدینون یوز قویاجاقدور داشینا دولانار کعبه کیمی بیر گونی عالم باشینا هامی عریانه ویرن جامه برد یمنی اوزینون اولمادی دفن اولماقا حتی کفنی باشی طشت ایچره دی چوللرده یارالی بدنی کسیلنده باشی دگمیشدی فقط آلنینا اوخ گور سالوبسان نه حالا جسمی کیمی صاف یئری یوخ خولی قویموشدی تنور ایچره بیلنمیشدی کوله بیلمدی حیفدی گول اوستونه کوللر دوزوله قوجا راهب یوویب عطریله ، اونی بوکدی گوله عطری قرآنی آلوب تابع قرآن اولدی درک ائدوب حقیمیزی دوندی مسلمان اولدی اوزیده قاره گییوب دیره ده چکدیردی قرا صبحه جک سینه سینه ویردی اولوب نوحه سرا او حسین وای دیدی آغلاشدیلا یورقون اسرا نا مسلمان یودی آغ خدینی ئوپدی دارادی سن مسلمانسان اگر ویرما دوداقی یارادی