🍃🌸 ❤️امام رضا(ع) فرمود:❤️ 🌷هرکس چاره و راهی برای جبران گناهان خودندارد، بسیار برمحمدو آل او صلوات بفرستد؛ چراکه صلوات گناهان را نابود می‌کند. 📚 امالی شیخ صدوق، ص۷۳

‍ ‍ روضه حضرت زهرا قاپی یاندی اوجالوب شعله دولوب توسی ایوه (علی ایلشیب ایوده بالالار ایوده ایلشیبلر زهرا قاپی دالندا) قاپی یاندی اوجالوب شعله دولوب توسی ایوه خانمن قالدی جگر گوشه سی پشت درده درو دیوار سخب سینه سینی مثل کتاب صدفه صدمه یتوب اولدی فنا گوهرده اولان اولدی یخلوبدی حسنینین ننه سی ایاقا دورماقا اولمادی توان پیکرده ورسالار هر خانمی ایلسه گر سقط جنین اولار امید گوزی قائده دور شوهرده دل دیدی دلبری سسله ولی شرم ایتدی خانم فاصله آچدی حیا بین دل و دلبردن بیر زمان صحنه قدم قویدی گوروب شیر خدا عصمت الله عباسیز یخلوب منبرده (علی چخدی صحنه گوردی الله ناموسی یخلوب یره ) بالا بیر یاندا دوشوبدور ننه بیر یاندا قالوب ضعف ائدوب صحنیده دل یوخدی گوزل همسرده باغلیوب قید مشیت دیدی افسوس الیمی یاندی قلبیم اله کی عود یانار مجمرده ذوالفقاریم ایتیدور پنجه لریم قوتلی من همان مرهبی نابود ائدنم خیبرده سویگولوم گوزلرین آچ زینب ئوزون ئولدوردی دییر الله کمک ایت ئولدی ننم الرده حسنینین نگراندی دولانور صاغ صولوا ملشولر ایکی جیران کیمی دوروبرده سن دوروب منزله گیت محسنی من دفن الیوم یوخوموش عاطفه بو قوم جفا گسترده صحلیدور یاندی قاپی قتلگه اولدی ایویمیز غنچه میز آچمادی گل سولدی دم سرسرده یازسام ایلر بویی چخمازخانمن دردی باشا سخن ایماعیله زیبادی سخن ور فرده خانما آغلادوقیجا اورگیم آرتور اوتی اشک تر قویمور اثر قلبیده کی آذرده بانوای زنده یاد حاج محمدباقرمنصوری اردبیلی

✔️زبانحال حضرت فاطمه زهرا عليها السلام در بستر شهادت اگلش باشیم اوستونده عم اوغلی ویرورم جان قرآن اوخی ای ناطق قرآن سنه قربان الله سوزونی سندن ایشتماق نه گوزلدی جان اوسته نظر حسنوه ایتماق نه گوزلدی مدتدی سنه همسرم ای خسرو خوبان بو مدتی قیلدون منه الطاف فراوان گل بیر ده منه لطف و کرم قیل سنه قربان گوگلوم غمین آل رفع ملال ایله عم اوغلی زهرانی کنیزوندی حلال ایله عم اوغلی چوخ عمر دیردیم منه لطف ایلسون الله بو عمری سنه خدمته صرف ایلیم ای شاه افسوس که تیز ایله دیلر عمریمی کوتاه ناحق یره ظلم ائتدی منه اوّل و ثانی ئولدوردی منی محسنیمون سقط زمانی درک ایلیه لی محضریوه فیض تشرف اولموب که اولا حضرتوه عرض تکلف بو آیریلیقا غم یمه چوخ ایتمه تاسف فرض ایله که زهرا یوخوموش دار فناده یا بیر گلیدی سولدی گلستان وفاده هر چند که گلشنده کی گللر گلیم من بو فخر منه بسدی سنه سویگلی یم من خار ستمون حیف اولا خونین دلیم من گللر بوله جاق نسگلیمی خار آراسندا بلبلده غم حسرت دیدار آراسندا مندن صورا گلشنده آچار سوسنی گللر ایستر بوله لر صورتی سوسن منی گللر گتسن چمنه گورسله من سیز سنی گللر انصاف ایلموب باخماسا نرگس گوزی حسرت نه یوزله بنفشه یره تیکمز رخ خجلت غصب ایتدی سنون حقویله ملکیمی دشمن غملندیم اوتوردوم ایلدیم ناله و شیون تا رخصت آلوب حقوی اثبات ایلیم من مسجدده گیدوب ایلدیم حق سوزلری اعلان طغیانیله بوبکر اوزیده اولدی پشیمان گوردوم کمکون یوخ سنون ای شاه ولایت هر کیم یتیشور ایلوری بیر نحو اهانت ایفای وظیفه ایلیوب ایتدیم اعانت ناچار قالوب خلق آرا مسجدده دانشدیم اثبات ایلدیم حقوی جانلار سنه قربان ثانی منیم حق سوزلریمه تاپمادی برهان کسدی یولومی آچدی ال اول دشمن قرآن ای تک یوزومی سالدی خسوفه او ستمکار اولدوم او زماندان من عم اوغلی بیله بیمار الطافوه چوخ شایقیم ای شمس هدایت وی سایه سی عالم لر آرا سایه رحمت دوشسه باشیما لطفویله ظل عنایت عرشه اوجادار باشیمی ای روح روانیم ای عالم آرا روح و روان و دل و جانیم ساین نه گوزل سایه دی ای سرور دوران ساینده سنون دالدالانور عالم امکان سالسان باشیما سایه وی ای سایه رحمان بو سایه چوخ عزت اولی زهرایه حبیبیم گر چه سالارام چوخ باشا من سایه حبیبیم آندا ایچمرم اول جانه اولا نقص ارادت سوگند اولا اول خاکه که کویونده دی تربت قلبیمده سنه موج ویرور مهر و محبت بیر جوهره مهر که اوندا عرض اولماز دنیا هاموسی مهر اولا اونلا عوض اولماز «ذهنی» نه گوزل تاپموسان عالمده سعادت بو تاپماقوا باعث اولوب خالق عزت یاز بو سوزی زهرا دیدی ای شاه ولایت الله سوزونی سنده ایشتماق نه گوزلدی جان اوسته نظر حسنوه سالماق نه گوزلدی ✍️ مرحوم حاج عبدالعظیم ذهنی زاده #اگلش_باشیم_اوستونده_عم_اوغلی #ذهنی_زاده #فاطمیه فایل صوتی👇👇👇

ایتدون منی آواره آی ننه دردیمه یوخدی چاره آی ننه نیلرم سنسیز ایویم یخلدی گیتدون نه تیز مزاره آی ننه کربلایی بهلول از پرند

زبانحال امام حسن منیم ننم حیالیدی مدینه نون مارالیدی یاواش قویون مزارینه قولی سینیب یارالیدی گلین ننم جوان ننم جوانلیقی یالان ننم همیشه غملی گولمدی اووه گلیین گتیرمدی خانم بهروزی

عزیزیم قالا یری...... ای اورکده وار یارا یری.....ای بونان چتین درد اولماز ننه اوله قالا یری..... ای لایلای مهربان ننه لر لایلای.... خانم حسن زادگان از خوی

‍ روضه حضرت زهرا(س) درکوچه ای من بوده ام دستم به دست مادرم دیدم که زد آن بی حیا سیلی به روی مادرم (دییر گوردوم ننم ئوز ئوزونه دانشیر) هیچ من دیمیرم لاله لی داغ داشیم اولیدی یا غصه و غمدن آغاران باشیم اولیدی اسدی اورگیم ثانی منه سیلی وراندا آرزوم بویودی بیردنه قارداشیم اولیدی دیمیرم دردی بونون بیر سند پاره یدی دیمیرم مشکلی بیر گمشده گوشواریدی درد بودی بیر قولی سنمشدی اورک یاره یدی خانمی سالدی ایاقدان ایکی سیلی یاراسی ایندی فکر ایله نیه تئز ئولدی رقیه بالاسی 👇👇👇👇👇👇

#فاطمیه_مدح_و_مرثیه #هادی_قهرمانی بخش 1 او گون که فاطمه جام بلانی نوش ایلدی چراغ عمرونی باد اجل خموش ایلدی ___________🔸🔶🔸_________ گتوردی سینه ی مولانی غصه لر تنگه چالیبدی شیشه ی صبرین قضا الی سنگه ___________🔸🔶🔸_________ مدار محنت و غمده باتاندا ماه علی سپهر اَزرقه اوج ایلیردی آه علی ___________🔸🔶🔸_________ کنار بستر زهراده دل غمین و فگار توکردی گوزیاشینی مرتضی چو ابر بهار ___________🔸🔶🔸_________ گورنده حالی پریشان ؛ بتول عذرانی بو دللریله مخاطب ائدردی زهرانی ___________🔸🔶🔸_________ دیردی گل من بی اقربانی ترک ائتمه بو غربت ایچره غریبم ؛ آدامسیزام گئتمه ___________🔸🔶🔸_________ فراق شرحین ؛ اوخی چشم اشکباریمده وطن غریبیم اوز شهر و اوز دیاریمده ___________🔸🔶🔸_________ ملال و دردیله جانیم اولوبدی آکنده سنه بو تزلیقا ئولماق دگور برازنده ___________🔸🔶🔸_________ بو دودماندا علی ؛ دل خوشیدی بیر سنیله دوباره بیر نولی آچ گوزلرون دانیش منیله ___________🔸🔶🔸_________ بو سوزده مهر و وفاسی اورکده جوشه گلوب عزیز جان پیمبر دوباره هوشه گلوب ___________🔸🔶🔸_________ آچوبدی گوزلرینی نور عین ؛ عین الله ولی حق یوزونه حسرتیله ائتدی نگاه ___________🔸🔶🔸_________ نه گوردی فاطمه ؛ آغلور علی یانا یانه سالوب شرار دلی اوت بو کون و امکانه ___________🔸🔶🔸_________ بیوردی باغریمی دوندرمه لاله تک قانه عم اوغلی چاره ندور؟ صبر ایله بو هجرانه ___________🔸🔶🔸_________ خدنگ آهیمیله قلب عالمی بولم بو حالیله بولورم زنده قالمارام ئولم ___________🔸🔶🔸_________ جهاندا ایندیکی من اولموشام انیس محن گیجیله غسلومی ویر سن ؛ گیجیله ایله کفن ___________🔸🔶🔸_________ مزاره تاپشور اوزون ؛ بو شکسته گویلومی آل اولاندا هر شب جمعه منی ده یادیوه سال ___________🔸🔶🔸_________ وصال فصلی یتوب باشه ؛ باشلانور هجران بو صون نفسده عم اوغلی تلاوت ائت قران ___________🔸🔶🔸_________ سسیوی ایستیری گویلوم دانیش ؛ مَقال ایله حسینه خاطر عم اوغلی منی حلال ایله ___________🔸🔶🔸_________ گوروبدی باد خزان سولدورور گل یاسین کنار بستر زهراده باشلادی یاسین ___________🔸🔶🔸_________ اوخوردی صوت ملیحیله مرتضی قران ولیک ؛ گوزلری ابر بهار تک گریان ___________🔸🔶🔸_________ شرار ماتمه دنیانی یاندیروب یاخدی علی جمالینه آخر نفسده بیر باخدی ___________🔸🔶🔸_________ تمام عالمه اوز عشقینی نشان وئردی الی عم اوغلوسونون اللرینده جان وئردی ___________🔸🔶🔸_________ باتیبدی ماه علی ؛ نه فلک غمه باتدی یاتانمین گیجه لر ؛؛ یومدی گوزلرین یاتدی ___________🔸🔶🔸_________ بسان بلبل شیدا چمندن آیریلدی خانم نه نوع حسین و حسندن آیریلدی ___________🔸🔶🔸_________ کمال حسرتیله باخدی یارینین یوزونه چکوب قطیفه نی مولا نگارینین یوزونه ___________🔸🔶🔸_________ اورکده لاله کیمی ؛ درد و داغ تازه قالوب اولونجا نیمه ی شب ؛ یرده گل جنازه قالوب ___________🔸🔶🔸_________ یاتوبدی دیده ی دنیا اولوب گئجه یاری یارالی یارینه ایستردی غسل ائده یاری ___________🔸🔶🔸_________ سرشک چشمینی دامانه توکدی پیوسته قویوبدی مغسله زهرانی لیک آهسته ___________🔸🔶🔸_________ کمان غم ؛ دله تیر غم و بلا ساچدی الین آپاردی یواش قاره معجرین آچدی ___________🔸🔶🔸_________ داغیلدی زلفلری دسته دسته سنبل تک فغانه گلدی علی باشی اوسته بلبل تک ___________🔸🔶🔸_________ قرار و صبرینی دلدن غم فراق آلدی دوباره حسرتیله یارینه نظر سالدی ___________🔸🔶🔸_________ نه عرض ائدیم ؛ نجه شرح ایلیم ندور مطلب نه گوردی دیده ی حق بین مرتضی یا رب؟ ___________🔸🔶🔸_________ بو غمده ارض و سما جمله نوحه خوان اولدی نهانی سرّلری مو به مو عیان اولدی ___________🔸🔶🔸_________ نلر اولوبدی بتوله علی او دم آندی گورنده صورت زهرانی اود دوتوب یاندی

#فاطمیه_مدح_و_مرثیه #هادی_قهرمانی ___________________________ بخش 2پایانی نلر اولوبدی بتوله علی او دم آندی گورنده صورت زهرانی اود دوتوب یاندی ___________🔸🔶🔸_________ لطیف گل کیمی یوزده گوروبدی دست لئیم بهار وقتی خزان نقشین ایلیوب ترسیم ___________🔸🔶🔸_________ او قدر قالمادی که روحی آیریلا تندن منی بیوردی حلال ائت خجالتم سندن ___________🔸🔶🔸_________ قوتاردی غسلی غرض چشم اشکباریله وداع آخرین ایلردی یار ؛ یاریله ___________🔸🔶🔸_________ یوزه سرشکینی شبنم کیمی دوزوبدی علی خدا بولور نجه زهرادن ال اوزوبدی علی ___________🔸🔶🔸_________ وجود شهرینی تسخیر ایدوبدی لشکر غم نه حالتیله کفن بندین ایلدی محکم ___________🔸🔶🔸_________ یانیبدی قلبی ؛ چیخوب دود آهی لاهوته چوخ احتیاطیله زهرانی قویدی تابوته ___________🔸🔶🔸_________ بیوردی زینبه گل سینه داغلیاق باهم داریخمیشام ؛ آناوا اوخشا آغلیاق باهم ___________🔸🔶🔸_________ یتیمین اشکی آخاندا اورکلری یارالار آنا جنازه سی اوسته دوشندیلر بالالار ___________🔸🔶🔸_________ بیری دیردی آنا ؛ رخت الفتی سویدون سبب نه اولدوکی بیزدن بو تزلیقا دویدون؟ ___________🔸🔶🔸_________ بیری دیردی که سنسیز نه ایو نه کاشانه سن اولماسان ویراجاق کیم بو زلفیمه شانه ___________🔸🔶🔸_________ بیری دیردی که ای چرخ عصمته کوکب فدا اولوم سنه آچ گوزلرون منم زینب!!! ___________🔸🔶🔸_________ آنا نولوبدی دل ماسوانی قان ائدوسن یتیمه زینبی باشسیز قویوب هارا گئدوسن؟ ___________🔸🔶🔸_________ مطول اولدی بو غمنامه ای قلم قورتار اگر چه یازماقا درد و غم ایلوری وادار ___________🔸🔶🔸_________ بو آستانیه عجزیله یوز قویوب (هادی) نقدر وار بو جهان و نقدر برپادی ___________🔸🔶🔸_________ علی و آل علی نوحه سین یازیب آغلار بو خیر عملریله ؛ کوله بارینی باغلار ___________🔸🔶🔸_________ بتوله آغلاماقین اجری بی نهایتدی علی ولایتی اهل ولایه عزتدی ___________🔸🔶🔸_________ ولایت اهلی دوزر هر بلایه ؛ قاش اگمز جهاندا هیچ کیمه غیر از خدای ؛ باش اگمز ___________🔸🔶🔸_________ خدنگ قهر زمانه ؛ اگر چه آماجم ولیک فخر ائدرم بیر حسینه محتاجم

 به شام غریبان حضرت امام حسین (علیه السلام) حسینیلن حسن آلدی خبر احوال زهرانی جواب عرض ائلدی اسماآنوز ترک ائتدی دنیانی آنا دیدارینه تحفه تدارک اولدی گوزیاشدان ایکی آزاده شهزاده عمامه گوتدیلر باشدان حسین سبقت ائدوب قاچدی الینی چکدی قارداشدان حسن آردینجا هر لحظه ائدردی آه و افغانی حسن سویلر بو محنتدن سارالدوق گل کیمی سولدوق بولوط تک غصه و غمدن دوتولدوق گور نجه دولدوق حسین سویلر حسن قارداش آنادان بیز یتیم اولدوق یووار کیم زلفیمی کیم رام ائدر بو قلب نالانی پریشانحال و افسرده اولوبدور داخل خانه آنا زهرا،آنا زهرا ،دیوب گلمشلر افغانه چیخیب پیشوازه نالان لار وئره تسکین پریشانه نجه ساکت پریشانلار ائدر حالی پریشانی بیری زینب بیری کلثوم گلوبدور غملری جوشه یولورلار تل به تل زلفی توکلر سینه و دوشه هره بیر قارداشین چکدی او ایکی باجی آغوشه بوسویلر صبر ائله قارداش اوسویلر بس آنام هانی باجون ئولسون حسین قارداش سنه زینب اولا قربان آنامون باشینون اوسته گل اگلش سن اوخی قرآن سنون قرآن سسون وئرسون تسلای دل سوزان الون قوی سینه مه ساکت ائله بو قلب سوزانی اویاندا هایهائیلن گلوب افغانه قارداشلار بی یاندا باجیلار گوزدن توکر جیحون کیمی یاشلار نجه که بیر چمن زاری بولوط دوتجاق یاغش باشلار اولوب اول مجلس ماتم گلستان مثل بارانی بو غمدن بو مصیبتدن بو ماتمدن بو عنواندان یازوب تا سوز بورا گلجک سوزی سوز چکدی هریاندان الهی یادیمه دوشدی همان شام غریباندان حسین بیکسون اول گون شب شام غریبانی سوزی ای بلبل طبعیم یاریدا قویما تئز باشلا اوزوی چوخ هلاک ائتمه گوگل ملکنده داغ داشدا گلور میدانه بیر دختر گئجه نین وقتی اوچ یاشدا آتاسین آختارور تاپسون دولانور قانلو میدانی جنازه یان یانا یاتمش او پر وحشت بیاباندا باخار بو نعشه اول نعشه ائدر حیرت بیاباندا اوجالدی غفلتی بیر سس همان ساعت بیاباندا قیزیم آرام جان ای بو چولون شمع شبستانی بو صحرای غم افزاده نشیمن ایلمه گوشه یامان وقتیندو گورم چون غم و دردون گلوب جوشه بالا آواره سر گردان دولانما تئز گل آغوشه سنه سینمده یر وئرم بالام جانی قیزیم جانی سنه بو "یحیوی"ای شاه مظلومان فدا اولسون آتام یحیا فدای خاک پای مرتضا اولسون آنام آغلار گوزیله فدیه سی خیر النسا اولسون فراموش ائمته یوم حشرده خیرالنسا اولسون شاعر : مرحوم یحیوی

تاريخ: ۱۳۹۷/۰۱/۰۴ زبانحال به حضرت فاطمه زهرا (سلام الله) دور ای بهارین گل یاسمنی دور ای بلشن قانا پیرهنی کفن یاراشمور ننه قامتیوه فدا اولوم یاره لی صورتیوه گوزلرون آچ ننه جان ایلمه قلبیمی قان قوی ایاقوندان اوپوم بو گیجه یاتما اویان اسور وجودیم هریانی بو دردیمون یوخ درمانی گوزوندن آتما دنیانی بو نالانی دور ای پیمبر ریحانی ای جانانی گل پیمبر آی ننه عزیز حیدر آی ننه بابام ییغوب باشینه گللرینی ائله چالور بیربیره اللرینی منی قوجاقینده نوازش ایدور دیور ننون ملک بهشته گیدور آغلاما چوخ آناوین روحی نویه گلر بیرگون اولار منیلن کرب وبلایه گلر دینده سن ایوای ننه آنان دیر ایوای سنه یانار مثال پروانه بو ریحانه گلر غمونده افغانه بو ریحانه گل پیمبرآی ننه عزیز حیدر آی ننه منبع : مجمع شعرا و مادحین موضوع: حضرت فاطمه زهرا (س) زبانحال , 

تاريخ: ۱۳۹۷/۱۱/۰۴ زبانحال حضرت فاطمه زهرا (سلام الله)به فضه ای غم گونومون یاوری هم محنتی فضه گل فاطمه نون وار سنه بیر صحبتی فضه اوّل بودوکی من گیدورم دار فنادن نالانم اگر قورتارورام جور جفادن بو چرخ فلک چکموری ال آل عبادن وقت اولدی بو گون عالم عقبایه گیدوم من آخر حسنینیله خداحافظ ایدوم من من فضه بو گون ایلمشم منزلی خلوت واردور سنه چوخ قورخولی بیر غملو وصیت بو کوینکی آل ساخلاگلان مندن امانت بیر گون گلجک سنبل غارتدی بو کوینک محشر گونی اسباب شفاعتدی بو کوینک اولگون که یاغار بارش غم دشت بلاده غم قافله سی لنگ اولاجاق کرب و بلاده اوغلوم بو حسین نعشی قالان وقته اراده عریان بالاما حایل اوگون پیرهن اولسون اللرده ئولن اوغلوما کوینک کفن اولسون سینم گلیدور فضه بیلورسن بو حسینیم من سیز دوشه جک زحمته بو نور دوعینیم دریای غمه غرق اولاجاقدور حسنینیم زهریله حسن خانه سی ویران اولاجاقدور یالقوز بو حسین قاننه غلطان اولاجاقدور بیرگون گلجک قالّام او گون فضه اوغولسوز علقمده دوشر اوغلوم ابالفضلده قولسوز اول وقته قالار تشنه حسین عرصه ده یالقوز حالی اولاسان اوندا ئوزون مطلبه فضه بلدورمیه سن کوینک ایشین زینبه فضه هر وقته حسین ایستدی بو کوینگی آلسون وقتی باباوای ناله سیدور عرشه اوجالسون کیمدور او زمان زینبیمین قیدینه قالسون زینب باش آچوق قتلگه ساری قاچاندا قارداش باشی اوستونده باجی باشین آچاندا: حیدر قیزییام رحم قیل ای شمر اماندور بیر جرعه سو ویر قارداشیمون حالی یاماندور لشگر داغیلوب اوغلی اولوب قدی کماندور بو یاره لی نون آز گل گلزارینی سولدور ظالم بو حسینون یرینه گل منی ئولدور ای فضه یانار قلبیم اوگون نور دو عینه فرمان ویریلر آت چاپالار نعش حسینه نه حاله قالار زینب بیچاره سکینه جهد ایله اوگون زینبه امداد ایده سن سن امداده ابالحارثی فریاد ایده سن سن یاز «نادری» بو مطلب ایدوب باغریمی القان زهرا بالاسی تشنه حسین قورخولی میدان گون ایستی قوم اوسته بدن یاره لی عریان شرم ایلمیوب فاطمه دن قوم عداوت زهرا ویرن اول کوینگیده ایتدیله غارت شاعر : مرحوم  نادری موضوع: حضرت فاطمه زهرا (س) زبانحال ,  زبان شعر و شاعر: نوحه ترکی , نادری 

‍ ‍ زبانحال حضرت زهرا سلام الله علیها سبک :ای منی آواره قویان... گل ئولورم چوخدی سوزوم عم اوغلی عم اوغلی آغلا منه باغلا گوزوم عم اوغلی عم اوغلی من گل پرپر شدۀ فراقم فراقم دای بو نفس چکماقا یوخ علاقم علاقم ایوده سنه آخشاما چان قوناقم قوناقم بیردی گجیلن گونوزوم عم اوغلی عم اوغلی اوندا که اود چکدی شرر قاپومدا قاپومدا ووردی قضا زنگ خطر قاپومدا قاپومدا فضّه بیلر اولدی نلر قاپومدا قاپومدا ایندیده بیمارم ئوزوم عم اوغلی عم اوغلی گوش دلیم سنده دی بیر مقال ائت مقال ائت غصه لی قلبی گینه پُر ملال ائت ملال ائت زینبه خاطر منی گَل حلال ائت حلال ائت گول ئوزومه گولسون ئوزوم عم اوغلی عم اوغلی آیریلیرام آیریلیقا نه چاره نه چاره دای گوره بیلمم یوزیوی دوباره دوباره دوشدی بو یورقون نفسیم شماره شماره وای نئجه سندن اَل ئوزوم عم اوغلی عم اوغلی ناله وی مَغسَلده گویه اوجاتما اوجاتما غسلیمی ویرسن باشیوا اَل آتما اَل آتما تندن عزا کوینگیمی چیخاتما چیخاتما پرده لی قالسون بو سوزوم عم اوغلی عم اوغلی دردیمی دلدن آقا سان بیلَرسن بیلَرسن تک اوتوروب گوزیاشیوی الَرسن الَرسن قبریمون اوسته گئجه لر گلَرسن گلَرسن آیریلیقا یوخدی دوزوم عم اوغلی عم اوغلی منسیز اوشاقلار که فغان سالالّار سالالّار عطریمی یانمیش قاپودان آلالّار آلالّار بو گئجه دن دای آناسیز قالالّار قالالّار قالدی حسینیمده گوزوم عم اوغلی عم اوغلی کلامی_زنجانی

‍ حالات غسل صدیقهٔ طاهره سلام الله علیها قویدی مغسل اوسته یارین یارینه یار آغلادی دیل آچیب گلدی دیله دلداره دلدار آغلادی جسمی اولدی نچه دم بیگانه یورقون جانینه إئتدی سیزقین ناله نی تحمیل محض افغانینه جان عالم حسرتیله باخدی بیر جانانینه داغلی دیلدن چکدی بیر آه شرر بار آغلادی ائیلدی غسله اراده تا امیرالمومنین ال آپاردی خارج ائتسین سرّ حقین کوینگین اللری اَسدی ائله بیر حاله قالدی ، دل غمین مغسل اوسته حالینه آهسته غمخوار آغلادی گول سریلجاق اوستونه ناگه گلاب اولموش نثار گول نه گول سینمیش بوداقی ظلمیله فصل بهار آشکار اولدی او دم کی سینه سینده زخم خار باغبان ای وای دئدی حسرتله گلزار آغلادی اولدی آثار جراحت چوخ مؤثر حیدره هر اثر پوزدی پوزولموش حالی بیرده یکسره بیر اثر القصّه احساسی یئتیردی بیر یئره اوز اوزه قویدی ئؤرکدن شاه ابرار آغلادی سویلدی ای إئتمین اهل ستمدن واهمه کیم دئدی بیر بیله محنت چک منه امّا دئمه من سنی آخر نجه تغسیل ائدوم یا فاطمه بو نه غمدور کی بونا هر نه غمیم وار آغلادی ایستدی تا طاهر ائتسین طهر محضی شستشو سویلدی اسمایه اسما گل اله آل بیر سبو وار یاراسی قیل رعایت توک ولی آهسته سو که بو یاره اوسته قانه باتدی مسمار آغلادی توش اولوبدور شیشه ی قلبی ملالت داشینا باغلی گوزلر اوسته بیر باخ جمع اولان گوز یاشینا بیرده اسما چوخ یاواش توک سو آغارمیش باشینا کیم بو باشین محنتینده چرخ دوّار آغلادی اهل باطل بو حقیقتله مقابل دوردولار ذلّت اوسته خیمه ی دعوانی ناحق قوردولار بو وجودی کی وجودومدور منیم چوخ ووردولار سانمادی هر بیر ووران کی بو وفادار آغلادی چشم عین الله اولوب همدم سرشک غربته اشکی گویا غسل وئردی سمبل حریته مغسل اوسته تا گوزو دوشدی گویرمیش صورته بیرده یاندی داغلی قلبی چشم خونبار آغلادی بیر یئره ختم اولدی محنت دوشدی طاقتدن بئلی ناگهان سینمیش قولا دگدی یدالهین الی قویدی دیواره اوزون ای وای دئین لحظه علی ناله سیندن در فغانه گلدی دیوار آغلادی ائتدی فرمایش اولان ای اشکی جاری دامنه گوزلریم آخرده دوشدی گور نه حالتده سنه دوشموسن باخ گور نه حاله فاطمه ای وای منه وای کی بو غمده عم اوغلون چکدی بیر جار آغلادی دست محنت پوزدی بیر بیر نقشه ی پرگاریوی ائیلدی غرق ملالت کشتی افکاریوی قیل بیان سالموش بو حاله کیم سولان رخساریوی کیم بو سرَّ واقف معنای اسرار آغلادی بیر وصیت ائیلدون آخر منه جان اوسته سن نه وصیت که إئشیدجاق آغلادیم گیزلینده من کیم گوروب یار ایلسون اوز یارینه غسل و کفن بو خبردن اولدی ائوده کیم خبردار آغلادی دیده ی (( دلپاک )) اولور همدم سرشک آلیله ماتمینده گورسنور گوز یاشلی قاره شالیله چکدی تا شعره ملال غسلی پوزقون حالیله دفتر اوسته خط به خط شوریله اشعار آغلادی ** رضا غلامپور(دلپاک)

《خانم یازهرا》 افکاری سردرودی: رحمتون رحمت یزداندی  خانم یا زهرا دولتون  دولت  قراندی  خانم  یا زهرا حاج محمدتقی جابری: سن جلالت گوینون اخترتابنده سی سن یم ژرف ادبین گوهرارزنده سی سن گلشن مصطفوینون گل زیبنده سی سن          مادحون  خالق منّاندی  خانم یازهرا الیاس پلک پور: مظهر نور خدا بضعهء طاهاسن  سن محور  اهل کسا شافع  عقباسن سن حسنینین   آناسی اُمّ  ابیهاسن  سن      همسرون حجت سبحاندی خانم یا زهرا علیرضا جابری: سن اوسان که سنی حق خلق آرابرتریارادوب سنی اوزحسنونه اوصافینه مظهریارادوب انبیاافضلی پیغمبره کوثر یارادوب سندی کوثرقرآندی خانم یا زهرا افکاری سردرودی: سن امیر عربه دلبر. دلدار اولدون. تک قالاندا ایاقا دوردون اونا یار اولدون.  حقین احقاق ایلدون           بانوی ایثار اولدون.    همتون شهره. دوراندی خانم یا زهرا.    افکاری سردرودی. علی اصغرکلمحمدی( دلجو): کیمسه چاتماز سنه بو شان وجلالتده خانم تک و تنها یارادوب خالقون عزت ده خانم کل نسوانه سرآمد ائدوب عصمت ده خانم         باخشون جنت ورضواندی خانم یازهرا صابر ثمودی: سنی بی مثل و بدل خالق یکتا یاردوب کل نسوان  آراسیندا سنی  اعلا یارادوب شأنیوه بسدی بو کی ام ابیها یاردوب        بو مقامه هامی حیراندی خانیم یا زهرا حاج ولی الله کلامی زنجانی: ره جاناندا او طوفان گونی،جان وئردون سن زَنیدون ،همت مردانه نشان ویردون سن معرفت ریشه سی سیراب اولا، قان وئردون سن        جوهرعشق، همان قاندی خانم یازهرا حاج ستار رزاقی: ذات حق، کون و مکانه سنی زیوَر یارادیب فاتح خیبر و شیر حَقه همسر یارادیب اون بیر اولاد ولی اللهه مادر یارادیب        عزّتون ، عزت  شایاندی  خانم یازهرا طاهر نوروزی: بضعهءختم رُسُل معنی کوثرسن سن همدم شیرخدا حامی حیدر سن سن معدن حجب و حیاعفته مصدر سن سن         عفتون اُسوه ء نسواندی خانم یازهرا حاج نادر بابایی: سنه خالق نجه گور بذل ائلیوبدور جبروت مقدمون گردی اولار سرمهء چشم ملکوت اهل عرفانه سنون ذکرون اولوب ذکرقنوت     هرنه واردور سنه قرباندی خانم یا زهرا سیدبشیرحسینی میانجی: دستمازلی آدیوی ذکر ائلییر  اهل صواب اسوه‌سن مرد و زنه، دُرج حقه ای دُر ناب بیزگرَک سعی ائلییاق ایتمیه فرهنگ حجاب        بیله دشمن بورا ایراندی خانیم یا زهرا محمد هوشمند( مدهوش): نورحق سن قاپوون شانی، شرافتدی بیزه گوزل ادین سبب نعمت و   رحمت دی بیزه کرمین حشریده   امید شفاعت دی بیزه      سنله هر مشکلوم آساندی خانیم یا زهرا حاج اصغرفرشچی( عدلی): انتخاب ایتدی ازل خالق یکتا آدوی امرایزدله قویوب فاطمه طاها آدوی صورالارایتدی خطاب ام ابیهاآدیوی       بوفقط بیرسنه عنواندی خانم یازهرا   مقصود ارفعی خسروشاهی: سنی هر کیم تانیا ،  حُسنووه شیدا اولاجاق اَتَگوندن یاپیشان  ، اهل تولّا   اولاجاق سندن اعراض ائلین  حشریده رسوا اولاجاق      خلقته معرفتون جاندی خانم یا زهرا مهدی محمدزاده: زیب عرش اولدی آدون همره نور و جلوات او گوزَل آدیوَه هر لحظه یازالّار صلوات فعلاتن فعلاتن فعلاتن فعلات        کلّ عالَم سنه قرباندی خانم یا زهرا علی اصغرعباسعلی نژاد: سنی الگو یارادیب خالق رحمان هامیا گرَک عالمده سنی سینمیش اورکلر تانیـا سیخیلیب دهریده هردردی اولان بوقاپیا   پاک آدون دردلـره درمانـدی خانم یازهـرا رضا غلامپور( دلپاک): توکولوبلر قاپیوا حدّتیله  اهل جفا نلر اولدی دئماقا مانع اولور شرم و حیا یخیلیب دوردون ایاقه یارالی گوردون تا         مرتضا قولاری باغلاندی خانم یا زهرا حاج جابرولدپور( مژده): عصمت و عفت آلوب درس نجابت سندن همت و حکمت آلوب درس بلاغت سندن رافت و حرمت آلوب درس شرافت سندن      چون بولار محور ایماندی خانم یازهرا رحمان شاجری زنجانی: دُختر خَتم رُسُل عِصمَته داراسن سن فَخرِ نِسوان جهان خِلقَته مَعناسن سن قُلزُم مَجد و شَرف مَظهر تقواسن سن     عِفًتون دینیمه بُرهاندی خانم یا زهرا محمدکاظمی زنجانی: سنه قربان اولا جانیم آدیوا قربان اولوم سن دعا ایله خانیم قبریوه من مهمان اولوم نظر ائت رو سیه ام من دوزه لوب انسان اولوم کیمه باخسان او خراماندی خانم یا زهرا حاج هاشم خیری: محور اهل کساء معنی کوثر سن سن حامی و هم نفس فاتح خیبر سن سن آدوا قربان اولوم پاک و مطهر سن سن    پاک آدون دردلره درماندی خانم یازهرا محمدرضا صادقی ( شیدا): کیمیا وش باخشون خاکی مطلّا ائلییر نظر  معرفتون   قطره نی   دریا  ائلییر اومسیحا نفسون مرده نی احیا  ائلییر     سیزه بو معجزه آساندی خانم یا زهرا غلامرضا تمامی سردرودی: سن قوامه گتوروبسن  شرفین  باده سینی  صاف. هموار ایلیوبسن عظمت جاده سینی  عشقین  آباد ایلیوبسن گوزل آباده سینی    محسنون بوسوزه برهاندی خانم یازهرا. https://eitaa.com/kobradsg