‍ ‍ زبانحال حضرت زهرا سلام الله علیها سبک :ای منی آواره قویان... گل ئولورم چوخدی سوزوم عم اوغلی عم اوغلی آغلا منه باغلا گوزوم عم اوغلی عم اوغلی من گل پرپر شدۀ فراقم فراقم دای بو نفس چکماقا یوخ علاقم علاقم ایوده سنه آخشاما چان قوناقم قوناقم بیردی گجیلن گونوزوم عم اوغلی عم اوغلی اوندا که اود چکدی شرر قاپومدا قاپومدا ووردی قضا زنگ خطر قاپومدا قاپومدا فضّه بیلر اولدی نلر قاپومدا قاپومدا ایندیده بیمارم ئوزوم عم اوغلی عم اوغلی گوش دلیم سنده دی بیر مقال ائت مقال ائت غصه لی قلبی گینه پُر ملال ائت ملال ائت زینبه خاطر منی گَل حلال ائت حلال ائت گول ئوزومه گولسون ئوزوم عم اوغلی عم اوغلی آیریلیرام آیریلیقا نه چاره نه چاره دای گوره بیلمم یوزیوی دوباره دوباره دوشدی بو یورقون نفسیم شماره شماره وای نئجه سندن اَل ئوزوم عم اوغلی عم اوغلی ناله وی مَغسَلده گویه اوجاتما اوجاتما غسلیمی ویرسن باشیوا اَل آتما اَل آتما تندن عزا کوینگیمی چیخاتما چیخاتما پرده لی قالسون بو سوزوم عم اوغلی عم اوغلی دردیمی دلدن آقا سان بیلَرسن بیلَرسن تک اوتوروب گوزیاشیوی الَرسن الَرسن قبریمون اوسته گئجه لر گلَرسن گلَرسن آیریلیقا یوخدی دوزوم عم اوغلی عم اوغلی منسیز اوشاقلار که فغان سالالّار سالالّار عطریمی یانمیش قاپودان آلالّار آلالّار بو گئجه دن دای آناسیز قالالّار قالالّار قالدی حسینیمده گوزوم عم اوغلی عم اوغلی کلامی_زنجانی

‍ حالات غسل صدیقهٔ طاهره سلام الله علیها قویدی مغسل اوسته یارین یارینه یار آغلادی دیل آچیب گلدی دیله دلداره دلدار آغلادی جسمی اولدی نچه دم بیگانه یورقون جانینه إئتدی سیزقین ناله نی تحمیل محض افغانینه جان عالم حسرتیله باخدی بیر جانانینه داغلی دیلدن چکدی بیر آه شرر بار آغلادی ائیلدی غسله اراده تا امیرالمومنین ال آپاردی خارج ائتسین سرّ حقین کوینگین اللری اَسدی ائله بیر حاله قالدی ، دل غمین مغسل اوسته حالینه آهسته غمخوار آغلادی گول سریلجاق اوستونه ناگه گلاب اولموش نثار گول نه گول سینمیش بوداقی ظلمیله فصل بهار آشکار اولدی او دم کی سینه سینده زخم خار باغبان ای وای دئدی حسرتله گلزار آغلادی اولدی آثار جراحت چوخ مؤثر حیدره هر اثر پوزدی پوزولموش حالی بیرده یکسره بیر اثر القصّه احساسی یئتیردی بیر یئره اوز اوزه قویدی ئؤرکدن شاه ابرار آغلادی سویلدی ای إئتمین اهل ستمدن واهمه کیم دئدی بیر بیله محنت چک منه امّا دئمه من سنی آخر نجه تغسیل ائدوم یا فاطمه بو نه غمدور کی بونا هر نه غمیم وار آغلادی ایستدی تا طاهر ائتسین طهر محضی شستشو سویلدی اسمایه اسما گل اله آل بیر سبو وار یاراسی قیل رعایت توک ولی آهسته سو که بو یاره اوسته قانه باتدی مسمار آغلادی توش اولوبدور شیشه ی قلبی ملالت داشینا باغلی گوزلر اوسته بیر باخ جمع اولان گوز یاشینا بیرده اسما چوخ یاواش توک سو آغارمیش باشینا کیم بو باشین محنتینده چرخ دوّار آغلادی اهل باطل بو حقیقتله مقابل دوردولار ذلّت اوسته خیمه ی دعوانی ناحق قوردولار بو وجودی کی وجودومدور منیم چوخ ووردولار سانمادی هر بیر ووران کی بو وفادار آغلادی چشم عین الله اولوب همدم سرشک غربته اشکی گویا غسل وئردی سمبل حریته مغسل اوسته تا گوزو دوشدی گویرمیش صورته بیرده یاندی داغلی قلبی چشم خونبار آغلادی بیر یئره ختم اولدی محنت دوشدی طاقتدن بئلی ناگهان سینمیش قولا دگدی یدالهین الی قویدی دیواره اوزون ای وای دئین لحظه علی ناله سیندن در فغانه گلدی دیوار آغلادی ائتدی فرمایش اولان ای اشکی جاری دامنه گوزلریم آخرده دوشدی گور نه حالتده سنه دوشموسن باخ گور نه حاله فاطمه ای وای منه وای کی بو غمده عم اوغلون چکدی بیر جار آغلادی دست محنت پوزدی بیر بیر نقشه ی پرگاریوی ائیلدی غرق ملالت کشتی افکاریوی قیل بیان سالموش بو حاله کیم سولان رخساریوی کیم بو سرَّ واقف معنای اسرار آغلادی بیر وصیت ائیلدون آخر منه جان اوسته سن نه وصیت که إئشیدجاق آغلادیم گیزلینده من کیم گوروب یار ایلسون اوز یارینه غسل و کفن بو خبردن اولدی ائوده کیم خبردار آغلادی دیده ی (( دلپاک )) اولور همدم سرشک آلیله ماتمینده گورسنور گوز یاشلی قاره شالیله چکدی تا شعره ملال غسلی پوزقون حالیله دفتر اوسته خط به خط شوریله اشعار آغلادی ** رضا غلامپور(دلپاک)

《خانم یازهرا》 افکاری سردرودی: رحمتون رحمت یزداندی  خانم یا زهرا دولتون  دولت  قراندی  خانم  یا زهرا حاج محمدتقی جابری: سن جلالت گوینون اخترتابنده سی سن یم ژرف ادبین گوهرارزنده سی سن گلشن مصطفوینون گل زیبنده سی سن          مادحون  خالق منّاندی  خانم یازهرا الیاس پلک پور: مظهر نور خدا بضعهء طاهاسن  سن محور  اهل کسا شافع  عقباسن سن حسنینین   آناسی اُمّ  ابیهاسن  سن      همسرون حجت سبحاندی خانم یا زهرا علیرضا جابری: سن اوسان که سنی حق خلق آرابرتریارادوب سنی اوزحسنونه اوصافینه مظهریارادوب انبیاافضلی پیغمبره کوثر یارادوب سندی کوثرقرآندی خانم یا زهرا افکاری سردرودی: سن امیر عربه دلبر. دلدار اولدون. تک قالاندا ایاقا دوردون اونا یار اولدون.  حقین احقاق ایلدون           بانوی ایثار اولدون.    همتون شهره. دوراندی خانم یا زهرا.    افکاری سردرودی. علی اصغرکلمحمدی( دلجو): کیمسه چاتماز سنه بو شان وجلالتده خانم تک و تنها یارادوب خالقون عزت ده خانم کل نسوانه سرآمد ائدوب عصمت ده خانم         باخشون جنت ورضواندی خانم یازهرا صابر ثمودی: سنی بی مثل و بدل خالق یکتا یاردوب کل نسوان  آراسیندا سنی  اعلا یارادوب شأنیوه بسدی بو کی ام ابیها یاردوب        بو مقامه هامی حیراندی خانیم یا زهرا حاج ولی الله کلامی زنجانی: ره جاناندا او طوفان گونی،جان وئردون سن زَنیدون ،همت مردانه نشان ویردون سن معرفت ریشه سی سیراب اولا، قان وئردون سن        جوهرعشق، همان قاندی خانم یازهرا حاج ستار رزاقی: ذات حق، کون و مکانه سنی زیوَر یارادیب فاتح خیبر و شیر حَقه همسر یارادیب اون بیر اولاد ولی اللهه مادر یارادیب        عزّتون ، عزت  شایاندی  خانم یازهرا طاهر نوروزی: بضعهءختم رُسُل معنی کوثرسن سن همدم شیرخدا حامی حیدر سن سن معدن حجب و حیاعفته مصدر سن سن         عفتون اُسوه ء نسواندی خانم یازهرا حاج نادر بابایی: سنه خالق نجه گور بذل ائلیوبدور جبروت مقدمون گردی اولار سرمهء چشم ملکوت اهل عرفانه سنون ذکرون اولوب ذکرقنوت     هرنه واردور سنه قرباندی خانم یا زهرا سیدبشیرحسینی میانجی: دستمازلی آدیوی ذکر ائلییر  اهل صواب اسوه‌سن مرد و زنه، دُرج حقه ای دُر ناب بیزگرَک سعی ائلییاق ایتمیه فرهنگ حجاب        بیله دشمن بورا ایراندی خانیم یا زهرا محمد هوشمند( مدهوش): نورحق سن قاپوون شانی، شرافتدی بیزه گوزل ادین سبب نعمت و   رحمت دی بیزه کرمین حشریده   امید شفاعت دی بیزه      سنله هر مشکلوم آساندی خانیم یا زهرا حاج اصغرفرشچی( عدلی): انتخاب ایتدی ازل خالق یکتا آدوی امرایزدله قویوب فاطمه طاها آدوی صورالارایتدی خطاب ام ابیهاآدیوی       بوفقط بیرسنه عنواندی خانم یازهرا   مقصود ارفعی خسروشاهی: سنی هر کیم تانیا ،  حُسنووه شیدا اولاجاق اَتَگوندن یاپیشان  ، اهل تولّا   اولاجاق سندن اعراض ائلین  حشریده رسوا اولاجاق      خلقته معرفتون جاندی خانم یا زهرا مهدی محمدزاده: زیب عرش اولدی آدون همره نور و جلوات او گوزَل آدیوَه هر لحظه یازالّار صلوات فعلاتن فعلاتن فعلاتن فعلات        کلّ عالَم سنه قرباندی خانم یا زهرا علی اصغرعباسعلی نژاد: سنی الگو یارادیب خالق رحمان هامیا گرَک عالمده سنی سینمیش اورکلر تانیـا سیخیلیب دهریده هردردی اولان بوقاپیا   پاک آدون دردلـره درمانـدی خانم یازهـرا رضا غلامپور( دلپاک): توکولوبلر قاپیوا حدّتیله  اهل جفا نلر اولدی دئماقا مانع اولور شرم و حیا یخیلیب دوردون ایاقه یارالی گوردون تا         مرتضا قولاری باغلاندی خانم یا زهرا حاج جابرولدپور( مژده): عصمت و عفت آلوب درس نجابت سندن همت و حکمت آلوب درس بلاغت سندن رافت و حرمت آلوب درس شرافت سندن      چون بولار محور ایماندی خانم یازهرا رحمان شاجری زنجانی: دُختر خَتم رُسُل عِصمَته داراسن سن فَخرِ نِسوان جهان خِلقَته مَعناسن سن قُلزُم مَجد و شَرف مَظهر تقواسن سن     عِفًتون دینیمه بُرهاندی خانم یا زهرا محمدکاظمی زنجانی: سنه قربان اولا جانیم آدیوا قربان اولوم سن دعا ایله خانیم قبریوه من مهمان اولوم نظر ائت رو سیه ام من دوزه لوب انسان اولوم کیمه باخسان او خراماندی خانم یا زهرا حاج هاشم خیری: محور اهل کساء معنی کوثر سن سن حامی و هم نفس فاتح خیبر سن سن آدوا قربان اولوم پاک و مطهر سن سن    پاک آدون دردلره درماندی خانم یازهرا محمدرضا صادقی ( شیدا): کیمیا وش باخشون خاکی مطلّا ائلییر نظر  معرفتون   قطره نی   دریا  ائلییر اومسیحا نفسون مرده نی احیا  ائلییر     سیزه بو معجزه آساندی خانم یا زهرا غلامرضا تمامی سردرودی: سن قوامه گتوروبسن  شرفین  باده سینی  صاف. هموار ایلیوبسن عظمت جاده سینی  عشقین  آباد ایلیوبسن گوزل آباده سینی    محسنون بوسوزه برهاندی خانم یازهرا. https://eitaa.com/kobradsg

علی جان منیم عمروم گونه بنزر گونون دائم باتان وقتی تا پار رنگی روخی تغییر دوشر دلدان اذان وقتی اولوب ایمدی اذان وقتی گوزمون باغلانان وقتی عم اوغلی اذان اولدی داخی وصلیم چادی هجرانه حیف اولسون عم اوغلی من السم غملرویم سنلن اولار بو ایوده هم خانه دل زینب فراقیمدن یقینیمدور دونر قانه عم اوغلی انا تابشور دائیم ووراندا زلفنه شانه آنام هیچ اتیمدی زلفون بو ایودا شانه حیف اوسون آه آه حسن نازین حسین گسون او دل آگاهه تاپشوردوم بلام کلثومی زینب تک غمی جانکاهه تاپشودوم علی بالا لاری سنه بیر بیر سنی الله تابشوردوم خدا حافظ که من سیز قالدی بو کاشانه حیف اولسون علی جان که من سیز قالدی بو کاشانه حیف اولسون باشیم اوستونده ای دردی الان مندن گران اگلش گوزمی باغلاماقا ای گوزمی باغلیان اگلش عم اوغلی با شما مثل پروانه یورولون آز دولان اگلش بو ایو مندن صورا بلم دونر بیر لیله ی تاره صفا سین تیز ویر ر الدن وورار چوخ دللره یاره چکون سیز بو ایوین اوسم در و دیوارینه قاره یازون زهرا الوب بو ایو اولوب غم خانه حیف اولسون داواش دی دردی بی درمان اولان انسانه حیف اولسون جنازم اوستونه بیرده منیم چکسن عبا خوشدور حسینیم گر گلوب سندن خبر دوتسا دی نا خوشدور منی یردن گو تورمه تیز با خوب گورسه یریم بوشدور اوزنی الدور آغلار گلر افغانه حیف اولسون ابالاریم دوشر یاده دلیمدن محنتیم آرتار مواظب اول اولاردان سن اولاره اول اوزن دلدار حسینین هر گئجه تاپشو باشی اوسته سو قویسونلار بلامی تشنه اعدا بویلار قانه حیف اولسون

نه ایدن شور و نوا قاپونی باغلادوق ایوده اوزوموز دوتدوق عزا آغلیوب بو گجه کلثومیله ایوای دیمیشوخ ایکی باجی دولانوب ایوده آناوای دیمیشوخ آنا مسجد دوشنِیدی گرک عالمده سنه تا ویریِدی هامی باش ساقلوق حسین و حسنه اولمادی یاس دوتان، ایتدی ایله تاثیر منه باخمیوبلر آناجان چرخ جفا اولدوزوسان فخر نسوانسان اوزون،‌حضرت طاها قیزیسان رسمیدور یاسی اولار ایوده بیری ئولسه اگر تا آچالّار قاپونی خلق تسلّایه گلر وار یری سالسا بو غم عالم امکانه شرر کیم گوروب یاسدا یاس اهلی قاپونی باغلیه لر اوزلری یاس دوتالار، اوخشیه لر آغلیه لر ایمدی شهر اهلی دوتیدی گرک هر یرده عزا غم یاغِیدی چکیلِیدی در و دیواره قرا هر طرفدن اوحالِیدی گویه فریاد و نوا آغلیوب منده دییدیم غمی گیزلین آناوای قبری ایتگین ائل آرا ماتمی گیزلین آناوای بو غمون گور آنا یاددان چخار عالمده مگر سنی تشییع جنازه ایلدی یتدی نفر بو محن زینبی قان آغلاداجاق شام و سحر ای خدنگ غم و اندوهیله قلبی اویولان نصف شبده یارالی جسمی مزاره قویولان آنا قارداشیم حسین ایتدی آدون ورد زبان ایلدی حسرتیله صبحه کیمی داد و فغان گوردی گلزاریمیزه تازه اسوب باد خزان اوزونی بلبله، سولموش گله اوخشاتدی منی یارالی سوزلریله آغلیوب آغلاتدی منی ایمّیزین بو گجه پوزقونلوقی چوخ پوزدی منی آغلادیم ایلدیم عنوان اوزومه بو محنی قویمادی آغلاماقیم یاتسون حسین و حسنی سنسیز عالمده گرک رنگ ملاله بویانام سن کیمی هر غم و اندوهه دوزوب تا دایانام شاعر : مرحوم اعظمی تبریزی موضوع: حضرت فاطمه زهرا (س) زبانحال , زبان شعر و شاعر: نوحه ترکی , اعظمی تبریزی [

تاپمادیم دردیمه عالمده دوا یازهرا گلمیشم درگهیوه دلده نوا یازهرا سائلم درگه احسان تانورام بو قاپونی قیل کرم نوکره ای کان سخا یا زهرا ئوپورم خاک دروندن منه احسان ائده سن بیلمیشم درگهووی باب رجا یا زهرا آند وئرّم سنی اوز عفّتیوه عصمتیوه نا امید ائتمه،دوا ایله عطا یازهرا قلبیمی غم بوریوب سینمی آلام یوروب حاجتیم چوخدی خانم ایله روا یازهرا آند وئرّم سنی محسن بالاوین تربتینه بیلمدیک قبری اونین اولدی هارا یازهرا هم مزاری بالاوین همده سنون گیزلین اولوب هاردا دفن ایتدی سیزی شیر خدا یا زهرا بیزه نیسگیلدی بو سوز حشره کیمی یاندوراجاق ثانیه نیله میشیدی او بالا یازهرا قیل دعا مهدی بالون تئز گله بو قانی آلا شیعه نین قلبی تاپا بلکه صفا یا زهرا ثانینین ظلم و جفاسیندن اورک درده گلوب «زعفر»آغلار بو غمه صبح و مسا یا زهرا

گئجه یاری دفن اولان آی گلین ئولن ننه جمالی گل تک سولان آی گلین ئولن ننه آی ننه وای ننه وای جوان ئولن ننه سینه سی یاره لی باغری قان ئولن ننه آنا شیرین سوزلره خسته زینبین فدا کبود اولان اویوزه خسته زیتبین فدا اوباغلانان گوزلره خسته زینبین فدا بابامی یالقوز قویان آی گلین ئولن ننه حسن دیور کوچه ده ویردی دشمنین سنی سینبدی قلبیم آنا آل قوجاقیوه منی حسینیدن دویمادین آی گلین ئولن ننه گئجه یاری پیکرین حمل اولاندا آغلادیم مریضیدون آی ننه جان ویرنده آغلادیم بابام سنه غسل ایدوب آغلیاندا آغلادیم بابام قالوب آغلادی آی گلین ئولن ننه بابام سنه غسل ایدوب بیز ایدنده آه و وا دردیمیزه آغلادیز سنسیز آغلیوب بابا بابام ئوزی ناگهان شیون ایتدی آغلادی

«زبانحال حضرت امیر(ع) بر پیکر حضرت زهرا(س)» محمدعلی مصیبی تبریزی ای برج ابتلاده غملر هلالی زهرا باشدان علی نی آتدون باشی بلالی زهرا «ایوای یارالی زهرا ائلدن آرالی زهرا» یاندی منیم بهاریم صولدی گولوم خزاندا فکر ائتمه من باخوردیم درگاهیمیز یاناندا گوللر یاناندا والله یانمیشدی باغباندا یاندیردی اود نهال و هم نونهالی زهرا شرح فراقی یازما سن لوح عالمینه ترک ائتمه دورت بالاوی باخ ائوده شور و شینه رحم ائتموسن منه گر رحم ائت بالان حسینه قرآن تلاوت ایلور محزون نوالی ، زهرا کیم بولسه آسماندا اولدوزلارا شماره اوندا بولر نه قدری قلبیمده واردی یاره زینب فغان ائدنده یاره دگور دوباره آغلار قالوب ائویمده زهرا مارالی زهرا نار جفاده یاندون شور ولایه خاطر درد آشناسی اولدون درد آشنایه خاطر سینه ن بلشدی قانه تک مرتضایه خاطر گئتمزمنیم باشیمدان هجرون خیالی زهرا واللهی سیندی سن سیز شخصیت مدینه سندن صورا پوزولدی حیثیت مدینه راحت یاتون دئدیم من ؛ جمعیت مدینه سوغات آپاردی بوردان نیلی جمالی زهرا بو دوزدی مرتضانی هجرون غمه سالان دی اما بو غم ده یانماق تک زینبه قالان دی مجموع قدرتیم ، بو دورت خورداجا بالان دی عرشه چاتور علی نین درد و ملالی زهرا ای نور چشم طاها وی آبروی حیدر ایللر اولار«مصیب» بو نام پاکی سسلر فکر ایله وئرمه سن سس بو قلبی یاره نیلر دیلده آدون ، گوزتلر یتسون زوالی زهرا

زبانحال حضرت علی (ع) حضرتی (هاتف) یانّام باخارام بو اَرییَن پیکره زهرا باخ باشیوین اوسته قوجالان حیدره زهرا امّتله علی نین آراسیندا گله دوشدی اود ویردیلار اود غنچه و برگ و گوله دوشدی حیدر گولونون یانماقی دیلدن دیله دوشدی عالم بویی چاتماز بو محن آخره زهرا دل صحبتی خوشدور دل و دلدار آراسیندا حق دور یانا بلبل اودا گلزار آراسیندا نیسگیلدی قالا گل در و دیوار آراسیندا بلبل باخا حسرتله گل پرپره زهرا مجنون غم لیلی له یانیب صبح و مسا گر افسانه دی افسانه دی افسانه دی یکسر بلبلدن اوتور کیم بئله عشقی گوروب آخر خون دلیله گول یازا عشقین دره زهرا مغسلده کمک سیز دایانیب خسرو خوبان فرض ایله بنادن ییخیلیب پایۀ ایمان برهم اولونوب ظلمیله شیرازۀ قرآن ناطق دایانیب غسل ایلیه کوثره ، زهرا وار یاددا گئدیب جنگه گلیب یاره م اولاندا بیر بیر یارامی باغلاماقون عشقیله زهرا من بیر یاراوی باغلاماقا عاجزم اما نئیلیم؟ سینه وین قانی آخور یکسره زهرا مین بیله منیم یاره می باغلاردون عزیزیم باغلاردون، اوپردون، سینه داغلاردون عزیزیم خلوتده یانیب، گیزلیجه آغلاردون عزیزیم حسرتدیَم ایندی او گئچن گونلره زهرا حاشا آتا حیدر گولونون لطف و کرامین ای اوتدا حمایت ائدن عشقیله امامین مهریله علی نین ای آلان ائوده سلامین سندن صورا ایوای اولا بو حیدره زهرا «هاتف» غم و اندوهیوه دائم سینه داغلار ایوای آنام ایوای، آنام ایوای دئییب آغلار تاج شرفین، قاره وی آغلار باشا باغلار آغلار گوزی قربان یومولان گوزلره زهرا سبک مشابه متن بعدی ⬇️⬇️ ــــــــــ واگیر برای سبک : ای باد صبا ... (گوز آچ، زهرا اماندی داخی صبریم تالاندی) ــــــــــ

شرار غملریلن اودلانان آنام لایلای فراق اودیندا وجودی یانان آنام لایلای سارالدی سولدی قزل گللرون توکولدی یره بهارعمری اولان تز خزان آنام لایلای سنون کیمین منه ده عالم اولدی غمخانه گرک ائدم غم ائوین آشیان آنام لایلای گیجه گونوز یانارام آغلارام بو ماتمده جهاندا قامتون اولدی کمان آنام لایلای بئلون بوکولدی ننه ساچلارون آغاردی سنون یانا یانا دیرم آی جوان آنام لایلای بودردوه یانارام اولمادیم باشون اوسته سنی من اوخشیارام هرزمان آنام لایلای بجرتدیگون چمنون گللری سولوب سارالوب بو گللره سنیدون باغبان آنام لایلای بالالارون الی قوینوندا سسلنورننه وای اولوب ائو اهلی هامی اوخشیان آنام لایلای بالالارون گوزی یولدا یوزه توکور قانیاش باخاندا بوش یروه قلبی قان آنام لایلای بیزی قوبوب هارا گئتدون بوغملی دنیاده هایاندا ایلموسن آشیان آنام لایلای ننه سی اولمیانون هیچ زمان یوزی گولمز یادینا دوشه دیر مهربان آنام لایلای یوخوما برگیجه گل قوی اوپوم ایاقوندان اورک سوزین سنه ایلوم بیان آنام لایلای دیرم آی ننه باخ بختی قاره قزلارووا بیزی یامان گونه آخر قویان آنام لایلای شعرترکی فراق مادر شعرترکی

مشعل دینی فروزان ایلین فاطمه دی شأنی عالملری حیران ایلین فاطمه دی مرتضانین بو گئدنده ائوینه شام زفاف کوینگین سائله احسان ایلین فاطمه دی هجر طاهاده باشا قاره سالان فاطمه دی گول کیمی گلشن عمری سارالان فاطمه دی چوخ مصیبت گورن آز عمریله بو دنیاده غصّه دن بیر نچه گونده قوجالان فاطمه دی بو همان درگهی ظلمیله یانان فاطمه دی در و دیوار آراسیندا دایانان فاطمه دی یوخیدی کیمسه گلوب ثانیِ خونخواره دیه ویرما پیغمبره بو روح و روان فاطمه دی دار دنیاده بو طاهایه نشان فاطمه دی حسنینون آناسی فخر زنان فاطمه دی امّتین پشت پناهی بودی روز عرصات باخما قالمشدی کمکسیز بو همان فاطمه دی زینبون باشینه بو قاره سالان فاطمه دی بیت الاحزانیده شوری اوجالان فاطمه دی ایستین ئوز ئولومون هر گئجه اللهیندن نصف شب لرده مناجاته دوران فاطمه دی بو همان پردۀ عصمتده قالان فاطمه دی شوریله عالمی غوغایه سالان فاطمه دی کفنیندن ایکی قولّارینی خارج ایلین حسنینی گئنه آغوشه آلان فاطمه دی بو همان عالمی غم خانه ائدن فاطمه دی آدی هر سینه ده اسباب محن فاطمه دی قورتولان عمری گونوز اون بیر امامین آناسی نصف شب قبرینه تابوتی گئدن فاطمه دی سند ملکنی دشمندن آلان فاطمه دی منزل حیدره سرعتله روان فاطمه دی یثربین کوچه لرینده ستم ثانی دن قسم اللهه یول اوسته یخلان فاطمه دی بو همان حیدری غوغایه سالان فاطمه دی مصطفادن صورا گوز یاشلی قالان فاطمه دی نجه گیزلندی مقام و شرفی دنیاده اؤزی تک قبریده گیزلینده قالان فاطمه دی پنج شنبه ۱۳ دی ۱۳۹۷ ساعت ۱۲:۴۹

بار المیله بوکولوب قامت زهرا یتدی بوکولن قامتیله رحلت زهرا گوزدن گوزل اطفالینی مین دردیله آتدی اوز زینبین آناسیز قیزلارا قاتدی دولدی گوزی اولدی یوزونون رنگی پریده عمری گونی باشه یتشوب قدی خمیده دنیادن او مظلومه خانم گیتدی شهیده گیتدی اوزی قورتولدی غمین دللره سالدی دنیاده هامی درد و بلا زینبه قالدی سیرین قوتاروب چرخ حیا بدر کمالی گون تک یتشوب اول شب عمر زوالی باش ویردی او دم زبنبینون غصه هلالی باشلاندی بلالی خانمین درد و بلاسی باجادی دیسم یتدی غم کرب و بلاسی خلقتده ایدوب وضع خدا مهر بناسین گل اوسته چکر صاحب گل، خار جفاسین ایستر آنالار قیزلارینی، قزلار آناسین قز اوز آناسیندان آنا قزدان دونه حاشا خاصه آنا زهرا اولا، قز زینب کبری قزلار آنالاردان دونه بولمزله، بو دوزدی زینب ال اوزوب فاطمه دن بس نجه دوزدی الله ئوزی عالمدی ال اوزدی نجه اوزدی اوزدی الینی دوزدی شرار غمه یاندی جسمیندن ایله بولدی که روحی آرالاندی اهل دله گزلین دگی واضحدی بو مطلب صبر ایتدی آنا آریلقیندا نجه زینب نه نوع آنا تابوتینی سالدی یولا زینب سالدی یولا تابوتی دالینجا گوزی قالدی قلبینده آنایه دیمه لی چوخ سوزی قالدی حقلیدی علم اوج مصیبتده ساچیدی حقلیدی پوزوب حالین اگر باشین آچیدی تابوت دالنجا آناوای دلده قاچیدی نه سریدی یا رب نه خانم باشینی آچدی دوزدی آنا تابوتینون آردینجا نه قاچدی زهرا قزی دوزدور که دونمزدی آنادن آردینجا گیدنمزدی ولی کثر حیادن آغلار گوزیله حسرتله سپردی سو قفادن قالموش متحیر ایکی مشکل آراسندا جاگیر ایکی حسرت اودی بیر دل آراسندا دوردی دولی گوزلی بیر آنا آردیجا باخدی هجران اودی یاندیردی یانان قلبینی یاخدی یاندی اورگی گوز یاشی گوزدن یوزه آخدی حسرت الی قوینوندا او مظلومه قیتدی یوزده آناسیزلیق توزی پوزقون ایوه گیتدی اولدی ایوه وارد غمیله مظهر زهرا گوردی که یریندن یغیلوب بستر زهرا بوش گورجاق آناسی یرینی دختر زهرا ایله پوزولوب نالیه گلدی او دل افکار احوالینه قان آغلادی مطلق در و دیوار زهرا دولانان یرلری گوردی او وفالی غم ایتدی گلوگیر آخوب اشک زلالی ایوده دایانا بولمدی چخدی او بلالی گلدی قاپونون دوردی دالیندا اوزی سوزلی گوزولوب آتاسیله حسنینی دولی گوزلی دوردوقجا پوزولدی دیمه احوالی دوزلدی یولدا گوزی تیر غمیله قلبینی دلدی ناگه آتاسیله ایکی قارداشلاری گلدی گوردی حسنین اشگی وورور موج گوزونده وار گرد یتیمی اولارین سولموش اوزونده باخدی آتیه، دوندی گوزی بیر دولی ابره آغلار گوزیله عرض ایدوب اول معدن صبره تاپشوردون آنامی باباجان سن نجه قبره؟ زهرا سنه بیر جانیدی، جاندان نجه دویدون؟ دوزدون نجه سولموش یوزونی توپراقا قویدون؟ بیر عمر یانام واردی یری گر بو سوز اوسته یاتدی نجه توپراقلارین آلتندا او خسته ال یاره، قولاق یاره لی، پهلوسی شکسته نیلی یری وار قامتینون صاق و صولوندا سیلی یری یوزده، اثر قمچی قولوندا بیر گنج حیا ایلموسن ای بابا مدفون هیهات گوره مثلینی بو دیده گردون مین گوهر غم دلده گیدوب قبره او دلخون دلخونیدی مین لر اورگی قان ایلیوبدی چوخ دللری قان، گوزلری گریان ایلیوبدی بولمزدیم آنام گون کیمی آخشام باتاجاقدی بولمزدیم آنام تز منی گوزدن آتاجاقدی تک قبرین ایوینده نجه من سیز یاتاجاقدی حسرت زده ایلوب ئوزونه قاتدی علینی اودلی ئورگین داغلادی، آغلاتدی علینی شاه آغلادی شهزاده لری داشدیلا بیردن هم ناله اولوب سس چکوب آغلاشدیلا بیردن دلده آناوای ذکری قوجاقلاشدیلا بیردن بیر سمتده زینب ئورگین تیر غم اویدی بیر یاندا حسینیله حسن یوز یوزه قویدی... مرحوم #تائب التماس دعای فرج

🌼🍃یا صاحب الزمان …🍃🌼 دل آمده از غمت به جان ادرکنی🌼 جان آمده بر لب ، الأمان ادرکنی🌼 ترسـم کـه بمیـرم و نبینـم رویـت🌼 «یا مهدی صاحب» الزمان ادرکنی🌼 العجل العجل العجل آقا جان 💔😔😥

زبانحال حضرت امیرالمؤمنین کنار قبر مطهر صدّیقه ی طاهره سلام ا... علیها (العجل ، صاحب زمان ، آقا) گَلدیم ، قَبرون اوسته من گجه ، یاری بوردا، ایلییَم گوزیاشیمی ، جاری زهرا ، گَلمیشم گیزلین مزار ، اوسته سَس ویر ، لااَقل سن حیدره ، باری من نجه سنسیز گولوم ، زهرا کاش اَجَل گَلسین ئولوم ، زهرا ای وفالی دلبریم ، زهرا ای یارالی یاوریم ، زهرا زهرا ، کیم سنون تَک عشقی سان ، ویردی سن تک ، کیم وفاداری نشان ، ویردی سالدون ،مندن اوتری جانیوی ، درده هم سن ، هم بالان ظلمیله جان ،ویردی اوز قاپیمدا دویدولر ، گوردوم دویدولر ،ئولدوردولر ، گوردوم ایتدون ، سن وصیّت ای گُلِ ، رضوان تا من ، قبریوی زهرا ایدم ، پنهان گیتدون ، یاره لی زهرا اوزون ، قبره ایکاش ، منده سنله تاپشیرِیدیم جان باخ عم اوغلوندا اولان ، صبره روحومی من قویموشام‌، قبره میخِ ، دَر نَدن شَرم ایتمه دی ، سندن دَیدی ، سینه وه قانین آخوب ، تَندن زهرا ، غسلودا گوردوم یارالارون ثانی، ظُلموله آلدی سنی ، مندن حیدری درده سالوب ، ایوای درگَهیمده قان قالوب ، ایوای #گلدیم_قبرون_اوسته_من_گجه_یاری #حضرت_زهرا_س #فاطمیه الاحقر مهدی عبادی

#حضرت_زهرا_س #زبانحال_امیرالمومنین_علی_ع قبر زهرایه علی دائم اورکده تاب و تب یول سالاردی ناله ایلردی ولیکن نصف شب سَسلنردی بو منم نالان فرقت فاطمه قلبیمی اِیلوب اِحاطَه درد و محنت فاطمه گوگلوم اِیستیر روز و شب بو یرده سینه داغلیام روز روشن قسمت اولمور بو سعادت فاطمه مرتضانی آیری بیر احواله سالدی فرقتون تنگ اولوب سنسیز منه دنیای ظلمت فاطمه آچ گوزون دور قبریدن باخ گور نه حاله قالموشام بی سبب آخمور عذاره اشک حسرت فاطمه ای منیم اِیستکلی دلداریم نه خوابه گِتمیسن نطقه گل درد و غمیندن اِیله صحبت فاطمه درد اَلیندن دینجَلوبسن قبریده یایوخ هله؟ من کیمی دردون و یا اِیلوبدی شدت فاطمه اولمادی بیر دم گورم آسوده خاطر اولموسان ! درد و غمدن قبریده اولدون نه راحت فاطمه احمد مختارین اشکی مَرهَم اولدی یاره وه من که اشکیله اِیدنمزدیم طبابت فاطمه آغللادوقجا یاره لر قان آغلاداردی حیدری خشگ بند اولموردی سیننده جراحت فاطمه دردیوه چوخ سعی قیلدیم تاپمادیم اما دوا بو مصیبتده نهاندور هانسی حکمت فاطمه لازمیمیش غم غم اوستوندن قالانسین قلبیوه قالسین آغلار حاکم عدل و عدالت فاطمه من دعا اِیتدیم نصیب اولسون شهادت اولمادی سن دعا ایتدون ولی اولدی اجابت فاطمه تک نه سن چاتدون اورکده مقصد و مقصودیوه قسمت اولدی محسنه فیض شهادت فاطمه سسلدون تا پشت درده فیضّه نی امدادیوه نچّه یول اولدوم دیریلدیم من او ساعت فاطمه کشمکشده همتون حاشا که خاطردن چیخا کیم بولر اِیتدون منه آیا نه نصرت فاطمه کوچه ده ای کاش اولیدیم منده اما اولمادیم اقتضا اِولدی منه اوندا مشیت فاطمه نصف شب غسلون ویرنده سرّون اولدی برملا قاتلون گوردوم ایدوب اوزگه جسارت فاطمه آیری بیر احواله قالدوم تا گوزوم گوردی یوزون جانیمی آز قالدی آلسین بو عبارت فاطمه ناگهان گوردوم حسن آچدی او کوچه صحبتین گورسنوب گویا قیامتدن علامت فاطمه مجتبانین قلبی غمدن اِیلیوب ایله وَرم عاقبت دلدن سالار بو درد و محنت فاطمه کاش حسینه اولمییدی ظلم ثانی برملا کربلاسینده اونون وار چوخ مصیبت فاطمه بیر اِیله احواله قالمیشدی بالالارون او دم گِتمیشیدی اللریندن صبر و طاقت فاطمه باغرینا باسمشدی کلثومی او دمده زینبون واردی بیر دنیا بویی اوندا لیاقت فاطمه همتین تنها اویرده اِیتمیوبدور بر ملا اِیلدی شام غریبانونده همت فاطمه بیر ایله شام غریبان حشره تک اولماز اولا آیری بیر عالم یارانمشدی او ساعت فاطمه سس ویروردی زینب و کلثومه هر دمده حسین قلبینی آلموشدی درد بی نهایت فاطمه سسلنیردی ای قویان آغلار بو عالمده منی اشک چشمیندن بیر آن اِیتموب قناعت فاطمه گر چه هیچ کیم گلمدی شام غریبانه اودم ماتمه ویردی حسینون آیری زینت فاطمه نوحه یاز بو ماتم عظماده آغلا ای #عتیق دستگیرون تا اولا روز قیامت، فاطمه #طهمورثی_عتیق

#فاطمیه_مدح_و_مرثیه #مرحوم_شانی حضرت زهرا س گریز به شام غریبان امام حسین ع بو گیجه ای شیعه دلدن خانۀ زهرایه باخ بوینی چیگنینده پریشان زینب کبرایه باخ ____________🔹_🔷_🔹______ ائتسه هرکیمسه تصوّر مرتضانون حالینی اودلانار قلبی توکر رخساره اشک آلینی باشینه ایمدی او مولا جمع ایدوب اطفالینی بیر پریشان اهلبیته بیر شه والایه باخ ____________🔹_🔷_🔹______ رسم عالمدور جهاندا هر کسون ئولسه کسی خویش و ایل شام غریباندا اولور همناله سی اوز یتیم اولادینون گوز یاشلاری شیون سسی حیدرون اولدی انیسی بو دنی دنیایه باخ ____________🔹_🔷_🔹______ بیر طرفده زینب کبری دیور ایوای آنا بیر طرفده غم دیزینه باش قویوب دور مجتبی بیبر طرفده باش آچوب گلگون قبای کربلا دیده گریان مو پریشان عترت زهرایه باخ ____________🔹_🔷_🔹______ گه باخوب اطفالینه اشکین توکر شیر خدا گه سیلر گوز یاشلارین آرام ایدر میر هدا گور نه چکدی بو گیجه صبحه کیمی اول مقتدا آیت کبری گوزوندن موج ایدن دریایه باخ ____________🔹_🔷_🔹______ شام هجرانی دوزنموب صبح فرقت ایتمدی صبح اولونجا فرقت زهرایه طاقت ایتمدی فرقته دوزدی دیمه دیداره سبقت ایتمدی نصف شب دوردی ایاقه همت مولایه باخ ____________🔹_🔷_🔹______ یوز قویوب قبر بتوله دیدۀ گریانیله قبرینه گلدی دوشندی شیون و افغانیله درد دل آچدی او بزم رازیده جانانیله بزم وصل خاصّه باخ خلوتگه و ماوایه باخ ____________🔹_🔷_🔹______ سویلدی توپراقلار آتدا یاتما راحت فاطمه بو ترابون قلبینه ویرما جراحت فاطمه دورگیداخ گور زینب ایلور نه قیامت فاطمه ساکت اولمور ناله دن فریاد وآه و وایه باخ ____________🔹_🔷_🔹______ آغلادی قلبین بوشاتدی بسکه افغان ایلدی کلّ ایتامه آتا یاد یتیمان ایلدی دوردی دولت خانیه رجعت شتابان ایلدی گورنجه گلدی نه گوردی حال غم افزایه باخ ____________🔹_🔷_🔹______ دل داش اولسا بو ملال و محنته مشگل دوزه گوردی یا بیدار اولوبلا یا یوخی گلموب گوزه قول بویون اولموش آناسیزلار قویوبلار یوز یوزه آغلاشولا شدتیله شور جان فرسایه باخ ____________🔹_🔷_🔹______ ویردی چوخ شیرین دیلیله تسلیت اطفالینه گوز یاشین سیلدی ایدوب بیر بیر نوازش حالینه وای خانم کلثومه ایوای زینبون احوالینه آچگوزون ای دل اویانمیش خیمه ده غوغایه باخ ____________🔹_🔷_🔹______ ایستدی خوار اولماسین شام غریبان حسین جمع اولوب بیر خیمیه اطفال نالان حسین صبحه دین نی تک سیزیلداشدی یتیمان حسین عزّت شام غریبان شه بطحایه باخ ____________🔹_🔷_🔹______ نه قالوردی قاسم واکبر نه عباس جوان زینب وکلثوم اوزی اولموشدی گویا پاسبان بسکه چوخ خستیدی زینب گئتدی خوابه بیر زمان استراحت سیرین ایله گوردوقی رویایه باخ ____________🔹_🔷_🔹______ هولیله بیردن اویاندی سسلدی کلثوم اویان یوخسا یاتمیشدون منیم تک سنده باجی باغریقان دور گوراخ هانسی بالاگیتدی کناره باجی جان قورخولی چولدور گورورسن پر خطر صحرایه باخ ____________🔹_🔷_🔹______ سسلدی اطفالی زینب ویردیلر بیر بیر جواب هر قدر سسلندیلر سس ویرمدی امّا رباب عمّه لر قارداش بالاسین تاپماقا ایتدی شتاب زینب و کلثوم ایدن بیر همّت عظمایه باخ ____________🔹_🔷_🔹______ چیخدیلار یانمیش چادیردان دلده بی حد اضطراب قویدولار یوز قان دولان صحرایه با چشم پرآب گه گیدوب گه سسلنوبله هارداسان سس ویر رباب صورت مطلبده بیر محصول اولان معنایه باخ ____________🔹_🔷_🔹______ شه دلیل اولدی اوزی گوستردی خط جاده نی تاپدیلارآغوش شهده نازنین شهزاده نی باغرینا جان تک باسوب شهزاده ی آزاده نی دویمیوب دل پاره سیندن چاک چاک اعضایه باخ ____________🔹_🔷_🔹______ بی ثمردور «شانیا» بو عالم پر شور و شر گورمیوب بوندان ثمر کام دلینجه بیر بشر ایسته سن گر نونهال عمریدن شیرین ثمر سوز یازاندا شور گوز یاشین توکوب قتلایه باخ _____________🔹🔹_________