‍ کوچ از قتلگاه ساربانلار من اسیره بیر ویرون رخصت سیز الله تا اوپوم بو گول بدندن وار هله فرصت سیز الله **** صبریمی الدن آلوبدور بو یارالی گول جنازه بو داغیلمیش پیکر اوسته دیل آچوم راز و نیازه بیر قویوم بو داغلی قلبی سینه ی شاه حجازه تا یتوم وصله ئورکده قالماسون حسرت سیز الله دلشکسته بیر یتیمم قید ظلمه باغلیم من وورمیون قمچی باشیمدان گورموسوز دیل داغلیم من قویموسوز من بینوانی بیر دویونجا آغلیم من چوخ دییردیم آغلامام من ایتمیون تهمت سیز الله رسم دور گلزاره گتسه سینه سین داغلار یتیمه گورسه بیر گول اشک چشمین عارضه باغلار یتیمه آغلاسا اولمازلا مانع چون مدام آغلار یتیمه آغلیاندا من وورورسوز واردی نه علت سیز الله من کمکسیز بیر یتیمم بیر کسیم یوخ داده گلسون نه سلامتدور هرایه اکبر شهزاده گلسون نه رشید عبّاس عموم وار سسلیم امداده گلسون من یتیم بی نوادن آلمیون طاقت سیز الله رحمسیز صیاد الینده قوللاری باغلی غزالم اودلانوبدور آشیانم بیر قوشام بی پرّ و بالم رحم ایدون بیر عندلیبم تشنه ی باغ وصالم گول بوداقینده آچوب دیل شرح ائدیم محنت سیز الله من دئمم گوگلومده فکر درد و غمدن یولداشیم وار سرّی وار سولموش یوزیم ده بیله قانلو گوز یاشیم وار قوملار اوستونده بو چولده صود امر بیر قارداشیم وار تا گوروم اول شیر خواری بیر ویرون رخصت سیز الله نازلی قارداشیم یانندا من دیمم دائم قالوم من اوخلایوبلار ظلم الیله بیر گیدیم گوگلون آلوم من بیر اونون گوز یاشیمیله زخمینه مرهم سالوم من بیرده آغوشه آلوم من بیر ویرون مهلت سیز الله اصغر شیرین ثمردی بو چولین ناکامی دور بو ماه پاره قارداشیمدور قلبیمون آرامیدور بو رحم ایدون مهلت ویرون بیر آیرلیق هنگامیدور بو صود امر قارداشیمیله بیر ائدیم صحبت سیز الله باغبان نیلر چمنده ظلم الیله یانسا باغی یاندیروب خرگاه دینی اولموسوز اسلامه یاغی بیر ستم ایتدوز بو چولده سوندی پیغمبر چراغی قویدوز هیچ عالمده آیا دینه بیر حرمت سیز الله (( اعظمی )) بو شرح محنت حالوی پوزسا سزادی ایتدیلر آل عبایه هر نه که جور و جفادی بو بالا سسلردی آیا بیر قیزا بو غم روادی بیر دویونجا آغلیام من ویرموسوز رخصت سیز الله ****

عرض ارادت به محضر حضرت اباعبدالله الحسین (ع)گریز به قتلگاه عرض ارادت به محضر حضرت اباعبدالله الحسین (ع)گریز به قتلگاه من یا حسین عیان و نهان آغلارام سنه تا وار دیلیمده تاب و توان آغلارام سنه بلبل گوُلون غمینده خزان وقتی آغلاسا من غمزده بهار و خزان آغلارام سنه مشق آلمشام بو درسی امام زمانیدن قورتولسا گوزده گوز یاشی قان آغلارام سنه جسمیم قوجالسادا هله عشقیم قوجالمیوب عشقیم جوشاندا مثل جوان آغلارام سنه وردیم حسیندی ذکریم حسین صُحبتیم حسین آدیم چیخوبدی ندبه کنان آغلارام سنه ئولسمده توپراقیم سنه آغلار که قبرده روحیم گوزیله اشک روان آغلارام سنه لازمدی محنتونده هامی عالم آغلاسون مرهون نهضتوندی جهان آغلارام سنه تا اولمیوبدی دست جفا قطع و ریشه کن ای خیمه سی یانوب تالانان آغلارام سنه سن جان ویرنده حالیوه عالملر آغلادی غمخانه اولدی کون و مکان آغلارام سنه روحوم قوشی گینه دولانور قتلگاهیده بیر سس گلور یاراسی کلان آغلارام سنه غم چکمه یوخ یانوندا آنان وای بالا دئسین من نعشون اوسته عین آنان آغلارام سنه یاددان چیخاتدی غصه لرون درد و غملری نه فاطمه غمی نه آتان آغلارام سنه محنت لرون سالوب دیله نی تک سیزیلدارام آدون ائدوبدی ورد زبان آغلارام سنه آگاهسن که یاخشی یارا باغلارام ولی وئرمز اجازه شمر و سنان آغلارام سنه ای پاره پاره پیکری باشین هایاندادی گِئتمیش قوناق یزیده گمان آغلارام سنه جسمون یانندا قویماسالار آغلیام اگر باشون دالنجا دیلده فغان آغلارام سنه عشقونده عالمی ئوزومه عاشق ایلرم بسکه محبّتونده نوان آغلارام سنه شام اهلی ایستسه آیا باخسین آی اوّلی وئرّم باشین جداده نشان آغلارام سنه تا سینه ده نفس گلوری (( ساکت )) اولمارام غم مجلسنده سینه زنان آغلارام سنه **

‍ زبانحال حضرت زینب (س) در قتلگاه باد ظلمیله سولوبدور چمنون آی قارداش گور نجه یاسه باتیب یاسمنون آی قارداش اثر خار جفایه نجه گلشنده دوؤزوم آغلادور گور نجه هر بلبل نالانی سوزوم تا بو گلزار محبّتده سنه دوشدی گوزوم یئرده گوردوم داغیلیب گول بدنون آی قارداش سنه بیر انجمن غم قوروب اهل حرمون متصل انجمنین ایچره یانیر شمع غمون تا اسیر یانمیش ئورکلر کیمی محنت علمون آیری بیر عالم اولور انجمنون آی قارداش گورجاقین حالیوی قلبیمدن اولوب سلب توان خاصه بیر حالون ائدیب باغریمی باغرین کیمی قان باجیوام وئر سسیمه سس منه گل ائیله بیان هانی بس مندن آلان پیرهنون آی قارداش عندلیبون کی دلی انس تاپیر ناله ایله ایسلانیر نسترنون سولموش اوزو ژاله ایله وَه بئله عطر بئله نکهت کی لاله ایله گور دولوبدور نجه دشت و دمنون آی قارداش تا گوزوم حسرتیله دوشدی بو عریان بدنه مطرح اولدی نچه سوز سینه ده پیوسته منه مین ملالیله بیرین عرض ائدورم ایندی سنه گورن آیا اولاجاقدور کفنون آی قارداش ائیلدون سعی که پاینده اولا دین رسول وَه بو تصمیم کی بونداندی تجلّی اصول یازدی منظورینی قانیله یئره اولدی قبول امتحان وقتی دل ممتحنون آی قارداش عزّتیله منی گتدون بو بلا دشتینه سن گئدورم من ولی اولدی سنه بو ئولکه وطن بیر الیمدن بو گلیر عرض ائدم ایندی سنه من چوخ مبارکدی سنون بو وطنون آی قارداش دل آلیشدوقجا گلور مقصد بو دشمن اله گوز گورن دم سنی بیر سونمین اود دوشدی دیله اهل ذلّت بو وجوده نه ائدیبدور کی بئله قاریشیب تُوپراقا صد پاره تنون آی قارداش محرم پرده ی اسراریدی عالمده گوزون وقف قیلدون بو سببدن بئله اهدافه اوزون بس کی مأنوسیدی قلبینده کی قانیله سوزون نقش اولوب قانیله یئرده سخنون آی قارداش محنتینده نجه همدم غمه دنیا اولماز اثر غم نجه دنیاده هویدا اولماز یوخ سوزوم محنت اولار بیر بئله اما اولماز باجون ئولسون کی چوخ اولدی محنون آی قارداش سائل درگهوین حاجتینی ائیله روا درد (( دلپاکه )) اوزون ائیله طبیبانه دوا یئتر اوز إیستَیینه آند اولا اللهه ، گدا اولسا هر یئرده عنایت کی سنون آی قارداش ** رضا غلامپور (دلپاک)

زبانحال حضرت زینب (س) در قتلگاه زبانحال حضرت زینب (س) در قتلگاه دوندی قان دریاسینه گودالون ای باشسیز بدن قویدی آغلار زینبی احوالون ای باشسیز بدن دوشموشم قارداش سراغینده بو صحرای غمه گه فراته قاچمشام گاهی کنار علقمه بیر یئره دوشدی یولوم باتدیم بو آیری ماتمه وار نه محنتلو سنون اعمالون ای باشسیز بدن قانلو سینون گورجگین قلبیمده قان جوش ایلدی آشنا گلدی بو قان واللهى مدهوش ایلدی اوز غمیم یاددان چیخوب درد وغمه توش ایلدی قلبیمه اود ووردی بو افعالون ای باشسیز بدن سینون اوسته قانلن الوان آچلمیش گوللرون گلشنوندن بی خبر قالمیش ندن بلبللرون بند بندیندن آیرمیش جسموی قاتللرون حشر اولونجا گلمیور امثالون ای باشسیز بدن بو یارالی پیکرون قالمیش نیه عریان سنون رختخوابون اوخلار اولموش بالشون آلقان سنون ذبح ایدوبلر باشوی معلوم اولور دالدان سنون چوخ سنه زحمت ویروب قتّالون ای باشسیز بدن گر حسینیم سن ، سنه زهرا آنام قربان حسین آق محاسن قانینه الوان آتام قربان حسین دین اسلامه ویرن رونق بابام قربان حسین گتدی چوخ رقّت منه بو حالون ای باشسیز بدن بی وفا خواهر دگل بو بخت قاره خواهرون قویمارام عریان قالا قارداش یارالی پیکرون دور نعشونده آچار باش عترت غم پرورون زلفلن سایه سالار اطفالون ای باشسیز بدن کربلا دشتینده سو آلماق اولوب امر محال ملک دیدمده ولی وار چشمه ی آب زلال گوز یاشیلان غسل ویرّم گر ویره دشمن مجال مردم دیدم اولار غسّالون ای باشسیز بدن گلمدی زهرا آنام باخسون منیم گوز یاشیمه ظلم الیله دوغرانوب الده ئولن قارداشیمه چاره قیلسون چاره آخر بو بلالی باشیمه محو اولوب گورسون سنون اجلالون ای باشیز بدن جان ویروب جانان تاپوب یتدون اوزون معبودوه قانلو گودالونده سجده ایلدون مسجودوه سن شهید اولدون یتیشدون مقصد و مقصودوه حاصله گلدی بو گون آمالون ای باشسیز بدن ایندی محنت زینبون ظلم و عداوت دشمنون ایتمدی بو عرصه ده ظلمه کفایت دشمنون ووردیلار اود ایتدیلر اخیامی غارت دشمنون پایمال اولدی هامی اموالون ای باشیز بدن ((صدری ام)) نام حسینیله بو سنّه یتمیشم بیلمیشم هر یئرده ماتم وار عزایه گیتمشم آغلیوب بو مصرعی ورد زبانیم ایتمشم دوندی قان دریاسینه گودالون ای باشسیز بدن ** مرحوم میرزا فضلعلی صدری اردبیلی برچسب‌ها: میرزا فضلعلی صدری اردبیلی

🌸🍃دعای فرج 🌸🍃 ☀️بِسْمِ اللهِ الرَّحْمنِ الرَّحِیمِ☀️ 🌅 اِلهی عَظُمَ الْبَلاءُ وَ بَرِحَ الْخَفآءُ وَ انْکَشَفَ الْغِطآءُ وَ انْقَطَعَ الرَّجآءُ وَ ضاقَتِ الاَْرْضُ وَ مُنِعَتِ السَّمآءُ وَ اَنْتَ الْمُسْتَعانُ وَ اِلَیْکَ الْمُشْتَکی وَ عَلَیْکَ الْمُعَوَّلُ فِی الشِّدَّةِ وَ الرَّخآءِ اَللّهُمَّ صَلِّ عَلی مُحَمَّد وَ الِ مُحَمَّد اُولِی الاَْمْرِ الَّذینَ فَرَضْتَ عَلَیْنا طاعَتَهُمْ وَ عَرَّفْتَنا بِذلِکَ مَنْزِلَتَهُمْ فَفَرِّجْ عَنّا بِحَقِّهِمْ فَرَجاً عاجِلا قَریباً کَلَمْحِ الْبَصَرِ اَوْ هُوَ اَقْرَبُ یا مُحَمَّدُ یا عَلِیُّ یا عَلِیُّ یا مُحَمَّد 🏕ُ اِکْفِیانی فَاِنَّکُما کافِیانِ وَ انْصُرانی فَاِنَّکُما ناصِرانِ یا مَوْلانا یا صاحِبَ الزَّمانِ 🌺🍃 الْغَوْثَ الْغَوْثَ الْغَوْثَ      🌸🍃اَدْرِکْنی اَدْرِکْنی اَدْرِکْنی           🌼🍃السّاعَةَ السّاعَةَ السّاعَةَ                🌸🍃الْعَجَلَ الْعَجَلَ الْعَجَلَ 🌅 یا اَرْحَمَ الرّاحِمینَ بِحَقِّ مُحَمَّد                 وَ الِهِ الطّاهِرینَ.🍃🌺

خدایا چنان کن سرانجام کار تو خشنود باشی و ما رستگار 🌺🍃