💫مـــــولا جـــــان ... 💫اربعین میرسد و دیده ی گریان دارم 💫خوف جاماندن ازاین سیل خروشان دارم 💫دوستانم همه آماده رفتن شده اند🕌 💫راهیم کن به کرامات تو ایمان دارم🤲 ─┅═❈✾🕌✾❈═┅

🍃دعاے بعد از نماز🍃 🍃هرڪس این دعا را بعد از نمازهای یومیه بخواند: 🍃خداوند مرگ را بر او مبارڪ می ڪند قبل از مردن او را اصلاح می نماید و در وقت مردن به او رحم ڪند و جان دادن را به او آسان ڪند...🍃 اَللّهُمَّ مالِکَ المَوتِ طَیِّبنا لِلمَوتِ وَ اَصلِحنا قَبلَ المَوتِ وَ ارحَمنا عِندَ المَوتِ وَ هَوِّن عَلَینا سَکَراتِ المَوتِ وَ لاتُعَذِّبنا بَعدَ المَوتِ وَ اَعرِ ضنا اِلی مَلَکِ المَوتِ یا فاطِرَ السَّمواتِ وَ الأرضِ اَنتَ وَلیُّنا فِی الدُّنیا وَ الاخِرَةِ وَ تَوَفَّنا مُسلِماً وَ اَلحِقنابِالصّالِحین ┈••✾•🌿🌺🌿•✾•

مجلس یزید زینبی عدو ظلمی بیر زمان دانشدیردی اول خانم دانشمازدی خیزران دانشدیردی آل حیدرون یکسر باشدان آشدی اندوهی زینبون یاخون اولدی جاندان آیریلا روحی اول یزید لامذهب وردی رأس مجروحی مرتضی قیزین ایتدی ناتوان دانشدیردی طشت ایچینده درک ایتدی رأس شاه ابراری اشگیله جگر قانین زینب ایلدی جاری عرض ایدوب آنام اوغلى عفو ایله من زاری لبلرونده که تازه لخته قان دانشدیردی آه او وقتیدن سُفله ظلمی حدّیدین آشدی چوب خیزران دگدی بانوانی آغلاشدی بیر حزینه قیز غمدن سمت زینبه قاشدی سؤیلدی منی بو غم عمه جان دانشدیردی بیرجه یوز دولاندیر سن عمه اول ستمکاره تازه دن دئ ویرماسین یاره اوستونه یاره یتمسون گرک باشه جور و ظلم همواره بس دگل الین کسدی ساربان دانشدیردی گوردی اکبرون باشین نیزه اوسته واویلا باشینه ویروب باخدی اول باشا خانم لیلا وای اوغول دیوب گوگلی قیلدی اکبری جویا دوتدی قاره زلفیندن اول زمان دانشدیردی ** مرحوم شایق اردبیلی

کوچ ازقتلگاه بو گیر  و داریده   گلدیم  گورم  یاران   نجه دی باجین   ئوله    یارالی   دردینن   آران   نجه دی اگر چه   دوشدی  یولوم   قتلگاهیدن  بیر   باش اوزومده   مایلدیم   بیر   سنی   گوروم   قارداش بو باشسیز عتریتوه دور حسین اوزون چک باش قالوب    نه   حالته   گور حالِ   بانوان   نجه دی ز بسکه   تنگیدی  فرصت   ایتورموشم  اوزومی سرشگِ    نابله   دولدورموشام   ایکی  گوزومی اگر چه  دوتموری دل شرح ایدم اورک سوزومی اجازه   ویرسن   ایدم   مختصر   بیان  نجه دی بو قدر   وار   آنام  اوغلی  یوخ   ایمدی عزّتیمیز اسیرلیق   بیزیم   اولدی   بو   چولده  قسمتیمیز سنیله    گیتدی   او   جاه  و  جلال  و  شوکتیمیز سوروشما     زینبه    رفتارِ   کوفیان      نجه دی آلاسان    اصغریوی   سن   بو   یئرده     آغوشه بالان    یارالیدی    یورقوندی   بیر  گیده   هوشه آناسینون   گَله   گوز    یاشی    دمبدم      جوشه اولا    عذارینه    صبح   و   مسا  روان    نجه دی هانی     شبیهِ      پیمبر ؟      آناسی          لیلانی گیدور  اوزاق    سفره    ترک  ایدور  بو صحرانی اوزی  گلوب    یولا   سالسون   او   خانه  ویرانی بولور    اگر   چه  غمِ    هجرِ   نوجوان    نجه دی نه    وار   بو   چولده   بیزه   بیر  نفر پناه و معین نه    ال   چکولّه    جفادن    بو  قومِ     بد    آئین جهازسیز         دوه لر         ایلیوبدیلر       تعیین حیالی    قیزلارا     بی شرم   شامیان    نجه دی بویور     بو   دم   اله    عبّاس    بیدقین   آلسون دیارِ    شامه    حرم    اهلینی    یولا     سالسون دیمم    بیوکلرین ،    اطفال     قیدینه     قالسون اوزی    بولور    سفرِ    اهلِ    کاروان     نجه دی سوروشما       نجه دی     حالِ      عابدِ         زار برهنه     ناقیه       ظلمیله          ایلیوبله      سوار اوزی    اسیریدی    ناخوشدی  ، ناقه     بد رفتار گور    ایندی    حالتِ    بیمارِ    ناتوان    نجه دی حیالی   قیزلاریوی     ایتدیلر    بو   چولده  اسیر وورولّا     خوردا    اوشاقلاریوی    بو قومِ   شریر هراسِ     دشمنِ      بی رحمیدن    بالالار  اسیر رقیّه نین     بولوسن   حالی   بو   زمان  نجه دی نشان   ویرور    بالاوون    حالی  دلده   محنتینی توکور    عذارینه    دائم    سرشکِ      حسرتینی من   ایلرم    بو    یتیمون    ئولونجه     خدمتینی دیمه  نه  اولدی  بالان ،  قالما   ناگران  نجه دی ولی   خرابه ده    گَل    بیر   اوزونده  دردینه  یت او   گلماقیله   بو    طفلِ    یتیمی   خرسند    ائت یئرینی   راحت   ایله   قوی مزاره جسمین، گیت گور اولدی   مدفنی   آخر   نجه   مکان  نجه دی یازاردی   بو سوزی  (( فاکر )) ولی دایاندی  مداد یازانمادی   اوزی ،  سوز  صاحبی  ایدوب    امداد یتیشدی    دادینه   (( عاصی )) خوشکلام   استاد گوروم   اونی   دیمسون   نیلوم  الاَمان  نجه دی ** حسن عاصی حاج عبدالعظیم فاکر تبریزی برچسب‌ها: حسن عاصی

شجاعت خانم زینب (س) - درمجلس یزید بیگانه دی هرکیم دیسه بیچاره دی زینب بیچاره او کسدی دیه بیچاره دی زینب زینب نئجه زینب دل قرآنی اوجادی زهرا آناسی تک بونی غم اهلی قوجادی احیا ائلیوب مذهب ایمانی اوجادی بو شهریده بی خانه و کاشاندی زینب چوخ یئرده مثال شه مرداندی زینب مردانه صفتدی چو علی زاده دی زینب استاد سخندی چو گران مایه دی زینب چون مایه ی فخر شرف شیعه دی زینب با اینکه اسیر اولدی خانم کرب و بلاده بو یوللاری پر بسته گلوب پای پیاده گور نیلدی آخرده خانم ابن زیاده زینبدی بلی حق یولا ارزنددی زینب تخت اوسته یزید تکیه ویروبدی دایانوبدی بیر یاندا غلامیله کنیزان دایانوبدی بیر سمتیده مامور و اسیران دایانوبدی مجلس سنه اما نه غریبانه دی زینب دعوت اولونوب مجلسه مردان سیاست مغرور اوتوروب تخته رئیسان شقاوت رقاصلر اوینور می ایچور اهل جنایت بو ظلملره طاقت و فرزانه دی زینب گوز باغلی باخور مجلسه شیر علویان مشغولیدی بیر سمتده می ایچمگه نسوان رقاصلری گوردی خانم اوینوری عریان قیزلار دایانوب غملی سیه جامه دی زینب دوردی ایاقا شیر کیمی مجلسه باخدی یورقون اسرا بیردن الم زینبه باخدی بیردن گوتوروب کوینگی رخسارینه یاخدی انصافوزه لعن اولسون علی زاده دی زینب تخت اوسته یزید آلدی خبر کیمدی بو بانو اطرافین آلوبدور اُسرا دیلده چکور هو قاشلاری کمان قدی اوجا گوزلری پر سو تحقیر بو اندازه اسیرانه دی زینب عرض ایتدیله زینبدی آدی زینب کبری قارداشی حسیندور آناسی حضرت زهرا نور دل حیدردی جمال گل طاها عشقینده حسینون دیلی دیوانه دی زینب آدین ایشیدو تختدن اودم دوردی ایاقه زینب خانما صحبت ایدوب ایتدی اشاره کسدیم باشنی قارداشیوون کرب و بلاده هرکس منه باش اگمسه بیگانه دی زینب ناگه آقانون قانلی باشی مجلسه گلدی اول لحظه ده غملر خانمین قلبینی دلدی گوز یاشی آخوب صورته فوراً دیله گلدی کاخ یخماقا ، ظالم دیدی آماددی زینب زینب دیله گلدی خفقان دوت دیدی ملعون فکرایتمه حسین قانی باتوب باشینی کسدون ویرما او باشی چوبیله ظالم تانی حدون باش صاحبینه عاشق و پروانه دی زینب ** برچسب‌ها: لاادری

عرض ارادت به محضر مولا بو مدال عشقي ويرمم ايكي عالمه حسين جان ديرم نه درديم اولسا قره پرچمه حسين جان قره گيميشم گورنلر مني هر نه بلسه بولسون سنه آغلارام ئولونجه باخوب اوزگه گولسه گولسون اتگوندن اولما راضي آقا جان اليم اوزولسون كه خوشام دیليمده آدون اولا زمزمه حسين جان نظر ايله بو ئوركده اولان عقده تا آچيلسون آقا درديمه دوا قيل دل بينوا آچيلسون آرادان گوتور بو رمزي ره كربلا آچيلسون گينه گورمدوخ او قبري بو محرمه حسين جان سني آند ويرم اي شاه اُسراي دلكبابه قاني جبهه لرده آخميش شهداي انقلابه صود امر بالان داليجا نگران باخان ربابه يانا شيعه قلبي قويما شرر غمه حسين جان بيزي عشقويله چكدي بو يولا بالان خميني ديدي قويماروخ جهاندا ياتا پرچم حسيني داخي دل شكسته امت ايتيروب او نور عيني كه بو آيرليق سالوبدي بيزي ماتمه حسين جان سنه يا حسين ئوركدن بو قرا گينلر آغلار علي اكبر جوانه بالاسي ئولنلر آغلار باش آچوب محرم آيي هامي سينه زنلر آغلار نجه دؤزدي زينبون بو غم اعظمه حسين جان او جوانلاري كه جنگه گيدوب اولدولار كفن پوش يخلوبلا كوي عشقه قدح الده مست و مدهوش بو فنا جهاندا اولماز اولارون آدي فراموش كه آلوبلا سندن الهام شهدا همه حسين جان بلي رستگار اولار كيم سنه باغلاسا ارادت توكولن قانون ويروبدي آقا تپراقا شرافت اودي كه هر ايوده اولسا بركتدي قانلي تربت سني قان تانتديروبدي بني آدمه حسين جان ** حاج ولی اله کلامی زنجانی برچسب‌ها: ولی اله کلامی

‍ توسل به حضرت سیدالشهدا( ع) (سبک : رقیه نازلی صورتین قویما دیواره) حسین جان اولموشام دخیل من بو درباره من بودرباره عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان یوزوم قرادی بوش الیم ای مه تابان ای مه تابان قاپوندا سایلم سنین قوما مولا جان قوما مولا جان بیزه شفاعت ایله ای یار مظلومان یار مظلومان پناهگاهیمیز سنسن ای گل رضوان ای گل رضوان عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان بو بنده ی حقیره گل ایتگیلن احسان ایتگیلن احسان یوخومدی چاره دردیمه گل ایله درمان گل ایله درمان او زخمدار جسمیوه جان اولا قربان جان اولا قربان ستون دینه ویرمیسن عشقیله سن قان عشقیله سن قان عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان غلامیوم سنین منی درک ایله مولا درک ایله مولا فنا جهاندا شهرتی نیلرم آقا نیلرم آقا قاپوندا ساخلا یا حسین گل منی قوما گل من قوما شفاعت ایله حشریده ای شه والا ای شه والا عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان قاپووی صدقیله چالان تز تاپار عزت تز تاپار عزت ویرر بو سینه زن لره ذات حق اجرت ذات حق اجرت شهیداولوب کمکلرین تاپدیلار نصرت تاپدیلار نصرت اولار ویروبدی جان قالا زنده بو نهضت زنده بو نهضت عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان جهاندا سسلنر سنی شیعه لر یکسر شیعه لر یکسر گلله بزم ماتمه هر محرملر هر محرملر محرم آیی تا گلر جوش ایدر غملر جوش ایدر غملر یخوبدی دشمنین اوین قاره پرچملر قاره پرچملر عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان نمازی زنده ساخلادون سن قیامیندن سن قیامیندن شریعت اولدی پایدار بو پیامیندن بو پیامیندن حمایت ایلدون حسین حق کلامیندن حق کلامیندن اماندی دوتما شیعه نون یوز سلامیندن یوز سلامیندن عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان خزانه دوندی گلستان یاندی بلبلر یاندی بلبلر باتوبدی قانه قاسم و عونیله جعفر عونیله جعفر منای عشقیده اولوب اکبرین پر پر اکبرین پرپر دگوبدی اوچ پر اوخ اولوب تشنه لب اصغر تشنه لب اصغر عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان کنار نهرده دوشوب اشبه الناسین اشبه الناسین وجودی پاره پارده دی بوگل یاسین بوگل یاسین دوشوبدی آدی دیللره ایندی عباسین ایندی عباسین گلوبدی شاه دین تاپوپ تشنه سقاسین تشنه سقاسین عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان باتوب قانا کمکلرین دوشوبدی یان یانه دوشوبدی یان یانه او یتمیش ایکی یاورین باتدیلار قانه باتدیلار قانه یاراسی پور حیدرین گلمدی سانه گلمدی سانه گرکدی قلبی حیدرین اود دوتوب یانه اود دوتوب یانه عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان شهید اولوب حسین قالا دین حق زنده دین حق زنده ستون دینه قان ویروب اول شه عالمده اول شه عالمده نه قدری وار جهان قالار عشقی پاینده عشقی پاینده اودور قالوب مین اوچ یوز ایل آدی دیللرده آدی دیللرده عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان یازوبدی ((مهدی )) دفتره عشقیله آدین عشقیله آدین نقدری واردی کاینات زنده دی یادین زنده دی یادین چیخارتدی جورو ظلم آقا شیعه فریادین شیعه فریادین اماندی کسمه شیعه دن سن اوز امدادین سن اوز امدادین عنایت ایله قیل نظر شیعه ی زاره شیعه ی زاره لطف ایله مولا جان دردیمه قیل درمان ** حاج مهدی ملکی زنجانی برچسب‌ها: مهدی ملکی زنجانی

‍ #روضه_قتلگاه دیوب بیر اوخدا قلبیمدن فقط عشقوندی درمانی نه جنت ایستیرم سندن نه بیر جرعه سو میلیم وار فقط سن بول علی اکبر وبیرده زینبین جانی باغشلا یوم محشرده عزاداریله زواری والا شرمسار اولام اولاردان وقت بهرانی خدایا بویوردون روز ازلدن گرک عاشق وحید اولسون ایکی عشقی اورکده بسلسه کیم واردی نقصانی اورکدن اکبرین عشقین چخادیم طبق فرمانون دیدیم اکبرده قوی اولسون بودینون تشنه قربانی نییم وارویرمیشم الدن فقط بیر باشدی پیکرده دیدی یارب بوحسیندور سورونور عشقونده لاله تک قرمزی قانه بورونور عشقونده بودا قلبیمدی کورکدن گورونور عشقونده باشمین نییم وار ورمیشم الدن فقط بیر باشدی پیکرده بحول لله حضورینده یتیردیم باشه پیمانی منیدیم گچدیم عباسین گوزوندن ئوزگه گچمزدی باتاندا ماه رخشانیم ایشقلاندردی قرآنی چخادیم هر نیی یادان ئوزون شاهد وناظرسن فقط بیر مطلبیم واردی باغشلا اولسا امکانی حبیبیم عف ایله نیلیم رقیم چخمیور یادان سنین امیدیوه قالدی ربابین غملی جیرانی بیر قیزیم وار سارالان گلشنیمه گل سایاقی یالواروردی منی ایله بابا جان سوقوناقی خیمه دن من چخانی سوجامین الیندن آتدی بوینونی چینینه قویدی منی چوخ آغلاتدی (اونا باخاندا ننم یادیما دوشوردی) توکولموشدی اوشاق عورت یاخام الرده قالمشدی اوصحنه یاندرار آتش کیمی قلب هر انسانی (حسین نیه آغلورسان،دیدی خدایا اله کی خیمه لردن آیرلیردیم اوبالاجا بالا مندن ال چکمیردی اله یاپشمیشدی بابا هاچان سنی گوره جیم دیدیم قیزیم گلم شامه گلم خرابیه رقیه دن ده آیرلدیم سوار اولدوم مرکبه) لجامی بوشلادیم گوردوم ولی یول گتمییر مرکب ایلدیم باخدیم اطرافه بولم راز معمانی یولوم اوستونده  باخوب گوردوم غملی رباب آغلور (باخاندا گوردوم بودفعه علی اصغر ننه سیدی) یولوم اوستونده  باخوبگوردوم غملی رباب آغلور گمانیم وار فراتی آغلادیردی چشم گریانی یره دوشدوم رضایه حقه خاطر مرکب اوستوندن دیدیم بسدی بوقدری آغلاما یاندرما دنیانی (رباب، رقیه گلسیدی تعجب المزدیم اما سن بووضعیده گلیب دوشنیبسن یره منی تعجب گوتوروب) دیدی صبر ایله آقاجان منیمده عرض حالیم وار حیادن آچمادیم زینب حضورینده بوجریانی (آقا خانم زینبین یانندا مقید اولدوم بولورسن من اونون یانندا اوتانیرام دانشا بولمورم، رباب خیر اولا سوزون دیگیلن دیدی آقا اوزاخدا دایانوب باخوردوم ) باجین فکر ایلدیم شاید چخا صبر وقراریندن (من اوزاخدان فکریم سیز باجی قارداشدیدی گوردوم زینب بی تابی  الیر) طبابت ایلدون صد مرحبا ای روح رحمانی (گوردوم که دست امامتین گویدون باجون اورگینین باشنا) شفا بخش اولدی سر پنجون اونا صبر ایستدون حقدن کانه یاغدی پنجوندن کویره صبر بارانی منیمده مشکلوم واردی قاپوندان قوما مولاجان سنه الله جزای خیر ویرسون ای کرم کانی گئجه سوویرسه دشمن صود گلر سینه ام دولارصودن ئوزون بیر باخ منه ای عشقیمین غیرتلی سلطانی سنونده مشکلون اولسا گوروم الله ئوزی آچسون سنی زهرا منیمده سینمه ال قوی صودوم قاچسون (اله کی حسین شهادته چاتدی الله ملک الموتی یولادی گیت حسینی قوتار عزرائیل باخدی باخدی دیدی الله من بونون هاراسنان جانن آلیم؟) هی دقت ایلیرم بونا صاف یر تاپانمرام اعضاسی گل کیمی داغلوب گلزاریدن آنی یارا،بوغازی یارا،سینه سی یارا مشکولدی جان آلام بئله بیر زخمداریدن من جان آلانمارام آخی ننه سی جان دیور بونا آلدی اجازه حضرت پروردگاریدن (عزرائیلده گیتدی، آقا اله بوحالدا) قویدی زینب باجسین شیعه لری ایتدی دعا مرحبا شیعه لره گور نجه رهبر

در احوالات حضرت رقیه (س)   قویوب رقیه نی چون قبره عترت اطهار وئروبله سس سسه بیر سس چکوب سیزیلدادیلار   بُیوک کیچیک گلین عورت اوشاق کنیز و حرم او قبر دوره سینه وئردی حلقۀ ماتم   سیزیلدیان باش اچان زلفینی یولانلاردان دایاندی قبّۀ افلاکه صیحۀ افغان   مخدّرات طهارت قاریشدی بیر بیرینه آخاردی خون جگر گوزدن اشگ تر یرینه   ز بس موثریدی داغ محنت هر دلده ایدردیلر هره مین شور و ناله بیر دلده   او آغلیانلارا اولمازدی بیر تسلی ویرن او گون خرابه ده شور قیامت اولدی عَلَن   باخوب او حالده زینب بیر امّ کلثومه گوروب چوخ ایلوری شیون او زار مهمومه   ایله او معدن صبرین گیدوب قرار الدن او قدر صیحه ووروب آز قالوب دوشه دلدن   اگر بو وضعیله بیر قدرده نوا قیلسون وار احتمالی که روحی بدندن آیریلسون   دئدی آز آغلا باجی اولما چوخ ملول و فکار سن آغلیاندا بو اطفال بیقراره نه وار   گلوب تکلُّمه گویا او غمکش ایّام جواب ویردی باجی من نجه دوتوم آرام   باخاندا هر یانا ای دخت شهریا عرب رقیه نون یری بوش گورسنور باجی زینب   خیال ایدنده جمالی نظرده جلوه لنور گورنده یوخدی برابرده گوزیاشیم النور   نجه من آغلامارام قانه دونمز اشک تریم عزیز جانیم ئولوب اود دوتوب یانار جگریم  ادامه 👇

جگر که یاندی سیزیلدار ئورک چکر دل داد دگل منیم اوزومیله که چکمیم فریاد   نه بیر دقیقه یادیمدان چخور خیالاتی نه محو اولور نظریمدن رقیه حالاتی   دوشر خیاله او حالی چکوب سس آغلاردی بابا بابا دیوب اشکین توکوب سیزیلداردی   دیزین قوجاقلیوب ایلردی نالۀ دلسوز فغان و دادی قولاقیمده ایمدیده وار هنوز   بیله گمان ایدرم اگلشوب باخار یوزیمه کمال یأسیله حسرت گوزین تیکوب گوزیمه   گهی دولاندیرور هر یانه نازنین گوزینی گهی باخار منه امّا دینموری سوزینی   قالوردی آج ولی اوز آجلیقین دینمزیدی طعام اولاندا گلو گیر اولوب یینمزیدی   دیردیم ای بالا دردین دی چاره سین بُولَنَم دیمزدی درد دلین ایستمزدی غصّه لَنَم   اوزی صغیریدی مُعتادیدی ولی صبره ئورکده ساخلادی دردین آپاردی تا قبره   گورنده قبرینی صبریم گیدور فنایه باجی فلک چوخ ایلدی جبرین او بینوایه باجی   آدی گلور دله نسگللری دوشور یاده کیمی خرابه ده دفن ائتدیلر بو دنیاده   مریضیدی مرضینده اسیر دشمنیدی دواسی طعن و شماتت غذاسی شیونیدی   وجودین ایله اریتمیشدی بوتۀ محنی آدی وجودیدی تشریح محضیدی بدنی   نه بیر رمق واریدی نازنین وجودینده نه اختیار قیامینده نه قعودینده   دوراردی بلکه گزوب بیر خرابه نی دولانا بدن ضعیفیدی ایلدری میل اویان بویانا   باخاردی دورماقا یوخ طاقت و توان اینجیر گوروردی اگلشه توپراقلار اوسته جان اینجیر   گئدردی عالم فکرتده بیر زمان هوشه قوجاقلیوب گئنه جان تک باساردیم آغوشه   گئنه او حالیله گوزلردی رسم آدابی رضا دگلدی بوله حال زارین اَحبابی   ئورکلنوردی ولی گیزلدردی ناله سینی که عمّه لر باجیلار تا ائشیتمسون سسینی   صغیر سنّیله رسم وفا نشان وئردی بابا باب دیوب آخر غریب جان وئردی   بس ایله نظمووی ((ذهنی)) بو غم تمام اولماز رقیّه شرح غمی نظمیله خِتام اولماز   مرحوم ذهنی

مدح و شجاعت حضرت زینب (س) در مجلس یزید مدح و شجاعت حضرت زینب (س) در مجلس یزید ای انیس درد و غم زینب مگر دیلدن دوشر مؤنس رنج و اَلم زینب مگر دیلدن دوشر دیل آچاندان جلوه گاه حقیده هو حق دیین بش یاشیندان اگنینه پیراهن ماتم گیین ناطق قرآن کیمی تفسیر قرآن ایلیین همدم میر امم زینب مگر دیلدن دوشر لطف زینب اولماسا شامل بو پوزقون حالیمه وار یقینیم کی جهاندا چاتمارام آمالیمه دختر شاه ولایت بی معلم عالِمه منبع جود و کرم زینب مگر دیلدن دوشر خادم درگاه زینب اولماقا فخر ایلورم توسن نفسی به حکم عشق زینب پیلورم معنوی عشقیمدی زینب اوزگه عشقی نیلورم پس دییلسین دمبدم زینب مگر دیلدن دوشر اهل عشقین گوزلری شام و سحر زینبده دی مرتضانین قدرتی چون سربسر زینبده دی ای قلم بیچاره یازما چاره لر زینبده دی دمبدم ایله رقم زینب مگر دیلدن دوشر ساخلیوب پاینده زینب مکتب پیغمبری حفظ ائدوب عالمده الحق عدل و داد حیدری زین اب زهرا شییَم گنج حجابین گوهری حق یانیندا محترم زینب مگر دیلدن دوشر افتخار آدم و خاتم مگر یاددان چیخار همدم شاهنشه عالم مگر یاددان چیخار عزّت و فخر بنی آدم مگر یاددان چیخار محرم اهل حرم زینب مگر دیلدن دوشر درد عشقه روز و شب درمان ائدن زینبدی بو حق یولوندا جانینی قربان ائدن زینبدی بو کاخ ظلمی پایه دن ویران ائدن زینبدی بو بیر بئله عالی شییَم زینب مگر دیلدن دوشر زینبین اندوه بی حدّی مگر یاددان چیخار غصّه دن همچون کمان قدّی،مگر یاددان چیخار قوللاریندا قمچی لر ردّی مگر یاددان چیخار الده بیر قاره علم زینب مگر دیلدن دوشر غوطه ور بحر بلاده کیمدی زینبدن صورا سر به سر شور و نواده کیمدی زینبدن صورا نوحه گر بزم عزاده کیمدی زینبدن صورا سینه سی آماج غم زینب مگر دیلدن دوشر چون شریک نهضت دشت بلا زینبدی بو محنت بی حدِّ عشقه مبتلا زینبدی بو قهرمان بی بدیل نینوا زینبدی بو من نئجه تعریف ائدم زینب مگر دیلدن دوشر کربلادن شامه قول باغلی گئدن زینبدی بو مقصد مقصودینه الحق یئتَن زینبدی بو اهل جور و فتنه نی رسوا ائدن زینبدی بو من نه اندازه دئسم زینب مگر دیلدن دوشر مصطفی سیرت علی خصلت سفیر شاه دین کاخ استدلال و منطقده اولان اعلا نشین نطق آتشباری یخدی ظلم و استبداد ائوین هر یره قویدی قدم زینب مگر دیلدن دوشر اولمیوب اولماز مثالی عالم ایجا دیده نصب ائدوب بیر قاره پرچم مرکز بیدادیده یوز دوتوب ملعون یزیده کاخ استبدادیده بیر بئله پاکیزه دم زینب مگر دیلدن دوشر دشمن دینی نچون دیلدن سالان زینبدی بو بی حیا دشمن لرین جانین آلان زینبدی بو حیدر آسا مهری دیللرده قالان زینبدی بو سیز دیون زهرا شییَم زینب مگر دیلدن دوشر؟ کاخ اشرار زماندا اوندا کی تاپدی قرار قامتی غمدن بوکولموش زینب هو حق شعار دشمن حقّی خطاب ائتدی بحکم کردگار قامت رعناسی خم زینب مگر دیلدن دوشر ای یزید کینه پرور قهرمان زینب منم همنوای شاه محشر قهرمان زینب منم قهرمان عبّاسه خواهر قهرمان زینب منم اولسادا آماج غم زینب مگر دیلدن دوشر من علی المرتضانین دخت بی پرواسیم شاهد اعلا نشینون یار بی همتاسیم نهضت عاشور عشقین شاهد اعلاسیم حق دئیوب زهرا ننم زینب مگر دیلدن دوشر داش وئروب زینب سینوب آئینۀ شخصیّتون بیر سینیق آئینییه بنذر کذائی قدرتون زینبی دیلدن اگر سالماقدی ظالم نیّتون روح ایمانه قسم زینب مگر دیلدن دوشر بی حیا ایندی بو یرده ناتوان گورمه منی ای حقیقتدن اوزاق گزموش حقیقت دشمنی تخت زردن ظالم بی دین یره ساللام سنی درک ائدر اهل ستم ، زینب مگر دیلدن دوشر درد عشقه مرتضی اوغلی حسین درمان وئروب حق یولوندا تشنه لب یئتمیش ایکی قربان وئروب روح ایثار و شهامت زینبه چون جان وئروب دشمن قوم ظُلم زینب مگر دیلدن دوشر پیکر دینه حسینیم کربلاده جان وئروب حق یولوندا حقه خاطر بیر قوزی قربان وئروب زینبه روح خلایق روح جاویدان وئروب وار یئری هر آن دئسم زینب مگر دیلدن دوشر گوردی بیر ایش تا که زینب حامی قرآن اولا پیکر دین مبینه روح جاویدان اولا ظلم بی حددوندن ای ظالم اگر ویران اولا سر به سر مُلک عدم زینب مگر دیلدن دوشر غصب ائدوبسن گرچه ای ظالم بو تخت و منصبی وئرما ظالم رأس مذبوح شه عطشان لبی ویرما چوب خیزران سالما ایاقدان زینبی هی دئیور اهل حرم زینب مگر دیلدن دوشر بسدور ای نامه شجاعت نامه ده قورتار سوزی دوز سالوب اشعارووه چون حضرت زینب اوزی ((مژده))بیر اوخ وئردی چیخسین دشمن دینین گوزی سنده ایله هی رقم زینب مگر دیلدن دوشر ** مژده اردبیلی برچسب‌ها: جابر ولدپور مژده اردبیلی

حسین جانم(ع)❤️ برحاجت من جنّت اعلابنویس راهم بده وقسمتم آنجابنویس برکاغذسرنوشت من بادستت یک تذکره باخطّ معلّـیٰ بنویس! اللهم ارزقنا کربلا🙏❤️

به سبک 👌 صحرا صحرا دویده ام... ########## پای پیاده گلموشم دیلده وار شور حسین دل خسته چون مسافرم قلبیمده نور حسین قلبیم سنوب شکسته ام منی سن دیندور حسین غملر الیندن خسته ام منی سن دیندور حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) ####### چولری چوخ دولانمیشام دور قوجالان باجیوام مقتلینده سنون حسین باشون یولان باجیوام قانه. دونوبدی گوزیاشیم زولیم داخی آقاروب کوفه و. شامی. گزمیشم دور زینبون قوجالوب «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) ####### گیتدیم قول باغلی شامه من سالدیم تخدن یزیدی کاخینده. سینه. داغلادیم رسوا ایتدیم. پلیدی آنام توخیان. کوینگی گیتدیم. من. آلدیم. حسین ویر. میر دیله . اونی منه آغلیوب. آلدیم. حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) ####### رقیه قالدی. گلمدی واردور. قلبیمده سوزوم قالدی خرابده قیزون دفن ایلدیم من دوزوم حتی. تاپیلمادی. کفن حسیره بوکدوم. اوزوم غربتده جان ویروب بالام آغلار فراقه گوزوم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) ####### بش یاشیمدان عزالیم مصیب تیلدی. باشیم بیر گونده. کربوبلاده اولوب یدی قارداشین باشین دالیجا یا اخا شامه گیدیم قیدیم دشمن لریوی. شامیده رسوا ایتدیم قیدیم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) ####### دگدی چوخ یاره یا حسین یولاردا. بو باشیما دشمنین رحمی گلمدی بو آخان گوز یاشیما عشقون. منی گنه چکوب گلدیم مزاره حسین یغدیم. باشیمه. قیزلاریم گلدیم دیداره حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) https://eitaa.com/kobradsg

زینبه خلعت وریب الله جلال و رتبه نی چشم عالم گورمیوب گورمز بئله اوعجوبه نی سرفراز ائتدی قیام کربلاسی کعبه نی کعبه نون مولودینون هر خصلتی زینب ددی بت شکن مردون تمام جراتی زینب ددی

یاندیربدور باجوین قلبینی نسگل یاراسی الیوی قوی بشما یاخشدی محمل یاراسی هامی دردن چتین اولدی باجوا دل یاراسی ایلدی دشمنله گور نجه پیکاری حسین

‍ #احوالات_کوفه کوفه نین جفاسی قارداش هامی ظلمیدن باش اولدی منی یاندران حسین جان آنوا دین داش اولدی کول توکنلر تانیان دور اودی دلدن یانورام شرکت ایلردی بولار ایوده بیزیم قرآنه ئولدوروب قارداشیمی خیمه لرون یاندردوز دین وقرآنیله اولدوز عجبا بیگانه قوناقن حرمتی واجبدی بیرآز شرم ایلیون آتمیون داش بوقدر ناقه ده کی طفلانه حین صحبتده خانم یاره لی باش اولدی عیان باش نه باش طعنه ورار نورمه تابانه (باخدی اویارالی باشا) ماه زینب نه گوزل وقته اوجادون باشمی جان فدا سن کیمی هم قاریه هم قرآنه اوقدر آغلامشام یولدا سسیم چخمور حسین سن گیدنن یانیرام (حسین سنن صورا نلر گورموشم، حسین جان خیمه لرین یانماسین من گورموشم، حسین بالالارن اوتدا قالماسین من گورموشم) حسین بیزیم قیامتیمیز خیمه لر یاناندیدی اوقدر آغلامشام یولدا سسیم چخمور حسین سن گیدنن یانیرام دلده غم هجرانه نیلییم چاتمور الیم قانلی دوداقونان اوپم 👇👇

من زینبم او کوفه ده یاندیردیلار منی بی عاطفه جماعت،اوتاندیردیلار منی بیر شهریده کی،گورمدی هیچ قونشی قدّیمی کوچه به کوچه اوردا،دولاندیدیلار منی.