رحم ایدون بو طفله ای گروه عدوان گورموسوزالیمده اودلانور سوسوزدان بیرساری کوله بنزر دگسه خاراولار پرپر صودامربالام وای 🍂🍁🍂🍁🍂🍁🍂🍁🍂🍁🍂🍁

بیچن حلقینی پیکان یارالی بالام ای وای زبانحال حضرت رباب (س) به علی اصغر(ع) . #سبک_علی_جان_بالا_لبیک مشابه  . مرحوم تائب تبریزی . بیچن حلقینی پیکان یارالی بالام ای وای ایچن سو یرینه قان یارالی بالام ای وای یارالی بالام ای وای بلالی بالام ای وای . . بیچوب تشنه بوغازون سولی ناوک پیکان ائدوب قرمیزی قانون سوسوز لبلرون الوان آنان اولسون او قانه باتان لبلره قربان ائدن باغریمی آلقان ، ملالی بالام ای وای . . یانوردون سوسوزوندان سن ای غنچۀ نازیم ئولوردون شه الینده اولان وقتیده عازم سوسوز حلقیوه ویرماق سولی تیر نه لازم بو ظلم اولمیوب عالم اولالی بالام ای وای . . باخاندا سنه قلبیم یانار نسکلیم آرتار اُپوبدور بوغازوندان ایله تیر جفا کار آنان اُپماقا قالموب بوغازوندا بیر آثار یارالی بالام ای وای ، بلالی بالام ای وای . . علی اوچ گیجه گوندوز صودوم اولمادی یاندون سوسوزدان ایله یاندون داخی جانه دایاندون ال اوسته گیدوب آخر سوسوز قانه بویاندون ئولن دلده سو فکر و خیالی بالام ای وای . . او غنچیدون علی جان منیم گول بوداقیمدا یاتاردون بوداقیمدا دوداقون دوداقیمدا قالوبدور بالا ایندی یرون بوش قوجاقیمدا دوشن ئوز آناسیندان آرالی بالام ای وای . . دیردیم علی اصغر آز آغلا منی داغلا ولی طالبَم ایندی دور آغلا بالام آغلا آنان گوز یاشینی گور ، یوزه گوز یاشی باغلا ائدن آغلار آناسین عزالی بالام ای وای . . سنون تک علی بیر گول گلستان ده سولماز قیزل قانیله صاحب گلین دامنی دولماز منیم تک تهِ دلدن یانان بلبلی اولماز قالان بلبلی شور و نوالی بالام ای وای . . بالاسی ئولن آهو نئجه کیم مَلَر آغلار یوزه گوز یاشی گوزدن سیزیلدار اَلَر آغلار آنان ایله سیزیلدار نوایه گَلَر آغلار اولان چینِ شریعت غَزالی بالام ای وای . . سنون تک بوغازوندان علی اوخلانان اولماز یانار حالیوه چوخلار منیم تک یانان اولماز هامی گوز سنه آغلار وی ئوز آنان اولماز ئولونجه اولاجاقدور مقالی بالام ای وای . . گیدنده گُل نازیم پریشانیدی حالون سارالموشدی سوسوزدان گوزل عارض آلون گلنده تاپوپ امّا صفا رنگ جمالون اولان قانیله گلگون جمالی بالام ای وای . . اویان گور نئجه تیرِ بلایه سِپَرم من باشون اوسته گوزومدن یوزه سو سَپَرَم من حیا اولماسا مانع یوزوندن اوپرم من بی بوندن اوتانور بو حیالی بالام ای وای . . علی باشدان ایاقه قیزیل قانه باتوبسان سالوب قرمیزی اَنّوک هامی کامه چاتوبسان یتوب عین مرامه آنان گوزدن آتوبسان آتان گوزدن آناسین بلالی بالام ای وای . . دیردیم اولی بیر گون علی سن دیل آچارسان او غنچه دوداقیله گولرسن گُل آچارسان دوتوب بلکه ایاق بیر قباقیمده قاچارسان ایاق دوتماقا حسرت یارالی بالام ای وای . . سراغ ائتدون علی جان ئوزون بزم وصالی گئیوب قیرمیزی گیتدون همین بزمه یارالی آنان قالدی ئولونجه گونی باشی قرالی آناسی گونی باشی قرالی بالام ای وای . . صودوم اولمادی آجلیق توان قویمادی سنده دئدیم صودامریم یات گمان یوخ صوده منده بو قلبیم یاناجاقدور اوشاقلار صود اَمنده سالان سینمه آتش او حالی بالام ای وای . . عجب نوحه ده ((تائب)) گوزل شرح و بیان وار الون ساخلا اگر چه سوزونده جریان وار دئ شاه بیتی دوباره که بو جمله ده جان وار بیچن حلقینی پیکان ، یارالی بالام ای وای . 🥀🍁🥀🍁🥀🍁🥀🍁🥀🍁🥀🍁

بیچن حلقینی پیکان یارالی بالام ای وای ایچن سو یرینه قان یارالی بالام ای وای یارالی بالام ای وای بلالی بالام ای وای 🥀🍁🥀🍁🥀🍁🥀🍁🥀🍁🥀🍁

یانار اودلارا سالوبدور منی اهل شام الهی زبانحال حضرت اباعبدالله الحسین (ع) در شهادت حضرت علی اصغر (ع) . #سبک_سو_یوخومدی_قزلاروندان … 5 سبک مشابه  . مرحو م حسینی سعدی زمان . یانار اودلارا سالوبدور منی اهل شام الهی سو سوز اوخلانوب الیمده سود امر بالام الهی . نجه تاب ایدر آناسی گوره اوخلانوب بالاسی یری وار فغانی عرشه اوجالا مدام الهی . . آلوشوردی تشنه لیقدان دوتوب اود الولانوردی هم آناسی هم حرملر گوروب حالین اودلانوردی چابالوردی اللریمده جگری ز بس یانوردی ایلیوب خدنگ سیراب یاتوب اولدی رام الهی . . یری واردی نالم عرشه بوگون ای خدا اوجالسون شرر فغان و آهیم فلکه شراره سالسون داغیلوب ائلیم کیمیم وار بالامی الیمدن آلسون ستمیله آل هاشم قیریلوب تمام الهی . . آناسیندان ایندی آلدیم بونی بیر دیلیله یارب نجه قیتریم من ایلوم اونا ایندی کشف مطلب بیچیلوب بوغازی قانی بدنین ایدوب مخضب آناسین ملر قویوبدور سپه ظلام الهی . . منی یاندیرور بلورسن بالامین بو اوخ یاراسی گئده بلمورم خیامه که گلور نوا صداسی بالاسین بو نوع گورسه ئوزین ئولدورر آناسی بیر آنا مگر بو ظلمه گتورر دوام الهی . . من امامم عالمینه بولور اهل کینه یکسر عجب احترام ایدولر منه بو گروه کافر گهی آد قویولا یاغی گهی خارجی دیولر منه هتک حرمت ایلور سپه لئام الهی . . بو فراتی ایلمیشدون سن الهی مهر آنامه ولی ویرمه دی بو لشکر بیر ایچیم منیم بالامه صف حشریده دوران گون هامی صف بصف نظامه اوزون آل بو اشقیادن او گون انتقام الهی . . بو قدر جفا روادور اولا بو غریب زاره هامی یار و جان نثاری دوشه یرده پاره پاره بویانا ستمله قانه الی استه شیر خواره ایده لر بنی امیه اونی تلخکام الهی . . غم روزگار ایدوبدور منی ای خدا دل افکار نه انیس وار نه مونس نه من حزینه غمخوار نسباً « حسینیم » من هم حسینوه عزادار بو حسیندن ال گوتورمم نقدر وارام الهی 🌾🥀🌾🥀🌾🥀🌾🥀🌾🥀🌾🥀🌾

یاناراودلارا سالوبدورمنی اهل شام الهی سو سوز اوخلانوب الیمده سود امربالام الهی 🌾🥀🌾🥀🌾🥀🌾🥀🌾🥀🌾🥀

زینب کیمی بانوی سزاوار اولا بولمز🌾🍁🌾🍁🌾🍁🌾🍁🌾🍁🌾 ورود اهلبیت به شهر کوفه . مرحوم انور اردبیلی . زینب کیمی بانوی سزاوار اولا بولمز عالمده ائله عاشق و دلدار اولا بولمز . کُفّین کریمینه جگربندیدی زینب هم رتبه بو مولودیله دیّار اولا بولمز . خلقتده آتا چوخدی آنا چوخدی ولیکن نه فاطمه نه حیدر کرّار اولا بولمز . بیر قیز اسداللّهدن اولا صود وئره زهرا اوصاف پسندیده سی انکار اولا بولمز . طاعتده عبادتده نظیری گله حاشا نه بیرکس ائله محرم اسرار اولا بولمز . سودای شهادتده شریک اولدی حسینه ایثاری اونون عقلیله معیار اولا بولمز . تاپشوردی اُموراتی حسین زینبه بولدی زینب کیمی اهل حرمه یار اولا بولمز . مندنصورا دینون چراغین سن دئدی یاندیر اسلام ائوی روشندی باجی تار اولا بولمز . آل چگنوه اسلام علمین یاخشی دولاندیر دشمن دئمسون زینب علمدار اولا بولمز . سنسن کمکی هم اُسرا هم شهدانون غم لشگرینه سن کیمی غمخوار اولا بولمز . شخصیّتوی کوفه ده گئت خلقه بولوندور بولسونله که اولاد علی خوار اولا بولمز . خیممده قالانلار سنون اُمّیدیوه قالدی سن دادرس اُول ئوزگه پرستار اولا بولمز . ای حجّت حق یابن الحسن ایله توجّه یوخسا قلمیم ناظم اشعار اولا بولمز . عمّه ن نه چکوب کوفه ده سن یاخشی بولورسن هئچ کیم بیبیوه سن تک عزادار اولا بولمز . مینمیشدی سینیق محمیلون اوسته خانم عمّه ن عبّاسی ئولوب آیری جلودار اولا بولمز . عنقا کیمی ناچار اوتوروب تنگ قفسده واضحدی اسیرون یری جادار اولا بولمز . بیر قاره لچک باشدا رقیّه قوجاقیندا قلبینده اولان محنتی اظهار اولا بولمز . گه شهره باخور گاهی سالور باشین اَشاقه خاموش اورکده اودی زینهار اولا بولمز . دلتنگیدی چوخ قارداشینون آیریلیقیندان دلبر گئده راحت بلی دلدار اولا بولمز . گمگشته سینون فکرین ائدور لحظه بلحظه معشوق گئده عاشقده خوش افکار اولا بولمز . تز تز دیور الله بس حسین هاردا قالوبدور اونسوز باجیسی داخل بازار اولا بولمز . هر صحنه ده عهد ایلمشوق باهم اولاق بیز زینب بو یولی تک باشا سیّار اولار بولمز . آی تک بیر اوجا نی ده حسین گلدی قباقه تشبیهیدی آیدا ائله رخسار اولا بولمز . داود بنی هاشم اوخور آیه قرآن داودیده بو لحنیله گفتار اولا بولمز . افسوس اولا بیرداش دگوب نطقی کسیلدی قانلی باشا بوندان بیوک آزار اولا بولمز . باشیندن آخوب قان یارالی آغزینا دولدی هئچ بیر یارالی بیله گرفتار اولا بولمز . دلدن او باشی سالدیلا زینب دیله گلدی ناچاریدی دینسون نئجه ناچار اولا بولمز . سسلندی حسینیم باشوی پارچالیان داش بیر درده منی سالدی دوا وار اولا بولمز . سن دایره عشقیده بیر نقطه پرگار بو دایریه من کیمی پرگار اولا بولمز . مقتلده مینن وقته سینیق محمله قارداش بولدوم که اسارت یولی هموار اولا بولمز . بولدوم ووراجاق دل یاراسی کوفه نین اهلی بولدوم که تیکانلوق بیزه گلزار اولا بولمز . امّا بونی فکر ائتمه میشیدوم آنام اوغلی یعنی بئله بیر صحنۀ دشوار اولا بولمز . قرآن اوخیان باشه هایاندا داش آتوبلار بی عار جماعتده حسین عار اولا بولمز . ای سوزلری الله سوزی ترپتمه دوداقون الله سوزونه بوردا خریدار اولا بولمز . ایوای باجوون بختینه اقبالینه قارداش داش پارچالیان باشیوه زوّار اولا بولمز . کول باشیمه باشدان باشیوا اوخشاماسام من باجی نئجه قارداشینه اوخشار اولا بولمز . یاردی باشینی بولمدی امّا نئجه یاردی عشق اهلی اولا کیم بلی هوشیار اولا بولمز . بو مسئله نون حلّینی سن ایستمه مندن عشق اهلی بولر ئوزگه خبردار اولا بولمز . ایثار ائلدی قانینی معشوقینه عاشق عشق عالمی قاندان گوزل ایثار اولا بولمز . باشی یارالی بزم عُبیداللّهه گلدی تاریخیده بو منظره تکرار اولا بولمز . هرزیدی زیاداوغلی زبس هرزه دانیشدی هرزه دانیشان جالب انظار اولا بولمز . نادانیدی فکر ایلمدی قاف سُخنده عنقایه طرف کرکس مردار اولا بولمز . زینب دیله گلدی اُسرانین وسطیندن سن تک دئدی نامرد و ستمکار اولا بولمز . میخواره امیروندی سنون وار نه فضیلت میخواره فقط مست اولی بیدار اولا بولمز . مرجانه نون اوغلی کیمه توهین ائلیورسن خلقتده حسین تک گل بی خار اولا بولمز . بدکاره آنون هاردا وئروبدور سنه دوز صود چون دوز صوداَمن عامل کشتار اولا بولمز . آلدون قیزیلی تشنه لب ئولدوردون حسینی مردون شرفی درهم و دینار اولا بولمز . سن آیه تطهیری بوگون ردّ ائلیورسن الله سوزی بازیچه اشرار اولا بولمز . قتالیدی نسل اُموی نسل سُمیه سرسفره اسلامیده سربار اولا بولمز . اعلان ائدورم بوردا حسینون طرفیندن هر بی سر و پا ملّته سردار اولا بولمز . تا واردی جهان سلطنت حقّ بیزیمدور ناحق دانیشانلار بیزه انصار اولا بولمز . تعلیموی اَلدن یره قوی ورما حسینی بو ظلمه رضا احمد مختار اولا بولمز . قیزلار اوزون ئولدوردی ئوزوندن نه چیخوبسان ظالم یارالی باشیله پیکار اولا بولمز . سن وئر او

باشی بیر به بیر اهل حرم ئوپسون ئوپسه بالالار دیده سی خونبار اولا بولمز . اوچ گوندی که بیز تشنۀ دیار حسینوق هجر اهلی نئجه طالب دیدار اولا بولمز . بیر عدّه قیزون چون او کسوک باشدی طبیبی بوسه ائلسه قیزلاری بیمار اولا بولمز . منظومۀ «انورده» نکات ادبی وار هر کیمسه بئله صاحب آثار اولا بولمز 🌾🍁🌾🍁🌾🍁🌾🍁🌾🍁🌾🍁🌾

گوردولر سوسوزدان یانار بالام یاندی حالینه لشگر ای باجی زبانحال امام (ع) در شهادت حضرت علی اصغر (ع) . #سبک_ساخلا_ناقه_می_کاروانیدن … 8 سبک . مرحوم ذهنی زاده . گوردولر سوسوزدان یانار بالام یاندی حالینه لشگر ای باجی ویردیلر اجل کاسه سیله سو آغلاماز داخی اصغر ای باجی . . من آلاندا چوخ بیقراریدی بیرده ایتمز افغان گتورموشم چوخ صولوب سارالمیشدی عارضی ایندی گُل تک الوان گتورموشم توکمه گوز یاشین دقّتیله باخ گور نه قانه غلطان گتورموشم صولدی بو سارالمیش گُلوم ولی اولدی لالۀ احمر ای باجی . . بسکه آغلادی ایلدی فغان دوشدی نطقدن بلبلوم منیم غنچه وش خزان اولدی ظلمیله نو بهاریده نو گلُوم منیم گلدی بیر سمومین زوالینه یاندی باغیده سُنبلوم منیم ظلم الیله پامالِ خار اولور لاله زار پیغمبر ای باجی . . دشمنه اثر ایتدی حالی چون سوزِ آهی اود ویردی دللره رحمه گلدیلر قان ایچیدیلر سو یرینه تیریله اصغره آغلیان گوزوندن ایراق باجی اوخ دگن کیمی تشنه حنجره بیله بیچدی نازک بوغازینی گوئیا کسوب خنجر ای باجی . . اوخ گلن زماندا سیزیلدادی دگدی توکدی قانیاش بیر آغلادی هم من آغلادیم آخدی گوز یاشیم هم باخوب منه اصغر آغلادی چوخ مؤثر اولموشدی حالیمز رقّت ایتدی دشمنلر آغلادی اولدولار هم آواز نالمه فرقۀ جفا گستر ای باجی . . من چوخ ایستورم صبر ایدوب دوزم لیک آغلاماق ویرموری امان هانسی جُرمیله صود امر بالام اولدی اشقیا تیرینه نشان من باخا باخا باتدی قانینه ویردی سو کنارینده تشنه جان قالموری او قدری هلاک اولام غصّه دن منِ مضطر ای باجی . . روزگاریده هانسی بیر آتا اوز بالاسینی گوردی من کیمی من کیمی آخار گوز یاشون اگر گورسن اصغری من گورن کیمی یوخلامیشدی اوخلاندی غفلتاً آچدی گوزلرین اوخ دگن کیمی حسرتیله باخدی فراته بیر آخدی سو کیمی گوزلر ای باجی . . دولموشام بولود تک دوتولموشام بسکه یوز ویروب غم بو بیکسه گَل بو قانلی قونداقی مندن آل بیر ویراق بو صحراده سس سسه اوخشا سن بالامی من آغلیوم بلکه آغلاماق غصّه می کسه غم شراری یاندوردی سینه می گوگلوم آغلاماق ایستر ای باجی . . آغلیوب سیزیلداردی اصغریم چوخ ویرردی زحمت آناسینه ایندی ویر خبر آغلاماز داخی نائل اولدی اوز مدّعاسینه آخر اولدی قربانِ راهِ حق جان فدا بیله حق فداسینه ظاهر آدی اصغردی ، باطناً شأن و رتبه ده اکبر ای باجی . . اصغرین بیوکدور مصیبتی ذکر ایدنده دنیانی یاندیرور «ذهنی» شعله لندی شرارِ غم یازما سطحِ دیوانی یاندیرور بیله غمده شاهِ هدی دئدی زینبا بو غم جانی یاندیرور ای شریکِ غم گَل وجودیمه دوشدی غصّه دن اخگر ای باجی 🌾🌾🌾🌾🌾🌾🌾🌾🌾🌾🌾🌾

غنچۀ یاسی شاخه دن ائتدی جدا سه شعبه اوخ 🌴🌴 حالات شهادت شیر خوار کربلا و مذمت حرمله ملعون و آن تیر سه شعبه . محمد وهابزاده(عیّار اردبیلی) . غنچۀ یاسی شاخه دن ائتدی جدا سه شعبه اوخ پیرو اکبر اصغره ائتدی جفا سه شعبه اوخ . یاسمنیله نِشترین رابطه سین دِیون بیلیم گول بَسَر ایدی خالِ تک ائتدی دو تا سه شعبه اوخ . چاتدی نصاب حدّینه آلتی آیین که دولدوروب اولدی حریف حرمله، طفل منا سه شعبه اوخ . تیر حیا، کمان خِجل، حرمله شرم سیز عدو پیچش و تابیدن ائدور گویده نوا سه شعبه اوخ . ئوزدی بوداقیدن گولی دوتدی گلابی باغبان ردّ امانت ایلدی سمت سَما سه شعبه اوخ . منظره خوفناکیدی قلبی سالوب تلاطمه صبر امامته باخون اولدی رضا سه شعبه اوخ . رنگی دونوبدی گوی اولوب قرمزی لخته لخته قان جمع ملائک ائتدیلر لعنِ دَغا سه شعبه اوخ . وار یری دست سرنوشت آغلیا تا قیامته بس نیه یولدا دونمه دی ائتدی خطا سه شعبه اوخ . باخ ولی باغبان دیور حمد اولا حی داوره تیترسه اللریم کوسر دست قضا سه شعبه اوخ . حادثه نی رقم وروب دست جفای چرخِ کین وئردی عبایه بیر تکان محض خدا سه شعبه اوخ . عرض ائدوب اوخلارین ئوزوم طالبی ام نه تک بیرین نیزه سوکنده سینه می سنده جدا سه شعبه اوخ . شهرتی حدّیدن چیخوب صنعتی ائتدی شرمسار اوخ ساتانین جزاسی وار روز جزا سه شعبه اوخ 🌴🌴🌴🌴🌴🌴🌴🌴🌴🌴🌴🌴

جور عدو گتوردی منی جانه آغلارام راه شام زبانحال دختر امام به حضرت زهراء(س) . مرحوم عامل سرابی . جور عدو گتوردی منی جانه آغلارام گلّم بو چولده نی کیمی افغانه آغلارام . ئولدی بابام ، جدّه داغیلدی تفاقیمز اولدوخ اسیر زمرۀ سفیانه آغلارام . شامون یولوندا آج سوسوز و سر برهنه پا بی یار و بی معین یتیمانه آغلارام . بسکه پیاده بول یریدور شمر دون منی جدّه یورولموشام من اسیرانه آغلارام . قوی باشیمی قویوم دیزون اوستونده بلکه بیر راحت اولوم بو جانی پریشانه آغلارام . آچ قولاریمی جدّه بو زنجیریمی گوتور ویرما داخی بو بیکس دورانه آغلارام . باخ تازیانه نون یرینه گور نه ظلم ایدوب شمر و سنان بو دیده سی گریانه آغلارام . بیر بلبلم سولوبدی منیم غنچه ده گلوم باغریم دونوبدی غنچه کیمی قانه آغلارام . هر دم دوتار بو قلبیمی گرد محبتی یتمز الیم او سیر گلستانه آغلارام . شمر ستم شعار وورار قمچی باشیمه هر وقت گورسه من او لب عطشانه آغلارام . آهسته آغلا سنده که شمرون سسی گلور اگلشدی خوف بو دل نالانه آغلارام . تاپسا چوخ اینجیدور منی یوخدور مروّتی بو گوز یاشیمی دوندرور القانه آغلارام . گر حشره دین بو عمریمه فرصت اولا منیم « عامل» تمام شاه شهیدانه آغلارام . 🌹🌹🌹🌹🌹🌹🌹🌹🌹🌹🌹🌹

بیرگون مینوب قطاره،پابوسه طوسه گیتدیم 🌱🍁🌱🍁🍁🌱🍁🌱 ماجرای شفا گرفتن دو خواهر دوقلوی نابینا از امام رضا علیه السلام . کربلایی بهلول حبیبی زنجانی . بیرگون مینوب قطاره،پابوسه طوسه گیتدیم ال سینه ده حرمده،عرض ارادت ائتدیم گزدیم دویونجا،صحنِ،گوهرشادا قییتدیم صحبت ائدوردی خُدّام،نجوالرین اِشیتدیم گوزیاشیم ایله آخدی،من دویمادیم نوادن بیر معجزه ائشیتدیم،اربابیمیز رضادن . . خادم ائدوردی تعریف،اُول وادی کرمده مشغول خدمتییدیم،عشقیله من حرمده گوردوم گلور بیر عاشق،حالِ نوا و غمده گه گنبده باخوردی،گوزلر یاشیل عَلمده دوتموشدی یولدا محکم،بیر خردا قیز الیندن دوشمور آتا،بالانین،ذکر رضا دلیندن . . یورقون آتا امامه،صدقیله عارضییدی دردی اونون یقینا”،اربابه بارزییدی خردا قیزا حرمده،گویا محافظییدی یوخونلاشاندا گوردوم،قیز گوزدن عاجزییدی حالیم ائله پوزولدی،اشکیم اولوبدی جاری ویردیم قدم او حالدا،منده اولارا ساری . . حال تضرّعیلن،گلدی آتا نوایه ائتدی قیزا اشاره،ال قوزادی دعایه معصومه نی او لحظه،ویردی قسم رضایه بو رسمیدی گدانون،امّیدی وار عطایه سسلندی بارالها،سن دردیمه دوا ویر گورمور گوزی بالامین،الله اونا شفا ویر . . آگاهیسن خدایا،هر لحظه قلبیلردن چوخ طعنه لر ائشیتدیم،دنیاده رهگذردن بو خرداجا بالامی،ایله رها خطردن هر دکتره آپاردیم،نور اولمادی بصردن الدن الیم ئوزولدی،اولدوم رضایه مهمان منده پناه گَتدیم، ای شهریار خوبان . . مولا ئوزون گورورسن،هر زائرین نواسین اولدی خضاب یوزده،گوز یاشلان آغ محاسن نذر ایلییوبدی بو قیز،تقدیم ائده طلاسین سن بیل رقیه جانی،ویر بو قیزین شفاسین گل قلبیمی سویوندور،رحم ایله غمگساره فرض ایله بچّه آهو،ایستور کمک دوباره . . بو حالدا یالواروردی،محزون آتا امامه بلکه چاتا حرمده،لطفیله اخذ کامه ایمانی چوخ قوی دی،احسن بیله مرامه ناگه گوزوم ساتاشدی،بیر لحظه ازدحامه قلبیم مکدّریدی،بیردن جلا تاپوبدی سس قوزانوب حرمده،بیر قیز شفا تاپوبدی . . قالدیم امام رضانین،حیرتده سائلیندن شاد اولمادی عَجَبدی،بو لطفون حاصلیندن حالی خراب اولوبدی،اُول۰ حالِ اَوّلیندن آلدیم خبر آتانون،بو سِرّی ئوز دلیندن آلدون شفا مریضن،غرق اولموسان،نوایه دور از ادبدی بو ایش، تعظیم ائله رضایه . . عرض ائتدی گوز یاشیلا،پوزقوندی گرچه حالیم آلدیم شفا،ولیکن؛آرتوب غم و ملالیم وار علّتی بو نوعی،حضرتله قیل و قالیم منزلده ناگراندی،یول گوزلوری عیالیم خوشحال اولوم نجه من؟چون شاهدیم خدادی آیری قیزیمدا واردی، بو درده مبتلادی . . الله ویروب ایکی قیز،دنیاده دلغمیندی روشن دل اولماقیلان،هر ایکّیسی حزیندی بو معجزین بیانی، ائوده منه چتیندی اوخ اولدی بو قضیه،دگدی ئورک دلیندی ای خادم رضا بیل،خاکِ درِ بتولم تز ایلمه قضاوت،علت بودی ملولم . . دوردوم ایاقه ائتدیم،اَوّلده عُذر۰خواهی بلکه اِئدم حضورا”،جبران بو اشتباهی آلدیم اجازه منده،قلبیم ویرور گواهی تا منزله اولارلان،طِیّ ایلییم بو راهی بو نوعیلن او شخصین،کم ایلییم ملالین هر وقت که لازم اولسا،توجیح ائدم عیالین . . با هم گلیردوق آرام،در سایه ی رضاده روحیم اوچور حرمده،گوز گنبد طلاده بیر گوز اولوب گزاره،بیر گوز اولوب نهاد”ه” گاهی گوزوم آتاده،گاهی،گوزوم بالاده پس کوچه لر دولاندیق،چاتدوق ائوه نهایت اطرافِ ائوده گوردوک حلقه ویروب جماعت . . اوردا آتا،بالایه،ائتدیم بونی سفارش آرام اولون آلوم من،بیر مختصر گزارش ذهنیمده ایلییم تا افکاریلن نگارش! آلدیم خبر ندندی؟مردم ائدولّه یورش بیر اهل دل دانیشدی،قلبه صفا ویروبدی عرض ائتدی بیر اوشاقه،مولا شفا ویروبدی . . گیتدوق ائوه نه گوردوک؟اوج ائیلییوب هیاهو اعجاز حقدن عرشه،چاتدی صدای هوهو ذکر آتاسی یاحق،ذکر آناسی یاهو ظلمتدن اولدی آزاد،چون ایکّی بچه آهو چوخ نازیلن دوخواهر،باهم قوجاقلاشیردی هر ایکّیسی گولوردی،دوروبَر آغلاشیردی . . گوردوم آتاسی آغلور،گاهی گیدور ئوزوندن صف باغلییوب جماعت،بو معجزه سوزوندن بوسه ویرور آناسی،ایکّی قیزین گوزوندن باخ اشک شوقه یارب!جاری اولوب یوزوندن شکر ایلوری آناسی،گوزیاشیلن خدایه خوشحال اولوب آتاسی،ال قوزویوب دعایه . . مولا گینه(حبیبی)آهی دونوب فغانه سایَنده دالدالاننام،ناز ایلرم جنانه فخریم بودور جهاندا،گلدیم بو آستانه ویرمه رقیه جانی،بیر عده یه بهانه بیر عده هضم ائدنمور،شهریمده،شاعرم من لطف ایله دفترینده،نوکر آدیمی یاز سن . 🌱🍁🌱🍁🌱🍁🌱🍁🌱🍁🌱🍁🌱